7M04126 Қаржы (1 жыл) в М.Х.Дулати атындағы Тараз өңірлік университеті

Әлемдік қаржы нарығының жұмыс істеуі мен оны реттеудің теориялық және құқықтық негіздері, қаржы құралдары, әлемдік қаржы нарықтарындағы эмитенттер мен ойыншылар. Әлемдік қаржы нарығы бойынша қаржылық ақпаратты талдау. Қаржы нарығының әртүрлі сегменттерінің бір-біріне әсерін талдау. Әлемдік қор нарықтарының динамикасын бағалау. Активтің ықтимал кірістілігін есептеу. Әлемдік қаржы нарығының конъюнктурасын талдау. Қаржы нарығындағы қаржылық тәуекелдерді болжау.

Мемлекеттік бюджетті қалыптастыру және бөлу тетігінің теориялық және құқықтық негіздері, оның елдің әлеуметтік-экономикалық дамуына әсері. Мемлекеттік бюджет кірістерін қалыптастыру тетігін талдау. Мемлекеттік бюджеттің шығыс және кіріс баптарын талдау. Мемлекеттік бюджеттің атқарылуының негізгі макроэкономикалық көрсеткіштерге әсерін талдау. Мемлекеттік бюджет кірістеріне салықтық және салықтық емес түсімдердің болжамы. Мемлекеттік бюджет шығыстарын болжау

Шетелдік инвестицияларды тартудың экономикалық мазмұны және құқықтық шарттары. Инвесторларды тарту үшін инвестициялық жобаны әзірлеу. Жобаларды бағалаудың заманауи әдістерін қолдана отырып, инвестициялық көрсеткіштерді талдау. Инвестициялық жобаның өтелу мерзімін және инвестициялық жобаны жүзеге асыру үшін жоспарланған шығындар көлемін есептеу. Нарықты талдау, маркетингтік жоспар құру, белгілі бір уақыт өткеннен кейін жобаның максималды қаржылық қайтарымын есептеу.

ҚР-дағы бюджет жүйесінің жұмыс істеуі мен оны басқару тетігінің экономикалық мазмұны және құқықтық негіздері. Бюджет кірістері мен шығыстарының атқарылу тиімділігін талдау және бағалау. Бюджет ресурстарын басқару жөніндегі мемлекеттік орган қызметінің тиімділігін бағалау. Фискалдық тәуекелдерді және мемлекеттік қаржының ұзақ мерзімді тұрақтылығын басқару. Мемлекеттік бюджеттің шығыстары мен кірістерін болжау, сондай-ақ олардың ел экономикасына әсерін анықтау.

Қаржылық бақылаудың теориялық, құқықтық және әдістемелік негіздері. Қаржылық бақылауды жүргізудің іс-шаралары, нысандары және әдістері. Көлденең, тік, трендтік талдауды қолдану және қаржылық қызметті талдаудың басқа да түрлері. Салықты дұрыс есептеуді тексеру және талдау. Шаруашылық жүргізуші субъектінің кірістері мен шығыстарын талдау және есептеу. Қаржы қатынастары саласындағы бұзушылықтар мен қылмыстар үшін өсімпұлды есептеу, әкімшілік және қылмыстық жауапкершілікті қолдану - шаруашылық жүргізуші субъектілерде аудит жүргізу.

Басқару жүйесінің объектісі - адам ресурсының әлеуетін, уәждемесін арттыру және жақсарту;басқару және жалпы бақылау функциясы саласында инновациялық жүйені енгізу болып табылады.Кәсіпорындарды басқару және басқарушылық шешімдер қабылдау саласындағы елдердің даму тәжірибелерімен танысу.Табысты басқару және тәлімгерлік әдістері мен стилі, менеджердің зияткерлік әлеуетін арттыру.

Магистранттардың кәсіби салада шет тіліндегі коммуникативтік құзыреттілігін дамыту және жетілдіру, кәсіби қызметте шет тілін пайдалану, өз қызметі шеңберінде шетелдік әріптестермен ғылыми-практикалық алмасуды іске асыру. Лингвистикалық білім мен біліктерді кеңейту; мәдениетаралық өзара іс-әрекет жағдайларында шет тілінде тұлғааралық қарым-қатынас мәдениетін жетілдіру; зерттеу нәтижелерін ұлттық және халықаралық деңгейлерде жариялау.

Басқару психологиясының теориялық-әдіснамалық және қолданбалы негіздері. Салыстырмалы тарихи талдау және басқару психологиясындағы зерттеулердің келешегі. Басқару қызметінің құрылымы мен негізгі бөлімдері. Басқару субъектілері мен объектілері. Топтық динамика және басқару. Басқарушылық қызметтегі танымдық процестер. Басқару құрылымдарындағы көшбасшылық және басшылық ету. Басқару қызметіндегі коммуникациялар. Кикілжің жағдайларын басқару психологиясы.

