6B04131 HR және бизнес жоспарлау в Нархоз Университеті

Пән студенттердің экономикалық мәселелерді - теориялық және қолданбалы мәселелерді шешу процесінде математикалық аппаратты қолданудың негізгі дағдыларын қалыптастыруға арналған. Студенттер күрделі арнайы пәндерді меңгеруге математикалық даярлықты арттырады. Бұл курста аналитикалық геометрия, сызықтық алгебра элементтері, дифференциалды және интегралды есептеулер, ықтималдық теориясы және математикалық статистика элементтері сияқты экономикада белсенді қолданылатын бөлімдер бар. Курс жазбаша түрде өткізілетін кешенді қорытынды емтиханмен аяқталады.

Пән келесілерді қамтиды: менеджмент функциялары, ұйымның макро және микро ортасын талдау, жоспарлау үдерістері, операциялық менеджментке кіріспе және адам ресурстарын басқару, басқарудағы корпоративтік әлеуметтік жауапкершіліктің ролі. Студенттер стратегия, құрылым, мәдениет, адамдар, этика сияқты аспектілерді және де олардың шешім қабылдауға әсері мен ұйым дамуының ұтымды бағыттарын болжауды кейс стади, топтық пікірталастар, жазбаша жұмыстарды орындау арқылы меңгереді

Курс студенттерде экономикалық ойлауды қалыптастыруға бағытталған, экономикалық субъектілердің мінез - құлық заңдылықтары және микро және макро деңгейлерде экономиканың жұмыс істеу механизмі туралы жалпы түсінік береді. Курстың мазмұны экономикалық категорияларды, экономикалық заңдарды және өндірістегі, бөлудегі, алмасудағы және тұтынудағы қатынастарды реттейтін шаруашылық жүргізу механизмін, сондай-ақ экономикалық жүйенің әртүрлі құрылымдық деңгейлерін зерттеуді қамтиды. Курсты оқу барысында студенттер тауарлар мен ресурстардың нақты нарықтарындағы жағдайларды талдаудың практикалық дағдыларын игеріп, проблемалық жағдайларды микро және макроэкономикалық деңгейде анықтауға үйренеді.

Курсты оқу ғылыми зерттеулер жүргізудегі құзыреттілікті, сондай-ақ, академиялық ортада тиімді қарым-қатынас жасау үшін қажетті жазбаша ғылыми коммуникацияны дамытуға және жетілдіруге бағытталған. Студенттер ғылыми мәтінді құрылымдау дағдыларына ие болады, түпнұсқалық дереккөздермен жұмыс істеуді үйренеді, электрондық ресурстарда дәйексөзділік индексі жоғары мақалаларды іздейді, нәтижесінде ғылыми мақалаларды, аннотацияларды, абстрактілерді, рецензияларды және эсселерді өз бетінше жасау дағдыларына ие болады, сондай-ақ, ғылыми жұмыстарды көпшілік алдында ұсынып, талқылай алады.

Курс студенттердің әртүрлі салалардағы бизнес-бірліктерді немесе бүкіл компанияны басқару бойынша экономикалық көзқарасын қалыптастыруға бағытталған. Пәнге тиімді іскерлік шешімдер қабылдауға арналған құралдарды әзірлеуге, сұранысты, шығындарды, өндірісті, кірісті, бәсекелестікті, нарықтық құрылымды және өнімділікті зерттеуге қатысты мәселелер кіреді. Студенттер өз бетінше және топ құрамында қазақстандық кейстерді пайдалана отырып, экономиканы басқару проблемаларын шешу бойынша өз пікірлерін ауызша және жазбаша айтып, дәлелді түрде қорғайтын болады.

Курс уақыт факторын ескере отырып, ақша ағындарын зерттеуге және жеке жинақтарды басқару, қаржылық пайданы қамтамасыз ету, болашақта сәтті қызметті құру бойынша қаржылық шешімдер қабылдауға бағытталған. Бизнесті ұйымдастырудың қаржылық аспектілері, үлестік және борыштық нарықтың жұмыс істеуі, акциялар мен облигацияларды бағалау, капиталдың құрылымы мен құны, сондай-ақ ақшаның уақытша құны, қаржылық есептілікті, компания иелерінің тәуекелі мен дәрменсіздігін талдау негізінде ақша ағынын бағалау сияқты тақырыптар зерттеледі. Квази, әлеуметтік, жасыл қаржы - әлемдік қаржылық менеджмент аясындағы маңызды тақырыптар болып табылады. Студенттер қажетті қолданбалы құзыреттіліктерді алады және қаржы нарығындағы инвесторлардың мінез-құлқын бағалау бойынша өзіндік ойлауды қалыптастырады, күрделі активтердің, инвестициялардың, ақша ағындарының және олармен байланысты тәуекелдердің тиімділігін есептейді, Bloomberg, Eikon деректері негізінде ақша ағындары бойынша жағдайлар мен кейстерді шешеді және түсіндіреді. Қаржы секторының бизнес-практиктерін, фискалдық органдар мен қаржыны басқару өкілдерін шақырумен қонақ дәрістері көзделген.

