7R01138 Отбасылық медицина в Оңтүстік Қазақстан медицина академиясы

ҚР халқына алғашқы медициналық-санитарлық көмекті ұйымдастыру. Интеграцияланған медициналық ақпараттық жүйе (КМАЖ). МӘМС жағдайындағы жаңа тарифтік саясат және баға белгілеу. Алғашқы профилактикадағы отбасылық дәрігердің алдын-алу қызметін реттейтін нормативтік құқықтық актілер. Скринингтік диагностика. Екіншілік алдын-алу (АББ, ӘППМ ). Науқастың денсаулық жағдайын және әртүрлі аурулары кезінде кәсіби жарамдылығын бағалаудың кешенді әдістемесі. Уақытша еңбекке жарамсыздық және алғашқы мүгедектіктің себептері. Науқастарға бағытталған кеңес берудің жалпы принциптері.

Амбулаторлық жағдайда травматологиялық көмекті ұйымдастыру. Диагностиканың заманауи инновациялық әдістері, дифференциалды диагностика, жоғарғы және төменгі аяқ-қол сүйектері мен буындарының, кеуде қуысы мен жамбас сүйектерінің зақымдануы кезінде, сүйектер мен буындардың дегенеративті-дистрофиялық және қабыну аурулары кезінде, сүйек пен буындардың қатерсіз және қатерлі ісіктері кезінде амбулаторлық жағдайда алғашқы дәрігерлік көмек көрсету.

Амбулаториялық-емханалық көмек деңгейінде онкологиялық көмекті ұйымдастыру. Тері обыры, қалқанша және сүт бездері, сүйек және жұмсақ тіндер, ас қорыту жолдары, биллиарлы аймақ, өкпе, бүйрек, эндометрия және жатыр қосалқылары ауруларын диагностикалаудың заманауи инновациялық әдістері, дифференциалды диагностикасы және жүргізу принциптері. Онкологиялық аурудың асқынуы кезінде науқасқа көмек көрсету.

Дерматологиялық және тері ауруларының ерте және дифференциалды диагностикасының алгоритмі: қышу дерматоздары, терінің іріңді аурулары (пиодермиялар), терінің саңырауқұлақ аурулары (микоздар), папулезді дерматоздар және венерологиялық аурулар. Ауруханаға дейінгі кезеңде науқастарды жүргізу тактикасы. Диагностикалық және емдік іс-шаралардың клиникалық хаттамасы. Жыныстық жолмен берілетін аурулар кезіндегі міндетті тексеру әдістері. Венерологиялық науқастарды диспансерлеу.

Пән, мақсаты, төтенше жағдайдағы көмектің негізгі принциптері, көлемі мен нормативтік-құқықтық актілері. Шұғыл жағдайларды диагностикалау және медициналық сараптау әдістері. Терапиялық, хирургиялық, жарақаттық, урологиялық, акушерлік және гинекологиялық, неврологиялық, психиатриялық тәжірибедегі және жұқпалы аурулар тәжірибесіндегі шұғыл көмек. Ауруханаға дейінгі кезеңде жазатайым оқиғалар және төтенше жағдайлар кезіндегі шұғыл көмек.

Ересектер мен балаларды неврологиялық тексеру. Бас және жұлын миының созылмалы тамыр ауруларын, перифериялық нерв жүйесінің ауруларын, нерв жүйесінің жұқпалы, тұқым қуалайтын ауруларын, вертеброгенді, вегетативті бұзылуларды, эпилепсияны және жүйке жүйесінің жарақаттан кейінгі эпилептиформды синдромын, ересектер мен балалардағы бас және жұлын миының ісіктерін диагностикалау, айырмашылық диагностикасы, емдеу. Инсульттердің диагностикасы және айырмашылық емес терапиясы.

Лор-ағзалардың патологиясы бар науқастарға, амбулаторлық - емханалық жағдайларда дәлелді медицинаның қазіргі заманғы қағидаттарына сәйкес көмек көрсету. Іріңді-қабыну аурулары мен мұрын, жұтқыншақ, көмей және құлақ жарақаттары кезіндегі диагностиканың заманауи инновациялық әдістері және дифференциалды диагностикасы.

Деменцияның, делирий, амнестикалық, невротикалық, соматоформалық бұзылулардың, мінез-құлықтық синдромдар, жарақаттан кейінгі стрестік бұзылулар, психогенді (реактивті) психоздар, жарақаттан кейінгі стрестік синдромдардың диагностикасы және дифференциалды диагностикасы. Есірткі заттары мен алкогольді пайдалану нәтижесіндегі бұзылулар. Шизофрения және сандырақ бұзылулар. Балалар жасындағы психикалық бұзылулар.

