7M07108 Органикалық заттардың химиялық технологиясы (2) в Қарағанды мемлекеттік техникалық университеті

Пән қатты отынды өңдеудің заманауи мәселелерін зерттейді. Курс келесі бөлімдермен ұсынылған: қатты отынның сипаттамасы, көмірдің органикалық массасының жіктелуі және термиялық өңделуі, қатты қалдықтың, шайырдың, газдың ыдырау өнімдері. Курсты оқу қатты жанғыш қазбаларды химиялық өңдеу және оларды кәсіби қызметте пайдалану туралы білімді қалыптастыруға бағытталған.

Пән ғылымның даму заңдарын ашады. Курс келесідей тараулармен ұсынылған: ғылыми білім құрылымы; ғылыми білім мен техногендік мәдениетті дамытудың ғаламдық мәселелері. Курсты оқу болашақ мамандардың, ғалымдардың және оқытушылардың ғылыми және ғылыми-педагогикалық қызметіндегі жалпы ғылыми, философиялық-әдіснамалық, дүниетанымдық және тәртіптік-теориялық негіздерін қалыптастыруға бағытталған.

Пәннің пәндік мазмұны коммуникативтік салалардан, сөйлеу тақырыптарынан және кәсіби-ғылыми қарым-қатынастың типтік жағдайларынан тұратын когнитивті-лингвомәдени кешендер түрінде ұсынылған. Курсты оқу шетелдік кәсіптік-салалық білім беру үрдісінде мәдениетаралық-коммуникативтік құзыреттілікті қалыптастыруға бағытталған.

Пән жүйелік түсініктерді қалыптастыруға және басқару қызметінің психологиялық мәнін түсінуге; басқарудың негізгі әлеуметтік-психологиялық әдістерін меңгеруге; тұлғалық өсу уәждемесін дамытуға бағытталған. Курста басқару психологиясының әдіснамалық негіздері, басқарудың әлеуметтік-психологиялық мәселелері және оларды шешу жолдары, басқарушы психологиясының негіздері қарастырылады. Курсты оқу басқару қызметінің мәдениетін арттыруға бейімделген.

Пәндер жоғары мектептің (ЖМ) оқу-тәрбие процесін гуманизациялау мен демократияландырудың заманауи тенденцияларын, оқытудың және тәрбиенің жаңа технологияларын оқытады, педагогикалық қызметтің жеке шығармашылық стиліне бейімдейді. Курс келесі бөлімдермен ұсынылған: жоғары білімнің қазіргі заманғы парадигмасы, педагогикалық ғылымның әдіснамасы, ЖМ оқыту теориясы. Оқу курсы ЖМ оқытушыларының кәсіби-педагогикалық мәдениетін қалыптастыруға бағытталған.

Пән мұнай өңдеу мен мұнай химиясындағы инновациялық технологиялар саласындағы теориялық негіздерді зерттейді. Курс келесі бөлімдермен ұсынылған: мұнай өңдеу, майлар өндірісі, көмірсутекті газдарды заманауи өңдеу процестері. Курсты зерделеу инновациялық шешімдерді пайдалана отырып, мұнай өңдеу және мұнай-химия технологияларын жетілдіру мәселелерін игеруге бағытталған.

Пән биоөндірістерді жабдықтаудың теориялық негіздері туралы білімді қалыптастырады. Курс келесі бөлімдермен ұсынылған: аппаратураның жіктелуі және био-препараттарды, қосылыстарды алу технологиясының әдістері, биопрепараттарды синтездеу технологиясы. Курсты оқу биоқосылыстарды, препараттарды синтездеу кезінде биоөндірістерді жабдықталуы бойынша білімді қалыптастыруға және практикада пайдалануға бағытталған.

Пән ББЗ синтезі бойынша теориялық негіздер туралы білімді қалыптастырады. Курс келесі бөлімдермен ұсынылған: дәрілік препараттардың, өсімдік шикізатының биологиялық белсенділігін анықтау және зерттеу, табиғи қосылыстардан дәрілік заттардың құрылымы мен алу әдістері бойынша жіктеу, дәрілік препараттарды синтездеу технологиясы. Курсты зерттеу биологиялық белсенділігі бар қосылыстар мен препараттарды синтездеу бойынша білімді қалыптастыруға бағытталған және инженерлік-техникалық қызметтің іргетасы болып табылады.

Пән көмірді қайта өңдеу кезіндегі химиялық процестердің өтуінің жалпы заңдылықтарын зерт-тейді. Курс келесі бөлімдерден тұрады: көмір өндіру мәселелері, көмірдің органикалық массасын жіктеу және термиялық өңдеу, қатты қалдық, шайыр, газ ала отырып ыдырату өнімдерін рекомбинациялау. Курсты оқу қатты жанғыш қазбаларды химиялық өңдеу бойынша білімді қалыптастыруға және оларды практикада қолдануға бағытталған.

