8D06302 Криптология және ақпараттық қауіпсіздік (Ғылым Ордасы) в Әл-Фараби атындағы Қазақ ұлттық университеті

Мақсат: криптографиялық құралдар мен алгоритмдердің тұрақтылығын арттыратын тиімді әдістер мен алгоритмдерді құру үшін криптографиялық примитивтер теориясының аппаратын қолдану дағдысын қалыптастыру. Жоғары сенімділік дәрежесі бар міндеттер класына арналған криптографиялық примитивтер туралы білімдерін көрсету; негізгі примитивтер және қолданбалы хаттамаларды практикада қолдану; криптографиялық примитивтердің сенімділігін талдау; криптографиялық алгоритмдерді әзірлеу қарастырылатын болады.

Мақсат: компьютерлік қауіпсіздікті қамтамасыз етудің жүйелік тәсілдерін қалыптастыру, компьютерлік желінің әртүрлі тораптарының қауіпсіздігін тексеру әдістерін үйрету, шабуылдаушылардың артықшылықтары мен шектеулерімен таныстыру. Жүйелер мен желілерге ену үшін хакерлік амалдар туралы түсінік қалыптастыру; желінің кез-келген компоненттерін бұзу үшін тексеру; ұйымның желісі туралы ақпаратты рұқсатсыз жинауға қарсы тұру қарастырылатын болады.

Мақсат: ақпараттық қауіпсіздік және ақпаратты қорғау саласындағы нақты міндеттерді шешуде, зерттеу әдістерінің кешенін қолдана отырып, ғылыми зерттеулердің нәтижелерін талдау, жүйелеу, жалпылау негізінде зерттеу қызметін жүргізу қабілетін қалыптастыру. Оқу нәтижелері: ғылыми-зерттеу қызметтің тиімді дербес зерттеу қызметі үшін қажетті кәсіби құзыреттіліктерге ие болу; ГҚ өтінімдерін жазу үшін жеке креативті қабілеттерді пайдалану.

Мақсат: дәлелденген тұрықтылығы бар және жаңа есептеу схемаларының мүмкіндіктеріне тәуелсіз ақпаратты қорғау жүйелерін құру қабілетін қалыптастыру. Криптографияның негізгі міндеттерін шешуде теориялық және ақпараттық тәсілдерді қолдану; криптожүйелердің тұрақтылығын бағалаудың алгебралық, ықтималдық-теориясының, алгоритмдік әдістерін қолдану; негізгі криптографиялық есептерді шешудің күрделілігін сандық бағалауды алу қарастырылатын болады.

Мақсат: криптоанализ нәтижелерін бағалау әдістемесі мен әдістері және криптографиялық алгоритмдердің сипаттамаларының өзгеруінің олардың тұрақтылығына әсері туралы түсінік қалыптастыру. Алгоритмдерді зерттеуге және тиімді SAT шешушілерін қолдана отырып, криптографиялық алгоритмдердің сенімділігін талдауға негіз беру. Криптографиялық түрлендіру сипаттамаларының криптографиялық шабуылдарға төзімділігіне әсерін зерттеу; түрлі криптошабуылдарға қарсы тұру принциптерін түсіндіру және қолдану қарастырылатын болады.

Мақсат: ғылыми басылымдардың кәсіби ерекшеліктері мен талаптарын ескере отырып, ғылыми жарияланымдар жазу дағдысын қалыптастыру. Оқу нәтижелері: ғылыми нәтижелерді қазіргі заманғы нысандарда, сондай-ақ жоғары импакт-факторлы ғылыми журналдарда білікті көрсету мақсатында академиялық мәтінді дайындаудың, жазудың, редакциялаудың негізгі қағидаттарын, қағидаларын, нормаларын қолдану.

Мақсат: блоктық шифрлар үшін бұзудың заманауи әдістерінің статистикалық криптоталдауын жүргізу дағдысын қалыптастыру. Криптографиялық түрленулер раундтарының санының статистикалық шабуылдарға төзімділігіне әсерін зерттеу; бастапқы және шифрланған хабарламалардың статистикалық заңдылықтарын зерттеу негізінде криптожүйелерді бұзу мүмкіндіктерін бағалау; статистиканың көмегімен қазіргі шифрлардан осалдықтарды табу қарастырылатын болады.

