7M01511 Математика в Астана халықаралық университеті

Пәндер

• Халықаралық салыстырмалы зерттеулер жағдайында оқушылардың математикалық білімінің сапасын бағалау

  Пән математиканы оқытудың негізгі идеялары мен әдістері және олардың қоршаған ортамен байланысы туралы түсініктерді дамытудың маңыздылығын түсіндіруге бағытталған. Пәнді оқу барысында магистранттар PISA, TIMSS және тағы басқа халықаралық зерттеулер тапсырмаларының бағыттары анықтау, ғылыми жаратылыстану сауаттылығын бағалауға арналған тапсырмаларды дайындау, оларды жаратылыстанудың әртүрлі бөлімдеріне байланысты күнделікті өмірде талап етілетін білімдерге сай іріктеп қолдануды үйрене алады.

  Оқу жылы - 1
  Семестр - 1
  Несиелер - 5
  

• Басқару психологиясы

  Курстың мақсаты - жаңа ғылыми басқарушылық парадигмсы - ғылыми басқару заманауи тенденциялары туралы түсінікті қалыптастыру. Курс магистранттарды шетелдік және отандық басқару ғылымының даму тарихымен, оның психологиялық білім жүйесіндегі орнымен, басшының жеке басқару концепциясымен, басқарушылық қарым-қатынастың теориялық негіздерімен, негізгі басқару функцияларын жүзеге асырудың психологиялық ерекшеліктерімен, басқару қызметін ұйымдастыру мәселелері мен жетекшінің басқару функцияларымен таныстырады.

  Оқу жылы - 1
  Семестр - 1
  Несиелер - 3
  

• Математикалық талдаудың негізгі сұрақтары

  Пән математикалық талдаудың негізгі іргелі ұғымдарын, бір және бірнеше нақты айнымалылар функциясының дифференциалдық, интегралдық есептеу әдістерін және қатарларды жинақталыққа зерттеуге бағытталған. Пәнді оқу барысында магистранттар келесі аспектілерді зерттейді: функциясының шегін, үздіксіздігін, дифференциалдық және интегралдық есептеудің негізгі теоремаларын, туындыны пайдалана отырып, функция графигін зерттеу және құруды, функцияны Тейлор қатарына жіктеуді, сандық, дәрежелік және функционалдық қатарлардың жинақталуының қажетті және жеткілікті шарттарын біліп, оларды жинақтылыққа зерттеуді үйренеді.

  Оқу жылы - 1
  Семестр - 1
  Несиелер - 5
  

• Математиканы оқыту теориясы мен әдістемесі бойынша зерттеу әдістемесі

  Пән білім беру жүйесінің әлемдік білім беру кеңістігіне интеграциялануы, үздіксіз білім берудің маңыздылығы, инновациялық технологиялардың өзара байланыс сияқты қазіргі қоғамның жаһандану контекстіндегі білім берудің негізгі тенденцияларын қарастырады. Пәнді оқу барысында магистранттар отандық және шетелдік педагогикадағы жобалық оқыту идеяны дамытудың мақсаттарын және оны математикада қолданудың әдістерін қарастырып оның тәжірибеде қолдану арқылы зерттеудің жаңа әдістерін игеруді үйрене алады.

  Оқу жылы - 1
  Семестр - 1
  Несиелер - 5
  

• Шет тілі (кәсіби)

  Курстың мақсаты - магистранттың шет тілін меңгеруінің алдыңғы білім беру сатысында (бакалавриат) қол жеткізген бастапқы деңгейін арттыру және кәсіби қарым-қатынас жасауға қажетті тілдік және коммуникативтік құзыреттілігін одан әрі дамыту. Курс тұрмыстық, әлеуметтік-мәдени және кәсіби салаларда қарым-қатынас жасау үшін жеткілікті тілдік және коммуникативтік құзыреттерді қалыптастырады, ақпараттық мәдениетті дамытады, ой-өрісін кеңейтеді және жалпы мәдениетті арттырады, әртүрлі елдер мен халықтардың рухани құндылықтарына төзімділік пен құрметке тәрбиелейді.