Пән топтау, орташа шамалар, вариация көрсеткіштері және деректерді талдаудың басқа әдістері сияқты қоғамның экономикалық, әлеуметтік дамуын сипаттайтын статистикалық деректерді өңдеу және зерттеу әдіснамасын қамтиды. Студенттер жеке немесе топтық зерттеулер негізінде нақты статистикалық деректерді жинап, талдап, әрі қарай шешім қабылдау мақсатында нәтижелерді жоба түрінде қалыптастырады.

Пән келесідей тақырыптарды қамтиды: кәсіпкердің кім екені; бизнес идеяларды іздеу құралдары, шағын бизнес нысандары, шағын бизнесті жоспарлау мен басқару, қаржыландыру көздерін іздестіру, сыртқы және ішкі орта мүмкіндіктеріне сәйкес стратегияны дамыту, базалық қаржылық жоспарлау, сонымен қатар әлеуетті инвестор үшін бизнес жоспар жасау. Студенттер өз бизнес идеяларын сыни бағалайды және де топтағы жобалау жұмысы арқылы нақты қызмет жасайтын бизнестегі стратегияны ілгері дамыта алады

Пән өзін-өзі және контрагенттерді құрметтеуге, іскерлік тәжірибе контекстіндегі моральдық құқық мәселелерін зерттеуге, ұйымдардың талаптардың сақталуын бақылау кезінде этикалық мәдениетті қалай құруға және ынталандыруға, іскерлік этиканы дамытуда қолданылатын негізгі этикалық шеңберлерді сипаттауға негізделген адал бизнес жүргізу принциптері туралы идеяны қарастырады. Сондай-ақ, дұрыс келіссөздер жүргізу, келісімшарттар жасау, бизнестің әлеуметтік жауапкершілігі жайлы қабілеттіліктерді қамтиды

Курс A2 жеткілікті деңгейде ағылшын тілін меңгеруде 4 негізгі дағдыларды дамытады: сөйлеу, тыңдау, оқу және жазу. Курс A1 деңгейінде алған білімдерін қайталауға және бекітуге арналған. Бұл деңгейде сөздік қор 1500 және одан көп сөзге дейін кеңейеді және келесі тақырыптарды қамтиды: тамақтану, достар, ойын-сауық, отбасы, хобби, саяхат, жаңалықтар, жануарлар т.б. Бұл білім күрделі сөздерді, жұмысқа, бизнеске арналған арнайы тақырыптарды есте сақтауға арналған лексикалық платформа болып табылады. Коммуникативті әдістермен қатар кейс-стади, рөлдік ойын, жобалық жұмыс сияқты интерактивті әдістер қолданылады.

Академиялық мақсаттағы ағылшын тілі B2 деңгейлі материалдың екінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, жетілдірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Академиялық мақсаттағы ағылшын тілі B2 деңгейлі материалдың бірінші бөлігін - академиялық тілді оқытудың негізгі стандартымен танысуға арналған. Курс академиялық мақсаттағы ағылшын тіліндегі қазіргі заманғы зерттеулерге шолу жасайды, сөйлеу әрекетінің барлық түрлерін одан әрі дамыту бойынша практикалық тапсырмаларды ұсынады. Курстың мақсаты - ағылшын тілінде оқуға дайын студенттерге қажетті дағдылар мен академиялық тілді жетілдіру. Курс шынайы материал, кіріктірілген дағдылар және академиялық тіл, академиялық контекстегі барлық 4 дағдыларды прогрессивті қамтудан тұрады.

Академиялық мақсаттағы ағылшын тілі курсы В1 деңгейінің екінші бөлігін - тіл бойынша академиялық дайындықтың базалық жеткіліктілігін оқып - үйренуге арналған. Курс студенттерді академиялық ортада ағылшын тілінде оқуға дайындайды. Курс академиялық мәтіндерді оқу, академиялық жазу, дәрістерді тыңдау арқылы тілдік дағдыларды дамытады, сонымен қатар жалпы білім, сыни ойлау, бастапқы көздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуге үйретеді.

