7M02217 Шығыстану в Әл-Фараби атындағы Қазақ ұлттық университеті

Пән Шығыс елінің тарихын зерттеуде ғылымның пәнаралық әдістерін дұрыс қолдану дағдысын қалыптастырады. Курс пәнаралық әдістер түрлері туралы теориялық және әдіснамалық білім береді, оларды зерттеу процесінде қолдану, алынған нәтижелерді талдау дағдыларын қалыптастырады. Негізгі қарастырылатын тақырыптар: қоғамдық және жаратылыстану ғылымдарының әдістерін шығыстанудаа қолданудың әдіснамалық негіздері мен принциптері, ғылымдар дифференциациясы мен интеграциялау мәселелері.

Пәннің мақсаты: магистранттарда іскерлік және ғылыми салаларда қарым-қатынас жасауға қажетті дағдыларды қалыптастыру, халықаралық ғылыми ұжымдарда ғылымизерттеу қызметін жүргізуге мүмкіндік беретін коммуникативтік құзыреттіліктерді жүзеге асыру. Мыналар зерттелетін болады: ауызша, жазбаша және электронды коммуникация әдістері; ағылшын тілінде өнімді кәсіби маңызды мәтіндерді құру.

Пән тарих ғылымының заманауи әдістерін және оқитын Шығыс елінің тарихына ғылыми интерпретация жасаудың әмбебап әдіснамасын оқып-үйренуге бағытталған. Курсты оқу барысында нақты тарихи факторлар мен процестерді анықтау, ғылыми объективтілікке жету дағдылары қалыптасады. Шығыс елдерін зерттеудегі деректану ғылымының, тарих ғылымының теориялық және әдіснамалық проблемалары, қазіргі заманғы тенденциялар жайлы өзекті тақырыптар қарастырылады.

Пән шығыс тілінде дәлелді эссе жазу әдістерін, әр түрлі контексте тілдік проблеманың практикалық шешімін табуды, автордың негізгі идеясын растайтын дәлелдерді дұрыс ұсынуды қарастырады. Курс шығыс тіліндегі дәлелді эссенің академиялық салаға тән жанрлық ерекшеліктерін меғгерудің практикалық негізін қалыптастырады. Пәннің мазмұнында «дәлелді эссе» ұғымы, ерекшеліктері, тілдік әдістері мен құралдары және нақты мысалдары талданады.

Пәннің мақсаты – дербес ғылыми зерттеулерді жоспарлау, дайындау, ұйымдастыру және жүргізу қабілетін қалыптастыру. Бұл курсты оқу барысында ғылыми жарияланымдардың халықаралық жүйесі; халықаралық ғылыми жарияланымдар жүйесіндегі авторлық құқықтар; ғылыми зерттеудің әдіснамасы мен әдістері; журналға арналған түпнұсқа мақаланың мәтінін ұйымдастыру; ғылымның даму заңдылықтары; зерттеу нәтижелерін тіркеу және қорғау ережелері; рецензиялау рәсімі; ғылыми әзірлемелерді коммерцияландыру және оны құқықтық сүйемелдеу; ғылыми зерттеулерді енгізу және олардың тиімділігін үйренеді.

Пәннің мақсаты: магистранттарда ғылыми менеджменттің заманауи психологиялық тәсілдерін қолдану үшін қажетті құзыреттіліктерді қалыптастыру. Мыналар оқытылады: басқарушылық өзара әрекеттестіктің теориялық негіздері, негізгі басқару функцияларын жүзеге асырудың психологиялық ерекшеліктері, басқарушылық қызмет субъектісінің психологиясы, басқару саласындағы психологиялық зерттеу әдістері. белсенділік пен өзара әрекеттесу.

Курстың мақсаты – жоғары оқу орындарының дидактикасы, білім беру теориясы, педагогикалық іс-әрекетті талдау және өзін-өзі бағалау бойынша білімдер негізінде жоғары оқу орындары мен колледждерде педагогикалық құзыреттілік пен педагогикалық қызмет қабілетін қалыптастыру. Заманауи жоғары білімді дамытудағы мега-тренд, Болон процесі түрлі стратегиялар, оқыту мен тәрбиелеудің заманауи стратегиялары мен әдістері.

