7R01134 Сот-медициналық сараптама в Марат Оспанов атындағы Батыс Қазақстан медицина университеті

Пәндер

• Түрлі сыртқы әсерлерден болатын жарақаттар мен өлім

  Бұл пән бойынша резидент жарақаттың сот – медициналық жіктелісі, жарақаттың пайда болуына әкелетін сыртқы орта факторлары, қару-жарақ, құралдар және зақымдайтын заттар туралы білім алып, жарақаттың тіршілік жағдайында (физикалық, химиялық, биологиялық және психикалық) екендігін нақтылайтын белгілері, зертханалық зерттеу әдістері, жарақаттың морфологиясын сипаттау, әр түрлі жарақат түрлері кезіндегі зақымданудың гистологиялық белгілері, сыртқы орта қысымының өзгерістері және иондаушы сәулелену әсерлерінен болатын зақымдану кезіндегі сот медицинасының мүмкіндіктері, суға кету кезіндегі, биіктен құлау және жазықтықта құлаған кездегі жарақаттарды, әуе жарақаттары кезінде алынатын зақымдарды сипаттау және сараптама жүргізу бойынша практикалық дағдыларын игереді.

  Оқу жылы - 1
  Семестр - 1
  Несиелер - 48
  

• Медицина қызметкерлерінің кәсіптік құқық бұзушылықтары бойынша сот-медициналық сараптама

  Бұл пән бойынша резидент медициналық-әлеуметтік көмек көрсету кезіндегі азаматтардың құқықтары, медицина қызметкерлердің науқастарды диагностикалау, емдеуді және оңалтуды сапасыз жүргізгені, медициналық ақаулардың орын алуы, кәсіби немесе кәсіби-лауазымдық құқық бұзушылықтар жасағаны үшін жауапкершілікке тартылған жағдайларда комиссиялық сот-медициналық сараптама жүргізу және оны ұйымдастыру тәртібі туралы білім алып, медициналық қызметкерлердің кәсіптік құқық бұзушылық жағдайында жүргізілетін комиссиялық сот-медициналық сараптама өндірісінің процессуалдық - әдістемелік негіздері бойынша практикалық дағдыларды игереді.

  Оқу жылы - 1
  Семестр - 1
  Несиелер - 3
  

• Мәйіттің сот-медициналық сараптамасы

  Бұл пән бойынша резидент мәйіттің сот-медициналық сараптамасын әдістемесіне сәйкес ұйымдастыруды, мәйітті оқиға орнын қарау, мәйітті сыртқы және ішкі зерттеуі, зорлық-зомбылықпен және зорлық-зомбылықсыз болған өлім ерекшеліктері, бойынша білім алып, өлім себептерін және уақытын анықтаудың диагностикалық критериелері, ішкі мүшелердің зерттеудің ерекшеліктері, дене жарақаттарын және олардың пайда болу механизмдерін анықтау, мәйіттерде анықталған дене жарақаттарының өлімге байланыстылығын шіріген, мумияланған, бөлшектенген және қаңқаланған мәйітті зерттеудің, эксгумация жүргізу бойынша, ұрық және нәрестелердің сот-медициналық сараптамасы бойынша практикалық дағдыларды игереді.

  Оқу жылы - 1
  Семестр - 1
  Несиелер - 12
  

• Сот-медициналық сараптаманың процессуалдық және ұйымдастыру сұрақтары

  Бұл пән бойынша резидент пәннің мазмұны, оның басқа да құқықтық және медициналық пәндердегі, қылмыстық үдерістердегі алатын орны және ерекшеліктері, Қазақстан Республикасының сот сараптамалары қызметінің құрылымы, сот сараптамалары қызметінде қолданылатын нормативтік құқықтық актілер туралы білім алып, сот сараптамасын тағайындаудың көрсеткіштері, оның түрлері, дәрігер маман және дәрігер – сот-медициналық сарапшылардың құқықтары мен міндеттері және жауапкершіліктері, құзыреттіліктерінің шеңбері, сот-медициналық сараптама ісіндегі құжаттау, сот-медициналық сараптама түрлеріне байланысты тағайындау бойынша дағдыларды игереді.