«Маркетинг негіздері» курсын оқыту барысында келесі тақырыптар қамтылады: тұтынушылар мінез-құлқы, маркетингтік орта және оның компоненттері, В2С және В2В нарығы, болжау, сегменттеу, таргетинг, 4Р (Product Price Place Promotion) қалыптастыру, брендинг, жеке сату, маркетингтік бәсекелестік және стратегиялық маркетинг. Курсты меңгеру барысында теориялық, басты маркетингтік тұжырымдамаларды түсіну мен қатар, әр түрлі саладағы маркетингтік жоспар құру дағдыларына ие болу үшін Самсунг, Додо пицца и Каспи Банк сияқты отандық және шетелдік кейстер қарастырылады.

Бұл курс бизнес білім берудің негізі мен жалпы қабылданған бөлігі болып саналады, мұнда жеке бизнес-субъектілері үшін қаржылық есептілік қағидадалары, тұжырымдамалары, қаржылық есептіліктің ережелері, экономикалық транзакцияларды жүргізу және оларға түсінік беріледі. Студенттер негізгі бухгалтерлік теңдеуді ситуациялық есептер арқылы түсіне алады және бизнес - транзакцияларды бастапқы құжаттарға, регистрлерге тіркеу және субъектілердің қаржылық жағдайы туралы есептілікті қалыптастыру дағдыларын ала алады. Бұл курс АССА бағдарламасымен үйлесім тапқан.

Курс студенттерді шешім қабылдауға дайындауға бағытталған. Тақырыптар: шығындарды жіктеу, шығындарды талдау және болжау, үстеме шығыстарды талдау, толық жұтылу және ауыспалы шығындар бойынша әдістер, костинг стандарты, бюджеттеу негіздері, менеджмент үшін шоттар мен есептерді дайындау, тәуекелдер мен ықтималдылықтар, қысқа және ұзақ мерзімді шешімдер. Топтағы студенттер кез келген басқару деңгейі (менеджмент деңгейі) үшін басқару міндеттерін жеке шешетін болады. Курсты игеру жазбаша емтиханмен аяқталады. Қонақ дәріскерлер-экономиканың түрлі секторларынан басқару есебінің мамандары. Бұл курс АССА және CIMA ВА2 бағдарламасымен үйлесім тапқан.

Пәнді игеру аясында студенттер статистикалық ақпаратты сандық және сапалық талдау дағдыларын, сондай-ақ қаржылық, ұйымдастырушылық, басқарушылық және экономикалық процестерді сипаттайтын модельдерді құру дағдыларын қалыптастырады. Курс барысында студенттер өздерінің болашақ кәсіби қызметі саласында математикалық статистиканың құралдары мен тәсілдерін, сондай-ақ заманауи ақпараттық технологияларды тиімді практикалық қолдану тәжірибесіне ие болады. Курстың соңында студенттер өздерінің мамандану саласында қолданылатын статистикалық деректерді талдау негізінде эконометрикалық модельді дербес құруға арналған жобалық жұмыстарын орындайды.

Академиялық мақсаттарға арналған ағылшын тілі курсы B1 деңгейінің бірінші жартысын - академиялық тілді оқытудың негізгі жетістігін оқып-үйренуге арналған. Курстың міндеттері: студенттерді академиялық ортада ағылшын тілінде оқуға дайындау. Курс тілдік дағдыларды - академиялық мәтіндерді оқу, академиялық жазу, дәрістерді тыңдау арқылы, сонымен қатар, жалпы білім, сыни ойлау, түпнұсқалық дереккөздермен жұмыс жасау, ақпаратты талдау және қорытындылау, өз ойыңызды ауызша және жазбаша түрде жеткізуді дамытады.

Курс R бағдарламасына негізделген деректерді талдаудың сандық əдістеріне жəне ықтималдықтар теориясы мен математикалық статистиканың белгілі нəтижелеріне негізделген. Курс сонымен қатар студенттердің сыни жəне тəуелсіз ойлау қабілетін дамытуға арналған. Курс 2 бөлімнен тұрады: студенттерге R тілінде статистикалық бағдарламалау əдістерін жəне мəліметтерді талдауда қолданылатын математикалық əдістерді үйрету. Курстың мазмұны қазіргі уақытта бизнес-ортада кеңінен қолданылатын іскерлік ақпаратты сандық талдау əдістерін тиімді қолдануға мүмкіндік беретін заманауи бағдарламалық құралдарды меңгеру үшін қажетті білім мен дағдыларды қамтиды

Пән оқылуға тиісті келесідей тақырыптарды қамтиды: жоспарлау мен болжау жайлы жинақталған білім; қаржылық, басқарушылық ақпараттарды пайдалану мен оларды талдаудың аналитикалық әдістері, макро/микро орта факторлары; студент тәжірибелік мысалдар мен бизнес жоспарларды жасау негізінде консалтингтік бизнес кейстерді шешудегі функционалдық салалардағы теориялық әзірлемелер мен басты тұжырымдарды түсіндіре алады. Жұмыс топтарда жүреді, ол өз кезегінде топтағы жұмыс пен оған басшылықты меңгеруге мүмкіндік береді

