7M04220 Криминалистик сараптамалар в Әл-Фараби атындағы Қазақ ұлттық университеті

Пәннің мақсаты – қылмыстарды саралау, оның түрлері, негізделген үкім шығару үшін дұрыс саралаудың маңызы туралы теориялық білімді қалыптастыру. Саралау процесінің кезеңдері: жасалған іс-әрекет және қылмыс субъектісі туралы істің нақты мән-жайларын талдау; белгілі бір қылмыс құрамының белгілері бойынша сараланатын қоғамдық қауіпті іс-әрекет белгілерінің ұқсастығын анықтау зерделенетін болады.

Пәннің мақсаты - сот дәлелдемелерінің теориясы, дәлелдеу мақсаты, дәлелдемелер теориясының басқа ғылымдармен байланысы, "ақиқат","сенімділік","жарамдылық"ұғымдарының арақатынасы туралы білімдіқалыптастыру. Зерттеленетін мәселелер: Сот дәлелдемелерінің теориясының пәні, әдістері, жүйесі, міндеттері, дәлелдеменің мәні, дәлелдемелердің қайнар көздері, т.б.

Курстың мақсаты – дамыту менеджмент психологиясының іргелі концепцияларын жүйелі түрде білу, кәсіби даму процесінде менеджмент саласының маңызды аспектілерін теориялық түсіну және практикалық қолдану үшін алғышарттар жасау.Басқару психологиясының негізгі принциптері, басқару әрекетіндегі тұлға, тұлға мінез-құлқын басқару, құндылықтар бойынша басқару туралы заманауи идеялар, топтық құбылыстарды басқару психологиясы қарастырылады.

Пәннің мақсаты - ҚР қылмыстық саясаты тұжырымдамасының түсінігін, нақты іс-әрекеттерді криминализациялау және декриминализациялау негізділігі мен орындылығын қалыптастыру. Қылмыстық-құқықтық қылмысқа қарсы іс-қимылдың мақсаттары, міндеттері, қағидаттары, шектері зерделенетін болады. ҚР-дағы қылмыстың жай-күйі мен негізгі үрдістерін криминологиялық талдау нәтижелері қарастырылады, қылмыстық жазалау шаралары қаралады.

Пән ғылыми зерттеулердің іргелі принциптерін, әдістерін, стратегиялары мен нысандарын оқып-меңгеруге, дереккөздермен және мәліметтермен жұмыс істеуді үйренуге бағытталған және белгілі бір саласында зерттеу жүргізу қабілетін қалыптастыруды мақсат етеді. Курс магистранттарға жаңа білімді өз бетімен алудың теориялық-әдіснамалық негіздерін, басты ғылыми категориялармен жұмыс істеуді және зерттеуді практикалық тұрғыдан жүзеге асыруды үйретеді.

Пән шетел тілінде білім берудің халықаралық стандарттарына сәйкес өзінің кәсіби қызметінде шетел тілінде қарым-қатынас жасау үшін тілдік, коммуникативтік құзыреттілікті қалыптастыруға, мәдениетаралық, ғылыми коммуникация контексінде кәсіби қарым-қатынас орнатуға, жаңа ақпараттық ресурстарды, технологияларды игеру негізінде ғылыми байланыстарды кеңейтуге және зерттеу қызметін дамытуға бағытталған

Пәннің мақсаты - криминалистика ғылымының құрылымын терең қарастыру. Криминалистика мен оның ілімдерінің - тергеуді ұйымдастыру, сот медицинасы, психиатрия және т.б. байланысы көрсетілген. Қарастырылатын мәселелер: заттай дәлелдемелермен жұмысты техникалық-криминалистикалық қамтамасыз ету, криминалистикалық есепке алуды жүргізу және оны пайдалану, тактикалық-криминалистикалық әдістер және т.б.

