7M01103 Педагогика және психология в Л.Н.Гумилев атындағы Еуразия ұлттық университеті

«Шетел тілі (кәсіби)» курсы академиялық жазудың нормаларын меңгерту, сыни талдаулардың дағдыларын дамыту, ғылыми шолулар дайындау, аннотациялар, зерттеу тақырыптары бойынша рефераттар және библиографиялар құрастыруды қарастырады, тілдік емес мамандықтардың магистранттарына жоғары базалық стандарт (С1) деңгейіндегі шет тілдік білімді меңгерту үрдісінде мәдениаралық-коммуникативтік құзіреттілікті қалыптастырады.

Бұл курста ақпараттық ғасырдағы цифрлық білім беру медиатехнологияларының мәні мен мүмкіндіктері, оқу үдерісіне цифрлық медиатехнологияларды ендірудің және оларды пайдаланудың ерекшеліктері қарастырылады. Курс білімдік, тәрбиелік, зерттеушілік міндеттерді шешуде білім беру медиаөнімдері мен ресурстарын пайдаланудың тәжірибелік дағдыларын қалыптастырады.

«Ғылым тарихы мен философиясы» курсы магистранттардың бойында ғылыми ойлау мәдениетін қалыптастырып, сараптамалық қабілет пен ізденіс қызметінің дағдыларын дамытады.

Бұл пәнді оқу барысында Интернет және мультимедиа, ақпараттық және электрондық технологиялар көмегімен білім алу мүмкіндіктері қарастырылады, сонымен қатар әлемдегі электрондық, қашықтықтан білім берудің даму тарихы, электрондық оқытудың теориялық-әдіснамалық негіздері оқытылады.

Аталған пәнді оқыту барысында педагогика және психологияның негізгі ұғымдарын қалыптастырудың андрагогикалық негіздері және ересектерге білім берудегі педагогикалық және психологиялық өзара әрекеттестіктің теориясы мен практикасы қарастырылып, үздіксіз білім ересек адамның даму факторы ретінде айқындалады.

«Педагогикалық–психологиялық зерттеулердің әдіснамасы мен әдістері» пәнін оқу барысында магистранттардың ғылыми-зерттеу іс-әрекетін жобалау және жүзеге асыру құзыреттілігі және зерттеушінің әдіснамалық мәдениеті қалыптастырылады.

Бұл пәнді оқу барысында магистранттар салыстырмалы білім берудің теориялық және қолданбалы негіздерін меңгереді. Магистранттар шетелдік білім беру тәжірибесін зерттеп, педагогикалық-психологиялық аспектіде салыстырмалы талдау жүргізеді.

Пәнді оқу барысында ЖОО-да психологиялық-педагогикалық пәндерді оқытуда инновациялық технологиялар мен интерактивтік оқыту әдістерін қолдану дағдысын қалыптастырады. Оқу пәні бойынша оқу үдерісі формаларын әзірлеу (дәріс, семинар, зертханалық сабақтар және тағы басқада) қажетті құзыреттерді дамытады.

Бұл пән жоғары және жоғары оқу орынан кейінгі білім беру жүйесінде магистранттардың тұтас педагогикалық процессті ұйымдастыра білуін дамыту, кәсіби-педагогикалық құзыреттіліктерді меңгеруге және табысты ғылыми шығармашылық белсенділіктерін дамытуға бағытталған.

Пән білім алушылардың жеке ерекшеліктері мен психикалық жай-күйін ескере отырып, психологиялық кеңес беру процесін ұйымдастыру және жүргізу дағдыларын меңгеруге, сондай-ақ білім беру қызметінің әртүрлі субъектілерімен психологиялық кеңес беруді ұйымдастыру кезінде әдістерді, құралдарды, техника мен тәсілдерді пайдалануға ықпал етеді.

«Білім берудегі менеджмент» пәнін оқыту барысында білім беру саласын басқарудың функцияларын ғылыми тұрғыда ұйымдастыруға негізделеді. Білім берудің жана парадигмаларына сай білім беру жүйесін басқаруға жаңаша көзқарасты қалыптастырады.

Аталмыш оқу курсының қажеттілігі магистранттардың негізгі заманауи психологиялық тұғырлар мен қағидаларды, жеке тұлғаға тән психикалық үрдістерін зерттеу әдістерін, іс-әрекет тетіктерін реттеуді жеке тұлға мен топтың мінез-құлық заңдылықтарын түсіну және оны қызмет барысында пайдалану ақылы дәлелденеді.

Бұл пәнді оқыту барысында білім берудегі HR-дың мәні, мазмұны, заңдылықтары, қағидалары қарастырылады. Аталған курста білім берудегі HR, оның әлемдік және отандық тәжірибедегі орны негізделеді. Білім берудегі HR дамуының ғаламдық тенденциялары және бағыттары талданады.

