7M05305 Ядролық физика в Л.Н.Гумилев атындағы Еуразия ұлттық университеті

"Ядролық-физикалық эксперименттің тіркегіш құрылғысы және электроникасы" курсы нейтронды детекторларды және гамма сәулелерін жоғары кернеумен қамтамасыз етуін оқытады. Берілген энергия аралықта оңтайлы спектральды шкаланы таңдау арқылы нейтрондық және гамма-сәулелер детекторлардың амплитудалық-цифрлық түрлендіруін өлшейді.

Курсты оқу барысында атом ядросының ыдырауы, ядролардың изотоптарын өндіру тәсілдері мен заңдарын зерттеу, маңызды субатомдық құбылыстарды ядролық өнеркәсіптегі ғылыми-техникада пайдалану қарастырылады.

Курсты оқу барысында фотоядролық реакцияларды, нейтрондардың түрлерін, ядролық реакторда бөлінетін энергия көзін, уран немесе плутоний ядроларын бөлудің тізбекті реакциясын және әртүрлі сәулелену түрлерінің арасында энергияның таралуын қарастырады.

Аталмыш оқу курсының қажеттілігі магистранттардың негізгі заманауи психологиялық тұғырлар мен қағидаларды, жеке тұлғаға тән психикалық үрдістерін зерттеу әдістерін, іс-әрекет тетіктерін реттеуді жеке тұлға мен топтың мінез-құлық заңдылықтарын түсіну және оны қызмет барысында пайдалану ақылы дәлелденеді.

Курсты оқу барысында атом ядросының бөлінуі, ядролардың изотоптарын өндіру тәсілдері мен заңдарын зерттеу, маңызды субатомдық құбылыстарды ядролық өнеркәсіптегі ғылыми-техникада пайдалану қарастырылады.

Бұл пән жоғары және жоғары оқу орынан кейінгі білім беру жүйесінде магистранттардың тұтас педагогикалық процессті ұйымдастыра білуін дамыту, кәсіби-педагогикалық құзыреттіліктерді меңгеруге және табысты ғылыми шығармашылық белсенділіктерін дамытуға бағытталған.

"Атомдық ядролардың бөлінуі" пәні болашақ физиктердің ғылыми мәселелер шеңберіндегі атом ядроларының бөлінуі туралы қазіргі түсініктердің дамуын анықтауға кіріспе болып табылады. Сұйық тамшы моделінен туындайтын бөлу процесі туралы негізгі түсініктерді және осы модельдің кедергілі резонанстар мен өздігінен бөлінетін изомерлерді көрсетеді.

Курс ядролық реакциялар кезінде пайда болатын ядро туралы қазіргі заманғы түсініктерді және ядро компонентінің ыдырауының әртүрлі сипаттамаларын есептеу әдістерін тереңдете оқытады. Курсты оқу барысында магистрант атом ядросының нейтрондармен және ядролармен соқтығысуы кезіндегі төменгі энергетикалық ядролық реакциялардың қасиеттерін оқып үйренеді.

Осы курста онкологиялық аурулар диагностикасы үшін ядролық медицинада сәуле диагностика мен терапияның қолдануын оқытады. Рентгенодиагностика, ультрадыбыстық диагностика, рентгендік компьютерлік томография, радионуклидды диагностика, магниттік-резонанстық томографияның физикалық принциптерін қарастырады.

Осы курста әртүрлі ядролық модельдерде есептеулерді жүргізудің практикалық дағдыларын дамыта оқытады. Ұжымдық модельдер, бір бөлшекті модельдер, тамшылы модель, бесөлшемді гармониялық осциллятор моделі, аксиальды-симметриялық ротатор моделі, ядролық сұйықтықтың екі компонентті моделі, Ферми-газ моделі, қабық моделі және ядроның жалпыланған моделдерін қарастырады.