Пәннің мақсаты - іс жүргізу қызметінің \ процестің міндеттері мен функцияларын, арнайы білімнің рөлін түсіндіру. Зерттелетін мәселелер: Сотқа дейінгі іс жүргізу, сот талқылауы сатысында арнайы білімді қолдану міндеттері, субъектілердің мәртебесі - мамандар, сот сарапшылары, ревизорлар, аудиторлар, олардың құқықтары мен міндеттері т.б. зерттеленетін болады.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Пәннің мақсаты-дәлелдемелерді жинау процесінің технологиясы . Қарастырылатын мәселелер: қарап-тексерулердің және басқа да іс жүргізу әрекеттерінің мәні, тергеу іс-әрекеттерін жүргізу тактикасының түсіндіріледі, қылмыстарды тергеу технологиясы, болжаулардың, типтік жағдайлардың және бастапқы іс-шаралардың мәні түсіндіріледі

Курстың мақсаты – жоғары оқу орындарының дидактикасы, білім беру теориясы, педагогикалық іс-әрекетті талдау және өзін-өзі бағалау бойынша білімдер негізінде жоғары оқу орындары мен колледждерде педагогикалық құзыреттілік пен педагогикалық қызмет қабілетін қалыптастыру. Заманауи жоғары білімді дамытудағы мега-тренд, Болон процесі түрлі стратегиялар, оқыту әдістерін қолдана отырып, лекторлық және кураторлық шеберлікті меңгеру мәселелері қарастырылады.

Пәннің мақсаты - қару-жарақ сараптамасы, портреттік идентификациялау, бейнефонографиялық сараптама жүргізу теориясы мен практикасын игеру. Зерттеленетін мәселелер: суық қарудың қасиеттері, сұқпалы, соққы-ұсақтайтын, лақтыратын қарудың түрлері, суық қаруды зерттеу әдістемесі; атыс қаруының, оқ-дәрілерді, атыс іздерін сараптамалық зерттеу әдістемесі, портреттік идентификация және бейнеграфиялық сараптама әдістемесі.

Пәннің мақсаты - трасологиялық сараптама теориясын игеру және трасологиялық зерттеулерді жүргізу. Зерттелетін мәселелер: пәні, объектілері, міндеттері, із қалдырушы объектілердің қасиеттері, жалпы және жеке белгілер, адамның қол, аяқ, аяқ киімдерінің, тістерінің, адам денесінің өзге де бөліктерінің іздерін сараптамалық зерттеу әдістемелері, бұзу құралдарын, пломбаларды, құлыптарды зерттеу әдістемелері ж.т.б.

Пәннің мақсаты - қолжазба сараптамасы теориясын меңгеру және оны жүргізу. Зерттеленетін мәселелер: қолжазбатану сараптаманың ғылыми негіздері: пәні, объектілері, міндеттері, жазбаша-қимыл дағдыларын қалыптастыру заңдылықтары, адам жазуының қасиеттері, даралық, салыстырмалы тұрақтылық, адам жазуының вариативтілігі, қолжазба жазбаларының, қолтаңбалардың зерттеулерінің әдістемесі.

Пәннің мақсаты - қылмыс механизмінің заңдылықтарын және қылмыс пен оған қатысушылар туралы ақпараттың пайда болуын ашу. Зерттелетін мәселелер: криминалистік құралдар мен әдістерді жіктеу объектілердің қасиеттеріне байланысты анықтау, бекіту, зерттеу тәсілдері, криминалистік идентификацияның, диагностиканың ғылыми ережелерді пайдалану, маман қорытындысының құрылымын талдау және т.б.

Пәннің мақсаты - құжаттардың сот-техникалық сараптама теориясын меңгеру: оны жүргізу, Зерттеленетін мәселелер: құжаттардың сот-техникалық сараптаманың пәні, классификациясы, міндеттері, "қатаң есептілік құжаттары" ұғымы, мөр бедерлерін, мөртабандарды, құжаттардың бланкілерін зерттеу әдістемелері, құжаттар мазмұнының өзгерістерін анықтау әдістемелері, құжаттың бастапқы мазмұнын қалпына келтіру және т. б.

