Білім беру бағдарламасының мақсаты
«6B051 Биологиялық және сабақтас ғылымдар» бағыты бойынша білім беру бағдарламасының (Биология) білім алушыларды даярлаудағы негізгі мақсаты:
- Елдің ата заңына, дәстүріне, мәдениеті мен әдебиетіне, ұлттық және түркі тілдес халықтардың құндылықтарына, салт-дәстүрлеріне құрмет көрсету, отансүйгіштік рухында тәрбиелеу;
- түркі тілдес мемлекеттер мен қауымдастықтардың жастарына бір шаңырақ астында терең тарихи құндылықтарға және демократиялық, зайырлы қоғам негіздеріне сүйене отырып, заман талаптарын қанағаттандыратын деңгейде білім беріп, оларды Қазақстандық патриотизм және азаматтық жауапкершілігі қалыптасқан, ұлттық және рухани құндылықтарға берік, адам құқықтарын құрметтейтін, төзімділік, достық, ынтымақтастық маңызын түсінетін, өмір бойы білім алатын, халықаралық деңгейде бәсекеге қабілетті маман ретінде қалыптастыру;
- Қазақстан Республикасы азаматы ретінде ойлау мәдениеті және дүниетанымы жоғары, білімді тұлғаның қалыптасуына ықпал ететін кәсіби және тұлғалық тұрғыдан өсуге ұмтылатын, топта жұмыс істеуге қабілетті, жаңа идеяларды ұсынатын, өз пікірін ұжым пікірімен ұштастыра білетін, қақтығыстарды шеше алатын; кәсіби қызмет шеңберінде негізгі техникалық құралдармен жұмыс істей алатын, әлемдік компьютерлік байланыстардағы ақпараттармен жұмыс жасайтын, заманауи ақпараттық технологияларды қолданатын, әлеуметтік-гуманитарлық және жаратылыстану ғылымдары бойынша базалық білімдерді меңгерген, тіл үштұғырлығы, ақпараттық сауаттылық және салауатты өмір сүру негізінде қоғамды жаңартуда белсенділік танытатын жоғары білімді тұлға ретінде қалыптасқан бітірушіні даярлау;
- Кәсіби білімнің іргетасы ретінде теория мен практиканы ұштастыра отырып, ғылыми-зерттеу жұмыстарын жүргізуде заманауи әдістерін және құрал-жабдықтарды пайдалана алатын, ғылыми бағыттағы зерттеу жұмыстарын жүргізе алатын, мәдениетті, гуманитарлы ой-өріс және сөйлеу әрекеттері жүйелі, сауатты, дәлелді және нақты қолдану қабілетін меңгерген, жоғары интеллектуалды дамыған, ұжымда жұмыс жасай алатын, бәсекелестікке қабілетті, халықаралық талаптарға сай, кәсіби біліктілігі жоғары биолог мамандар даярлау;
- Кәсіби қызметте қажетті іргелі білім, білік және дағдыны қалыптастыру арқылы заманауи талаптарды қанағаттандыра алатын, ғылыми зерттеулерді орындауға қабілетті, жоғары әлеуметтік-азаматтық жауапкершілікке ие білікті кадрларды дайындау.
