7M02321 Әдебиеттану в Әл-Фараби атындағы Қазақ ұлттық университеті

Мақсаты: Әлеуметтану және гуманитарлық ғылым салаларындағы соңғы зерттеу әдістері мен әдістемелерді қолдану қабілетін қалыптастыру. Пән ғылыми тұжырымдар жасау үшін ғылыми зерттеулерде жаңа әдіс-тәсілдерді; көркем мәтінді талдаудың филологиялық әдістерін іргелі ғылыми зерттеулермен ұштастыруды; іргелі және қолданбалы ғылыми жобалар дайындау және бағалауды қарастырады.

Мақсаты: Әдеби шығармаларды мәтіндік талдаудың ғылыми-тәжірибелік негіздерін сыни тұрғыда бағамдау және түсіндіру дағдыларын қалыптастыру. Курста мәтін тарихының барлық кезеңдерін сипаттау, текстологияның заманауи әдістері, шығарманың атрибуциясын, мерзімін және негізгі мәтінін анықтау, жеке текстология, мәтін тарихын зерттеуде мәтінаралық талдау мәселелері қарастырылады.

Пән шетел тілінде білім берудің халықаралық стандарттарына сәйкес өзінің кәсіби қызметінде шетел тілінде қарым-қатынас жасау үшін тілдік, коммуникативтік құзыреттілікті қалыптастыруға, мәдениетаралық, ғылыми коммуникация контексінде кәсіби қарым-қатынас орнатуға, жаңа ақпараттық ресурстарды, технологияларды игеру негізінде ғылыми байланыстарды кеңейтуге және зерттеу қызметін дамытуға бағытталған

Мақсаты: Әдебиеттанулық зерттеулер жүргізудің отандық, әлемдік стратегияларын сын тұрғысынан бағалау және зерттеулерде қолдану қабілетін қалыптастыру. Пән әлемдік әдебиеттанудағы ғылыми зерттеулердің даму үрдістерін, отандық әдебиеттанудың жекелеген басым бағыттарының ерекшеліктерін, аймақтық зерттеулердің әдебиеттанудың дамуына әсерін, іргелі және қолданбалы зерттеу нәтижелерінің ғылыми-практикалық маңыздылығын негіздеу принциптерін қарастырады.

Бұл пән басқару мен көшбасшылықтың психологиялық теорияларын оқытып, сонымен қатар топтық даму және ұжымдық қалыптасу динамикасын көрсетіп, және көпшілік пен тобыр психологиясының ерекшеліктерін, сондай-ақ қарым-қатынастың психологиялық теорияларын және басқарушылық қарым-қатынас шеңберінде өзінің кәсіби қызметі үшін қажетті жанжалды шешудің стратегияларын объективті бағалау бойынша әлеуметтік-психологиялық құзыреттілікті қалыптастыруға бағытталған болып табылады.

Мақсаты: Тәуелсіздік тұсындағы қазақ драматургиясындағы инновациялық ізденістерді сыни тұрғыдан бағалау қабілетін қалыптастыру. Пән қазіргі драматургиядағы көркемдік және эстетикалық жаңалықтарды және олардың ғылыми еңбектерде зерттеулуін және зерттеу жұмысында драмалық шығармалар туралы тың тұжырымдарды қолдану мәселелерін қарастырады.

Мақсаты: Ғылыми мектептер мен бағыттар, ағымдар, тұжырымдамаларға байланысты теориялық білімді зерттеу жұмысында қолдану қабілетін қалыптастыру. Пән әдебиеттің тарихындағы көркемдік жүйелердің үдерісі, түрлі ағым-бағыттардың, үрдістердің поэтикасы мен академиялық мектептердің негізгі ұстанымдары мен тәсілдері туралы жүйелі теориялық білімді қамтиды.

Мақсаты: Салыстырмалы әдебиеттанудың даму үрдістері туралы білімді бағалау және жалпылау қабілетін қалыптастыру. Курс қазіргі салыстырмалы әдебиеттанудың өзекті мәселелерін қамтиды. Негізгі бағыттары: Еуразиялық кеңістіктегі әдеби байланыстар, түркі әдеби әлемі, Шығыс пен Батыс проблемаларына жаңаша көзқарас.

Курстың мақсаты – жоғары оқу орындарының дидактикасы, білім беру теориясы, педагогикалық іс-әрекетті талдау және өзін-өзі бағалау бойынша білімдер негізінде жоғары оқу орындары мен колледждерде педагогикалық құзыреттілік пен педагогикалық қызмет қабілетін қалыптастыру. Заманауи жоғары білімді дамытудағы мега-тренд, Болон процесі түрлі стратегиялар, оқыту әдістерін қолдана отырып, лекторлық және кураторлық шеберлікті меңгеру мәселелері қарастырылады.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Мақсаты: Қазақстан текстологиялық мектебінің қазіргі жағдайы мен даму тенденцияларын талдау, текстологиялық зерттеудің инновациялық әдістерін қолдану қабілетін қалыптастыру. Мынадай мәселелер: текстология саласындағы іргелі зерттеулердің теориялық дағдылары, негізгі мәтінді анықтау, мәтін тарихы, текстология мәселелерінің типологиялық ұқсастығы, тәуелсіздік кезеңіндегі текстологиялық ізденістер қарастырылады.