  Оқу жылы - 1
  Семестр - 1
  Несиелер - 3
  

• Сот медицинасындағы травматологияның таңдаулы сұрақтары

  Бұл пән бойынша резидент жарақаттық аурулар, жарақат кезіндегі ағзаның жалпы өзгерістері – жарақаттық аурулардың морфологиясы және патофизиологиясы, әр түрлі жастық кезеңдерге сәйкес жарақат ағымы мен сүйек тінінің регенерациясының ерекшеліктері туралы білім алып, заманауи сәулелік және инвазивті емес диагностикалық әдістердің, жарақатқа байланысты науқастарды зерттеу әдістері, жарақаттың жазылуы, олардың диагностикасы, клиникасы, емі және асқынулары, сонымен қатар мүгедектікке алып келетін жарақаттар туралы практикалық дағдыларды игереді.

  Оқу жылы - 1
  Семестр - 1
  Несиелер - 4
  

• Сот медицинасындағы нейрохирургияның таңдаулы сұрақтары

  Бұл пән бойынша резидент нейрохирургиядағы топикалық диагноз, нейрохирургиялық науқастарды зерттеу әдістері, нейрохирургиялық операциялардың көрсеткіштері мен нәтижелері, тамырлық нейрохирургия, бас миы, жұлын жарақаттары мен ісіктері, бас миының қабыну және паразитарлық аурулар, омыртқаның остеохондрозы және басқа да дистрофиялық аурулары туралы білім алып, нейрохирургиялық науқастарды диагностикалау және емдеудің, бассүйек - омыртқа жарақаттары мен патологиялары туралы практикалық дағдыларды игереді.

  Оқу жылы - 1
  Семестр - 1
  Несиелер - 4
  

• Биологиялық объектілердің сот-медициналық сараптамасы

  Бұл пән бойынша резидент биологиялық нысандардың сот-медициналық сараптамасының әдістемелік негіздері, шығу тегі биологиялық болып келетін заттай айғақтарды зерттеудің әдістері мен жалпы сұрақтары, адамның тіндері мен бөліністері, сондай-ақ олардың іздері туралы білім алып, дақтарды зерттеу кезіндегі нысанда қанның болуын, оның түрлік ерекшелігін, тобын, жынысын және аймағын анықтаудың зертханалық әдістері туралы, даулы әке (ана) және балаларды ауыстыру кезінде биологиялық нысандарды зерттеу, шаштың түрін және аймақтық шығу тегін, зақымданудың бар-жоғын, сипаты мен қалыптасу тәсілін анықтау, жеке тұлғаны сот-медициналық генетикалық сәйкестендіру және туыстық қатынастарды анықтау бойынша практикалық дағдыларды игереді.

  Оқу жылы - 2
  Семестр - 1
  Несиелер - 14
  

• Гистологиялық объектілердің сот-медициналық сараптамасы

  Бұл пән бойынша резидент адам ағзасы мүшелері мен тіндерінің микроскопиялық құрылымының сот – медициналық сараптамасы (зерттеу) және оны ұйымдастыру, биологиялық тіндерді гистологиялық зерттеулерге алу, сақтау және тасымалдау бойынша білім алып, мүшелер мен тіндердегі патологиялық өзгерістердің болуын анықтайтын диагностикалық критериелер, зақымданулардың тіршілік жағдайында болғанын және ескіру мерзімін анықтау, сондай - ақ қаулыда баяндалған және сарапшы-гистологтың арнайы білімінен тыс болмайтын өзге де мәселелерді шешу үшін жүргізілетін сот-гистологиялық сараптаманы зерттеудің әдістері, гистологиялық препараттарды сипаттаудың алгоритмі бойынша практикалық дағдыларды игереді.