Мақсат: ұлттық стандарттардың әзірлеуі, ақпараттық қауіпсіздікті (АҚ) қамсыздандыру әдістері, ақпараттық ресурстардың қауіпсіздік деңгейлерінің сәйкестігін бағалау туралы және кез-келген ұйымның АҚ жүйесінің нормативтік талаптарға (АҚ саласындағы халықаралық стандарттар) қойылатын жағдайы туралы түсінік қалыптастыру. Ақпаратты қорғау жөніндегі корпоративтік және өзге де құжаттарды, АҚ-ті қамтамасыздандыру жөніндегі талаптарды айқындайтын АҚ саясатын әзірлеу қарастырылатын болады.

Қолданбалы, эксперименттік, теориялық зерттеулердің заманауи теориялары мен тұжырымдамаларына, әдістері мен әдістемелеріне интерпретация жасай отырып, проблемаларды ғылыми тұжырымдау үшін ақпараттық қауіпсіздік саласында аналитикалық зерттеулер жүргізу.

Ақпараттық қауіпсіздік және деректерді қорғау саласындағы заманауи ғылыми жетістіктерді талдай және бағалай отырып, осы саладағы эксперименттік зерттеулер нәтижесінде бағдарламалық өнімдерді модельдеу.

Ақпараттық қауіпсіздік жүйелері саласындағы білімді, криптография міндеттерінің теориялық-ақпараттық тәсілдерін, криптографиялық талдау әдістерін, ақпараттық қауіпсіздік стандарттары мен саясаттарын және АЖ қауіпсіздігін бағалау әдістерін пайдалана отырып, біртұтас, жүйелі ғылыми тәсіл негізінде ақпараттық қауіпсіздік және деректерді қорғау саласындағы қолданбалы зерттеулерді жүзеге асыру нәтижесінде алгоритмдер мен оларды жүзеге асыратын бағдарламаларды әзірлеу.

Криптологияның заманауи әдіснамасын қолдана отырып, теориялық, іргелі және қолданбалы зерттеулер нәтижесінде деректерді криптографиялық түрлендірудің ғылыми тәсілдерін, әдістерін әзірлеу.

Ақпараттық қауіпсіздік саласындағы қолданбалы ғылыми және ғылыми-білім беру міндеттерін шешу бойынша отандық және халықаралық зерттеу жобаларының жұмысына қатысу.

Қорғалатын ақпараттандыру объектілері мен ақпараттық жүйелердің қолданыстағы ақпараттық қауіпсіздік стандарттарына сәйкестік дәрежесін негізді бағалай отырып, ақпараттық қауіпсіздік және деректерді қорғау саласындағы ғылыми және практикалық салада сараптамалық қорытынды жасау.

Автоматтандырылған ақпараттық жүйелердің ақпараттық қауіпсіздігін басқару үшін әдіснаманы, ережелерді, қағидаларды, нұсқаулықтарды және басқа да ұйымдастырушылық-өкімдік құжаттарды жасау.

Криптографиялық құралдар мен алгоритмдердің тұрақтылығын арттыратын тиімді әдістер мен алгоритмдер құру.

Негізгі примитивті және қолданбалы хаттамаларды практикада қолдану, хаттамалардың тұрақтылығын талдау туралы түсінікке ие болу.

Жалпыға танылған халықаралық әдіснамалар негізінде инциденттерді жою мақсатында ақпараттық жүйелердің қауіпсіздігін тестілеу және бағалау әдістемесін әзірлеу.

Жоғары импакт-факторы бар ғылыми жарияланымдарды ағылшын тілінде мақалалар шығару, ғылыми зерттеулердің нәтижелерін апробациялау, әртүрлі халықаралық конференцияларға, форумдарға және ғылыми семинарларға қатысу.

Ақпараттық қауіпсіздік бойынша оқулықтар, оқу-әдістемелік құралдар, әдістемелік қамтамасыз ету, оқу пәндерін әзірлей отырып, заманауи, цифрлық білім беру ресурстарын, проблемалық бағдарланған, практикаға бағытталған оқыту технологияларын, сараланған студентке бағдарланған педагогикалық тәсілдерді пайдалана отырып, жоғары білімнің білім беру бағдарламалары бойынша онлайн және офлайн режимдерде оқытушылық қызметті жүзеге асыру.