Пән келесілерді қамтиды: өнімділікті есептеу мен талдау, өндіріс және бәсекеқабілеттілік, инновациялық өнім мен өндірістік үдерісті жобалау, уақыт шектеулерін ескеру, тиімділік пен сапаны басқару, өндірістік қуаттылықты жоспарлау, ұйымның ішкі ресурстарын басқару және болжау, еліміздегі және әлемдегі экономикалық, технологиялық, әлеуметтік өзгерістерді зерделеуге негізделген ұйымның технологиялары мен бизнес үдерістерін жаңарту мен жобалау. Студент Тойота, гемба-кайдзен кейстары негізінде ұйым үдерістерін үлгілеу, үнемді өндіріс бойынша есеп шығару және операциялық жоба жасау аясында білім алады

«Корпоративтік бизнес құқығы» пәні жалпы құқықтық базаны және бизнеспен байланысты мамандандырылған құқықтық салаларды түсінудегі білім мен дағдыларды дамыту үшін, сонымен қатар қажет болған жағдайда қосымша заң кеңестеріне жүгіну қажеттілігін ұғыну үшін ұйымдастырылған. Корпоративтік бизнес құқығы: сот жүйесі және заңнама көздері сияқты жалпы құқықтық жүйеге енуден басталады, содан кейін міндеттеме құқығы саласына, оның ішінде іскерлік операциялардың негізінде жатқан шарттық және азаптау құқығына ауысады және жалпылай алғанда, қаржы саласындағы мамандарды маңызды алаңдататын бизнестің әртүрлі аспектілеріне қатысты бірқатар мамандандырылған құқықтық салаларды қамтиды. Соңғы бөлім корпоративті алаяқтық пен қылмыстық мінез-құлыққа арналған. Студенттер құқықтық базаларға сәйкес компаниялардың қалай басқарылатындығын, әкімшілдендірілетінін және реттелетінін сипаттауды және түсіндіруді үйрене алады. Пән АССА бағдарламасына сәйкес құрастырылған.

Пәнді оқытудың мақсаты кадрлық жұмысты жоспарлау мен персонал маркетингі бойынша білім алу және дағдыларды қалыптастыру, кәсіби қызметте персонал маркетингінің негізгі қағидаларын, тұжырымдамаларын, технологиялары мен құралдарын қолдану, сондай-ақ ұйымда персонал маркетингін іске асырудың практикалық міндеттерін орындау кезінде оларды нақтылау болып табылады. Пән кадрлық жоспарлауды әзірлеу дағдыларын, ұйымның персоналға қажеттілігін есептеу және болжау әдістерін, кәсіпорынның жұмыс беруші ретіндегі имиджін арттыруды, персоналды дамытуды және оның адалдығын арттыруды қалыптастырады. Білім алушылар кәсіпорын қызметінің ерекшеліктері негізінде әртүрлі кейстер мен іскерлік ойындарды пайдалана отырып, қажетті талаптарға сәйкес келетін бәсекеге қабілетті персоналмен өзін қамтамасыз ете алатын жағдайларды аша алады

Курс жергілікті, аймақтық және әлемдік масштабтағы мәселелер мен тенденцияларды қарастыра отырып, критикалық және шығармашылық ойды дамытуға арналған, бұл жерде іскерлік және әлеуметтік жауапкершілік те ескеріледі; практикалық тәжірибе алуға бағытталған ойындардың, жаттығулар мен модельдердің көмегімен “перспективалық ойлауды” дамытады; тенденцияларды талдау және болашақ перспективасы дөңгелегі облысындағы біліктіліктерді дамытады, болашақ бизнес көшбасшысы ретінде ұйымдық өзгерістер жасау қабілеттерін дамытады.

Пән Қазақстан Республикасы еңбек заңнамасының нормативтік-құқықтық актілерін, қызметкерлер мен жұмыс берушілердің құқықтары мен міндеттерін, еңбек дауларын шешу тәртібін зерделеуге бағытталған. Курс еңбек қатынастары аясындағы заңнамалық актілерді сауатты пайдалану дағдыларын меңгеруге, еңбек дауларын шешу және оларды реттеу бойынша мониторинг жүргізуге және ұсыныстар дайындауға, кәсіпорынның құқықтық қызметін регламенттейтін құжаттарды қалыптастыру жөніндегі бағдарламаларды дайындауға қатысуға, еңбек шарттарын жасауды және тоқтатуды жүзеге асыруға, еңбек тәртібін қолдау жөніндегі шараларды әзірлеуге мүмкіндік береді.

