7M04104 Бухгалтерлік есеп және бизнесті құқықтық қамтамасыз ету (2 ж.) в С.Сейфуллин атындағы Қазақ агротехникалық университеті

Шет тілі (Кәсіби) пәнінің мазмұны болашақ магистрлердің кәсіби және академиялық мақсаттар үшін кәсіби деңгейде шет тілін меңгеруге бағытталған, бұл мамандықтың ғылыми-ұғымдық аппаратымен еркін жұмыс істеуге, ғылыми-ақпараттық базаны кеңейтуге, ғылыми ақпаратты интерпретациялау, дәлелдеме, наным, ғылыми өріс, Академиялық хат дағдысын меңгеруге мүмкіндік береді.

"Басқару психологиясы" пәнін оқу барысында басқару психологиясының ұғымдық аппараты, басшы және ұжым, еңбек ұжымындағы жанжалдар, басқарушылық қарым-қатынас, шешім қабылдау технологиясы, басқару субъектісі мен объектісі түсінігі, басшы және көшбасшы, бұйрық психологиясы, басқару субъектісі және объектісі ретіндегі тұлға, сын психологиясы, қарым-қатынас субъектілерінің психотиптері, сендіретін әсер етудің психологиялық техникасы қарастырылады.

Қоғамдық өмірдің, ғылым мен білімнің рөлі, ғылыми білімнің қазіргі тенденциялары; өзекті ғылыми мәселелерді шешудегі педагогикалық зерттеудің әдіснамасы; ғылыми жұмысты ұйымдастыру процесінде жоғары оқу орындарында оқытудың заңдары, заңнамалары қағидалары; оқу үрдісіндегі магистранттардың танымдық іс-әрекеттерінің психологиясы; білім берудің тиімділігі мен сапасын арттырудың психологиялық әдістері мен құралдары

"Ғылым тарихы мен философиясы" пәнін оқу барысында магистранттар ғылыми білімнің құрылымымен, ғылыми зерттеу әдістерімен, ғылыми теориялар мен заңдардың функцияларымен танысады; ғылым мен оның философиясының өзара байланысын және айырмашылығын түсіндіру, ғылыми ойлау стилі, ғылым критерийлері туралы түсініктерді қалыптастырады.

Ғылыми зерттеулер әдіснамасы. Экономикалық зерттеулердің жалпы ғылыми әдістері. Зерттеудің статистикалық-экономикалық әдістері. Зерттеудің баланстық, экономикалық-математикалық үлгілеу және мақсатты бағдарламаларды қалыптастыру әдістері. Ғылыми зерттеудің есептік-конструктивтік және эксперниментальды әдістері. Зерттеудің функционалды-құндық және эксперттік әдістері. Ғылыми зерттеуді ақпараттық қамтамасыз ету. Ғылыми стиль және ғылыми жұмысты өңдеудің филологиялық негіздері. Магистрлік диссертацияны дайындау мен рәсімдеу әдістемесі.

Кешенді экономикалық талдаудың әдісі, тәсілдері. Факторлық талдау әдістемесі және қаржылық коэффициенттер әдісі. Өнім өндіруді, өткізуді және өнімнің өзіндік құнын кешенді талдау. Еңбек және өндірістік ресурстарды пайдалануды кешенді талдау. Баланс өтімділігін, төлем қабілеттілік пен қаржылық тұрақтылықты кешенді талдау. Субъектінің ақша ағындарын, нарықтық және іскерлік белсенділікті кешенді талдау. Субъектінің табыстылығын кешенді талдау.

Жаhандану және оның есептік үрдістерге әсері. Халықаралық экономикалық ұйымдар және олардың есептің дамуына әсері. Есептің ұлттық стандарттарының қалыптасуы. Әлемдегі есеп пен есептіліктің негізгі үлгілері. Ұлттық үлгілердің негізгі топтарының сипаттамасы. Жаhанданудың ҚЕХС дамуына әсері. Халықаралық бухгалтерлік ұйымдар: міндеттері мен қызметтері. Бухгалтерлер мен аудиторларды халықаралық стандарттау. ҚР-да ҚЕХС ендіру, дамуы және қолдану мәселелері.