  Оқу жылы - 1
  Семестр - 1
  Несиелер - 3
  

• Ғылым тарихы мен философиясы

  Пәннің мақсаты-ғылыми зерттеудің негізгі стратегияларын және ғылыми білімді қалыптастырудың тарихи негіздерін түсіндіру. Пән магистрантқа ғылым мен ғылыми білімнің пайда болуы және дамуы туралы тұтас түсінікті тарихи-мәдени контекст негізінде береді. Қарастырылатын тақырыптар: ғылым философиясы және ғылым тарихы, ғылымның дүниетанымдық контексттері, ғылымның эпистемологиялық проблемалары, ғылыми танымның аксиологиясы және праксиологиясы, жеке ғылымдардың философиясы және тарихы.

  Оқу жылы - 1
  Семестр - 1
  Несиелер - 3
  

• Ғылыми зерттеулерді жоспарлау мен ұйымдастыру

  Пәннің мақсаты – магистранттарға ғылыми зерттеулер мен инновациялық қызметті жоспарлау, ұйымдастыру және басқару саласындағы негізгі ұғымдар мен анықтамалар беру және оларды жүзеге асыру бойынша тәжірибелік дағдыларды үйрету. Негізгі қарастырылатын тақырыптар: ғылым түсінігі, оның әлемдегі рөлі; ғылыми зерттеулердің мәні мен ұйымдастырылуы, олардың түрлері; ЖОО-да ҒЗЖ ұйымдастыру; ғылыми зерттеу тақырыбын негіздеу критерийлері, ақпарат көздерінің түрлері, ғылыми-зерттеу жұмысының құрылымы, ғылыми ізденістің Мазмұны, теориялық және эксперименттік ғылыми зерттеуді ұйымдастыру, ғылыми зерттеу нәтижелерін рәсімдеу.

  Оқу жылы - 1
  Семестр - 1
  Несиелер - 6
  

• Күрделілігі жоғары математиканы шешу бойынша семинар

  Пән күрделілігі жоғары математикалық есептер бойынша практикум болып табылады. Пән мазмұны магистранттардың бакалавр деңгейінде алған теориялық білімдерін практикалық есептерді шешуге машықтандырады. Оқыту барысында магистранттар дифференциалдық теңдеулер теориясының сапалық әдістерімен танысып, механикалық жүйенің динамикалық моделі мен талдауын жасап үйренеді. Қатаң математикалық дәлелдеулерден тұратын негізгі тұжырымдарға көрнекті мысалдар құрастырып, оларды сандық әдістермен салыстырмалы талдау арқылы тексеруді меңгереді.

  Оқу жылы - 1
  Семестр - 2
  Несиелер - 5
  

• Білім беру мен оқу мәселелерін ақпараттандыру

  Бұл пән магистранттар арасында білім беруді ақпараттандыру туралы негізгі тұжырымдамаларды әзірлеуге бағытталған; оқытудың негізгі мәселелерін анықтау; әртүрлі оқыту мәселелерінің оңтайлы шешімдерін табу. Курс аясында магистранттар ақпараттық білім беру ортасында жүйелі жұмыс жасауды, математиканы оқытуда ақпараттық технологияларды қолдануды, кәсіби қызмет саласында қолдануды үйренеді.

  Оқу жылы - 1
  Семестр - 2
  Несиелер - 5
  

• Алгебра, геометрия және логиканың негізгі сұрақтары

  Пән алгебра, геометрия және логиканың негізгі мәліметтерін меңгеруге қатысты ғылыми зерттеу принциптерін түсіне отырып қазіргі алгебра, геометрия және логиканың негізгі құрылымдары мен технологияларын меңгертуге бағытталған. Пәнді оқу барысында магистранттар теориялық және практикалық есептерді шешуге қажетті математикалық аппараттың негіздерімен танысып, алгебра, геометрия және логиканың қосымшалары мен қолданбалы мәселелерін зерттеу дағдыларын қалыптастырып және осы бағыттағы есептерді математикалық тілге аудара алады.