Пән еңбек тиімділігін арттыру әдістері, персоналды іріктеудің заманауи әдіснамалық тәсілдері, кадрлық құрамның сапалық және сандық параметрлерін талдаудың заманауи құралдары, ұйымның стратегиялық мақсаттарына қол жеткізу үшін тұрақты командаларды қалыптастыру мақсатында кадрлармен талдау жұмыстарын жүргізе білу арқылы кәсіпорынды басқару жүйесіндегі адами ресурстарды басқарудағы (HR) инновациялық технологияларды зерделейді. Пәннің мақсаты - заманауи трендтер, HR функцияларын цифрландыру процестері және HR-дағы инновациялық технологиялар туралы түсінік алу. Білім алушылар қызметтің бұл түрлерін инновациялық ойлау, бизнес-кейстер мен жағдайлық тапсырмаларды шешу, рольдік ойындар негізінде қазақстандық және халықаралық компаниялар мысалында пікірталастар арқылы меңгереді.

Пән ұйымдағы жеке тұлғалар мен топтардың тәртібін талдау, этикалық және моральдық нормаларға сәйкес жұмысшылардың еңбек тәртібін түзету мақсатында көшбасшылық дағдыларды жасау негіздері; жүйелік, процестік және жағдайлық тәсілдер негізінде ұйым мәдениетінің анықтамалары, ұйымның тәртіптілік, социомәдени және институционалдық табиғатын білуді қамтиды. Студенттер мұндай аспектілерді топтық пікірталастарға қатысу, өзін-өзі бағалау бойынша тесттер, кейс стади мен жағдайлық есептер арқылы танып біледі

Пән жобаларды басқаруда ақпараттық технологиялардың әдістерін, стандарттарын және құралдарын (MSProject, Bitrix, Spader Project, Trello, Advanta) қолдана алатын, жобаларды басқарудың теориялық негіздерін де, практикалық дағдыларын да меңгерген мамандарды даярлауға ықпал етеді. Пәнді меңгеру барысында студенттер электрондық тасымалдағышта жобалық құжаттаманы ресімдеу дағдыларын меңгереді, жобаны басқарудың әртүрлі құралдарын қолдана алады, жобаны іске асырудың әртүрлі кезеңдерінде тәуекелдерді сандық және сапалық бағалауды жүргізе алады.

Пән заманауи әлеуметтік-экономикалық үдерістердің түсініктерін, санаттарын, теориялық тәсілдерін, негізгі даму бағыттарын, еңбек экономикасы мен еңбек социологиясы туралы біртұтас түсінікті қалыптастыруды, сондай-ақ еңбекті басқару аясында шешімдер қабылдау үшін қажетті әлеуметтік-еңбек бағытында жүріп жатқан процестерді талдау әдістерімен танысуды, персоналды ынталандыру және мотивациялау (оның ішінде еңбекке ақы төлеу) жүйесін қалыптастыру қағидалары мен негіздерін, ұйым қызметінің экономикалық көрсеткіштерін және еңбек бойынша көрсеткіштерді (оның ішінде еңбек өнімділігін) қамтиды. Білім алу барысында білім алушылар басқарудың неғұрлым тиімді нысандары мен әдістерін қолдана отырып, әлеуметтік-еңбек қатынастарын, персоналды және өндірісті басқарудың дәстүрлі жүйелерін өзгерту үшін дағдылар мен құзыреттерге ие болады.

Оқу практикасы кәсіпорындарда, ұйымдарда немесе кафедра базасында жұмыс арқылы оқу үдерісінде алынған теориялық білімді бекіту мен тереңдетуді қамтитын бастапқы кәсіби құзыреттіліктерді алуға бағытталған. Оқу практикасынан өту барысында студенттер болашақ кәсіби қызметінің функциялары мен міндеттерімен, ұйымдастыру-құқықтық формасымен, ұйымның құрылымымен танысады және ұйымдастыру үдерісіне қатысады, іскерлік хат-хабарлар мен есеп беруді жүргізеді, сондай-ақ еңбек ұжымында жұмыс істеу дағдысына ие болады. Практикадан өту барысында студенттер есеп жазу үшін ақпараттық базаны қалыптастырады және талдайды, оны студенттер практикадан өту нәтижелері бойынша тапсырады және қорғайды.

