8D01110 Педагогика және психология в М.Әуезов атындағы Оңтүстік Қазақстан университеті

Академиялық хаттың ағылшын тіліндегі түсінігі мен маңызы (Academic Writing). Академиялық хаттың концепциялары мен модельдері. Ғылыми мәтін және академиялық хат. Жариялылық және коммуникация. Академиялық мәтіннің тұтастығы. Жазудың модельдері мен принциптері. Академиялық сауаттылық және хатты бағалау өлшемдері. Фокус: жеке үрдістен көпшілік өнімге дейін. Мәтін зияткерлік әрекет ретінде. Өзіндік және бөтен. Көздерді аргументтеу және пайдалану. Халықаралық рейтингтік басылымдарға ғылыми мақалалар дайындау

Білім беру үдерісінде шығармашылық пен репродуктивтіліктің арақатынасы ықпалдастырылады. Дарынды жастарды оқыту мен дамытудың бағдарламамалары, олардың негізгі бағыттары, жетістіктері мен кемшіліктері қарастырылады. Жеке тұлғаның шығармашылық әлеуетін дамыту принциптері зерделенеді. Жоғары мектептегі шығармашылықты дамытудың ғылыми, көркем, әдеби бағыттары ашып көрсетіледі. Кәсіби педагогикалық іс-әрекеттегі дербестік пен шығармашылықтың өзара байланысы зерттеледі.

Әлемдік педагогика ғылымындағы және Қазақстан Республикасындағы құзыреттілік тұрғының даму тарихы талқыланады. Құзыреттілік тұрғыны дамытудағы Болон үдерісінің талаптары, халықаралық ұйымдардың іс-әрекет ету талаптары сипатталады. Оқытудың тұлғалық, академиялық құзыреттілік нәтижелеріне талдау жасалады. Құзыреттілік тұрғыдан келу негізінде оқу-жоспарлаушылық құжаттаманы дайындаудың әдістері зерттеледі; құзыреттілік тұрғысының, бағалау әдістері мен принциптерінің нәтижелелілігіне талдау жасалады.

Ғылыми зерттеулер методологиясының түсінігі және деңгейлері. Педагогикалық зерттеулердің әдіснамалық принциптері. Педагогикалық зерттеудің әдіснамалық сипаттамалары. Педагогикалық зерттеудің логикасы мен рәсімі. Педагогикадағы ғылыми зерттеу әдістері. Ғылыми-педагогикалық зерттеудің ұйымдастырылуы және әдістемесі. Ғылыми аппаратты және ғылыми-педагогикалық зерттеу әдістерінің кешенін, диссертацияны қорғауға дайындау әдістемесін ұсынады.

Әртүрлі педагогикалық жүйелер, қазіргі жоғарғы оқу орнының педагогикалық жүйелерінің ерекшеліктері салыстырылады. ЖОО-ның педагогикалық жүйелері өзгермелілігінің факторлары мен шарттары, олардың жаңа талаптар мен сұраныстарға сәйкестілігі мәселесі зерделенеді. ЖОО-ның педагогикалық жүйелерін қазіргі талаптарға сәйкес жетілдірудің ықтимал бағыттары мен нұсқалары қарастырылады. Педагогикалық болжам жасау әдістері зерттеледі.

Педагогикалық инноватиканың өзіне тән ерекшелігі, қазіргі білім берудегі инновациялық үдерістердің бағыттары бағаланады. ЖОО-ның педагогикалық үдерісіне педагогикалық жаңашылдықтарды ендірудің принциптері, тұғырлары және әдістері зерделенеді. ЖОО оқытушысының инновациялық-педагогикалық іс-әрекетінің индекаторлары қарастырылады. ЖОО-ның, оның бөлімшелері мен оқытушыларының инновациялық іс-әрекетін бағалау өлшемдерінің сипаттамасы беріледі.

