7M07103 Химиялық инженерия в Әл-Фараби атындағы Қазақ ұлттық университеті

Пән ғылыми зерттеулердің іргелі принциптерін, әдістерін, стратегиялары мен нысандарын оқып-меңгеруге, дереккөздермен және мәліметтермен жұмыс істеуді үйренуге бағытталған және белгілі бір саласында зерттеу жүргізу қабілетін қалыптастыруды мақсат етеді.

Мақсаты - жоғары оқу орындарының дидактикасы, тәрбие мен білім беруді басқару теориялары, педагогикалық қызметті талдау және өзін-өзі бағалау білімдері негізінде университетте педагогикалық іс-әрекеттің қабілетін қалыптастыру. Курс болашақ оқытушының білім беру қызметін оқытудың кредиттік технологиясын қолдана отырып жобалауды,Болон процесін жүзеге асыруды,дәріскерлік,кураторлық шеберлікті оқыту/тәрбиелеу және бағалау стратегиялары мен әдістерін қолдана отырып (TLA-стратегиялар) игеруді қарастырады.

Мақсаты: реакциялық аппараттардағы химиялық процестердің негізгі заңдылықтарын талдай білу, олардың жұмысының тиімділігін арттыру әдістерін ұсыну. Пәннің мазмұны: химиялық-технологиялық процестерді зерттеудің иерархиялық құрылымын модельдеу және талдау теориясының негіздері, өнеркәсіптік реакторларда болып жатқан физика-химиялық процестер модельдерін бағыттап құру принциптері және олардың негізінде химиялық реакторлар модельдерін синтездеу, өнеркәсіптік реакторлар жұмысының технологиялық параметрлерін есептеу әдістері.

Пәннің мақсаты – көп параметрлі бақылау әдістерін және болжамды модельдеу әдістерін, сандық процестерді басқару құралдарын қолдана отырып, химиялық зауыттардағы технологиялық басқару жүйелерін оңтайландыру қабілетін қалыптастыру. Пәнді оқу нәтижесінде магистранттар қарастырады: химиялық инженерия процестерін бақылаудың көппараметрлік оңтайландыруының стратегиялары мен әдістері, химиялық технология процестерін моделдеу, процестерді сандық басқару әдістері және оларды қолдану аясы.

Пәннің мақсаты: химиялық инженерлік процестерді басқарудың аппараттық жүйелерін бағалау және оңтайландыру, процестерді бақылау мен модельдеудің заманауи құралдарын, стратегиялары мен әдістерін бағалау қабілетін қалыптастыру. Пәнді оқу нәтижесінде қарастырылады: өндірістік процестер мен операцияларды басқару жүйелерін жобалау кезінде қолданылатын процестерді бақылаудың қазіргі заманғы технологияларының ерекшеліктері, нақты технологиялық процестер үшін бақылаудың оңтайлы режимдерін таңдау.

Курс ғылым философиясы туралы түсініктерді, олардың рационалды-теориялық түсінудегі мәселелерін қамтитын ерекше типтегі білімдер жүйесі ретінде қалыптастыруға бағытталған. Ғылымның идеялық негізі, пайда болуы, қалыптасуы мәселелері қарастырылады. Ежелгі дүниедегі, Орта ғасырлардағы және Қайта өрлеу дәуіріндегі ғылым.

Пән шетел тілінде білім берудің халықаралық стандарттарына сәйкес өзінің кәсіби қызметінде шетел тілінде қарым-қатынас жасау үшін тілдік, коммуникативтік құзыреттілікті қалыптастыруға, мәдениетаралық, ғылыми коммуникация контексінде кәсіби қарым-қатынас орнатуға, жаңа ақпараттық ресурстарды, технологияларды игеру негізінде ғылыми байланыстарды кеңейтуге және зерттеу қызметін дамытуға бағытталған

Пәннің мақсаты – технологиялық процестерді оңтайландыру және химия техникасының қолданбалы есептерін шешу жағдайында мәліметтер массивін талдау және бағалау қабілеттерін қалыптастыру. Пәнді оқу нәтижесінде қарастырылады: өндірістік процестер мен операцияларды басқару жүйелерін жобалау кезінде қолданылатын процестерді бақылаудың қазіргі заманғы технологияларының принциптері мен ерекшеліктері, нақты технологиялық процестер үшін бақылаудың оңтайлы режимдерін таңдау.