Жедел хирургиялық патологиялар мен құрсақ қуысының жарақаттарын, жұмсақ тіндер мен қолдың іріңді-қабыну ауруларын, тік ішек және тамыр ауруларын диагностикалау әдістері, дифференциалды диагностика. Амбулаторлық-емханалық көмек деңгейінде халыққа білікті хирургиялық көмек көрсету көлемі.

Туберкулезге қатысты сұрақтар бойынша адвокация, коммуникация және әлеуметтік мобилизация жүргізу. Профилактикалық шараларды жүзеге асыру. Флюорографиялық скрининг және қауіп топтар арасында туберкулиндік диагностика жүргізу. Өкпелік және өкпеден тыс туберкулез диагностикасының алгоритмі және дифференциалды диагностикасы. Ауруханаға жіберілетін науқастарды анықтау. Амбулаторлық жағдайдағы бақылауға алынатын емдеу әдістері. Туберкулезбен науқасты динамикалық бақылау. Диспансерлік бақылау. Эпидемиологиялық тексеру жүргізу.

Көз аурулары, жас ағзаларының патологиясы, көздің конъюнктивасы мен тамырлы қабығының патологиясы, мөлдір қабық ауруы, торқабық және шыны тәрізді дене патологиясы, көз бұршағы және көз қозғалтқышы аппаратының патологиясы, көру ағзасының жарақаттары диагностикасының заманауи инновациялық әдістері және дифференциалды диагностикасы. Көз патологиясы бар тұрғындарға медициналық-емханалық көмек көрсету.

Науқастардың тамақтану статусын бағалаудың заманауи әдістері. Алиментарлық тәуелді аурулар және күйлер. Жүрек-қан тамырлар аурулары кезіндегі нутритивтік-метаболикалық коррекция. Ас қорыту органдары және қан жүйесі ауруларының комплексті емі мен профилактикасындағы алиментарлық факторлар. Балалардың және жүкті әйелдердің тамақтану ерекшеліктері. Аллергоздар, несеп шығару жүйесі, тірек-қимыл аппаратының ауруларының патогенетикалық диетатерапиясы. Эндокриндік бұзылыстар кезіндегі емдік тамақтандыру.

Отбасылық дәрігер практикасындағы сәулелік диагностиканың жалпы мәселелері. Терапиялық жиі кездесетін патологиялардағы ультрадыбыстық, рентгендік және КТ зерттеу. Өкпенің, жүрек және қан тамырлары ауруларының сәулелік диагностикасы. Асқазан-ішек жолдары мен іш қуысы ауруларының сәулелік диагностикасы. Қалқанша без, бауыр, ұйқы безі, өт жолдары және зәр шығару жүйесі ауруларының ультрадыбыстық диагностикасы.

Тиісті клиникалық тәжірибенің стандарттары мен принциптері. Зерттеудің негіздемесі мен дизайны. Зерттеу объектілерінің құқықтары, қауіпсіздігі және әл-ауқаты. Зерттеу субъектілерінің ақпараттандырылған келісімі. Зерттеушінің біліктілігі мен міндеттері. Клиникалық зерттеу хаттамасы. Клиникалық сынақтың негізгі құжаттарының тізімі. Клиникалық зерттеулерде қауіпсіздік туралы ақпарат беру тәртібі. Клиникалық зерттеу есебінің құрылымы мен мазмұны

Емхана жағдайында балалардағы жұқпалы аурулар синдромын: диарея, тыныс жолдары зақымдануы, анқа зақымдануы, экзантема, қызба, сарғаю, менингеалды синдром және т.б. ерте диагностикалау және саралау диагностикасы алгоритмі. Ауруханаға дейінгі кезеңде науқастарды жүргізу тактикасы. Шұғыл көмек. Диагностика, емдеу және эпидемияға қарсы іс-шаралар клиникалық хаттамалары. Балалардың жұқпалы ауруларындағы реабилитациялау, диспансерлеу. Вакцинопрофилактика.

Аурулардың диагностикасы мен емінің клиникалық хаттамаларына сәйкес және дәлелді медицина тұрғысынан жаңа туылған нәрестелерде, ерте жастағы, мектепке дейінгі, мектеп жасындағы балаларда және жасөспірімдерде жиі және сирек кездесетін, қиын диагностикаланатын аурулардың диагностикасы, дифференциалды диагностикасы, емі, динамикалық бақылауы және реабилитациясы. Шұғыл көмекті қажет ететін жағдайлардағы ауруханаға дейінгі кезеңдегі дәрігер тактикасы.

Науқастың жеке ерекшеліктерін ескере отырып дәрілерді тиімді таңдаудың ғылыми негізделген принциптері. Дәрілердің терапиялық нәтижелілігін және қауіпсіздігін бағалау әдістерінің кешені. Дәрілік заттардың өзара әрекеттесулері. Полипрагмазия. Полипрагмазияның алдын алудың негізгі әдістері. Ішкі аурулары бар науқастардың ятрогенді дәрілік тәуелділігі. Коморбидтік күйлер кезіндегі тиімді фармакотерапия. Жекешеленген медицина концепциясы. Фармакогенетика. Персонализацияланған терапия.

