8D04202 Халықаралық құқық в M.S. Narikbaev atyndaǵy KAZGUU Universiteti

«Халықаралық құқықтағы сапалы зерттеу әдістері» курсы аясында докторанттар зерттеудің сапалы тәсілдері мен зерттеу этикасын оқиды (концептуализациядан бастап, мәліметтер жинағына дейін). Курс докторанттарға белгілі бір халықаралық құқықтық проблемаға қатысты Халықаралық құқық субъектілерінің жүріс-тұрысын, заңды тұлғалар мен жеке тұлғалардың жүріс-тұрысын зерттеуге көмектесуге септігін тигізеді. Курс аясында докторанттар тереңдетілген интервью, фокус-группалар, контент-анализ, мәліметтер мен құжаттарды жинау сияқты зерттеудің сапалы тәсілдерін оқиды. Бұл тәсілдер өз кезегінде оқу тәсілі де және курс барысында докторанттың жұмыс тәртібі де болып табылады. Курстың нәтижесі болып еркін формада, ғылыми жетекшінің бақылауымен жүзеге асырылатын Research proposal табылады. Research proposal аясында докторант таңдалынып алынған диссертациялық тақырыпты негіздеуі тиіс; оның мақсатын, міндеттерін және зерттеу тәсілдерін анықтауы тиіс; ғылыми еңбектерге шолу жасауы тиіс; зерттеу жұмыс жоспарын анықтауы тиіс; және зерттеу этикасын және библиографияны анықтауы тиіс.

Курстың мақсаты ағылшын тіліндегі шетелдік әдебиеттерді еркін меңгеруге көмектесу және ағылшын тілінде өзінің ғылыми идеяларын қалыптастыруға септігін тигізу болып табылады. «English for Legal Research» курсы барысында докторанттар үш салада қолданылатын ағылшын тілінің кәсіби/академиялық деңгейін оқиды: 1) «зерттеудің сапалы тәсілдерін» жүргізуде қолданылатын ағылшын тілінің кәсіби деңгейін оқу; 2) «зерттеудің сандық тәсілдері» жүргізуде қолданылатын ағылшын тілінің кәсіби деңгейін оқу; 3) нөлдік емес импакт-факторы бар журналдарда қолданылатын ағылшын тілінің академиялық деңгейін оқу.

«Халықаралық құқықтық журналдарда мақала жариялау» курсы барысында докторанттар Халықаралық құқық аясында алынған нәтижелерді жариялауға қатысты жұмыстармен танысады. Атап айтқанда: зерттеудің сапалық және сандық тәсілдерінен алынған нәтижелерді жариялау; ғылыми мақаланың тақырыбын таңдау; ғылыми мақаланың мақмұны мен құрылымын анықтау; халықаралық құқықтық тақырып аясында журналды таңдау; нөлдік емес импакт-факторы бар журналдарды таңдау және талдау; ғылыми мақаланы ресімдеу және оларға сілтеме жасау және т.б. жұмыстар.

«Халықаралық құқықтағы сандық зерттеу әдістері» курсы аясында докторанттар зерттеудің сандық тәсілдерін оқиды. Бұл курс докторанттарға өлшемге келетін мәліметтерді статистикалық тәсілдерді қолдану арқылы белгілі бір халықаралық құқықтық проблеманы зерттеуге көмектеседі. Зерттеудің сандық тәсілдері сыртқысаяси немесе сыртқы сауда органдарынан, ұкіметтік емес ұйымдардан, заңды және жеке тұлғалардан белгілі бір халықаралық құқықтық проблемаға қатысты ақпарат жинауды көздейді. Бұл тәсілдер докторантқа белгілі бір халықаралық құқықтық проблемаға қатысты алынған зерттеудің сандық нәтижесін модельдеуде, жоспарлауда және жинақтауда көмектесуді көздейді. Аталған тәсілдер өз кезегінде оқу тәсілі де және курс барысында докторанттың жұмыс тәртібі де болып табылады.

халықаралық-құқықтық жүйенің жүйелі түсінігін көрсету және халықаралық құқық ғылымы саласында зерттеу әдістерін меңгеру;

академиялық адалдықты сақтай отырып, зерттеудің процесін жобалау мен жүзеге асыру қабілетін көрсету;

ұлттық немесе халықаралық рецензияланатын басылымдарда жариялау арқылы ғылымның дамуына үлес қосу;

халықаралық-құқықтық зерттеулерде жаңа және күрделі идеяларға сыни талдау, бағалау және синтездеу жүргізу;

қоғамда, ғылыми қоғамдастықта және де ұлттық құқықтық жүйеде халықаралық құқықтық туралы білімді таратуға қабілетті болу;

халықаралық құқық саласындағы білім мен дағдылар негізінде қоғамның ғылыми, әлеуметтік немесе мәдени дамуына академиялық және кәсіби деңгейде жәрдемдесу;