Курстың мақсаты – дамыту менеджмент психологиясының іргелі концепцияларын жүйелі түрде білу, кәсіби даму процесінде менеджмент саласының маңызды аспектілерін теориялық түсіну және практикалық қолдану үшін алғышарттар жасау.Басқару психологиясының негізгі принциптері, басқару әрекетіндегі тұлға, тұлға мінез-құлқын басқару, құндылықтар бойынша басқару туралы заманауи идеялар, топтық құбылыстарды басқару психологиясы қарастырылады.

Пәннің мақсаты – құрылымдалған және құрылымдалмаған деректердің үлкен көлемін талдау, өңдеу және оларды цифрлық нысанда ұсыну қабілетін қалыптастыру. Пәнді оқу нәтижесінде қарастырылады: деректердің үлкен көлемін өңдеу әдістері, параллельді деректермен жұмыс істеу, статистикалық әдістер, деректерді интеллектуалды талдау әдістері, деректер массивімен жұмыс істеуге арналған бағдарламалар, реляциялық деректер қорының концепциялары.

Мақсаты: термодинамикалық тепе-теңдікке негізделген алдыңғы қатарлы бөлу технологияларын, үдерістерді таңдауды талқылау және бөлу технологиясындағы жаңа тенденцияларды көрсету. Бөлудің әртүрлі принциптері, бөлу технологияларындағы жаңа тенденциялар, суперкритикалық экстракция және заманауи айдау процестері, көбікті фракциялау процестері және оларды қолдану, мембраналардың түрлері мен сипаттамалары, мембраналық материалдар қарастырылады.

Пәннің мақсаты – биологиялық белсенді заттар синтезіне заманауи әдіснамалық тәсілдерді сыни бағалау қабілеттерін қалыптастыру. Пәнді оқу нәтижесінде магистранттар төмендегі мәселелерді қарастырады: бағытталған әрекеттің жаңа биологиялық белсенді қосылыстарын құру, олардың құрылымы мен биологиялық белсенділігінің арасындағы өзара байланыс және биоактивті молекулалардың рецепторлы жүйелермен байланыс типтері.

Пәннің мақсаты – қиын байытылатын шикізатты қайта өңдеудің технологиялық процестерінің параметрлерін бағалау және оңтайландыру, қиын байытылатын шикізатты қайта өңдеудің отандық және шетелдік технологияларының қазіргі жағдайын талдау қабілетін қалыптастыру. Қарастырылады: қиын байытылатын шикізатты металлургиялық қайта өңдеу кезінде металдың өндірілмеуі мен жоғалу себептері, агломерациялық күйдіру, жоғары температуралы балқыту, тазарту, автоклавтық және бактериялық шаймалау процестері, шикізатты қайта өңдеудің балама металлургиялық әдістері және қиын байытылатын шикізат технологиясын аппаратуралық ресімдеу мәселелері.

Пәннің мақсаты – молекулааралық әрекеттесулер негізінде ансамбльдер түзілу принциптерін сипаттау қабілеттер қалыптастыру, жартылай өткізгіштердің, сенсорлардың және мультифероиктердің жаңа түрлерін жасау үшін супрамолекулалық қосылыстардың қалыптасу негіздерін қолдану қабілеттерін қалыптастыру. Қарастырылады: жаңа типтегі материалдарды алу әдістер - елективті катализаторлар, мембраналар және молекулярлық елеуіштер, сондай-ақ супрамолекулалық химияның бейорганикалық тармағына тән аспектілер.

Пәннің мақсаты – технологиялық параметрлерді есептеу және гальваникалық технологияларға сәйкес жабдықты таңдау қабілетін қалыптастыру. Қарастырылады: металдардың негізгі электртұндыру әдістері,; әртүрлі металдардың қаптамасын алуда технологиялық сатылар тізбегі, қойылатын талап, өндірістік масштабта гальваникалық қаптама алудың ерекшеліктері; гальваникалық қаптама алудың негізгі заңдылықтары туралы мәліметтер; гальваникалық өндірістің заманауи ерекшеліктері.