«Педагогикалық өлшемдер» пәнін оқу барысында диагностика және білім беру процесінің сапасын бағалау құралдары қарастырылады, Педагогикалық өлшемдер ғылыми-педагогикалық зерттеулердің нәтижелілігі мен тиімділігін бағалау құралы ретінде анықталады.

"Педагогикалық квалиметрия" пәнін оқу барысында кәсіби құзыреттілік деңгейін қалыптастыру, бағалау және өзін-өзі бағалау үдерісін жүйелі ұйымдастыру дағдыларын қалыптастырады және оның табыстылығын қамтамасыз ететін маңызды психологиялық-педагогикалық жағдайларды анықтайды.

"Психометрия" пәнін оқу барысында тесттерді қолдану арқылы психологиялық өлшеу сұрақтары, сондай-ақ осы тесттерді дамыту негізінде жатқан методология қарастырылады. Психологиялық тесттер өмірдің көптеген салаларында қабілеттерін, жеке басын және мінез-құлқын бағалау үшін, мысалы, жұмысқа қабылдау кезінде сұхбаттасу үрдісінің бір бөлігі ретінде немесе мектептерде балаларды бағалау үшін қолданылады.

Берілген пәнді оқу барысында білім беруде жобалаудың әдіснамасы, теориясы мен практикасы, педагогикалық санат ретінде жобалаудың даму генезисі, жобалау қызметінің субъектілері мен объектілері анықталады, жобалау түрлері жіктеледі. Курс жобалау қызметін ұйымдастыру, дидактиканы жобалау, ғылыми жобалау, жобалау қызметіндегі тәуекелдерді анықтау бойынша құзыреттерді қалыптастырады.

Пәнді оқу барысында: өзара байланысты салаларда (білім беру, өнеркәсіп, маркетинг, музыка, спорт, персоналға қызмет көрсету, әскери және т.б.) практикада психологияның қағидалары мен теориясы жүзеге асыру қарастырылады. Пәнді оқу барысында үш негізгі бағыт қарастырылады: клиникалық психология, қолданбалы ұйымдастырушылық психология және қолданбалы әлеуметтік психология.

Бұл пәнді оқу барысында заманауи білім беру саласындағы жобалаудың түрлері және мәселелері, әлеуметтік-педагогикалық, білім беру, психологиялық-педагогикалық жобалаудың мазмұны, табиғаты мен құрылымы қарастырылады

Бұл пәнді оқу барысында білім саласындағы психологиялық диагностиканың әдіснамасы, теориясы мен практикасы, диагностикалық іс-әрекет субъектілері мен объектілері, диагностикалық іс-әрекетті ұйымдастыру логикасы баяндалады.

Осы пәнді оқу барысында білім беру ортасын модельдеу мен жобалаудың теориялық негіздері анықталады, "білім беру ортасы" ұғымының мәні анықталады, тарихи-педагогикалық аспектіде білім беру ортасының типологиясы мен модельдері жіктеледі. Курс психологиялық қауіпсіздік және жайлы білім беру ортасын жобалау және құру құзыреттілігін қалыптастырады, сондай-ақ оны ұйымдастыру шарттарын анықтайды.

Жаңа білімді үздіксіз алу дағдыларын дамытуға әсер ету («өмір бойы білім алу»);

заманауи педагогикалық технологияларды және коммуникативті дағдыны игеру

кәсіби іс-әрекетте заманауи медиатехнологияларды қолдану

негізгі дүниетанымдық және әдістемелелік мәселелерді, соның ішінде ғылым дамуының заманауи кезеңінде пайда болатын пәнаралық сипаттағы мәселелерді талдайды және кәсіби қызметте пайдаланады

Оқу үдерісін жүзеге асыру үшін сапалы персоналды таңдау мақсатында басқару жүйесінің әлеуеті және адам ресурстарын бағалау;

Педагогика және психология бойынша ғылыми нәтижелерді жинақтау және интерпритациялауды жүзеге асыру;

Білім бағдарламалары мен оқу-әдістемелік кешендерді жобалау, модельдеу және бағалай алу, педагогика және психология саласы бойынша алған білімдерінің негізінде ғылыми жобалар құру дағдыларын меңгеру;

Зерттеу нәтижелерін практикалық іс-әрекетке енгізуге дайындығы;

оқытылатын пәндер аясында ғылыми және әдістемелік өнімдерді, оқу-әдістемелік кешендерді, авторлық курстарды әзірлеу әдіснамасын иегеруі

Тәжірибеге бейімделген білім ортасының міндеттерін шешу үшін психологиялық-педагогикалық білімді кәсіби деңгейде пайдалану;