7M04116 Кәсіпкерліктің бухгалтерлік есебі мен аудиті (1 жыл) в М.Х.Дулати атындағы Тараз өңірлік университеті

Пәннің мақсаты: кәсіби салада магистранттардың шеттілдік коммуникатвтік құзыреттіліктерін дамыту. Лингвистикалық білімдері мен біліктіліктері кеңейтіледі,кәсіби және ғылыми қызметінде қолдану үшін іскерлік ағылшын тілі мен академиялық хаттың лексикасы оқытылады.

Мақсаты: басқару психологиясының теориялық-әдіснамалық және қолданбалы негіздерін талдау. Міндеттері: әр түрлі ресурстарды басқарудың психологиялық аспектілерін түсіндіру дағдыларын игеру; басқару әдістерін қолдану; кәсіби өсу мен мансаптың практикалық ұсыныстарын әзірлеу. Пән cалыстырмалы-тарихи талдау дағдыларын және басқару психологиясындағы зерттеу перспективаларын қалыптастыруға бағытталған. Пәнді оқу барысында келесі тақырыптар қарастырылады: басқару қызметінің құрылымы мен негізгі бөлімдері, басқару субъектілері мен объектілері, топтық динамика және басқару, басқару қызметіндегі танымдық процестер, басқару құрылымдарындағы басшылық және көшбасшылық. Оқыту әдістері: кейс-стади, миға шабуыл, өзіндік жұмыс.

Пәннің мақсаты-бухгалтерлік есеп теориясын көптеген бағыттардан, ағымдардан және мектептерден қалыптасқан, есеп процесін өзінің әдіснамалық ұстанымдарынан түсіндіретін әр түрлі тұжырымдамалардың жиынтығы ретінде түсіну. Осыған байланысты оның мәнін ашатын бухгалтерлік есептіліктің мазмұны мен құрылымын баяндау; бухгалтерлік есеп объектісін оның пайдаға әсері тұрғысынан қарау; қалыптасқан бухгалтерлік терминдердің ұғымдары мен терең мәнін баяндау; бухгалтерлік есепте қосарланған жазбаны пайдалануды көрсету қажет; капиталдағы өзгерістер туралы деректердің бірыңғай жүйесі ретінде қаржылық есептілік тұжырымдамасын меңгеру.

Пәннің мақсаты күрделі өзгермелі ортада, белгісіз, өзгермелі жағдайда әрекет ететін заманауи ұйымды тиімді басқару тәсілдері мен қағидалары, әдістемесін түсіндіру болып табылады. Пән оқыту барысында менеджменттің теориялық және әдістемелік негіздері, заманауи менеджент дамуында үрдістерді болжалдау мен жалпылау, талдау әдістері; адам ресурсын ынталандыру, потенциалын жақсыарту мен жоғарылату жолдары; басқару мен бақылау қызметі саласында ииновациялық жүйелерді ендіру; компания дамуының тиімділік көздерін анықтау мен талдау;компанияны тиімді басқару негізінде бәсекегеқабілеттілігін қамтамасыз ету сияқты мәселелер қарастырылады.

Пәннің мақсаты қазіргі жағдайда бухгалтерлер мен аудиторларға қажетті қаржылық есептің теориялық білімі мен практикалық дағдыларын ХҚЕС сәйкес зерделеу болып табылады. Зерделеу нәтижесінде магистрант халықаралық стандарттарға сәйкес ақша қаражатын есепке алуды, дебиторлық берешекті есепке алуды, қорларды есепке алуды ұйымдастыруды білетін болады; қаржылық жағдай туралы есептің барлық баптары бойынша ақпаратты ашатын болады; негізгі құралдарды, материалдық емес активтерді, міндеттемелерді есепке алуды жүргізуді және капиталдағы өзгерістер туралы есептің мазмұнын баяндайтын болады; ХҚЕС-ке сәйкес кірістер мен шығыстарды анықтай алады.

Пәннің мақсаты-басқару есебі мен бюджеттеуді ұйымдастыру және әдістемесі бойынша теориялық білім мен практикалық дағдыларды қалыптастыру, кәсіпкерлік қызметте шешімдер қабылдау үшін ақпарат дайындау және ұсыну. Зерделеу нәтижесінде магистрант бюджеттерді жасау және қабылдау процесінің принциптерін, функцияларын білетін, қаржылық жоспардың құрамын, бюджеттерді жасау тәртібін зерделейтін; бюджеттерге талдау жүргізу дағдыларын меңгеретін болады.