Амбулаториялық-емханалық көмек (АЕК) деңгейінде жүкті, босанатын, босанған әйелдерге және гинекологиялық науқастарға акушерлік-гинекологиялық көмек көрсетуді ұйымдастыру. Клиникалық хаттамаларға және Қазақстан Республикасындағы акушерлік-гинекологиялық көмек көрсетуді ұйымдастыру стандартына сәйкес АЕК деңгейінде акушерлік-гинекологиялық көмек көрсету.

Қазақстан Республикасында паллиативті көмекті ұйымдастыру. Паллиативті медициналық көмектің психологиялық, әлеуметтік және рухани аспектілері. Науқасты күту кезінде отбасына қолдау көрсету. Созылмалы ауырсынуды диагностикалау және емдеу. Онкологиялық және онкологиялық емес аурулар кезіндегі паллиативті медициналық көмек. Медицина қызметкерлерінің, әлеуметтік қызметкерлердің, туыстары мен пациенттердің қарым-қатынасы.

Емхана жағдайындағы жұқпалы аурулар синдромын: диарея, лимфоаденопатия, анқа зақымдануы, экзантема, қызба, сарғаю, менингеалды синдром және т.б. ерте диагностикалау және саралау диагностикасы алгоритмі. Ауруханаға дейінгі кезеңде науқастарды жүргізу тактикасы. Шұғыл көмек. Диагностика, емдеу және эпидемияға қарсы іс-шаралар клиникалық хаттамалары. АИТВ-инфекциясы, ЖИТС-ассоциацияланған ауруларды міндетті тексеру әдістері. Жұқпалы ауруларды реабилитациялау, диспансерлеу.

Аурулардың диагностикасы мен емінің клиникалық хаттамаларына сәйкес және дәлелді медицина тұрғысынан ересектерде жиі кездесетін, қиын диагностикаланатын, сонымен қатар сирек кездесетін аурулардың диагностикасы, дифференциалды диагностикасы, емі, науқастарды динамикалық бақылау және реабилитациясы. Жедел көмекті қажет ететін жағдайлардағы ауруханаға дейінгі кезеңдегі дәрігер тактикасы. Науқастың еңбекке қабілеттілігіне сараптама жүргізу.

Зерттеу: тиімді зерттеу мақсаттары мен міндеттерін құрастыруға, отбасылық медицинаға қатысты арнайы әдебиеттерді критикалық тұрғыда бағалауға, өзінің күнделікті қызметінде халықаралық деректер қорын тиімді қолдануға, зерттеу командаларының жұмыстарына қатысуға қабілетті.

Қауіпсіздік және сапа: біріншілік медициналық санитарлық көмек жүйесінде диагностикалауды, емдік – профилактикалық шараларды жүргізу бойынша медициналық көмек көрсетудің жоғарғы деңгейдегі сапасын және қауіпсіздігін қамтамасыз ету үшін ең тиімді әдістерді қолдануға және олардың қаупін бағалауға қабілетті.

Коммуникация және коллаборация: науқастармен, олардың отбасы және қоғамдық мүшелерімен, біріншілік деңгейде қызмет ететін басқа да мамандармен (әлеуметтік қызметкерлер, психологтар және басқа БМСК мекемелерінің қызметкерлерімен) науқастың жоғарғы нәтижеге қол жеткізуі мақсатында тиімді қарым-қатынас құруға қабілетті.

Науқасты курациялау: клиникалық диагнозды құрастыруға, біріншілік медициналық санитарлық көмек (БМСК) жүйесінде дәлелдемелі практика негізінде жасы, жынысы, проблемаларына қарай емдік-профилактикалық жоспар тағайындауға және оның тиімділігін бағалауға қабілетті.

Білімін жетілдіру және дамыту: отбасылық медицина бойынша өз бетінше білімін жетілдіруге және кәсіби команданың басқа мүшелерін оқытуға, дискуссияларға, конференцияларға және басқа да кәсіби дамудың үздіксіз түрлеріне белсенді қатысуға қабілетті.

Қоғамдық денсаулық: біріншілік медициналық санитарлық көмек жүйесінде диагностикалауды, емдік – профилактикалық шараларды, төтенше жағдайларда негізгі және кеңейтілген көмек көрсетуді, ұлт денсаулығын нығайту саясатын жүзеге асыру үшін мамандараралық командалар құрамындағы жұмыстарды Қазақстан Республикасының денсаулық сақтау жүйесінің құқықтық және ұйымдастыру аймағы аясында жүргізуге қабілетті.