«Радиоизотопты диагностика мен терапияның физикалық принциптері» пәнінің мақсаты ядролық өнеркәсіп орындарында және ғылыми зерттеу институттарында ғылыми қызметте радиациялық физика және ядролық медицина әдістерін қолдану. Радионуклидтік, радиоиммундық және мақсатты (таргеттік) терапияның негізгі бағыттарын зерттейді. Терапиялық радионуклидтердің және олардың негізіндегі радиофарм препараттарының ядролық-физикалық қасиеттері және онкологиядағы радионуклидтік терапия әдістерін пайдаланудың мысалдары қарастырылады.

«Ғылым тарихы мен философиясы» курсы магистранттардың бойында ғылыми ойлау мәдениетін қалыптастырып, сараптамалық қабілет пен ізденіс қызметінің дағдыларын дамытады.

«Ғарыштық сәулелер физикасы» курсының мақсаты ғылыми зерттеу институттарында нанотехнологиялық зерттеулер жүргізу үшін радиациялық материалдарды пайдалануды оқыту. Жақын жердегі кеңістікте жоғары энергиялық зарядталған бөлшектердің ағымын, галактикалық ғарыштық сәулелерді зерттейді. Реликтті сәуле және бастапқы нуклеосинтезді, жұлдыздардың туылуын, жаңа жұлдыздардың нуклеосинтезін, Күннің ғарыштық сәулелерін. өте күшті ғарыштық сәулелерді және ғарыштық сәулелерді тіркеуді қарастырады.

"Нуклеосинтез" пәнін меңгеру нәтижесінде атом ядроларының, химиялық элементтердің пайда болуының негізгі үрдістері мен ықтимал сценарийлерін, жұлдыздар моделдерін және жаңа элементтер мен изотоптардың синтезі бойынша зертханалық зерттеудің негізгі бағыттарын оқытады. Әлемдегі термоядролық процестердің негіздерін, олардың энергетикада және эксперименттерде қолдануын қарастырады.

«Шетел тілі (кәсіби)» курсы академиялық жазудың нормаларын меңгерту, сыни талдаулардың дағдыларын дамыту, ғылыми шолулар дайындау, аннотациялар, зерттеу тақырыптары бойынша рефераттар және библиографиялар құрастыруды қарастырады, тілдік емес мамандықтардың магистранттарына жоғары базалық стандарт (С1) деңгейіндегі шет тілдік білімді меңгерту үрдісінде мәдениаралық-коммуникативтік құзіреттілікті қалыптастырады.

Курсты меңгеру нәтижесінде экзотикалық ядроларды және корреляцияны, ядролық-физикалық эксперименттер қою әдістерінің физикалық принциптері менгереді. Экзотикалық ядролардың келесі ерекшеліктерін қарастырады: үлкен бұрыштық момент, қозудың жоғары энергиясы, күшті деформацияланған ядролар, нейтрондар немесе протондар саны аз ядролар, протондар саны өте ауыр ядролар.

Курсты оқу барысында меншікті иондалу, ұшу уақытын және нейтрондар мен гамма-кванттардың импульстік түрде бөлінуін өлшеу әдістері қарастырылады. Сонымен қатар спектрлерді өлшеу, реакциялардың кинематикалық талдауы, корреляциялық өлшеулер, қозу функцияларын өлшеу және радиоактивті сәулелердегі эксперименталдық әдістемелерді қарастырады.

«Ядролық физикадағы эксперименталды мәліметтерді жинақтау және өңдеу» курсының мақсаты ядролық өнеркәсіпорындарда қолданылатын заттар мен материалдардың физикалық қасиеттерін, зерттеудің тәжірибелік әдістерін қолдануды оқыту. Заманауи цифрлық тіркейтін компьютерлік және бағдарламалық құралдарды пайдалана отырып, эксперименталды ақпаратты алу және өңдеу әдістерінің негізгі компоненттерін оқытуды қарастырады.