Кәсіпкерлік қызметтің ұйымдастыру-құқықтық нысаны. Жеке кәсіпкерліктің ерекшелігі. Кәсіпкерлік қызметті лицензиялаудың маңызы мен ерекшеліктері. Коммерциялық қызметті айрықшалау құралдары. Міндетті құқық. Өкілеттік және сенім хат. Шаруашылық құқықбузушылық үшін заңдық жауапкершілік. Кәсіпкерлікті қолдау мен қорғау.

Активтердің әділ құнын анықтау. Бизнесті біріктіру, шоғырландырылған қаржылық есептілікті дайындау. Гудвилл есептеу. Кері жалдау. Субсидияларды есепке алу сұрақтары. Қаржылық есептілікте қаржылық құралдарды, зейнетақы жоспарларын, сақтандыру шарттарын, ауылшаруашылығы өнімдерін ұсыну.

Талдаудың сандық әдістері мен объектілері. Микроэкономикалық көрсеткіштердің динамикасын болжау есептері. Бір өлшемді уақыт қатарларын үлгілеу. Автокорреляция. Динамика қатарларын талдау. Регрессиялық талдау теориясына кіріспе. Корреляция және сызықтық регрессия: деректер арасындағы байланыс. Көптік регрессия. Динамика қатарларын регрессиялық талдау. Бизнес-процесстерді болжаудың статистикалық әдістері. Шешімдер қабылдау және тәуекел.

Бизнес-аналитиканың құралдары, жұмыс қағидалары. Бизнес-аналитикалық қызметтің түрлері. Бизнес-аналитиктердің замануи қызметтері. Бизнес-аналитиктердің қызметін қолдану аялары. Ақпараттық бизнес-аналитика. Жүйелік динамиканың үлгілері мен әдістері. Аналитикалық есептерді шешуде динамикалық жүйелерді қолдану. Деректерді статистикалық талдаудың негізгі жүйелері және оларды тәжірибеде қолдану. Бизнес-аналитикада имитациялық үлгілеуді қолдану. Бизнесті жоспарлаудағы бизнес-аналитика. Аналитикалық бағалау.

Басқару есептілігінің негіздері. Шығындарды есепке алу және өнімнің өзіндік құнын калькуляциялаудың заманауи жүйелері. CVP талдауды қолдану мен анықсыздық жағдайында шешім қабылдау ерекшеліктері. Инвестициялық жобалардың тиімділігін бағалау. Баға саясатының стратегиясы мен тактикасы. Икемді бюджеттер және ауытқуларды талдау. Балансталған көрсеткіштер жүйесі. Басқару есебіндегі шектеулер теориясы және оны тәжірибеде қолдану.

Азаматтық құқықты реформалау: келісім-шарт құқығының даму болашағы. Келісім-шарт құқығының түсінігі мен қағидалары. Кәсіпкерлік (коммерциялық) шарт. Коммерциялық айналыстағы келісім-шарт үрдісі. Коммерциялық шарттар түрлері, делдалдық коммерциялық шарттар. Коммерциялық айналыстағы сервистік міндеттемелер. Коммерциялық келісім-шарт тараптарының қызығушылығын қорғау.

Ішкі аудит: мазмұны, қызметтері, негізгі қағидалары. Бизнес-үрдістер: мақсаты мен міндеттері, жіктелуі, реттелуі, ішкі аудитте қолданылуы. Ішкі аудит циклы. Ішкі аудит әдістері, Сатып алулар үрдісінің ішкі аудиті. Өндіріс үрдісінің ішкі аудиті. Сату үрдісінің ішкі аудиті. Қаржыны басқару үрдісінің ішкі аудиті. Бухгалтерлік есеп үрдісінің ішкі аудиті. Персоналды басқару үрдісінің ішкі аудиті. Корпоративтік басқару үрдісінің ішкі аудиті.

