7M05113 Нейроғылым в Әл-Фараби атындағы Қазақ ұлттық университеті

Пәннің мақсаты - зерттеу тапсырмаларын тұжырымдау және шешу үшін геномның эпигенетикалық және нейрогенетикалық механизмдерінің, өзгеруінің және тұқымқуалаушылық механизмдерінің теориялық және практикалық білімдерін қолдану қабілеттерін қалыптастыру. Курс әртүрлі деңгейдегі организмдер клеткасында эпигенетикалық сигналдарды жүзеге асырудың механизмдері мен жолдарын, мидың дамуындағы гендердің экспрессиясының рөлін және мінез-құлықтың икемділігін зерттеуге арналған.

Пән ғылыми зерттеулердің іргелі принциптерін, әдістерін, стратегиялары мен нысандарын оқып-меңгеруге, дереккөздермен және мәліметтермен жұмыс істеуді үйренуге бағытталған және белгілі бір саласында зерттеу жүргізу қабілетін қалыптастыруды мақсат етеді. Курс магистранттарға жаңа білімді өз бетімен алудың теориялық-әдіснамалық негіздерін, басты ғылыми категориялармен жұмыс істеуді және зерттеуді практикалық тұрғыдан жүзеге асыруды үйретеді.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Пәннің мақсаты - жануарлардың жүйке жүйесінің филогенетикалық және индивидуалды дамуының заңдылықтары, жануарлар қатары және онтогенез процесінде мидың морфофункциялық өзгерістері туралы түсініктерді қалыптастыру негізінде органикалық әлемнің және онтогенездің эволюциялық дамуын талдау қабілетін қалыптастыру.

Пәннің мақсаты - жалпы және жеке физиология саласындағы заманауи жаратылыстану білімдері негізінде адам ағзасының өмірлік белсенділігі туралы адаптивті өзара әрекеттесуді қамтамасыз ететін ашық өзін-өзі реттейтін жүйе ретінде қалыптастыру. Курс интегралды физиология тұрғысынан тұтас ағзаның функцияларын талдауға арналған, функциялық жүйелер ұғымы тұрғысынан дене функцияларының физиологиялық механизмдерін түсінуге жүйелік көзқарас мәселелері қарастырылады.

Пәннің мақсаты - жүйелік және қолданбалы бағдарламалық жасақтаманы өңдеуде бағдарламалау технологияларын қолдану, MATLAB ортасын нақты уақыт режимінде процестердің имитациялық модельдерін құру, Python тілі және Matlab-ты қолдана отырып массивтер мен басқа құрылымдық деректерді өңдеу алгоритмдерін құру қабілеттерін қалыптастыру.

Курстың мақсаты – жоғары оқу орындарының дидактикасы, білім беру теориясы, педагогикалық іс-әрекетті талдау және өзін-өзі бағалау бойынша білімдер негізінде жоғары оқу орындары мен колледждерде педагогикалық құзыреттілік пен педагогикалық қызмет қабілетін қалыптастыру. Заманауи жоғары білімді дамытудағы мега-тренд, Болон процесі түрлі стратегиялар, оқыту әдістерін қолдана отырып, лекторлық және кураторлық шеберлікті меңгеру мәселелері қарастырылады.

Пәннің мақсаты - нейроғылыми зерттеулерге, атап айтқанда ми сигналдарын талдауға және жүйке желілерін модельдеуге арналған бағдарламалау дағдыларын дамыту. Курс клиникалық нейроғылымдағы деректерді талдауда қолдану үшін EEGLab, SPM, MATLAB және Python-ның практикалық игеруге арналған.

Курстың мақсаты – халықаралық кәсіби ортаға кірігуге және кәсіби ағылшын тілін мәдениетаралық және кәсіби қарым-қатынас құралы ретінде пайдалануға мүмкіндік беретін шетел тілін кәсіби бағытталған коммуникативтік құзыреттілігін қалыптастыру. Нақты мәселелер қарастырылады сөйлеу және айтылу нормалары: орфоэпиялық норма, семантикалық, сөйлеу үлгілері құрылымдар мен жүйелердің сипаттамасы, анықтамалары, дәлелдері, лексикалық және ағылшын тілінің стильдік ерекшеліктері.