Жетекші экономистердің еңбектерінде келтірілген отандық және шетелдік тәжірибені егжей-тегжейлі зерттеу арқылы мемлекеттің және жеке шаруашылық жүргізуші субъектінің қаржы жүйесін басқарудың құралдары мен әдістемесі. Қаржылық ағындарды талдау және олардың зерттеу объектісінің қаржылық жағдайына әсерін болжау. Мемлекеттік органдарда, компанияларда және қаржы институттарында қаржы ағындарын басқару. Объект туралы ақпаратты тиімді өңдеу және талдау негізінде қаржылық модельдерді жобалау.

Капитал көзі ретінде компанияның жеке және несиелік ресурстарының қаржылық айналымы. ҚР-да кәсіпорынның меншікті және қарыз капиталын қалыптастырудың нормативтік базасы. Шаруашылық жүргізуші субъектінің активтерін, пассивтерін, төлем қабілеттілігі мен рентабельділігін талдау. Компанияның табыстылығына әсер ететін факторларды диагностикалау. Кәсіпорынның қаржылық тәуекелдерін анықтау және оларды азайту бойынша шараларды әзірлеу. Шаруашылық жүргізуші субъектінің ақша ағындарының болжамы, тартылған және қарыз көздерін қолдану мүмкіндігімен қаржылық модельдерді әзірлеу.

Банк маркетингінің экономикалық мазмұны, Екінші деңгейдегі банктердегі маркетинг қызметінің ерекшеліктері. Тұтынушылардың мінез-құлқын талдау, сұраныстың қалыптасу факторларын талдау, кірісті арттыру мақсатында банктік қызметтер нарығын тұтынушылардың сұранысын талдау. Банк балансының міндеттемелері мен активтерін талдау. Банк қызметін дамытудың перспективалық бағыттарын анықтау үшін коммерциялық банктің кірістері мен шығыстарын талдау. Банк өнімдерін өткізуді ұлғайтуға бағытталған стратегиялық іс-шараларды әзірлеу. Банк тауарларын орналастыру туралы шешімге сәйкес маркетингтік қызметті жоспарлау.

Қаржылық менеджментті ақпараттық қамтамасыз ету, оның функциялары, міндеттері және негізгі тұжырымдамалары. Бизнестің тиімділігін талдау, капитал мен активтердің құны. Бюджетті оңтайландыру құралдары. Активтердің рентабельділігі мен айналымдылығын талдау. Дебиторлық берешекті талдау, шығындар мен кірістерді талдау. Шаруашылық жүргізуші субъектінің қаржы ағынын басқару. Тәуекелдерді бағалау және талдау, компанияның қаржылық диагностикасы. Теріс қаржылық болжамды ескере отырып, дағдарыс жағдайында компанияны дамыту шараларын әзірлеу.

Қаржы ағындарын талдау, компаниялардың төлем қабілеттілігі мен рентабельділігін анықтау. Қаржы институттарының қаржы ағындарын тиімді басқару. Қаржылық тәуекелдерді анықтау және оларды азайту бойынша іс-шаралар әзірлеу. Ақша ағындарын болжау және объект туралы ақпаратты тиімді өңдеу және талдау негізінде қаржылық модельдерді жобалау.

Кәсіби қызметте тілді меңгеру дағдысы мен іскерлігін дамыту, еркін ауызша қарым-қатынас жасау үшін шет тілінде білім берудің коммуникативтік құзыреттілігін көрсету; психологиялық проблемалардың аспектілерін бөліп көрсету, нақты практикалық мәселені шешуде жеке ерекшеліктерді ескеру; стратегиялық, ағымдағы және жедел жоспарлау мен бақылау (менеджмент) құралдарын пайдалану

Жобаларды бағалаудың заманауи әдістерін қолдану, инвестициялық көрсеткіштерді талдау. Өтелу мерзімін, жоспарланған шығындар көлемін және инвестициялық жобаның максималды қаржылық қайтарымын есептеу. Бағалы қағаздардың табыстылығын есептеу. Қаржы нарығын талдау, маркетингтік жоспар құру дағдыларын меңгеру.

Мемлекеттік бюджет кірістерін қалыптастыру тетігін талдау. Мемлекеттік бюджеттің атқарылуының негізгі макроэкономикалық көрсеткіштерге әсерін талдау. Мемлекеттік бюджет кірістеріне шығыстарды, салықтық және салықтық емес түсімдерді болжау. Мемлекеттік бюджеттің тапшылығы мен профицитін болжау.

Бизнестің тиімділігін, капитал мен активтердің құнын бағалау. Зерттеу объектісін қаржылық дамытудың тиімді стратегияларын және оның өнімдері мен қызметтерінің нарықтағы құнын арттыру жөніндегі іс-шараларды әзірлеу. Бюджетті оңтайландыру бойынша қаржы құралдарын пайдалану. Қаржы ағындары мен тәуекелдерді талдау, бақылау, болжау және басқару.