8D01705 Қазақ тілі мен әдебиеті в Қожа Ахмет Ясауи атындағы Халықаралық қазақ-түрік университеті

Пәннің мақсаты: ЖОО-да әдебиетті оқытудың жаңа әдіснамалық тәсілдерін сыни тұрғыдан талдайды және жаңа гипотезалар жасалады, қазақ әдебиетін оқытудың ғылыми-әдістемесін, әдебиеттанудың әдістемелік мәселелерінің негізгі тұжырымдары мен топшылауларын, соңғы зерттеулердің нәтижелерін, әдістеме саласындағы жаңа бағыттар және әдебиеттің методологиясын меңгере алады.Зерттеудің әдіснамалық принциптері мен әдіснамалық тәсілдерін педагогикалық қызмет саласында теориялық және практикалық білімін эксперименталды-зерттеу жұмыстарын жүргізу мақсатында пайдалана біледі.

Пән аясында ғылыми-зерттеу жұмысын жалпы академиялық адалдық қағидалары шеңберінде ғылыми этикаға сай жазу, жобалау, жүргізу жолдары және оларды салыстырмалы талдау, бағалау әдістері көрсетіледі. Сондай-ақ, халықаралық ғылыми дерекқорлар мен әртүрлі ғылыми баспалар таныстырлып, қалай жұмыс жасау, олардың өнімдерін қалай және қай жерде пайдалануға болатындығы үйретіледі. Ғылыми-зерттеу жұмыстарына сілтеме жасау және плагиатқа тексеру әдістері мен бағдарламалары таныстырылады.

Пәннің мақсаты: Жазушы шығармашылық шеберханасын зерттеуді үйренеді. Әдеби шығармашылыққа анализ жасайды, әдеби және көркем құбылыстарды талдау үдерісінде қазіргі ғылыми теориялар мен тұжырымдарды қолдана алады. Көркем шығарманы тұтастай және жекелей талдау жолдарын меңгереді. Әдебиеттанудың перспективалық даму талаптарына жауап беретін тиімді жобалық әзірлемелер алуды қамтамасыз ететін жобалаудың және қолданудың заманауи әдістерін қарастырады. Өмірлік шындықты көркем шындыққа айналдыру, жазу процесі, өңдеу, қысқарту, толықтыру секілді мәтіндік (текстологиялық) шараларды қамтиды.

Докторанттарда диссертациялық жұмысты орындау және ғылыми мақалаларды жазу кезінде қолданылатын ақпаратты жинау, өңдеу және талдау әдістері туралы дағдылар мен білімді қалыптастыру. Бұл білім алушыға өзінің диссертациялық жұмысында зерттеудің сапалық және сандық әдістерін таңдауға мүмкіндік береді. Білімалушыға ғылыми әдісті ғылыми-зерттеу жұмыстарында қолданудың мәні мен ерекшеліктерін түсінуге, ғылымның қазіргі заманғы деңгейіндегі ғылыми мәселелерді қоюға және шешуге мүмкіндік береді.

Пәннің мақсаты: Балалар шығармашылығын зерттей біледі,отандық және әлемдік деңгейдегі классикалық әдебиеттердісалыстырып тұжырым жасайды, қазіргі ғылыми теориялар мен практикалардықолданып, материалдар жинау барысында ғылыми орталықтар мен тәжірибелі мамандармен бірлікте жұмыс жасай алады. Қазақ балалар әдебиетініңконцепциялары мен тенденцияларын ғылыми негізде сараптай алады. Әдеби шығармашылықты зерттеу, әдеби және көркем құбылыстарды талдау үдерісінде қазіргі ғылыми теориялар мен тұжырымдарды қолдана алады.

Пәннің мақсаты: білім берудегі жаңа тенденцияларды негізге алып, қазақ тілін жоғары оқу орындарында оқытудың философиялық, педагогикалық, методологиялық негіздерімен таныстырады. Қазақ тілін оқыту әдістемесінің дамуын әлеуметтік-қоғамдық талаптармен ұштастыра қарайды. Осыған сай қазақ тілін меңгертудің жаңа жүйесін зерттей отырып, білім алушылардың маман ретінде кәсіби тұрғыдан дамуына жағдай тудырады..

Тіл білімі мен әдебиеттанудың ішкі салалық ғылыми ілімдерін игеріп, ғылыми зерттеулер ұйымдастыру дағдыларын көрсете отырып, кәсіби қызметінде инновациялық технологияларды интеграциялауға және саралауға қабілетті

Ғылыми-зерттеу еңбектерін жазуда, ғылыми этика шеңберінде академиялық адалдық қағидаларын қолданып, халықаралық ғылыми дерекқорлар өнімдерін пайдаланады

зерттеу бағыты бойынша мақсаттар мен міндеттерді анықтай отырып, зерттеу нәтижелері негізінде қағидалар ұсынып, ғылыми еңбектерді әзірлейді және қорғайды

Қазіргі заманғы теорияларды, концепцияларды, әдебиеттанудың, тіл білімінің әдіснамасын, оқыту әдістерін талдап, көркем шығармашылықты зерттеудің жаңа технологияларын қолданып, әдебиет шығармаларын әдеби және тілдік тұрғыдан сараптауға қабілетті

Кәсіби саласында қолданылатын заманауи зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады

-кәсіби бейімделудің жоғары дәрежесі бар бәсекеге қабілетті тұлға ретінде ғылыми орталықтар мен тәжірибелі мамандар қауымдастығымен бірлікте жұмыс жасауға бейімделіп, шешім қабылдау іскерлігі мен дағдыларын үйлестіре алуға қабілетті