Мақсаты: басқару процесінде туындайтын әртүрлі психологиялық мәселелерді шешу үшін теориялық білім мен басқарушылық құзіреттілікті қалыптастыру.Курс ұйымдардың басқару әкімшілігіне қойылатын қазіргі заманғы талаптарды, кәсіби психологияның саласы ретінде басқару психологиясының қазіргі жағдайы мен даму тенденцияларын, шетелдік және отандық басқару ғылымының даму тарихын, басқарушылық қызметтің психологиялық заңдылықтарын және т. б. зерттеуге бағытталған.

Пәннің мақсаты - қабылдау, зейін, ес, ойлау және тілдің заманауи теориялар, когнитивтік процестердің психологиялық механизмдері туралы теориялық және эмпирикалық білімдерді талдау. Курста когнитивті психологиядағы заманауи зерттеулер және оның перспективалық бағыттары, когнитивті процестердің модельдері туралы түсініктер қалыптасады.

Пәннің мақсаты - деректерді талдаудың белгілі бір мәселесін шешу үшін машинаны оқытудың қолайлы әдісін таңдау, деректерді алдын ала өңдеуді орындау, талдау әдісінің параметрлерін баптау және алынған нәтижелерді интерпретациялау, алгоритмдер жасау және логикалық, ықтималдық, метрикалық машиналарды оқыту модельдерін жасау қабілеттерін қалыптастыру.

Курстың мақсаты - нейроғылымның биофизикалық аспектілері туралы түсінік беру. Курс қоздырғыш тіндер фнкциясының биофизикалық негіздеріне, тірі ағзалардағы биоэлектрлік құбылыстарға, электрофизиологиялық әдістердің биофизикалық негіздеріне (ЭЭГ, ЭКГ, ЭМГ және т.б.), кванттық биофизиканың қолданылатын элементтеріне (ЭПР, ЯМР және т.б.), физикалық факторлардың биожүйеге әсері, нейроғылымдардағы эксперименттік зерттеулерге биофизикалық тәсіл дағдыларын қалыптастыруға арналған.

Пәннің мақсаты - психиатриялық аурулардың нейробиологиялық негіздері бойынша ғылыми зерттеулерге әдістемелік талдау жасау қабілетін қалыптастыру. Курсқа психопатология негіздері, нейропсихопатологияның заманауи жетістіктері кіреді: нейродегенеративті аурулар кезіндегі мидың ФРТМ, ЭЭГ зерттеулері.

Пәннің мақсаты - шешім қабылдаудың нейробиологиялық негіздерінің, эмоциялардың шешімдер қабылдау және тәуекелді бағалау процестеріне әсер етуінің мәселелеріне әдіснамалық талдау жүргізу қабілетін қалыптастыру. Курс норма мен патология кезіндегі шешім қабылдау процесінде мидың функциясы туралы жүйелі түсінік қалыптастырады.

Пәннің мақсаты - нейрокомпьютерлік интерфейстердің функциялығын дамыту және жасау, ақпаратты беру және оны ми арқылы өңдеу жолдарын бақылау және талдау қабілетін қалыптастыру. Курста бұзылыс кезінде түзету және қалпына келтіру, сондай-ақ тиімділікті арттыру үшін адам ағзасында болатын ақпараттық процестерді модельдеу, сенсорлық ақпаратты кодтау, беру және декодтау ерекшеліктерін ескере отырып ми мен компьютер арасындағы өзара әрекеттесудің негізгі принциптері мен тәсілдері ашылады.

Пәннің мақсаты – деректердің үлкен жиынтығында айқын емес заңдылықтарды анықтау мәселелерін шешуде интеллекттілі талдау әдістері мен алгоритмдерін қолдану қабілеттерін қалыптастыру. Курста нейрожелілерін жіктеу алгоритмдері, ми сигналдарын талдау және болжауды модельдеу үшін SQL Server Analysis Services ұсынған классификация алгоритмдерінің құрылымдық ерекшеліктері қарастырылады.