Пәннің мақсаты бухгалтерлер мен аудиторларға ілгерілмелі қаржылық есеп пен есептілікті жүргізу бойынша қажетті теориялық білім мен практикалық дағдыларды зерделеу болып табылады. Зерделеу нәтижесінде магистрант сегменттік есептілікті жасау, инвестициялық жылжымайтын мүлікті айқындау, қаржылық жалдауды айқындау әдістемесін білетін болады; есептілікте қаржылық активтер мен міндеттемелерді сипаттайтын болады; қызметкерлердің сыйақыларын, мемлекеттік субсидияларды есептеу және есептілікте ақпаратты ашу; есептілікте бизнесті біріктіруді, шоғырландырылған қаржылық есептілікті жасауды және ұсынуды ашатын болады.

Пәннің мақсаты-басқарушылық шешімдерді уақтылы қабылдау үшін жедел ақпаратты қалыптастыру жүйесін зерттеу. Осыған байланысты өндірісті басқару үшін ақпарат дайындау жүйесін білу, сапаны басқару, инновация, стратегиялық есеп саласында қорларды құрудың басқарушылық (тереңдетілген) есебін, өнімнің өзіндік құнын калькуляциялаудың креативті әдістерін зерделеу, басқарушылық (тереңдетілген) есепке алу тәсілдерін меңгеру.

Пәннің мақсаты кәсіпорындарда салық аудитін жүргізу бойынша магистранттардың теориялық білімі мен практикалық дағдыларын оқыту және қалыптастыру болып табылады. Зерделеу нәтижесінде магистрант салық аудитінің есептерін жасауды, салық аудиті объектісін (салық төлеушінің рейтингі) айқындау үшін қағидаттар туралы, салық тексерулеріне қатысушылар туралы жалпы ережелерді білетін болады; салық органдары, сондай-ақ тәуелсіз аудиторлық ұйымдар жүргізетін салық аудитінің түрлерін айқындайтын болады; кешенді, тақырыптық, үстеме тексеру, хронометраждық зерттеп-тексеру нысанында жүзеге асырылатын салық тексерулерін жүргізу уақытын және мерзімдерін баяндайтын және дәлелді түрде қорғайтын болады; салық органдары мен аудиторлық ұйымдар жүргізетін салық аудиті бойынша актіні, аудиторлық есепті және салық тексеруін жүргізу туралы актіні жасай білу.

Пәннің мақсаты бухгалтерлер мен аудиторларға қаржылық есепті жүргізу бойынша қажетті теориялық білім мен практикалық дағдыларды, кәсіпорынның тереңдетілген есебі мен шоғырландырылған қаржылық есептілігін ұйымдастыру ісіндегі дағдыларды, тәсілдерді тереңдетіп оқыту болып табылады. Зерделеу нәтижесінде магистрант ақша қаражатының дисконттық құнын есептеу, есепті күннен кейінгі оқиғаларды анықтау, қаржылық нәтижелерді, түсімдерді, шығыстарды, активтер мен міндеттемелерді есептеу әдістемесін білетін болады; қызметкерлердің жалақысының, бюджетке төленуге жататын міндеттемелердің, сондай-ақ МЗЖ, ӘА, МӘМС және МӘМСЖ сомасын анықтайтын болады.

Пәннің мақсаты-қаржылық есеп және есептілік саласында алынған жүйелі білімді тереңдету. Бұл үшін есепке алу және есептік ақпаратты жинақтау мен жүйелеудің теориясы мен практикасындағы жаңа тәсілдерді білу; бухгалтерлік есеп пен қаржылық есептілікті ұйымдастырудың проблемалық мәселелерін түсіндіру; ғылыми аппаратты және халықаралық терминологияны, ХҚЕС ережелерінің қолайлылығын пайдалану қажет.

Пәннің мақсаты-жедел және стратегиялық шешімдер қабылдау үшін бақылау әдіснамасы мен ұйымы бойынша теориялық білім мен практикалық дағдыларды қалыптастыру. Осыған байланысты бақылаудың мәнін, міндеттерін, функциялары мен рөлін білу; бақылау саласында отандық және шетелдік тәжірибені пайдалану; стратегиялық және жедел бақылаудың әдістері мен тәсілдерін зерделеу; бақылау құралдарын меңгеру.

ХҚЕС сәйкес ұйымдардың қызметін басқаруда оларды қолдану мүмкіндігін ескере отырып, бухгалтерлік есеп пен қаржылық есептіліктің проблемалық мәселелерін тұжырымдау.

ҚЕХС-қа сәйкес басқарушылық шешімдер қабылдау мақсатында ұйымның қаржылық есебінің әдіснамасы мен ұйымдастырылуын түсіндіру.

Психологиялық мәселелердің аспектілерін талдау, ғылыми және кәсіби қызметте шет тілін қолдану, сонымен қатар басқарудың негізгі құралдарын қолдану.

Басқару шешімдерін қабылдау үшін өнімнің өзіндік құнын есептеп және өндірістің зиянсыздығына талдау жасай алу.

Тиімді басқарудың барлық үдерістерін ұйымның бәсекеге қабілеттілігінің тиісті деңгейіне жетуге бағыттау.

Ұйымның салық есебі мен салық есептілігі жүйесін тексеру.