Пәннің мақсаты – жаңа материалдарды жасау немесе олардың қасиеттерін модификациялау үшін электрохимиялық әдістер мен технологияларды сыни бағалау және қолдану үшін түсінік жүйесін қалыптастыру. Пәнді оқу нәтижесінде магистранттар төмендегі мәселелерді қарастырады: қажетті сапаны алу үшін электрохимиялық процесстерді басқару әдістері, қасиеттерімен жаңа заттар мен материалдарды қалыптастыру технологиялары.

Пәннің мақсаты - наноматериалдар құрылысының ерекшеліктерін талдау қабілетін қалыптастыру, нано-молекулалық электрониканың әртүрлі құрылғыларына арналған жаңа наножүйелерді жасау үшін наноқосылыстардың пайда болу заңдылықтарын қолдану. Пәнді оқу нәтижесінде магистранттар төмендегі мәселелерді қарастырады: нанобөлшектердің физика-химиялық қасиеттері, нанокластерлер, наноматериалдар, наноматериалдар алу әдістері, наножүйелерді зерттеу әдістері, ғылым мен техннологиялардың қазіргі заманғы облыстарында функционалдық наноматериалдарды қолдануы.

Пәннің мақсаты – биотехнологиялық процестер үшін полимерлерді пайдалану мүмкіндігін бағалау қабілеттерін қалыптастыру. Пәнді оқу нәтижесінде магистранттар төмендегі мәселелерді қарастырады: полимерлердің биохимиялық технологияларын дамытудың негізгі бағыттары, полимерлер негізінде құрылымдар мен бұйымдарды әзірлеу.

Мақсаты: минералды шикізатты қайта өңдеу процестері бойынша болжамды есептеулерді жүргізу үшін, әртүрлі заттарды өндірудің технологиялық сызба нұсқаларының негізгі элементтерін таңдау және оларды аппаратуралық ресімдеу үшін математикалық модельдеу әдісін пайдалану қабілетін қалыптастыру. Бейорганикалық заттардың өндірісі үшін қазіргі шикізат базасының сипаттамасы; бейорганикалық заттардың өндірісіндегі материалдық ағындардың өзара әрекет ету сызба нұсқасы; бейорганикалық заттардың технологияларының энерготиімділігі, ресурсты тиімді материалдар мен технологиялар қарастырылады.

Пәннің мақсаты: практикалық міндеттерді шешу үшін қазіргі физикалық химияның теорияларын, тәсілдері мен үрдістерін талдау және қолдану; физикалық-химиялық жүйелер мен процестердің термодинамикалық, кинетикалық параметрлерін модельдік тәсіл негізінде болжау қабілеттерін қалыптастыру. Пәнді оқу нәтижесінде магистранттар төмендегі мәселелерді қарастырады: жүйенің термодинамикалық және кинетикалық параметрлерін есептеу үшін физикалық химияның концептуалды теориялары (статистикалық, кинетикалық)

Бұл курста сенсорлардың физикалық (температура, қысым, жылдамдық және т.б.), химиялық (газ тәрізді, сұйық, еріген қосылыстар) және биологиялық (биомекулалар, ферменттер, антиденелер және т.б.) әртүрлі қасиеттері, сондай-ақ олармен байланысты түрлендірудің әртүрлі әдістері (оптикалық, электрлік, механикалық және т.б.) қарастырылады.

Курста литий-ионды микробатареялардағы соңғы жетістіктер, электрохимиялық және термодинамикалық тұрғыдан принциптер, атомдық деңгейдегі қасиеттер мен қуат беру өнімділігі арасындағы байланыс, сақтау сыйымдылығын, жылдамдығын және қайта пайдалану мүмкіндігін жақсарту үшін наноқұрылымды материалдарды пайдалану, микротехнологиялардағы соңғы жетістіктер, заманауи қолданбаларға арналған микроүлгісі бар беттер.