Пән келесілерді қамтиды: корпоративтік мәдениеттің ролі, персоналға деген қажеттілікті болжау, кадрлық саясатын құру, персоналды іріктеу мен жалдау, персоналды өзгерістер жасауға дайындау, персоналды аттестациялау мен бағалау бойынша іс-шаралар өткізу, өтемақы пакеттерін жасауға персоналдың қатысуы, персоналды басқарудағы корпоративтік әлеуметтік жауапкершіліктің ролі. Студенттер бұл іс-шараларды кейс стадилерді талдау, жағдайлық есептерді шешу, топтарда жұмыс жасау мен эссе жазу арқылы меңгереді

Пән жеке тұлғаның кәсіби дамуының маңызды аспектілерінің бірін, сондай-ақ оның өзін-өзі тану - саналы мансапты жоспарлауды қамтиды. Пәнді меңгеру ғылыми дүниетанымды қалыптастырады, басқарушылық ойлауды дамытады, заманауи нарық жағдайында персоналды басқарумен байланысты мәселелерді шешуде дағдыларды дамытуға мүмкіндік береді. Курс персоналды басқару саласындағы аналитикалық және практикалық жұмыстың негізгі бағыттары туралы түсінік қалыптастыруға мүмкіндік береді. Студенттер бұл дағдыларды іскерлік ойындар өткізу, кейс-стади талдау және жағдайлық тапсырмаларды орындау арқылы алады

Пән келесілерді қамтиды: жобаларды басқару аясындағы үдерістік және жағдайлық тәсілдер негізіндегі білім мен тәжірибелік дағдыларды меңгеру. Студент сандық технологияларды (MSProject) пайдалану арқылы жобалар жұмысына қатыса алады; жоба бойынша басқарушылық ақпараттармен қамтамасыз етіп, түсіндіреді; жобаларды тиімді жүзеге асыру үшін жобалық ресурстарды оңтайлы пайдалану мен мерзімдік шектерді сақтауды айқындайды. Студенттер мұндай іс-шараларды тәжірибеге барынша жақын жоба жасау арқылы меңгереді

Курс келесі бөлімдерден тұрады: брендтер мен бренд менеджмент, бренд капиталы, бренд стратегиясын жобалау және енгізу, жаңа өнімдерді енгізу және атау, брендті кеңейту, жаңа өнімді шығару, брендті орналастыру, бренд элементтерін таңдау, маркетингтік науқан дизайны, бренд капиталын құруға арналған БМК, брендті жылжытудың жылдық жоспарын жасау, және бренд капиталын өлшеу. Курстың дамуын бағалау бренд жобаларын нөлден бастап бренд бук құруға дейін дәлелді қорғау негізінде жүзеге асырылады. Студенттер бренд менеджментінің негізгі тұжырымдамаларын іс жүзінде қолдану үшін таңдалған брендтер бойынша жеке және топтарда жұмыс істейді.

Пәнді игеру білім алушыларға еңбек үдерістерін, кәсіпорынның әлеуметтік-экономикалық қызметін жақсартуға және оның бәсекеге қабілеттілігін арттыруға ықпал ететін еңбек құралдарын оңтайландыру бойынша іргелі кәсіби дайындығын қамтамасыз етуге мүмкіндік береді. Пән еңбек шығындары нормаларының негізділігінің мәні мен мазмұнының теориялық негіздерін және оны жіктеуді қамтиды, персоналдың әртүрлі санаттары үшін еңбек қызметіндегі нормативтерді есептеу әдістері меңгеріледі, еңбек нормаларының сапасына талдау жүргізу, жұмыс орындары мен еңбек жағдайларын ұтымды ұйымдастыруды анықтау дағдылары меңгеріледі. Студенттер әр түрлі кейстерді талдау және жағдайлық тапсырмаларды орындау арқылы еңбекті ұйымдастыру мен нормалаудың әртүрлі әдістерін меңгереді.

Пән келесілерді қамтиды: персоналды дамыту формамалары, қызметкерлер санаттары бойынша кәсіби бейін әзірлеу, қызметкерлерді дамытуда ұйымның қажеттілігін диагностикалау, жұмыс орнында және одан тыс жерде оқыту, онлайн оқытуды пайдалану (вебинар, moodle, онлайн семинар), біліктілікті арттыру түрлері, оқыту тиімділігін бағалау. Оқыту нәтижелері таңдалған компания үшін бастапқы құжаттарды, оқыту регламентін және типтік бағдарламасын әзірлеу бойынша топтарда жұмыс істеу арқылы игерілетін болады

Пән келесілерді қамтиды: компанияның стратегиялық көзқарастарын құру үшін басқару функцияларының өзара қарым-қатынасы, миссия мен мақсат құру, сыртқы және ішкі орта жөнінде деректерді жинау мен талдау, стратегияны қалыптастырудың жүйелік және үдерістік тәсілдері, корпоративтік әлеуметтік жауапкершілік негізіндегі функционалдық, бәсекелік және корпоративтік стратегия түрлері. Кейс стади мен есептер арқылы ұйым үдерістерін үлгілеуді қолдану негізінде студенттер ұйым стратегиясын әзірлеу мүмкіндігіне ие болады