Бухгалтерлік есеп пен аудиттегі автоматтандырылған ақпараттық жүйелердің (ААЖ) жіктелуі. Бухгалтерлік есеп пен экономикалық талдауды автоматтиандырудың оңтайлы нұсқасын таңдау. Бухгалтерлік есептің ААЖ. Экономикалық талдау мен аудиттің ААЖ: қаржылық талдауды автоматтандыру, ішкі басқару есебін автоматтандыру, аудитті автоматтандыру жүйелері, құқықтық және ақпараттық деректер базасы.

Қаржылық есептілік аудитін тексеру мақсаты мен тәсілдері, ақпараттық базасы. Жоспарлау. Аудиторлық дәлелдемелерді жинау. Сапаны бақылау. Қаржылық есептілікте бұрмалаудың орын алуының тәуекел факторлары. Қаржылық есептілік аудиті барысында ақпараттық жүйелерді пайдалану. Аудиторлық IT-тәуекелдер. Аудиторлық есеп. Пікір қалыптастыру. Аудиторлық қорытынды.

Аудиттің халықаралық стандарттарының жіктелуі. 100-199 «Кіріспе аспектілер» АХС тобы. 200-299 «Міндеттер» АХС тобы. 300-399 «Жоспарлау» АХС тобы. 400-499 «Ішкі бақылау» АХС тобы. 500-599 «Аудиторлық дәлелдемелер» АХС тобы. 600-699 «Үшінші тұлғаның жұмысын пайдалану» АХС тобы. 700-799 «Аудиторлық қорытынды және есептілікті ұсыну» АХС тобы. 800-899 «Арнайы облыстар» АХС тобы.

Бухгалтерлік есептің түрлі әдістерін қолдану, бухгалтерлер мен аудиторлардың кәсіби этикасының талаптарын сақтай отырып шаруашылық субъектілерінде есептік-аналитикалық, бақылау бөлімшелерін (топтарын) ұйымдастыру мен басқару қабілеттілігі.

Дайындалған бағдарламаға сәйкес өз бетінше зерттеулер жүргізу, жүргізілген зерттеулер нәтижесін ғылыми қоғамдастыққа мультимедиялық құралдарды қолдана отырып мақала, диссертация, баяндама немесе презентация түрінде ұсыну қабілеттілігі.

Басқару шешімдерін қабылдаудың қалыптасқан әдістерінің тиімділігі мен нәтижесін негіздеу, қызметтің теріс нәтижелерінің алдын-алоу мақсатында ұйымның экономикалық саясатын жоспарлау қабілеттілігі.

Өзін-өзі дамытуға, тұлға ретінде өсуге, бастамашылық іс-әрекеттерге бару мен жетекшілік қасиеттерін қалыптастыру қабілеттілігі.

Ұйымның шаруашылық қызметінің нәтижелерінің бухгалтерлік есепте, қаржылық және салық есептілігінде дұрыс бейнеленуі бойынша туындаған сұрақтарды арнайы экономикалық, әкімшілік және арбитраждық соттарда өз бетінше қорғай алу қабілеттілігі.

Отандық және шетелдік зерттеушілермен анықталған ғылыми зерттеулерді жалпылау мен сыни бағалау, зерттеудің перспективалық бағыттарын анықтау мен зерттеу бағдарламасын дайындау қабілеттілігі.

Жоғары және қосымша білім беру жүйесінде оқытушылық және ғылыми-зерттеу жұмыстарын жүзеге асыру қабілеттілігі.

Бухгалтерлер мен аудиторлардың кәсіби этикасының талаптарын сақтай отырып сыртқы аудиторлық тексерісті жүргізу мен кәсіпорында ішкі аудит жүйесін ұйымдастыру қабілеттілігі.

Жүйелік талдау негізінде абстрактілі ойлау, мәселелі жағдайларды сыни талдау мен әрекет ету стратегиясын дайындау қабілеттілігі.

Заманауи қарым-қатынас пен ақпараттық технологияларды қолдану, шет тілін кәсіби және зерттеу қызметін жүзеге асыруға жеткілікте деңгейде меңгеру қабілеттілігі.