Мақсаты: Балалар әдебиетіндегі ұлттық және жаһандық даму үрдістерді сыни тұрғыдан бағалау қабілетін қалыптастыру. Пән қазіргі балалар әдебиетіндегі жанрлық ізденістер туралы пікірлерін шығармашылық жұмыстарында қолдану; балалар әдебиетінің көрнекті өкілдерінің шығармашылық лабораториясын заманауи инновациялық әдістермен талдау; балалар әдебиетінің өзекті мәселелерін сыни тұрғыдан бағалауды қарастырады.

Мақсаты: Модернизм бағытының эстетикасы мен поэтикасы жөнінде теориялық білім беру және оны зерттеулерде қолдану қабілетін қалыптастыру. Пән модернизм поэтикасын зерттеу принциптерін, модернизмнің негізгі шығармашылық тұжырымдамаларын, пәнаралық, салыстырмалы-типологиялық көзқарастар тұрғысынан жазушылар шығармашылығына дербес ғылыми зерттеулер жүргізудің әдіснамасын қарастырады.

Мақсаты: Эпос поэтикасының негізгі тұжырымдамасы туралы білімді және талдау қабілетін қалыптастыру. Курста қазақ эпосының поэтикасы мен типологиясы, батырлық жырлардағы уақыт, эпикалық кеңістік, эпикалық дәуір, сюжет пен мотив, сюжет пен композиция, көркемдік тәсілдер қарастырылады.

Цель: сформировать способность критически оценивать развитие казахской литературы в XXI веке. Будут рассмотрены: преемственности традиций в литературе и современных исследований посредством литературного анализа; применение концепций содержания, видовых нововведений в художественной литературе в творчестве; критический анализ новых тенденций в литературе.

Мақсаты: Фольклор жанрларының тарихи негіздерін талдау және тарихи зерттеу әдістерін игеру қабілетін қалыптастыру. Курста қазақ фольклорының тарихилығы, эпостанудың әдістемелік мәселелері, эпостағы тарихи шындықтың көркемделуі, полистадия және циклизация, миф пен әпсананың, ауызекі әңгімелердің және тарихи аңыздардың тарихилығы қарастырылады.

Заманауи әдіснамаларды қолдана отырып, әдебиеттану ғылымының ішкі пәндік салаларын зерттеу және оның өзге де әлеуметтік пәндермен байланысы тұрғысынан пәнаралық зерттеулер нәтижелерін қазақ және шет тілдерде ғылыми ғылыми еңбек тарауы, аналитикалық шолу, конференцияға баяндама түрінде ұсыну.

Әдебиеттану, фольклористика және текстология пәндерінің өзекті мәселелерін зерттеу үшін деректерді жинау және талдау бойынша эмпирикалық зерттеулер жүргізу, шығармаларды талдау, ғылыми пікірлерді бағалау.

Жанрлардың дамуын бағалау, жүйелік, халықаралық, психоаналитикалық, танымдық тәсілдер мен салыстырмалы тарихи, салыстырмалы, типологиялық әдістер негізінде әдебиеттану, фольклор және текстология саласындағы қолданбалы зерттеулер нәтижесінде олардың даму тенденциялары мен көркемдік жүйенің тұтастығын анықтау.

Инновациялық цифрлық технологиялар мен заманауи педагогикалық стратегияларды пайдалана отырып және курстарды әдістемелік тұрғыдан қамтамасыз ете отырып жоғары оқу орындары мен колледждерде офлайн және онлайн форматта әдебиеттану бойынша оқу сабақтарын өткізу.

Мәтіндерді өңдеуде, зерттеу жұмысында атрибуцияны, туындыларды және негізгі мәтінді анықтау үшін мәтіндік талдау жасауда мәтінді анықтаушы заманауи құрылғылармен жұмыс жасау.

Фольклорлық жанрларды жүйелеу принципі, олардың нұсқаларын салыстырмалы зерттеу, жанрлар арасындағы байланыстарды талдау мен салыстыру негізінде фольклорға әдебиеттанулық зерттеулер жүргізу

Академиялық және көркем стилистиканың ережелері мен нормаларын қолдана отырып, көркем, ғылыми, публицистикалық мәтіндерді және әр түрлі басылымдарды редакциялау.

Менеджмент әдіснамасын қолдана отырып, ғылыми, педагогикалық мекемелер мен бөлімдерде зерттеу жұмыстарын ұйымдастыру және жобалау.

Көркем, ғылыми, публицистикалық, аударма, сыни мәтіндерді жинаудың теориялық және текстологиялық рәсімдерінің кешенін жүзеге асыру, талдау және зерделеу.

Әлемдік көзқарасты қалыптастыруда философиялық білімді қолдана білу, сонымен қатар азаматтық ұстаным қалыптастыруда тарихи дамудың негізгі кезеңдері мен заңдылықтарын талдай білу

Командада жұмыс істеу, өзін-өзі талдау, өзін-өзі реттеу дағдыларына ие болу, қазақ және шетел тілдерінде академиялық жазбаша және ауызша қарым-қатынасты жүзеге асыру.

Тұлғааралық, мәдениетаралық және кәсіби қарым-қатынас мәселелерін шешуде қазақ, орыс және шет тілдерде ауызша және жазбаша түрде байланыс орнату