  Оқу жылы - 1
  Семестр - 2
  Несиелер - 6
  

• Білім берудегі дәстүрлі және ақпараттық технологиялардың байланысы

  Бұл пән магистранттар арасында қазіргі заманғы оқыту технологиялары, оқыту технологияларының классификациясы және математика сабақтарында ақпараттық және дәстүрлі оқыту технологияларын пайдалану туралы негізгі түсініктерді қалыптастыруға; оқытудың негізгі мәселелерін анықтау және математиканы оқытудағы әртүрлі есептердің оңтайлы шешімдерін табуға бағытталған. Курс шеңберінде магистранттар мектептегі математика курсын оқыту кезінде заманауи оқыту технологияларын, оның ішінде ақпараттық технологияларды қолдану ерекшеліктерімен танысады.

  Оқу жылы - 1
  Семестр - 2
  Несиелер - 5
  

• Жоғарғы мектеп педагогикасы

  Курстың мақсаты-магистранттарға педагогика мен педагогикалық шеберліктің теориялық негіздері, жоғары мектепте оқу-тәрбие үрдісін басқару туралы білім беру. Негізгі оқытылатын тақырыптар: жоғары мектеп педагогикасының теориялық-әдіснамалық негіздері, педагогикалық білім беруді дамытудың жалпы методологиялық принциптері мен басым стратегиялары, оқу-тәрбие үрдісінің дәстүрлі және инновациялық технологиялары және жоғары мектеп студенттерінің ғылыми-зерттеу жұмыстарын ұйымдастыру әдістемесі, педагогикалық шеберлікті жетілдіру және студенттердің кәсіби-тұлғалық өзін-өзі дамуын ұйымдастыру.

  Оқу жылы - 1
  Семестр - 2
  Несиелер - 3
  

• Білім берудегі басқару технологиялары

  Пәннің мақсаты – білім берудегі ұйымды басқару технологиясы туралы білім жүйесін қалыптастыру. Бұл курс білім берудегі ұйымды басқарудың мәні, басқару қызметінің технологиялары мен модельдері туралы білімді өзектендіреді, тереңдеті және жүйелейді; басқару шешімдерін қабылдау технологияларын қолдану білігін және білім беруде әртүрлі деңгейдегі ұйымды басқару технологияларын қолдану дағдыларын қалыптастырады.

  Оқу жылы - 1
  Семестр - 2
  Несиелер - 6
  

• Білім берудегі сапа менеджменті

  Курстың мақсаты: барлық деңгейде білім сапасын басқарудың теориялық білімдерін, зерттеушілік және практикалық дағдыларын қалыптастыру, сапа менеджменті жүйесін, негізгі элементтерін, даму перспективаларын және сапа менеджменті жүйесін жақсартуды түсіну, сапа менеджменті жүйесін әзірлеу және енгізу. Осы курсты оқу нәтижесінде білім алушылар білім беру сапасын басқару тұжырымдамасын, сапаны басқарудың кешенді жүйесін құру қағидаттарын, халықаралық рейтингтер мәнмәтініндегі Қазақстанның білім беру жүйесін, білім беру сапасын халықаралық салғастырмалы зерттеулерді (TIMSS, PISA, PIRLS, ICILS, PIAAC, TALIS), білім беру сапасын бағалаудың ұлттық жүйесін, оның құрылымын, тиімділігін, халықаралық тәжірибені білетін болады халықаралық сапа стандарттарына (БҰҰ, ЮНЕСКО, ЭЫДҰ, ЮНИСЕФ, ДБ, ЕО және т.б.) қол жеткізуді жоспарлау.

  Оқу жылы - 1
  Семестр - 2
  Несиелер - 6
  

• Оқушыларды олимпиада есептерін шығаруға дайындау әдістемесі

  Пән халықарылық математикалық олимпиадаларға дайындауға бағытталған. Пән магистранттарды халықаралық олимпиадаларда қарастырылатын негізгі тақырыптар, жарық көрген дайындық кітаптар, әдістері және кеңінен қолданылатын тұжырымдармен таныстырады. Оқыту барысында магистранттар олимпиада есептерінің құрылымына, шығарылу жолына талдау жасап үйренеді. Дәлелденген негізгі тұжырымдарға көрнекті мысалдар құрастыруды, салдарлар жазуды меңгереді. Оқушыларды бағалау жүйесінің негізгі талаптары таныстырылады.