Пән оңтайлы өлшеу процедураларын құрастыру және дұрыс химиялық ақпаратты алу үшін әртүрлі әдістерді пайдаланумен байланысты ұғымдарды оқытады. Курс келесі бөлімдермен берілген: қателердің санаты, қателіктер, t-тесттер, ең кіші квадраттар әдісі, сызықтық модель және қалдықтарды талдау. Курсты оқу деректерді талдау және ақпаратты өңдеудің жалпы принциптері бойынша практикалық білімге бағытталған.

Пән магистранттарда органикалық қосылыстар реакциясының заңдылықтары мен іргелі ғылыми білімді қалыптастырады. Курс келесі бөлімдерден тұрады: қорғау топтары, карбон қышқылдары, органикалық қосылыстарды тотықсыздандыру әдістері. Пәнді оқыту қазіргі органикалық синтез саласындағы дағдыларды қалыптастыруға бағытталған.

«Орыс тілі (кәсіби)» пәні негізгі пәндер циклінің университеттік компонентіне кіреді. Курсты оқу кәсіби ойлау ерекшеліктерін ескере отырып, нақты кәсіби және іскерлік салаларда, жағдайларда қарым-қатынас жасау қабілетін қалыптастыруға бағытталған. Пәннің мазмұны кәсіби қарым-қатынастың типтік жағдайларынан тұратын танымдық-лингвомәдени кешендер түрінде ұсынылған. «Орыс тілі (кәсіби)» пәнін оқыту үшін қажетті кәсіби және педагогикалық құзыреттерді дамыту мақсатында барлық мамандықтар бойынша қазақ тілінде білім алатын магистранттар оқиды.

«Қазақ тілі (кәсіби)» пәні негізгі пәндер циклінің университеттік компонентіне кіреді. Курсты оқу кәсіби ойлау ерекшеліктерін ескере отырып, нақты кәсіби және іскерлік салаларда, жағдайларда қарым-қатынас жасау қабілетін қалыптастыруға бағытталған. Пәннің мазмұны кәсіби қарым-қатынастың типтік жағдайларынан тұратын танымдық-лингвомәдени кешендер түрінде ұсынылған. «Қазақ тілі (кәсіби)» пәнін оқыту үшін қажетті кәсіби және педагогикалық құзыреттерді дамыту мақсатында барлық мамандықтар бойынша орыс тілінде білім алатын магистранттар оқиды.

Пән магистранттардың инженерлік-техникалық қызметінің іргетасы болып табылады. Курс келесі бөлімдермен ұсынылған: техникалық реттеу саласындағы негізгі терминдер мен анықтамалар, техникалық реттеу саласындағы заңнама, мемлекеттік, нормативтік-техникалық құжаттарды әзірлеу, енгізу, олардың жолдау тәртібі. Курсты оқу магистранттарда органикалық химиядағы техникалық реттеу объектілерінің сапасы жөніндегі мәселелер кешенін шешу бойынша білімді дамытудың теориялық базасын қалыптастыруға бағытталған.

Пән жоғары мектеп оқытушысының әдістемелік дайындаудың негізі болып табылады. Курс келесі бөлімдерде ұсынылған: жоғары мектеп оқу процесін ұйымдастырудың нормативтік-құқықтық базасы негізінде оқу-әдістемелік құжаттама жасау; нәтижеге бағытталған диагностикалық оқу мақсаттарын қою; ең рационалды формалар мен дидактикалық әдістерді таңдау. Курсты зерделеу заманауи оқыту технологияларын қолдана отырып, техникалық пәндер бойынша сабақтарды өткізу дағдыларын қалыптастыруға бағытталған.

Пән талдаудың негізгі заманауи физика-химиялық әдістерін зерттейді. Курс екі негізгі бөлімнен тұрады: хроматографиялық және спектрлік талдау әдістері. Курсты зерделеу магистранттарда органикалық заттарды зерттеудің заманауи физика-химиялық әдістері туралы түсініктерді қалыптастыруға бағытталған.

Пән магистранттарда полимерлік материалдарды өндіру мүмкіндіктерін, шикізатты таңдауға қойылатын негізгі талаптарды, полимерлік материалдар мен бұйымдарды жасау әдістерін қалыптастырады. Курс келесі бөлімдермен ұсынылған: полимерлердің түрлері, шикізат, модификация. Зерттеу полимерлер өндірісі саласында дағдыларды қалыптастыруға бағытталған.

Пән химиялық өнімдердің қауіпсіз өндірісін ұйымдастыру мүмкіндігін зерттейді. Курс жасыл химияның он екі негізгі қағидаларымен ұсынылған. Курсты зерделеу магистранттарда химиялық өнімдерді жасау процесінде қоршаған ортаның ластануын болдырмау түсініктерін қалыптастыруға бағытталған.

Химиялық өндірістердің технологиялық процестерін әзірлеу

Кәсіби қызмет шеңберінде ғылыми-зерттеу жұмысын жүзеге асыру

Химиялық өндіріс қондырғыларын оңтайландыру

Шикізатты өңдеудің химиялық процестерін басқару

Кәсіптік оқу орындарында білім беру қызметін жүзеге асыру

Өндірістік және ғылыми-педагогикалық қызметте мәдениетаралық коммуникацияны жүзеге асыру

Кәсіби қызметте креативті идеяларды әзірлеу-ге және іске асыруға басшылық жасау