7M03203 Мультимедиялық журналистика в Сулейман Демирел атындағы университет

Курс жоспарлаудың, ұйымдастырудың, кадрлармен қамтамасыз етудің, ұйымдастырушылық мақсаттарға жету үшін ресурстарды басқарудың негізгі функцияларын қарастырады. Жүйелік менеджмент тұжырымдамасы және ұйымның әр деңгейіндегі менеджердің рөлі ерекше атап өтілген.

Бұл пән арқылы магистрант мультмиедиалы журналистика және диджитал медиа саласындағы заманауи жобаларды жүзеге асырып, оларды басқарудың ерекшеліктерін үйренеді. Онлайн-редакция жұмысымен танысып, оны ұйымдастырудың әдістерін меңгереді. Сондай-ақ мультимедиалы жобаларды жүзеге асыру барысында уақыт, бюджет пен жұмыс көлемін жоспарлауды, тәуекелдерді басқаруды, онлайн-медиа нарығына анализ жасауды, веб-сайт жұмысын ұйымдастыруды меңгереді. Курсты сәтті аяқтаған магистрант мультимедиалы жобаларды басқару дағдыларына ие болады.

Курс аудиотрияны зерттеп және өнімнің нәтижелерін өлшеуге мүмкіндік беретін көп арналы контент стратегияларды құру үшін, сторителлинг негіздері мен риторика арқылы жаңа коммуникациялық технологияларды біріктіру жолдарын қарастырады.

Пәннің мақсаты магистранттарды коммуникациялық зерттеулерге және жалпы әлеуметтік зерттеулерге байланысты сапалық және сандық зерттеу әдістерімен таныстыру. Сонымен қатар, пән білімгерлерге зерттеу жүргізу, ғылыми мақалалар жазу және зерттеу нәтижелерін ұсыну үшін қажетті дағдыларды дамытуға көмектеседі. БАҚ пен аудиторияны зерттеудің заманауи әдістерімен өзара әрекеттеседі, этикалық дағдыларды дамытады және зерттеу үшін гипотезаларды қалай дұрыс құру керек екенін үйренеді.

Пән магистранттарға ұйымдарды тиімді басқаруға қажетті басқарушылық мінез-құлық психологиясының білімдері мен дағдыларын, сонымен қатар басқару теориясын, зерттеу және басқару практикасын түсінуді қамтамасыз етеді. Курста көшбасшылық стильдер мен әдістер, тиімді қарым-қатынас тәсілдері, уақытты басқару, шешім қабылдау, өкілдік және бақылау дағдыларының негізгі функциялары үйретіледі.

Курс бағадарламасы ірі компаниялар мен ұйымдарға арналған маркетингтік стратегияларды әзірлеу принциптері мен практикасын қамтиды. Сонымен қатар, курс барысында магистранттар жергілікті, мемлекеттік және халықаралық аудиторияларды анықтап, осы аудиториямен тікелей байланысы бар маркетинг науқандарын жүзеге асыруды үйренеді.

Бұл пән магистрантқа журналистиканың жаңа түрі - мультимедиалы сторителлинг форматын үйретеді. Курс барысында магистрант әр түрлі практикалық тапсырмалар орындап, жаңа медиаға бейімделген контент өндірудің қыр-сырын меңгеріп шығады. Мультимедиалы сторителлинг сабағы арқылы кең аудиторияға таралып, оқырманға әсер ететін иммерсивті баяндау тәсілі түсіндіріледі. Нәтижесінде магистрант адамдардың өміріне тікелей әсер ететін журналистік өнімдер даярлайтын болады.

Пән журналистер үшін жазу машықтары және шығармашылық жазудың терең практикалық дағдыларын үйретуге бағытталған. Курс барысында магистранттар әртүрлі жанрдағы мақала мен материалдар жазуды үйренеді. Сондай-ақ олар журналистік мақалаларға арналған сторителлинг және баяндау, академиялық жазу және БАҚ мәтіндерін сыни тұрғыдан талдауға арналған жазу тәсілдерін үйренеді.

Курстың мақсаты- шет тілін меңгерудің деңгейін көтеру, сонымен қатар әлеуметтік-коммуникативтік міндеттерді шешуде, кәсіби қызметтің түрлі салаларында шетелдік серіктестермен қарым-қатынаста, сондай-ақ одан әрі өз бетінше білім алу үшін қажетті және жеткілікті дәрежеде коммуникативтік құзыреттілік деңгейін жетілдіру.

Бұл курс қолданбалы әлеуметтік ғылымдардағы озық сандық зерттеу әдістерін қарастырады. Сонымен қатар, бұл пән дисциплинарлық білім деңгейіне қарамастан, кез-келген магистранттың статистикалық білімін тереңдетуге көмектеседі.

Психология теориялары және концепцияларын басқару мен қарым-қатынастың әр түрлі аспектілерінде пайдалана білу қабілеті, іскерлік этиканы сақтай отырып, адамдармен ауызша және жазбаша байланыс орната алу, фактілік деректерді пайдалана отырып хаттар мен құжаттар әзірлей білу, ағылшын тілінде презентация жасау қабілеті

Медиа және коммуникация саласындағы соңғы зерттеулерді талдай білу әрі оның нәтижелерін, теориялары мен проблемаларын көрсете білу,медиа зерттеулеріндегі негізгі теориялық парадигмаларға анализ жасай алу, сандық және сапалық зерттеу әдістерін меңгеріп, олардың артықшылықтары мен кемшіліктерін, бір-бірінен айырмашылығын жақсы білу; коммуникация және әлеуметтік ғылымдарға қатысты зерттеулерде сандық және сапалық зерттеу әдістерін пайдалана алу

Цифрлық, жаңа медиа және онлайн медиаға арналған контент өндіре білу қабілеті, конвергентті мультимедиалы материалдар әзірлеу үшін жаңа технологияларды пайдалана білу дағдысы,жаңа технологияларды журналистика мамандығымен интеграциялау қабілеті.

Дәстүрлі және жаңа медиа секілді түрлі ақпарат таратушы платформаларға арналған әр түрлі жанр мен журналистика формасындағы материалдарда ұтымды сторителлинг әдісін пайдалану; ақпаратқа қол жеткізіп, жаңалықтар мен түрлі тақырыптағы материалдарда дәйексөз ретінде қолдана алу үшін сұхбат алу дағдыларын меңгеру.

Мультмиедиалы журналистика және диджитал медиа саласындағы заманауи жобаларды жүзеге асыра білу; мультимедиалы жобаны басқару ерекшеліктерін білу; онлайн-редакция жұмысымен таныс әрі оны ұйымдастырудың әдістерін меңгереді. Мультимедиалы жобаларды жүзеге асыру барысында уақыт, бюджет пен жұмыс көлемін жоспарлау, тәуекелдерді басқару, онлайн-медиа нарығына анализ жасау, веб-сайт жұмысын ұйымдастыру дағдыларына ие болады.