  Оқу жылы - 1
  Семестр - 2
  Несиелер - 5
  

• Математика мен білім берудегі жобалық әрекеттер технологиясы

  Бұл пән жобалық әдіс, оны білім беруде қолдану мүмкіндіктері туралы теориялық идеяларды дамытуға және оны «Математика» пәні бойынша оқыту іс-әрекетінде дамыту мен қолдануда практикалық дағдыларды қалыптастыруға бағытталған. Курс математика-математикалық білім беру саласындағы ғылыми-зерттеу және білім беру жобаларына өтінімдерді дайындау ерекшеліктері туралы білімді қалыптастыруды қамтиды; математика бойынша оқушылардың жобалық іс-әрекетін ұйымдастыруға және математиканы оқу кезінде оқушылардың жобалық іс-әрекет тәжірибесін дамытуға бағытталған.

  Оқу жылы - 2
  Семестр - 1
  Несиелер - 5
  

• Әр түрлі бейінді оқу орындарында математиканы оқыту әдістемесі

  Бұл пән білім беру стандартының талаптарына сәйкес математикадан білім беру бағдарламаларын жүзеге асыруға дайындықты дамытуға бағытталған; математика сабақтарында оқыту мен диагностикалаудың заманауи әдістері мен технологияларын қолдана білу; оқу және сыныптан тыс жұмыстарда оқушыларды тәрбиелеу және рухани-адамгершілік дамыту мәселелерін шешу; оқушыларды әлеуметтенуіне және кәсіби өзін-өзі анықтауына педагогикалық қолдау көрсету бағыталған.

  Оқу жылы - 2
  Семестр - 1
  Несиелер - 6
  

• Стеореометрия есептерін шешудің әдістері мен тәсілдері

  Пән стереометрия бойынша қиындатылған математикалық есептерді шешуде математикалық білік пен дағдыларды сапалы өңдеуді кеңейтуге бағытталған. Пәнді оқу барысында магистранттар стеореметрия есептерін шешудің негізгі әдістерімен танысады және меңгереді. Және оларды әртүрлі практикалық есептерді шешу үшін қолдануды үйренеді. Сонымен қатар, пәнді оқу барысында стереометрияның стандартты емес есептерін шығару техникасын меңгеруді дамытады.

  Оқу жылы - 2
  Семестр - 1
  Несиелер - 6
  

• Математиканы оқыту және оқу теориялары

  Бұл курс мектеп пен университет математикасын оқытуға қатысты мәселелерді, тенденцияларды және зерттеулерді қарастырады. Бастауыш және/немесе орта және/немесе университеттік математиканы оқытудағы мәселелерге, тенденцияларға және тарихи оқиғаларға оқу жоспары мен әдістеме бағыттарына баса назар аударыла отырып сыни талдау жүргізіледі. Мұнда математикалық білім беруді зерттеудің әдістері мен құралдары және математиканы оқу мен оқытудағы бағдарламаны бағалау беріледі. Нақты тақырыптарға мыналар кіреді: сабақтағы технология, математикалық есептерді шығару және математиканы оқытуда қолданбалы құралдарды пайдалану.

  Оқу жылы - 2
  Семестр - 1
  Несиелер - 4
  

• Ықтималдықтар теориясы мен математикалық статистиканы оқыту әдістемесі

  Пән жаратылыстану және әлеуметтік объектілердің деректерін талдау және интерпретациялау мәселелерін шешуге арналған ықтималдықтар теориясы мен математикалық статистика әдістерін оқытуға арналған. Пәнді оқудың нәтижесінде магистранттар кездейсоқ шамалардың сандық сипаттамаларына қатысты есептеулер жүргізіп, оның қосындысын таба алатын болады. Оқыту процесінде магистранттар құбылыстардың статистикалық модельдерін құра білуді және өлшеуді эксперименттерінің нәтижелері бойынша оларды зерттеуді, статистикалық қорытындылар жасауды үйренеді және оңтайлы статистикалық шешімдерді қабылдау әдістерін, белгісіз үлестірім заңдылықтарын статистикалық бағалауды және эксперименттік мәліметтерді талдау және интерпретациялау мәселелерін шешу үшін математикалық статистиканың заманауи әдістерін қолдану дағдыларын меңгереді.