Пән кәсіби қызметтегі міндеттерді шешу үшін шетелдік серіктестермен жұмыста, көпшілік алдында сөз сөйлеу барысында және қарым-қатынастың басқа түрлерінде тілдік құзыреттерді қолдану қабілетін дамытуға бағытталған. Курс шығыс тілін жоғары кәсіби деңгейде меңгеруге, белсенді коммуникативті дағдыларға, шығармашылық белсенділікке баулиды. Негізгі қарастырылатын тақырыптар: күрделі грамматикалық және лексикалық тіркестер, кәсіби- шығармашылық тілдің әртүрлі стильдері.

Пән шығыс елдерінің саяси, идеологиялық және экономикалық салалардағы өзгерістер стратегиясын анықтау үшін жаңару модельдерін талдау қабілетін қалыптастыруды мақсат етеді. Негізгі қарастырылатын тақырыптар: Шығыстық даму моделінің теориялық негіздері, Шығыстың қазіргі саяси ортасындағы дәстүрлер мен инновациялық тенденцияларды үйлестіру ерекшеліктері, модернизация мен заңдылықтардың ерекшеліктері, жаһандану процестерінің Шығыс елдерінің саяси мәдениетіне әсері.

Пән магистранттар бойында шығыстану ғылымында компьютерлік технологияларды тиімді қолдану туралы жүйелі түсінік қалыптастыруға бағытталған. Курс шығыс тіліндегі ақпараттық ресурстардан магистранттардың ғылыми-педагогикалық жұмысы үшін материалды іздеу, жинақтау және өңдеудің маңызды аспектілерін анықтауға көмектеседі. Оқитын Шығыс елінің сандық кітапханалары, ғылыми-зерттеу орталықтарының сайттары, ресурстары мен мәтіндік деректер базалары сияқты тақырыптар қарастырылады.

Пәннің мақсаты: ғылымның пайда болуы мен дамуының жалпы заңдылықтарын, қазіргі ғылым философиясының негізгі концепцияларын түсінуге және анықтауға қажетті құзыреттіліктерді магистранттарда қалыптастыру. Мыналар зерттелетін болады: әртүрлі фактілер мен құбылыстарды талдау және бағалау үшін ғылым философиясының ұстанымдары мен категориялары;ғылыми зерттеу құрылымындағы мәселенің,гипотезаның, философиялық, жалпы ғылыми, арнайы, қолданбалы және пәнаралық әдістеменің функцияларын; тұтас жүйелі ғылыми көзқарасты қалыптастыру.

Пән екі ел арасындағы қарым-қатынастардың қалыптасу тарихы мен даму перспективаларын зерттеуге, оқитын Шығыс елінің Қазақстанның сыртқы саясатындағы орны мен рөлін бағалауға бағытталған. Курс мемлекеттердің екіжақты байланыстарды қолдау және дамытудағы саяси және экономикалық мүдделерін түсінудің теориялық-әдіснамалық негіздерін қалыптастырады. Пәннің мазмұнында сыртқы саясат принциптері, доктриналары, Қазақстанның Шығыс елдерімен дипломатиялық қарым-қатынастарының тарихы оқытылады.

Курстың мақсаты – Шығыстың әртүрлі аймақтары мен елдеріндегі қазіргі мәдениет пен күнделікті өмірді салыстырмалы түрде зерттеу. Магистранттар күнделікті мәдени өмірдегі тәжірибелердің теориялық модельдері мен мысалдарының кең ауқымы бойынша теориялық және эмпирикалық білім алады. Негізгі қарастырылатын тақырыптар: Шығыс елдеріндегі қазіргі заманғы мәдениеттің өзекті бағыттары: бұқа

Пән Шығыс аймағындағы мәдениеттердің өзара ықпалын зерттей отырып осы тарихи құбылыстың гуманитарлық мәнін түсіндіру үшін мәдени және тілдік байланыстардың нәтижелерін талдау қабілетін қалыптастырады. Курс магистранттарға тілді этностың әлеуметтік-мәдени және психологиялық ерекшеліктерінің ақпарат көзі ретінде қарастыруға үйретеді. Негізгі тақырыптар: мәдени және тілдік байланыстар, ұлттық дүниетанымдардың ұқсастықтары мен айырмашылықтары, тілдік жүйелер, көпмәдениетті құбылыстар.