Пәннің мақсаты – түстік металлургияның (шлам, қоқыс, шаң, құйрық және т.б.) қайта өңдеудің ағымдағы жағдайын талдау қабілетін қалыптастыру. Пәнді оқу нәтижесінде магистранттар төмендегі мәселелерді қарастырады: қалдықтардың түрлері және олардың физика-химиялық сипаттамалары; тәсілдер, әдістер, пайдалану және өңдеу технологиялары; бағалы компоненттерді бөлу алу процестердің физика-химиялық параметрлері.

Мақсат: құрамында күкірті бар шикізатты жіктеу негізінде күкірті бар шикізатты қайта өңдеу саласында заманауи трендтерді қолдану қабілетін қалыптастыру. Пәнді меңгеру нәтижесінде келесі мәселелерді қарастырады: құрамында күкірт бар шикізаттың негізгі түрлері, элементті күкірт өндірісі, элементті күкіртті тауар өніміне қайта өңдеу, құрамында күкірт бар газдарды қайта өңдеу, пиритті қайта өңдеу, құрамында күкірт бар шикізатты қайта өңдеуді аппараттық қамтамасыз ету, құрамында күкірт бар шикізатты қайта өңдеудің экологиялық аспектілері.

химиялық технологиядағы жаңа қағидаларды, амалдарды, теорияларды ғылыми танымның философиясы мен әдістемесіне сәйкес түсіндіру;

бәсекеге қабілетті өнім алу, оны өндіру үшін материалдық және еңбек шығындарын азайту, ілеспе экологиялық қатерлерді азайту мақсатында технологиялық үдерістерді басқару;

қазіргі заманғы білім беру технологиялары мен оқыту әдістемелерін, соның ішінде ағылшын тілін қолдана отырып, орта және жоғары білім беру ұйымдарында химия-технологиялық пәндер бойынша оқу үдерісін іске асыру;

химиялық өнеркәсіп және аралас салалар кәсіпорындарындағы білім беру аясындағы арнайы бөлімшелердегі қызметкерлердің жұмысын басқару

химиялық инженерияның мамандандырылған саласындағы объектілері мен технологиялары, сонымен қатар алдыңғы қатарлы ағылшын тілді ғылыми әдебиеттер негізінде оны оқыту әдістері туралы заманауи ғылыми-техникалық ақпаратты жүйелеу; химиялық машина жасаудың мамандандырылған салалары объектілері мен технологиялары туралы,

әлемдік және қазақстандық өнеркәсіптің даму трендтеріне сәйкес Қазақстан өнеркәсіптерінің инновациялық және алдыңғы қатарлы бағыттары бойынша жаңа заттар алу және минералды шикізаттарды өңдеудің жаңа технологияларын және әдістерін әзірлеу;

химия-технологиялық өндірістің тиімділігін арттыру үшін химиялық үдерістердің, өнеркәсіптік реакторлар мен қондырғылардың технологиялық параметрлерін оңтайландыру;

химиялық инженерия үдерістерін бақылауды, алынатын заттар мен материалдардың сапасын басқаруды, ақаулардың себептерін анықтау мен оларды жоюды жүзеге асыру;

химиялық инженерия саласындағы заманауи ақпараттық-коммуникациялық технологияларды, халықаралық стандарттар мен регламенттерді қолдана отырып, әдістер мен технологиялардың негізделген таңдауын, өндірістік үдерістердің негізгі химия-технологиялық мәліметтерінің және параметрлердің есептеулері мен талдауын жүзеге асыру;

бастапқы шикізат пен өнімді талдау, материалдарды диагностикалау әдістемесін жетілдіру;

жаңа заттар мен материалдарды алу үдерістері үшін құқықтық және экологиялық сипаттағы нормативтік құжаттарды ескере отырып ғылыми-техникалық және конструкторлық құжаттамаларды әзірлеу;

ғылыми зерттеудің, қасиеттерді болжаудың, талдаудың, диагностиканың және модельдеудің қазіргі заманғы әдістерін қолдана отырып, Қазақстан өнеркәсібінің басым жаңа немесе белгісіз бағыттары бойынша химиялық инженерияның мәселелерін шешу;