  Оқу жылы - 2
  Семестр - 1
  Несиелер - 5
  

• Планиметрия есептерін шығарудың әдістері мен тәсілдері

  Пән жазықтықтағы геометриялық фигуралардың қасиеттерін жүйелі зерттеу мен жазықтық түсініктерін жетілдіре отырып, геометрия бойынша пәнаралық байланысты дамыту арқылы қиындатылған есеп шығаруды үйреніп, оны қолданып және дамытуға бағытталған. Пәнді оқыту процесінде магистранттар планиметриялық сызбаны талдау тәсілдерімен танысады және меңгереді, сонымен қатар есепті шешу әдісін өз бетінше таңдауды (геометриялық, есептерді шығарудың тірек әдісі, векторлық әдіс) және планиметриялық есептерді шешуде дағдыларды қалыптастыруды дамытады.

  Оқу жылы - 2
  Семестр - 1
  Несиелер - 6
  

• Математиканы оқытуды дамытудың дидактикалық және әдістемелік негіздері

  Пән математикалық ұғымдардың берілу тәсілдері, оған қойылатын дидактикалық-педагогикалық талаптарды білу, оны кәсіби қызметінің негізгі түрлерін жүзеге асыруда болатын тұлғалық және зияткерлік сапаларын дамытуға бағытталады. Пәнді оқу барысында магистранттар математиканы дамыта оқытудағы туындайтын әдістерін, мазмұнын, оқыту құралдары мен формаларын іріктеудегі ғылыми түсініктерді қалыптастыруға тиісті оқытудың әдістемелік жүйесінің негізгі компененттерін оқып үйрене алады.