Пән келесілерді қамтиды: персоналды бағалау әдістері, бағалау рәсімдерін ұйымдастырудың практикалық дағдылары, өтемақыны басқару саласындағы проблемаларды диагностикалау, өтемақы пакетін жобалау, қызметкерлердің қажеттіліктеріне сәйкес жоспарлау модельдерін құру және ұйымдастыру мақсаттарына қол жеткізу үшін еңбекақы төлеу жүйесін талдау негізінде материалдық ынталандыру шешімдерін негіздеу. Білім алу барысындағы оқу нәтижелері қазақстандық компаниялар үшін жобаларды бағалау және өтемақы саясаты жобасын әзірлеу арқылы игерілетін болады

Пән келесілерді қамтиды: жоспарлау үлгілерін жасау, персоналды дамыту бағдарламаларын енгізу, мансапты жоспарлау, еңбек функцияларының лауазымдық міндеттері мен біліктілік сипаттамалар сәйкестігіне жұмысты талдау мен бағалау жүргізуді қамтиды. Студент курсты жоспарлау, HR dashboard, статистикалық трендті талдау, іс жүзінде жұмыс жасайтын кәсіпорындар негізінде еңбек тиімділігі коэффициентін есептеуді пайдалану арқылы меңгереді

Пән креативті менеджменттің теориясы мен практикасы, көшбасшылық психологиясы аясында, сондай-ақ менеджмент және персоналды басқару саласындағы теориялық білімді жүйелеуде, заманауи әдістемелер мен креативті технологияларды меңгеруде, басқарудың заманауи қағидалары мен әдістерін қолдана білуде, менеджментте креативті технологияларды қолдана білуде білім кешенін қалыптастырады. Өзгерістерді енгізу стратегияларын, бизнес процестерді қайта жаңартуды, басқару персоналының креативті әлеуетін пайдалану негізінде стандартты емес стратегияларды іске асыру тетіктерін, құралдары мен әдістерін негіздеуді қарастырады. Студенттер бұл білімді іскерлік ойындар өткізу және кейс-стади шешу, практикалық мысалдар арқылы меңгереді

Пән шабуылдаушы стратегияларды, бәсекелестерден нарықты басқыншылықпен жаулап алу және бірігу немесе жұтылу арқылы оларды жоюды, «қорғану дағдарыс-менеджмент» - төтенше, қалыптасқан-алдын алушы және арандатушылық, дағдарысты алдын алу әдістерді, персоналдың әлеуметтік-психологиялық шиеленісін бақылау әдістері мен тәсілдерін қарастырады. Курс Бритиш Петролиум, Энрон, Адидас және т.б. бойынша кейс-стади талдау негізінде сыни мен стандартты емес жағдайларда бизнесті басқару үдерісін жүзеге асырудың теориялық ғылымдары мен тәжірибелік дағдыларын қалыптастырады.

Өндірістік практика оқыту үдерісінде алынған білімді бекітуге, тәжірибелік дағдыларды меңгеруге және озық тәжірибені меңгеруге бағытталған. Практика білім алушылардың кәсіби қызметтің барлық түрлерін кешенді меңгеруін, жалпы және кәсіби құзыреттерді, сондай-ақ командалық жұмыс дағдыларын қалыптастыруды мақсат етеді. Практика студенттің бастамасы бойынша және білім беру бағдарламасының бейініне сәйкес келетін ЖОО ұсынған немесе таңдалған мекемеде/ұйымда өтеді. Практика аяқталғаннан кейін студенттер жоспарланған оқу нәтижелеріне қол жеткізуді көрсете отырып, есепті тапсырады және қорғайды.

Пән келесілерді қамтиды: өзгерістердің үдерістік үлгілері, өзгерістер сипаты мен басшылық, экономикалық және саяси оқиғаларды зерделеу негізінде өзгерістерге деген қажеттілікті анықтау, өзгерістер енгізу мүмкіндігі, өзгеріс жасауға белсенділік, өзгерістерге жұмысшыларды мотивациялау мен өзара қарым-қатынастарды құру, өзгерістер енгізу стратегиясы, бизнес үдерістерді қайта құру. Практикалық сабақтарда студенттер топтарда жұмыс жасау мен табысты өзгерістер енгізген мысалдары бар кейс стади материалдарын талдау арқылы шешімдерді қабылдауды үйренеді

Дипломалды практикасы дипломдық жұмысты (жобаны) дайындауға және жазуға бағытталған. Дипломалды практикасы кезінде білім алушы кәсіпорын қызметімен және зерттеу міндеттері контекстіндегі есептілікпен танысады; зерттеу тақырыбы бойынша қаржылық-экономикалық және практикалық материалдарды жинауды жүзеге асырады, өз тақырыбы шеңберінде компанияның негізгі мәселелерін зерттейді. Практика есепті тапсырумен және қорғаумен аяқталады, ал практика нәтижелері дипломдық жұмысты (жобаны) жазу үшін пайдаланылатын болады.