"дәлелдемелер" ұғымының мәнін ашу, дәлелдемелердің түрлерін көрсету, дәлелдемелердің жарамдылығы, қатыстылығы ұғымдарын түсіндіру, дәлелдемелерді жинау кезінде мамандарды тартудың іс жүргізу нысандарының мүмкіндіктеріне талдау жасау, тергеу кезінде нақты материалды бағалау ережелерін негіздеу;

сот сараптамасының теориясына сүйене отырып, сот сараптамаларының ғылыми классификациясын сипаттау, криминалистикалық сараптамасының түрлерін бөліп көрсету, трасологиялық, қарутану, қолжазбатану сараптамаларының, құжаттардың техникалық сараптамасының, портреттік идентификациялаудың ғылыми ережелерін (объектілері, пәні, міндеттері) ашу, сараптамалық зерттеудің әр кезеңін сипаттау, олардың қорытындының ғылыми негізділігі, сенімділігі үшін маңызын бағалау, қорытынды құрылымын және әр бөлімнің мазмұнын көрсету;

өзін-өзі жетілдіру, өзін-өзі тәрбиелеу үшін философиялық білімді басшылыққа алу, ақиқат пен адасушылықтың арақатынасын түсіндіру, криминалист-маман кәсібінің әлеуметтік маңыздылығын түсіндіру; ағылшын тілін кәсіби және ғылыми біліктілікті арттыру үшін, құқық бұзушылықтарға қарсы күресте ғылыми-техникалық құралдарды қолданудың шетелдік тәжірибесін білу үшін пайдалану;

қызметтің практикалық нысаны, қызметтің ғылыми-зерттеу, ғылыми-әдістемелік нысандары арасындағы өзара байланысты бағалау; криминалисттің практикалық қызметіне жаратылыстану-техникалық ғылымдар мен криминалистика ғылымынан ғылыми білімдерді интеграциялаудың рөлін қорытындылау және бағалау.

сотқа дейінгі тергеуді реттеудің іс жүргізу нормаларына сүйене отырып ҚР ҚПК көзделген дәлелдеу құралдарын - тергеу әрекеттерін сипаттау, тергеушінің (анықтаушының), криминалист-маманның, нақты тергеу әрекетіне өзге де қатысушылардың құқықтары мен міндеттерін негіздеу, оқиға болған жерді қарау, тінту хаттамаларында қылмыс іздерін сипаттау дағдыларын көрсету және т.б.;

қылмыс жасау кезіндегі іздің пайда болу заңдылықтарын негізге ала отырып, криминалистикалық жабдықтар жиынтығынан (тергеу чемоданынан), тіркеуге, буып-түюге арналған ғылыми-техникалық іздестіру құралдарын (ҒТҚ) анықтау; материалдық іздерді табудың, тіркеудің, алудың, буып-түюдің криминалистикалық тәсілдерін қолдану; табылған іздерді криминалистикалық есепке (КЕ) қою дағдыларын көрсету, тергеушінің тапсырмасы бойынша КЕ деректерін пайдалану, оқиға болған жерде тексеру кезінде (тінту кезінде және т.б.) бағдарлы, шолу, түйінді, детальды фототүсірілім жүргізу;

сот сараптамасын жүргізудің процестік аспектілерін негізге ала отырып, жеке-дара, комиссиялық, кешенді, қайталама, қосымша сараптамалар жүргізудің ерекшеліктерін ашу;

психология туралы білімді қолдану, сонымен қатар тергеушімен және процессуалдық құқықтық қатынастардың басқа қатысушыларымен бірлесіп жұмыс жасау кезінде коммуникативті стратегияны жүзеге асыру үшін педагогикалық әдістерді қолдану;

ҚР ҚК сәйкес құқық бұзушылықтарды саралау мәніне сүйене отырып, әртүрлі негіздер бойынша саралау түрлерін сипаттау, қылмыстық әрекеттерді бағалау дағдыларын көрсету;

трасологиялық, қарутану, қолжазбатану сараптамаларының, құжаттардың техникалық сараптамасының, портреттік идентификациялаудың жіктемелік, диагностикалық, идентификациялық міндеттерін шешу үшін сараптамалық зерттеудің әдістері мен құралдарын қолдану, алынған нәтижелерді талдау, белгілерді бағалау және тергеушінің қойылған мәселелері бойынша қорытындыларды негіздеу, маманның қорытындысын ресімдеу;