8D04105 Есеп және аудит в Нархоз Университеті

Курс жазбаша ғылыми қарым-қатынас дағдыларын дамытуды қамтиды. Курстың тақырыбы ғылыми стиль мен ғылыми жанрлардың жалпы мәселелерін, зерттеу жазбасының әртүрлі формаларын талдау мен қолдануды, сондай-ақ ғылыми ақпаратты мамандар мен кең аудиторияға беру стратегияларын зерттеуді қамтиды. Интерактивті сыни талқылау, ғылыми мақалаларды талдау, практикалық ситуациялық міндеттерді шешу докторанттарға академиялық жазу және ғылыми стиль саласында дағдыларды алуға мүмкіндік береді.

Курс әртүрлі елдердің қазіргі заманғы экономикалық дамуының ғылыми талдауын, көп өлшемді статистикалық талдау әдісін және экономикалық өсудің жағдайларын, факторларын және модельдерін анықтау, сондай-ақ адами капиталды дамыту, денсаулық сақтау, мәдениет, қаржы және сақтандыру секілді әлеуметтік маңызды бағыттардағы экономикалық талдауды қамтиды. Докторанттар зерттеу және коммуникация саласындағы заманауи әдістемелерді қолданып, өздерінің зерттеу жұмыстарының объектілеріне эмпирикалық талдау жүргізеді.

Пән қазақстандық бухгалтерлік есептің әлемдік экономикалық қоғамдастыққа интеграциялау механизмдерін зерттейді; есептің қазіргі заманғы жүйелері; бухгалтерлік есептің халықаралық тәжірибесінің даму тенденциялары; қаржылық есептіліктің ұлттық стандарттарының бірлігін қамтамасыз етуге халықаралық және ұлттық кәсіби ұйымдардың қатысуы зерделенеді. Курс шеңберіндегі кейстер мен міндеттер докторанттарға есепке алуды біріздендірудің қазіргі заманғы мәселелерін талдау мен бағалауды жүргізуге, «бизнестің халықаралық тілі» тұрғысынан қолдануға мүмкіндік береді.

Курс аудиторлық қызметтерді дамыту мен көрсетуде заманауи үрдістерді зерделеуді қамтиды. Докторанттар қазіргі заманғы нарықтағы аудиторлық қызметтердің ерекшеліктері мен мәселелерін эволюция процесінде зерттейді; аудиттің классикалық және қазіргі заманауи тұжырымдамаларын зерделейді; өзінің эмпирикалық талдауын жүргізу кезінде аудит саласындағы қаржылық құралдарды және экономикалық зерттеулердің бағыттарын қолданбалы пайдалану мүмкіндіктерін пайдаланады; белгісіздік айқынсыздық және тәуекел жағдайларында аудиттің күрделі мәселелерін шешудің жаңа тәсілдерін әзірлейді.

Курс экономиканың түрлі бағыттарындағы өзекті мәселелерін талдау кезінде озық сандық зерттеу әдістерін әзірлеуге және практикада қолдануға бағытталған. Докторанттар гетероскедастикалық, автокорреляция, уақыттық сериялы талдау, синхронды теңдеулер модельдері, панельдік деректерді талдау, инструменталды айнымалы әдістер, екі деңгейлі кіші квадраттар әдісі (2SLS); тұрақты әсерлер мен кездейсоқ әсерлер арасындағы айырмашылық сияқты сандық әдістерді меңгереді.

Курс ғылыми зерттеу жүргізуді жүйелейді, экономикалық зерттеу әдіснамасын, өзекті мәселелерді анықтау мен шешуді, міндеттер қоюды, ғылыми зерттеудің дизайнын, әдістері мен әдістемелерін, бастапқы және қайталама деректерді жинауды қамтиды. Зерттеулердің заманауи құралдарын интерактивті сыни тұрғыдан талқылау және талдау докторанттарға дербес ғылыми және қолданбалы зерттеулер жүргізу үшін әдіснамаларды негізді таңдауға мүмкіндік береді.