Пәннің мақсаты - эмоциялық тәжірибе мен мінез-құлықтың арасындағы байланыс туралы түсінік қалыптастыру, аффект теорияларын талдай білу, аффективті нейроғылым саласындағы зерттеулердің әдіснамалық тәсілдерін талдай алу. Курс мінез-құлыққа әсер ететін эмоциялық тәжірибе генерациясымен байланысты мидың бөліктері арасындағы өзара әрекеттесу механизмдерінің динамикалық ерекшеліктерін көрсетеді.

Пәннің мақсаты - эмоциялық-когнитивті процестердің нейрофизиологиялық механизмдері туралы пәнаралық түсінікті қалыптастыру, сонымен қатар қазіргі ғылыми зерттеу әдістерін, когнитивті функцияларды оңтайландыру және қалпына келтіру үшін жаңа нейротехнологияларды қолдану дағдыларын қалыптастыру. Курс когнитивті нейроғылым теорияларын, психика мен мінез-құлықтың нейроғылыми негіздерін түсінудегі заманауи ғылыми жетістіктерді талдау қабілеттерін қалыптастырады.

Курстың мақсаты - нейродегенеративті аурулардың даму механизмдері, олардың жіктелуі, клиникалық көріністері, диагностикасы, қауіп факторлары, алдын алу мен емдеудің биологиялық негіздері туралы идеялар жүйесін қалыптастыру. Курста нейродегенеративті аурулар, соның ішінде Альцгеймер және Паркинсон аурулары бойынша зерттеулердің заманауи моделдерін қарастырады.

Нейроғылымдағы білім беру, денсаулық сақтау, әлеуметтік-экономикалық салалар мен мемлекеттік қауіпсіздіктің өзекті мәселелеріне қатысты қолданбалы мәндеттерді анықтау

Нейроғылым саласындағы өз деректерін және идеяларды ғылыми қоғамдастыққа және басқа да мүдделі қоғамдастықтарға тарату мақсатында ғылыми коммуникация әдістеріне ие болу

Когнитивті процестерді модельдеу негізінде тәжірибеде нейротехнологиялар тиімділігінің бағалау критерийлері мен мақсатты индикаторларын жасау

Ғылыми ұйымдарда және жоғары оқу орындарында нейроғылымдарының мамандықтарын енгізуге ықпал ету

Денсаулық сақтау, мемлекеттік қауіпсіздік, маркетинг және бизнестің актуалды мәселелерін шешуге бағытталған нейрокомпьютерлік интерфейстердің технологияларын енгізу

Нейроғылымдағы көп салалы көзқарас жағдайында теориялық және қолданбалы мәселелерді шешуде зерттеу әдістерін дұрыс таңдау үшін заманауи тәсілдердің арсеналына ие болу

Молекулалық, жасушалық, жүйелік және мінез-құлық деңгейлерінде жүйке жүйесінің функциясын зерттеудің заманауи тәсілдерін біріктіру мақсатында нейроғылымның ғылыми және қолданбалы аспектілеріндегі әдістер мен технологиялардың валидтілігі мен эффективтілігін талдау

Тиісті ғылыми орталықтар мен институттарда зерттеу жүргізу үшін нейроғылымдағы пәнаралық теориялық және әдіснамалық тұжырымдамаларды, олардың қарама-қайшылықтары мен даму перспективаларын анықтау және интеграциялау

Кәсіби қызметте моральдық-этикалық нормалар мен принциптерді басшылыққа алу

Академиялық жазу дағдыларын қолдана отырып, нейроғылым саласындағы жетекші ғылыми журналдарға өзінің зерттеу нәтижелерін ұсыну

Нейроинжиниринг үшін заманауи Phyton, MATLAB бағдарламалық жасақтамасын қолдана отырып, топтық деректерді автоматты түрде өңдеуге арналған скриптілер құру

Жүйке жүйесі ауруларын диагностикалау, болжау және оңалту мәселелерін зерттеу үшін нейроғылымдағы пәнаралық көзқарас тұрғысынан норма мен патология кезіндегі жүйке жүйесінің филогенезі мен онтогенезін талдау