Педагогиканың әдіснамалық мәселелері заманауи философиялық ілімдер мен тұжырымдамалар тұрғысынан қарастырылады. Педагогиканың онтологиялық, әдіснамалық, этикалық, эстетикалық және пәнаралық аспектілері қамтылады. Педагогиканың ғылыми таным үдерістерімен байланысты теориялық мәселелері талданады. Педагогикалық білімдерді философиялық ұғыну мәселелері ашып көрсетіледі. Қазіргі педагогиканың мәселелеріне жүйелі талдау жүргізіледі. Қазіргі философиялық білім аясында педагогика әдіснамасының түрлі бағыттары талданады.

Педагогика ғылымының әдіснамалық мәселелеріне, отандық және шетелдік зерттеушілердің еңбектеріндегі инновациялық педагогикалық және психологиялық технологияларына, оқытудың қазіргі инновациялық технологияларының жалпы қағидаларына талдау жасалады. Білім берудегі заманауи білім беру технологияларына және инновациялық үдерістерге сипаттама беріледі.

Біртұтас педагогикалық үдерістің теориясы мен технологиясы педагогтың зерттеушілік мәдениетінің негізі ретінде сипатталады. Ғылыми мәселені және оны ғылыми талдау, ғылыми болжамды дайындау және ұсыну әдістері, оны шешу жолдары зерделенеді. Педагогикалық экспериментті жоспарлау, ұйымдастыру, оның нәтижелерін жинақтау және өңдеу әдістемесі қарастырылады. Ғылыми зерттеулердің нәтижелілігін бағалау өлшемдері және диагностикалық экспертиза жүргізу әдістері зерттеледі.

білім мен ғылым тарихындағы білім беру парадигмалары дамуы мен ауысуының негізгі кезеңдерін сипаттау; педагогика және психология ғылымдарының пәндік, дүниетанымдық және әдіснамалық өзіне тән ерекшелігін дәйектеу;

педагогика мен психология ғылымдарының теориялық және практикалық әзірлемелеріндегі ғылыми мектептердің айырмашылықтарын салыстыру; әлемдік және отандық педагогика және психология ғылымдарының ғылыми тұжырымдамаларына сыни талдау жүргізу және тексеру;

қазақстандық қоғамды жаңғырту жағдайында ғылым мен білімнің әлеуметтік жауапкершілігіне қолдау көрсету;

қазіргі педагогикалық және психологиялық теориялардың, ғылыми зерттеушілік аспаптардың негізінде академиялық біртұтастығымен сипатталатын дербес ғылыми зерттеу жұмысын жобалау;

ғылыми педагогикалық және психологиялық зерттеулер үдерісін дайындау; зерттеу саласындағы әртүрлі теориялық тұжырымдамаларды дәйектеу, бағалау және салыстыру, ғылыми негізделген қорытындыларды тұжырымдау;

әртүрлі қайнар көздерден алынған ақпаратты бағалау; кәсіби өзін-өзі дамытуды жоспарлау және болжау;

ақпарат ағымдарының жедел жаңаруы және дамуы жағдайындағы өзінің ғылыми және ғылыми-педагогикалық іс-әрекетін жобалау;

білім беру тәжірибесіне ғылыми әзірлемелерді ендіру тетіктерін жобалау; ғалым-педагог және психологтың ғылыми әдебіне қолдау көрсету;

адами қорларды басқару және тұлғааралық қарым-қатынас мәселелеріндегі стратегияны қалыптастыру;

заманауи ақпараттық-коммуникативтік технологияларды қолдану арқылы ғылыми ақпаратты іздестіруді жүзеге асырудың және оны тасымалдау тәжірибесінің тиімді жолдарын қалыптастыру.

педагогика және психология саласындағы мәселелерге кәсіби және жан-жақты талдау жасауда, білім берудің, педагогика және психологияның теориясы мен тарихындағы ғылыми жобалар мен зерттеулерді сынақтан өткізуде өз көзқарасын қорғау;