Пән келесілерді қарастырады: дағдарыстардың пайда болуының теориялық негіздері, олардың жіктелуі және көріну сипаты, банкроттықты диагностикалау ерекшеліктері және кәсіпорынды жою үдерісін дамыту, дағдарыстан шығу стратегиясын әзірлеу және инвестицияларды тарту, дағдарысты басқару бағдарламасын жүзеге асыру. Студенттер бұл білімдерді ұйымдар мен кәсіпорындарда жүргізілген зерттеулер негізінде дағдарысқа қарсы бағдарламаларды құрастыру бойынша командада жұмыс істей отырып, ситуациялық есептер мен кейстерді шеше отырып меңгереді.

Әлеуметтік танымның көзқарастары, академиялық шыншылдық, зерттеу нормалары мен этикалық салдарды, корпоративтік әлеуметтік жауапкершілік қағидаларын есепке ала отырып, түрлі сараптамалық әдістерді қолданып, өзекті ақпараттарды талдау, кәсіби пайымдауды көрсету негізінде өздігінен стандартты емес шешімдер қабылдау мен оның салдарларын бағалауға қабілетті.

Басқару мен бизнес аясында кәсіби функцияларды жүзеге асыруда сәйкес сандық технология, теория мен құралдарды пайдалануға қабілетті.

Ақпараттық технологиялар құралдарын пайдалану, топта жұмыс істей алу қабілетін көрсету арқылы зерттеулер мен нақты ақпараттарға сүйеніп және дәлелдемелерді сенімді құрастыруға, ауызша және жазбаша коммуникативтік дағдыларды көрсету арқылы шешім қабылдаушы тұлғалар мен ұйымның қызығушы жақтарының тәртібі мен іс-әрекеттеріне ықпал етуге қабілетті.

Менеджердің кәсіби функцияларын жүзеге асыру үшін қаржылық есеп, экономика, маркетингтің функционалдық аяларында, болашақты болжау мен деректерді сараптаудағы парадигмалар мен теориялық әзірлемелерді, күрделі және айқын емес тәуелділіктерді, басты тұжырымдарды жергілікті және халықаралық деңгейлерде біріктіруге қабілетті.

Көпшілік алдында сөйлеу мен академиялық жазылымның тұрақты дағдыларын көрсетіп, ішкі және сыртқы қызығушы жақтар үшін қаржылық, басқарушылық ақпараттарды талдау мен ұсынуға қабілетті.

Кәсіпкерлік және инновациялық ойлауды қалыптастыру мен жеке әлеуетті ашу үшін, қоғамға игілікпен қызмет жасау үшін кәсіби саладағы озық білімге негізделген өзіндік білім алуды тәжірибеге енгізу және көшбасшылық қасиеттерді көрсетуге қабілетті.

Заман ағымының әлеуметтік-экономикалық мақсаттарына қол жеткізу үшін жергілікті және халықаралық деңгейде ұйымның HR стратегиясын жүзеге асыру мен инновациялық жоспарлау үлгілерін жасау үшін ақпараттарды сапалы түрлендіруге қабілетті.

Ұзақ мерзімді және орта мерзімді жоспарлау арқылы ұйымның үдерістері мен міндеттерін тиімді жүзеге асыру үшін ішкі кадрлық ресурстарды оңтайлы қалыптастыру мен пайдалануды қамтамасыз етуге қабілетті.

Персоналды дамыту мен ынталандыру бағдарламаларын енгізу арқылы персоналды басқару тәжірибесін пайдаланып, ұйымның өзгерістерге деген қажеттілігін анықтап және оларды жүзеге асыруға қатысуға қабілетті.

Ұйымның стратегиялары мен бизнес-үдерістерінің ерекшеліктерін ескере отырып еңбек шығындарын қысқарту үшін лауазымдар мен кәсіптердің еңбек функцияларының сәйкестігін әзірлеуге және бағалауға қатысуға қабілетті.

Ұйым стратегиясы мен кадрлық саясатты, маркетингтік қызметті жүзеге асыру арқылы персоналды бағалау мен өтемақы рәсімдерін әзірлеу мен қолдауға қабілетті.

Адами ресурстарды басқару мен жаңа қызметкерлерге бейімделу бағдарламаларын жасау арқылы әртүрлі ынталандыру тәжірибесін қолдана отырып, персоналдың дамуын ұйымдастыру мен қолдау және олардың мансабын жоспарлаудың көмегімен кадрлар ағымын басқаруға қабілетті.

Деректерді жинау мен өңдеудің әртүрлі технологиялары негізінде персоналға деген қажеттілікті анықтау үшін еңбек шығындарының нормасын жасауға қабілетті.