7M02161 Арт-менеджмент в Т.Қ.Жүргенов ат. Қазақ ұлттық өнер академиясы

Бұл пән бакалавриаттан кейінгі білім беру деңгейінің жалғасы болып табылады және магистранттарға шетел тілін кәсіби меңгертуді негізгі мақсат етеді. Пән магистранттардың кәсіби шеттілдік дереккөздермен жұмыс жасау дағдысын жетілдіру арқылы білім бағдарламасының өзге пәндерін меңгеруге ықпал етеді. Пәнді оқу нәтижесінде магистранттар халықаралық кәсіби ортаға кірігуге және шет тілін мәдениаралық қарым-қатынас құралы ретінде пайдалануға мүмкіндік алады.

Курс жобаны құрудың ресурстарымен, ережелерімен, қағидаттарымен, өнер саласындағы жобаларға, жобалау қызметінің технологиясына, әдістері, қатысу құралдарымен және оларды басқару шарттарын үйретеді, өнер саласындағы жобаларды басқарудың тәжірибелік дағдыларын меңгеруге бағытталған.

Курс заманауи гуманитарлық білім мен шынайы бизнестің концепті ретінде, арт-индустриядағы менеджменттің стратегиялық оқшаулану мүмкіндіктерін жүйелейді. Магистранттар шет елдер мен өз еліміздегі тәжірибелерге сүйене отырып, креативті индустрияның жоспарлау құралдарын зерттеп, өз қызметінде пайдаланады.

Курс барысында магистранттар бизнес, ғылым, мәдениет, өнер, саясат сияқты барлық динамикалық өмір салаларында стандартты емес ойлау дағдыларын жинақтайды және жаңартады. Курс барысында магистрант креативті ойлауды әртүрлі білімнің бірігуінің синергетикалық өнімі ретінде анықтайды.

Курс маркетингтің қалыптасқан жүйесін креативті индустрияның тенденциясы мен заңдылықтары контексіне сәйкес сарапқа салады. Маркетингтің барлық құрамы – ұсынылған тауар сапасы, оның бағасы, жарнама мен маркетингтік «төрттік» арт-менеджмент заңдылықтарына орай түзетіледі, талданады және жүйеленеді.

Курс магистранттардың менеджменттің даму тарихы, менеджмент дамуының қазіргі замандағы тенденциялары туралы білімдерін тереңдетеді, магистрантарда тұттыну мен нарық, бұқаралық ақпарат құралдарының құрылымын талдауға, өндірістік менеджмент пен оның технологиялық ретінің негізгі постулаттарын зерттеуге және сынақтан өткізуге деген көзқарастары мен мүмкіндіктерін қалыптастырады.

Курс басқару психологиясы, менеджмент психологиясы және ұйымдастырушылық психология аспектілерін ашып, басқару қызметінің психологиялық құрылымының мазмұнына түсінік береді және маманның психологиялық мәдениетін жоғарылатуына септігін тигізеді

Курс барысында магистранттар қазіргі жағдайдағы әлеуметтік-мәдени құбылыс ретінде өнер нарығының қалыптасуының негізгі заңдылықтарын, ерекшеліктері мен факторларын зерттейді және оның дамуының ықтимал жолдарын сараптайды. Курста қарастырылатын мәселелер қатарына өнер индустриясындағы нарықтық қызметтің ең жарқын көріністерінің тәжірибелік кейстері кіреді. Магистранттар ұсынылған мысалдарды салыстырады және жіктейді.

Курс Қазақстандағы және шет елдердегі негізгі фестивальдер мен көрмелер тәжірибесінәртүрлі қырларынан қарастырып, қорытындылайды. Магистранттар интерактивті режімде өнердегі менеджменттің нақты кейстерін тексереді, олардың нәтижелерін талқылайды, табыстылық көрсеткіштерін айқындайды және тәуекелдерді бағалайды. Жұмыс барысында ұсынылған мысалдарды саралап және жіктеп, сол арқылы өз тәжірибелерін жаңғыртады.

Курс барысында магистранттар өнер нарығына тән өзіндік ерекшеліктерге экономикалық категория тұрғысынан баға береді, өнер нарығының құрамдас бөліктері мен олардың жағдайын тексереді, өнер нарығын қоғамдық феномен ретінде қарастырады, материалды жан-жақты заманауи мәселелер және өнер және мәдениет инфрақұрылымымен өзара байланыс тұрғысынан қорытады.

Курс барысында магистранттар өнер жобаларын жүзеге асыруға қажетті бірқатар құралдарды сынақтан өткізеді. Өткен өнер саласындағы оқиғалардың әртүрлі тәжірибелік кейстерін салыстырады, олардың нәтижелеріне байланысты пікір таластыра отырып, топтарда интерактивті жұмыс жүргізеді. Теориялық сабақтардың қорытындысы бойынша магистранттар өнер жобаларына қатысты өз идеяларына тәжірибе жасайды.

Арт-менеджменттің әдістемесі мен басқаруда оқыту бойынша алған білімдерін қолдана отырып, практикалық қызметті жүзеге асыру

Әртүрлі өнер саласындағы өз жобаларын әзірлеу кезінде қолданыстағы тарихи және философиялық тұжырымдамаларға сәйкес практикалық зерттеу дағдыларын қолдану

Қазіргі контексте көркем өнер стильдерін жіктеу және түсіндіру бойынша шығармашылық процестерді басқару

Менеджмент психологиясы және өнер психологиясы, маркетинг, фандрейзинг және әлеуметтану туралы білімді қолдана отырып, бұрыннан бар жұмыстарды талдау және сынға сүйене отырып, өнер саласындағы жобаларды басқаруды жүзеге асыру

Арт-индустрияны басқарудың негізгі ережелерінен ауытқымай, жобалық тұжырымдаманы дұрыс құру үшін басқарушылық-экономикалық циклдің барлық пәндерін оқытудың бағыттарын, оқыту әдістемесін және арт-менеджментті зерттеу әдістемесін түсіну

Арт-менеджер жұмысының барлық заманауи талаптарына жауап беретін басқарушылық қызмет аясында өз идеяларын қалыптастыру мақсатында қолданыстағы арт-жобаларды сыни тұрғыдан талдай білу

Арт-менеджмент және продюсерлік саласындағы негізгі заңдылықтар мен жаңа бағыттарды талдау және енгізу, оларды іс жүзінде практикалық және оқытушылық жұмыста сынап көру, бұрыннан бар тәжірибені зерттеу мен сыни тұрғыдан түсінудің практикалық тәсілін қолдану

Креативті экономиканы тұрақты дамыту және оның кадрлық инфрақұрылымын дайындау мақсатында классикалық жетістіктерді өзектендіру және өнердің әртүрлі түрлерін ұйымдастыру саласында инновациялық идеяларды генерациялау