Бұл курс шығындарды есепке алу және калькуляциялаудағы проблемалық мәселелерді зерттеуді қамтиды. Шығындарды оңтайландырудың қазіргі заманғы әдістерін пайдалану докторанттарға шығындарды топтастыру және оларды төмендету мәселелерін шешуде, шығындар мен өнімнің шығуының аналитикалық және синтетикалық есебін жүргізуде басқару есебінің теориясы мен әдіснамасын ескере отырып, жіктеу мәселелерін ашуға мүмкіндік береді. Оқытылатын кейстер мен міндеттер шығындарды оңтайландыру және бәсекелестік артықшылықтарын нығайту үшін басқаруға бағытталған.

Курс экономика және қаржы саласындағы мәселелерді эмпирикалық талдау және өз зерттеулерін бағалау мен оның жаһандық сынақтарға сәйкестігін бағалау мақсатында қазіргі зерттеулердің жарияланған нәтижелерін талқылау негізінде зерттеуге бағытталған. Докторанттар макро -, мезо - және микро деңгейлердегі экономикалық даму нысандарының, әдістері мен модельдерінің тұтастығын білдіретін экономикалық дамудың қазіргі заманғы тұжырымдамаларына талдау жүргізеді.

Бұл курс экономикалық қатынастарды бағалау және тестілеу үшін статистикалық зерттеу әдістерін меңгеруге бағытталған. Докторанттар регрессиялық талдаудың әртүрлі формаларына, регрессиялық коэффициенттердің болжамдарына, жалған айнымалыларға негізделген эконометрикалық үлгілерді салады. Бұл курста практикалық жұмыстарды шешуде және экономикалық деректерді талдағанда, STATA, EVIEWS, R, SPSS сияқты статистикалық платформаларға қоса басқа компьютерлік бағдарламалық өнімдерді пайдалану қамтамасыз етіледі.

Курс қаржылық және инвестициялық талдаудың қазіргі заманғы әдістері мен құралдарын пайдалану негізінде ұйымның қаржылық-экономикалық параметрлерін жүйелік зерттеу әдістерін игеруді болжайды. Авторлық кейстерді шеше отырып, докторанттар экономикалық және қаржылық коэффициенттердің логикалық және ақпараттық өзара байланыстарын және өзара тәуелділігін анықтайды, олардың негізінде басқарушылық шешімдердің ғылыми негіздемесін әзірлейді.

Басқару шешімдерін негіздейді, оның ішінде зерттелетін объектінің даму процестерінің үлгілерін әзірлеу, экономикалық және қаржылық арақатынастардың өзара байланысы мен тәуелділігін ашып көрсетеді.

Зерттеу объектілерін модельдеу және бағдарламалық өнімдер мен ақпараттық-коммуникациялық технологияларды қолдану арқылы кәсіби және ғылыми салалардағы құрылымдалмаған мәселелердің стандартты емес шешімдерін табады.

Жоғары кәсіби ортада өз бетінше ғылыми зерттеулердің нәтижелерін әртүрлі тілде әртүрлі тәсілдермен ұсынады.

Қаржылық процестерді талдау және бағалау негізінде белгісіздік және тәуекел жағдайында макро, мезо және микро деңгейлерде ұйымдастыру және қаржылық менеджмент саласындағы жоспарлау мен әрекеттердің алгоритмін жасайды.

Университетте педагогикалық қызметті жүзеге асырады, білім беру бағдарламаларын құрастырады, оқыту технологияларын бейімдейді және дамытады.

Экономикалық даму теориясына сүйене отырып, зерттеу объектілеріне эмпирикалық талдау жүргізе отырып, ғылыми-зерттеу және коммуникациялар саласындағы заманауи әдістемелерді шығармашылықпен қолдана отырып, бизнес және менеджмент саласындағы инновациялық («серпінді») жеке және топтық ғылыми жобаларды басқарады.

ХЕҚС бухгалтерлік есепті біріктіру тенденцияларын пайдалана отырып, әртүрлі есеп үлгілерін әзірлейді.

Белгісіздік пен тәуекел жағдайында оларды оңтайландыру және ұйымның стратегиясын іске асыруды қамтамасыз ету мақсатында жоспарлау және шығындарды басқару саласында жаңа тәсілдерді әзірлейді.