  Оқу жылы - 2
  Семестр - 1
  Несиелер - 6
  

Профессии

Оқыту нәтижелері

• Әр түрлі білім беру мекемелерінде білім беру процесін ұйымдастыру мен жүзеге асырудың қазіргі заманғы әдістері мен технологияларын қолданады; білім сапасын бақылаудың формалары мен әдістерін, сондай-ақ бақылау-өлшеу материалдарының әр түрлі түрлерін, соның ішінде ақпараттық технологиялар негізінде және шетелдік тәжірибені қолдану негізінде жобалайды.
• Қызметтің ғылыми, өндірістік және әлеуметтік қоғамдық салаларында шет тілінде белсенді қарым-қатынас жасау қабілетін қалыптастырады.
• Математикалық талдаудың, алгебра, геометрия және логиканың әр түрлі есептерін шешу үшін қазіргі математикалық аппаратты қолдану дағдыларын меңгерген; ғылыми зерттеу процесінде алгебра, геометрия және логиканың қазіргі заманғы әдістерін қолдана біледі; іргелі талдаудың, математикалық талдаудың, нақты талдаудың, кешенді талдаудың және функционалдық талдаудың негізгі ұғымдарын біледі. Алгебраның классикалық объектілерін және сандар теориясын зерттеу мысалында изоморфизмге дейін дәлдікпен алгебралық объектілермен операция жасау дағдылары мен біліктерін өңдеу. Қазіргі алгебра, геометрия және математикалық талдаудың базалық құрылымдары мен технологияларын игеру.
• Кәсіби және басқарушылық құзыреттер кешенін қалыптастыру, сондай-ақ тиімді ойлау және оңтайлы шешімдер қабылдау дағдыларына үйрету, қазіргі заманғы білім беру ұйымының қызметінің жоғары тиімділігін және білім сапасын қамтамасыз ететін басқару моделін анықтайды және ғылыми негіздейді.
• Комбинаториканың негізгі бөлімдерінің мазмұнын және ықтималдылық теориясын біледі; қолданбалы есептерді шешу кезінде комбинаторика мен ықтималдық теориясымен ұсынылатын мүмкіндіктерді біледі; нақты процестер мен құбылыстардың ықтималдық модельдерін құра біледі; әртүрлі зерттеу салаларында комбинаторика және ықтималдық теориясының аппаратын қолданады; оқушыларды деректерді талдауға оқыту әдістерін, ықтималдық есептерді формализациялау дағдыларын біледі; Пәндік білім саласының кәсіби тілін (комбинаторика және ықтималдық теориясы) біледі.
• Ғылыми зерттеудің мәселелерін, міндеттері мен әдістерін тұжырымдайды, бақылау, тәжірибе, эмпирикалық деректерді ғылыми талдау негізінде жаңа шынайы фактілерді алады, ғылыми еңбектерге реферат жасайды, әлемдік ғылым мен өндірістік қызметте жинақталған мәліметтердің аналитикалық шолуларын жасайды, алынған нәтижелерді қорытады, қорытындылар мен практикалық ұсыныстар жасайды.
• Оқушылар ұжымын басқарудың әртүрлі тәсілдерін; ғылыми – зерттеу және жобалау қызметінде шығармашылық әлеуетті пайдалану жолдарын біледі; мектепте математика бойынша жобалау тобын ұйымдастыруды және оқушылар арасында міндеттерді бөлуді; жобалау тобының математикалық деңгейіне сәйкес келетін нақты зерттеу тапсырмаларын қоя біледі; қарапайым математика және Аналитикалық геометрия бойынша ғылыми – зерттеу жұмыстарын ұйымдастырудың практикалық дағдыларын меңгерген; оқыту және тәрбиелік ықпал етуді жүзеге асыра отырып, ғылыми – көпшілік дәрістермен сөйлейді.
• Білім беру процесінің сапасын бағалау мен диагностиканың қазіргі заманғы технологияларын қолданады; ғылыми зерттеулердің нәтижелерін талдай алады және оларды нақты білім беру және зерттеу міндеттерін шешуде қолдана алады; зерттеудің жаңа әдістерін өз бетінше игере алады; нәтижелерді талдай алады, халықаралық салыстырмалы зерттеу үшін тапсырмалар құрастыра алады.
• Жаңа әдістер мен тәсілдерді қолдана отырып күрделілігі жоғары есептерді шешеді, ұғымдар арасындағы логикалық байланыстарды орнатады; күрделілігі жоғары және олимпиадалық есептерді шешу бойынша нақты сабақтар мен элективті курстарды әзірлеу кезінде математиканы дамыта оқытудың принциптері мен тәсілдерін қолданады.
• Білімнің ерекше түрі ретіндегі ғылымның негізгі белгілерін, ғылым дамуының негізгі тарихи кезеңдерін, ғылыми әдіс түрлерін анықтау үшін қазіргі заманғы ғылымның дүниетанымы мен әдіснамалық мәселелерін ғылым философиясының классикалық және заманауи тұжырымдамаларын білуге негізделген және ғылым әдіснамасы бойынша алған білімдер негізінде мәселелерді шешу жолдарын ұсынады.
• Оқыту процесінде білім алушыларды уәждете алады, олардың математикалық қабілеттерін дамытады, олардың үздіксіз математикалық білім алу қажеттілігін қалыптастырады; әртүрлі зерттеу салаларында планиметрия және стереометрия аппаратын қолданады; планиметриялық міндеттерді формализациялау дағдыларын меңгерген; Пәндік білім саласындағы (планиметрия) кәсіби тілді меңгерген.
• Әртүрлі бейіндегі білім беру мекемелерінде математиканы оқытуды ұйымдастыру технологияларын, бейіндік оқытудың негізгі идеяларын ескере отырып қойылған мақсаттарды жүзеге асыруға ықпал ететін математика курсының нақты тақырыптарын оқыту әдістерін меңгеру.
• Қазіргі әлемдік білім беру кеңіңстігіндегі жоғары мектептің қазіргі заманғы мәселелері мен даму стратегиясын; классикалық және қазіргі педаагогикалық көзқарастар мен тұжырымдамалар контекстіндегі жоғары мектептің педагогикалық үрдісінің теориялық-әдіснамалық және психологиялық-педагогикалық негіздерін біледі; стандартты емес жағдайларда әрекет етуге, қабылданған шешімдер үшін әлеуметтік және этикалық жауапкершілікте болуға, өзін-өзі дамытуға, өзін-өзі іске асыруға, шығармашылық әлеуетті пайдалануға дайындыққа дайын; білім беру мекемелерінде білім беру процесін ұйымдастыру мен жүзеге асырудың заманауи әдістері мен технологияларын қолданады.

Ұқсас БББ