  Оқу жылы - 2
  Семестр - 1
  Несиелер - 14
  

• Сот-медицинасындағы медико-криминалистік және фотографиялық зерттеу әдістері

  Бұл пән бойынша резидент медико – криминалистік сараптама туралы түсінік, әдістемеге сәйкес оны ұйымдастыру және өндірісінің тәртібі, зерттеу нысандары, диагностикалық мүмкіндіктер туралы білім алып, морфологиялық қасиеттері бойынша зақым келтіретін заттарды анықтау, жарақаттаушы заттар мен құралдардың түрлері бойынша биологиялық текті бөлшектердің түсуін сараптау, оқиғаларды қайта құру бойынша сот-медициналық зерттеулер (ситуациялық зерттеулер) кезінде жүргізілетін тергеу немесе сарапшы эксперименттерін жүргізу тәртібі, сүйектер мен сүйек қалдықтарының сот-медициналық сараптамасы, жасын және жынысын анықтау, бас сүйегі бойынша жеке тұлғаны сәйкестендіру бойынша практикалық дағдыларды игереді.

  Оқу жылы - 2
  Семестр - 1
  Несиелер - 14
  

• Тірі тұлғалардың сот-медициналық сараптамасы

  Бұл пән бойынша резидент жәбірленушілердің, күдіктілердің және басқа да тұлғалардың сот-медициналық сараптамасының (куәландырылуының) көрсеткіштері және ұйымдастырылуы, денсаулық жағдайын анықтау, симуляция және диссимуляция, аггравация және дезаггравация, жалған және жасанды ауруларды туғызу, өз-өзіне жарақат келтіру туралы білім алып, денсаулыққа келтірілген зияндылық дәрежесінің диагностикалық критериелерін анықтау, сексуалдық сипаттағы зорлық-зомбылық әрекеттерін анықтайтын белгілер, бұрынғы жүктілік және босанудың диагностикасы, заңсыз түсік болған жағдайдағы сараптама, АИТВ (ВИЧ) инфекциясы немесе жыныстық жолмен берілетін ауруларды жұқтыру жағдайындағы сараптама жүргізудің практикалық дағдыларын игереді.

  Оқу жылы - 2
  Семестр - 1
  Несиелер - 26
  

Оқыту нәтижелері

• Келіп түскен зерттеу нысандарын, іс материалдарын қабылдау мен тексеруге және сараптама нысандарын сақтау және қайтару ережелерін ескере отырып, нысандардың бастапқы белгілері мен қасиеттерін сақтау жөніндегі шараларды қамтамасыз етуге қабілетті.
• Тәуекелдерді бағалауға және қойылған мәселелер бойынша зертханалық және аспаптық сараптамалық зерттеу жүргізу және қорытынды беру үшін қауіпсіздік пен сапаның жоғары деңгейін қамтамасыз ету үшін заманауи неғұрлым тиімді әдістерді пайдалануға қабілетті.
• Сот-сараптамалық зерттеудің барысы мен нәтижелерін көрсететін сарапшының қорытындысын немесе қорытынды берудің мүмкін еместігі туралы хабарламаны ресімдеуге, сот сараптамасын жүргізуге арналған шығыстар сметасын жасауға және байқау өндірісінің материалдарын рәсімдеуге қабілетті.
• Сот-сараптамалық зерттеу әдістемесіне сәйкес зерттеу нәтижелерін түсіндіруге немесе өңдеуге, қорытындыларды қалыптастыруға және зерттеулердің өзіндік емес нәтижелерін бағалауға және деректерді ұсынуға қабілетті.
• Объективті және білікті сот-медициналық қорытындыға қол жеткізу мақсатында, сараптама қызметтерінің, сот, құқық қорғау және басқа да органдардың мамандарымен; денсаулық сақтау саласының қызметкерлерімен тиімді өзара іс-әрекет жасауға қабілетті.
• Медициналық және сараптамалық қызметтердің ғылыми жетістіктерін қолдануға, сот медицинасы саласындағы өзінің кәсіби қызметінде халықаралық мәліметтер базасы мен заманауи ақпараттық-коммуникациялық технологияларды қолдануға қабілетті.
• Ғылыми – зерттеу командасының жұмыстарына белсенді қатысуға, талапқа сай зерттеу гипотезаларын қалыптастыру мен жүзеге асыруға қабілетті.
• Өз бетімен оқуға және команданың басқа мүшелерін кәсіби және жеке тұлғалық оқыту дағдыларына үйретуге, пікірталастарға, конференцияларға, симпозиумдарға, соттарға, полицияға және өз қызметінің барлық кезеңдерінде үздіксіз кәсіби дамудың басқа да нысандарына белсенді қатысуға қабілетті.

Ұқсас БББ