Курс кросс-мәдени зерттеулер теорияларының әдіснамалық негізін, батыс және шығыс мәдениеттануындағы басты тұжырымдарды қарастырады. Мәдениетті салыстырмалы оқып-зерттеу әдісі оқитын елдің және Шығыстың басқа аймағындағы елдер мәдениетінің парадигмасын сыни тұрғыдан талдау және түсіндіру дағдыларын дамытуға бағытталған. Негізгі қарастырылатын тақырыптар: кросс-мәдени тәжірибелерді талдаудың басты принциптері, мәдениеттегі әлеуметтік-тарихи контекст, перцептивті процестер және мәдениет.

Пән оқитын Шығыс аймағында қалыптасқан идеологиялық және мәдени шындықты анықтау және түсіндіру үшін лингвомәдениеттану парадигмаларына сыни тұрғыдан қарауға үйретеді. Курс шығыстану ғылымының пәнаралық зерттеу объектісі ретінде этномәдени ортаны сипаттауға тұтас және жеке сипатқа ие көзқарас қалыптастырады. Негізгі қарастырылатын тақырыптар: шығыс мәдениеті өкілдерінің концептуалды-лингвистикалық дүниетанымы, шығыс тілінің концептілері мен когнитивтік құрылымдары.

Пән оқитын елдегі мәдени-тілдік жағдайды жүйелі талдау үшін қазіргі әлеуметтік лингвистиканың негізгі тұжырымдамасы ретінде тіл саясатын сыни талдап-түсіндіру қабілетін қалыптастырады. Курс мәдени-тілдік процестер мен құбылыстардың ерекшеліктерін, дәстүрлер мен жаңалықтардың өзара ықпалын талдаудың теориялық-әдіснамалық негіздерін оқытады. Пәннің мазмұнында мәдени-тілдік саясаттың құрамдас бөліктері, перспективалары мен модельдері, жаһандану жағдайындағы лингвистикалық экология мәселелері қарастырылады.

Пән магистранттарды зерттелетін Шығыс елінің тіліне тән негізгі категориялар мен стильдік сипаттамаларды пайдалана отырып, ғылыми мәтінді талдауға және құрастыруға үйретуге бағытталған. Негізгі қарастырылатын тақырыптар: зерттеу тақырыбын негіздеу, проблемалар мен міндеттерді қою, ғылыми зерттеудің кезеңдерін анықтау және сәйкес зерттеу әдістемесін таңдау, ғылыми мәтіннің композициялық-семантикалық құрылымы мен шығыс тілінде баяндау әдістері.

Пән магистранттарды қазіргі Шығыс қоғамының трансформациясы саласында қолданбалы зерттеулер жүргізуге дайындайды. Курс реформалар мен ұлттық қозғалыстарды мемлекет құрудың жаңашыл жобалары ретінде түсіну мен бағалаудың теориялық-әдіснамалық негізін қалыптастырады. Ұлттың жаңа идеялары мен саяси қауымдастықтың өзара байланысы, шығыс мемлекеттерінің дәстүрлерінің эволюциясы, олардың оқитын шығыс еліндегі өзгеру ерекшеліктері мен перспективасы бойынша тақырыптар қарастырылады.