Курста төмен энергетикалық иондардың зат арқылы өтуі және радиациялық ақаулардың пайда болуы кезіндегі энергия шығындары туралы оқытылады. Төмен энергия иондарының шашырауы, иондардың шашырауындағы кері емес процестердің рөлі, ионды атқылаудың әсерінен қатты денелердің бетін тозаңдату және шашыраған бөлшектердің кеңістіктік таралуының анизотропиясы қарастырылады.

"Ядролық эксперимент құралдары мен техникасы" пәнінің мақсаты ядролық физиканың әр түрлі салаларында қолданылатын заттар мен материалдардың физикалық қасиеттерін зерттеу және тәжірибелік әдістерін қолдану. Ядролық эксперименттік зерттеу үшін үдеткіш кешендерінде өлшеу құралдарымен жұмыс істеу принциптерін қарастырады. Ядролық сәулелерді тіркеу детекторларының жұмысын және үдетілген ауыр иондардың заттар арқылы өту процестерін оқытады.

Осы курста химиялық элементтер ядросының нуклонды құрылымының ұсынылған моделін қарастырады. Атомның электрондық және оның ядросының нуклонды құрылымын, элементтердің химиялық қасиеттерінің электрондық энергетикалық деңгейлерінің құрылымына байланысты өзгеруін оқытады. Курстың мақсаты маңызды субатомдық құбылыстарды ядролық өнеркәсіптегі ғылыми-техникада пайдалану.

Пәнді игеру кезінде ядролық және нейтрондық физика негіздерін, радиоактивті ыдыраудың заңы мен сипаттамасын, ядролық реакциялар мен олардың ерекшеліктерін, ядролық реактордағы нейтрондық циклды, нейтрондардың көбеюінің тиімді коэффициентін, нейтрондардың кеңістіктік энергетикалық таралуының және меншікті энергия бөлінуінің қалыптасу заңдылықтарын оқытады.

Ғылыми зерттеу институттарында экзотикалық ядролар мен корреляцияны зерттеуге арналған эксперименттерді жүргізу, нәтижелерін бағалау.

Ғарыш физикасының мәнін түсіну және астрофизикалық зерттеулер жүргізу үшін ядролық физиканы ғылыми зерттеу институттарында пайдалану.

Ғылыми-зерттеу институттарында жүргізілген тәжірибеде ядролық реакциялардың негізгі механизмдері мен модельдерінетеорияны қолдану, өлшеу және бағалау.

Ядролық өнеркәсіп орындарында және ғылыми зерттеу институттарында ғылыми қызметте радиациялық физика және ядролық медицина әдістерін қолдану.

Ғылыми-зерттеу институттарында жүргізілген тәжірибеде төменгі энергиядағы жеңіл зарядталған және нейтрал бөлшектердің әсерлесу теориясын қолдану.

Заманауи педагогикалық технологиялар мен коммуникативтік дағдыларды мемлекеттік басқару органдары мен білім беру ұйымдарында қолдану.

Атом ядросының құрылымын, ядролардың қасиеттерін анықтау тәсілдері мен заңдарын меңгеру, маңызды субатомдық құбылыстарды ядролық өнеркәсіптегі ғылыми-техникада пайдалану.

Ядролық реакциялар кезінде пайда болатын ядроның экспериментін жүргізужәне теориялық модельдерін құру. Ядролық реакция өнімдерінің бұрыштық және энергетикалық таралуын есептеу. Деңгей тығыздығын, қозу энергиясын және ядроның басқа сипаттамаларын анықтау және бағалау.

Ғылыми жетістіктерді заманауи тұрғыда талдау, ядролық өнеркәсіп орындарындағы өзекті мәселелерді шешу жолдарын іздеу және кәсіби қызметте пайдалану.

Ядролық физиканың әр түрлі салаларында қолданылатын заттар мен материалдардың физикалық қасиеттерін, процестерін, ядролық-физикалық құбылыстарды зерттеудің тәжірибелік әдістерін қолдану.