Пән магистранттарға оқитын Шығыс елінің жазба және материалдық ескерткіштері негізінде тарихи-мәдени оқиғалар шынайылығын талдауды және оларды бағалау дағдыларын үйретеді. Негізгі қарастырылатын тақырыптар: ескерткіштер мәдениет феномені және нақты танымның объектісі ретінде, дереккөз: гуманитарлық ғылымдардың антропологиялық бағдары, тарихи-мәдени шындықты талдау және бағалау үшін ескерткіштердің табиғатын, олардың түрлері мен жанрларын түсінудің әдістемелік негіздері

Пән зерттеу процесінде қолжазба мәтіндердің пайда болу уақыты мен орнын, тарихын, авторын, мәдени-тілдік мазмұнын оқып-зерттеудің, алғашқы нұсқасын анықтаудың, қолдан жасалған нұсқаны анықтау үшін қолданылатын палеографиялық талдау және түсіндіру әдіс-тәсілдерін үйретеді. Қарастырылатын тақырыптар: палеографиялық талдаудың теориялық және әдістемелік негіздері, тарихи дамудағы қолжазба ескерткіштердің сипаттамасы, палеография мен кодикологияның негізгі әдістері мен тәсілдері.

Пән магистранттарды оқитын шығыс еліндегі мемлекет пен биліктің қалыптасу заңдылықтары мен факторларын анықтауға және талдауға үйретеді. Оқыту курсы оқитын елдегі билік құрылымдары мен мемлекеттік ұйымдардың қалыптасу тенденциясын түсінудің теориялық-әдіснамалық негізін қалыптастырады. Пәннің мазмұнында тарихи ретроспективалық және қазіргі кезеңдегі мемлекеттік құрылымдар мен құқықтық жүйелердің эволюциясы оқытылады

өзекті ғылыми проблемаларды шешуде әртүрлі пәндік салалар бойынша сарапшылармен бірлесе отырып және тілдік білімді, басқа елдердің мәдениеті мен салт –дәстүрлері бойынша білімін пайдалана отырып халықаралық контекстегі өзара әрекет пен ынтымақтастықты дамыту;

талдау және сараптама жасау жұмыстарында тілдік дағдылары мен білімін пайдалану, кәсіби қызметіне байланысты тақырыптарға дикуссия жүргізу;

шығыстану пәндері бойынша білім беру қызметін (практикалық және семинар сабақтары бойынша) жоспарлау, ұйымдастыру және практикалық жүзеге асыру бағдарламаларын ұсыну;

кәсіби тұрғыда ары қарай даму үшін жаңа ақпараттық технологиялар мен ресурстарды, отандық және шетелдік ғылымның жетістіктері туралы материалдарды іздеу, сақтау және өңдеудің қазіргі заманғы әдістерін қолдану;

Шығыс елдеріндегі дәстүрлі және қазіргі процестердің жаңа және бейтаныс контексінде ғылыми проблемалардың технологиялық шешімдерін табу;

алған білімін шығыстану ғылымының өзекті проблемалары бойынша өзіндік ғылыми зерттеуге айналдыру.

қоғамдық және саяси құбылыстардың өзара байланысына сыни тұрғыдан баға беру, Шығыс елдеріндегі әлеуметтік және экономикалық процестерге болжам жасау;

әлемдегі діни және мәдени жағдайды талдау барысында өзінің тұжырымдамасын құру үшін Шығыс туралы ғылымның пәнаралық контексінде филологиялық және тарихи материалды зерттеу әдістерін пайдалану;

оқитын Шығыс елінің әлеуметтік-экономикалық, мәдени-тарихи, қоғамдық қатынастар саласындағы өзекті мәселелері бойынша өз ұстанымын негіздеу;

шығыс тіліндегі жазба ескерткіштерді жазылған кезеңі, авторлары, жанры, тақырыптары бойынша жіктеу және әртүрлі жазба деректерді өзіндік талдау дағдысын көрсету;

кәсіби мазмұндағы мәтіндерді аннотациялау және шығыс тілінен қазақ/орыс тілдеріне аудару

ЖОО-да оқу процесін жүзеге асыруда шығыстану пәндерін оқытудың дәстүрлі және инновациялық тәсілдері мен технологиясын қолдану;

сөйлеу әрекетінің барлық түрлерінде шет тіліндегі қарым-қатынас дағдыларын белсенді түрде жүзеге асыра отырып, ғылым тарихы мен философиясы, жоғары оқу орындарының педагогикасы, басқару психологиясы саласындағы іргелі және концептуалды білімді пайдаланады