6B06220 Радиоэлектрондық аппаратураны жобалау және құрастыру в Л.Н.Гумилев атындағы Еуразия ұлттық университеті

Электромагниттік өрістерді трансформациялау және генерациялау, еркін электромагниттік өрістердің кванттық теориясы, материямен өзара әрекеттесудің кванттық теориясы, спектрлік сызықтарды кеңейту механизмдері, релаксация, кванттық кинетика кванттық статистикалық ансамбльдер тұрғысынан қарастырылатын, ауытқулардың сызықты емес теориясының негіздерін білу.

Пән бейіндік оқу пәндерінің материалдарын меңгеруге теориялық және практикалық дайындық алуға мүмкіндік береді, мамандықтың негізгі ұғымдарымен танысуға, радиоэлектрониканың мақсаттары мен міндеттері туралы жалпы түсінік қалыптастырады.

Берілген курс математикалық аппараттарды меңгеру үшін және оның болашақта пайдалануы қолданбалы есептерді шешу үшін керек. Курс келесі мамематикалық тараулардан тұрады: сызықтық алгебра, аналитикалық геометрия, функция, функцияның шегі, дифференциалдық және интегралдық есептеулер.

Курс келесі математикалық тараулардан тұрады: көп айнымалыдан тәуелді функциялардың дифференциалдық және интегралдық есептеулері, дифференциалдық теңдеулер, сандық және функциялық қатарлар теориясы, Фурье қатарлары, ықтималдық теориясы және математикалық статистика негіздері, оның ішінде ықтималдықтың классикалық және статистикалық анықтамасы, қосу және көбейту теоремалары, толық ықтималдық, Бейес, Бернулли формулалары, Лапластың локалдық және интегралдық теоремасы.

Білім алушылар қажетті электр техникалық, электрондық, электр өлшеу құрылғыларын таңдау, оларды дұрыс пайдалана білу және мамандармен бірлесіп өзінің кәсіби қызметінде әртүрлі қондырғылар мен жабдықтардың электр бөліктерін әзірлеуге арналған техникалық тапсырмаларды құрастыру мақсатында электр тізбектері теориясы саласында теориялық және практикалық дайындықтан өтеді.

Пән электрондық құралдардың компоненттері мен тораптарын құрастыру негіздерін, аналитикалық және сандық есептеу әдістерін үйретуге мүмкіндік береді.

Пән комбинациялық және жүйелі цифрлық құрылғылардың жұмыс істеу принциптерімен, интеграцияның әртүрлі дәрежесіндегі цифрлық құрылғылардың заманауи элементтік базасымен, цифрлық-аналогтық және аналогты-цифрлық түрлендіргіштермен танысуға мүмкіндік береді.

Пән әр түрлі мақсаттағы электрондық аппаратураның даму перспективаларын, электрондық аспап жасаудың элементтік базасын, электрондық аппаратураны жасау проблемаларын, оның сапасы мен бәсекеге қабілеттілігін зерделеуге; электрондық құрылғылардың белсенді және пассивті компоненттерінің элементтік базасы жұмысының физикалық негіздерін, сондай-ақ оларды электрондық аппаратураның конструкторлық-технологиялық жобалауында қолдану ерекшеліктерін қарастыруға мүмкіндік береді.

Білім алушы аналогты электрондық схемаларды құрудың негізгі принциптерін, күшейткіш және түрлендіргіш каскадтардың, сигнал генераторларының, электр сүзгілерінің жұмыс істеу принциптерін, аналогты интегралдық микросхемалардың жұмыс істеу принциптерін, электрониканың элементтік базасын практикалық қызметте қолданудың әртүрлі аспектілерін меңгеруі тиіс.

Пән радиоэлектрондық техниканың конструкциялары мен технологияларын жобалаудың әдіснамалық негіздерімен, нормативтік, элементтік және конструктивтік базалармен және радиоэлектрондық аппаратураны құрастырудың негізгі стандарттарымен танысуға, радиоэлектрондық техника өндірісін ұйымдастырудың теориялық негіздері мен жалпы принциптерін зерделеуге мүмкіндік береді.

Пән қолдану салалары бойынша ҚР «Цифрлық Қазақстан» Мемлекеттік бағдарламасын ендіру және жүзеге асырудың кезеңдерін, электрондық қызметтерді көрсетудің цифрлық платформаларын, әртүрлі кәсіби салалар бойынша цифрлық технологияларды ендіру және қолдану жолдарын қарастырады.

Экология және өмір қауіпсіздігі пәнінде, ақпараттық-коммуникациялық технологиялар саласында оқытуға арналған проблемалар қарастырылады. Маман кәсіби қызмет саласындағы қоршаған ортаны қорғауды дамытуға, жылу мен электр энергиясын ұтымды пайдалануды бақылауға, интернет-қосымшаларды пайдаланумен айналысатын мамандарға арналған оқытуды жүргізуге тиіс. Сондықтан ол радиотехника, электроника және телекоммуникация пәндермен байланысты.

Пән электрондық жүйелердегі басқару процестерінің жалпы заңдылықтарын зерттеуге, Математикалық талдау және модельдеу, құрылымдық схемаларды талдау және синтездеу, электрондық жүйелердің динамикалық сипаттамаларын қалыптастыру және болжау әдістерін қолдана отырып, электрондық жүйелерді есептеудің практикалық дағдыларын алуға мүмкіндік береді.

Елбасы Н. Назарбаевтың «Болашаққа бағдар: рухани жаңғыру» бағдарламалық мақаласында қоғамның рухани дамуының басымдықтары айқындалып, бағдар берілді. Рухани жаңғыруды жедел жүзеге асыру міндеті қойылды. Қазіргі заманның талабына сәйкес қоғам дамуының іргелі қағидасының бірі жастардың білімге, прагматизмге, бәсекеге қабілеттілікке деген ұмтылыс болуы қажет.

Студент электронды құралдарды жобалау кезінде туындайтын инженерлік мәселелерді шешудің заманауи әдіснамасының негіздерімен танысады, электрондық аппаратура бұйымдарының жұмысқа қабілеттілігі мен сенімділігін қамтамасыз ету есептерін шешу кезінде электрондық құралдар конструкцияларын компьютерлік талдаудың математикалық модельдерін зерделейді.

Пән радиоэлектрондық құралдарды жобалауда қолданылатын информатика және ақпараттық технологиялардың негізгі түсініктерімен, модельдерімен және әдістерімен таныстырады. Ақпараттық және инфокоммуникациялық технологияларды, аспаптық құралдарды кәсіби қызметіндегі типтік қолданбалы мәселелерді шешу мақсатында меңгеру.

«Сыбайлас жемқорлыққа қарсы мәдениет» пәні «ақпараттық-коммуникациялық технологиялар» бағыты білім алушыларда кез келген сыбайлас жемқорлық көріністеріне мүлдем төзбеушілікті қалыптастыруға бағытталған. «Қазақстан-2050 «Стратегиясы қалыптасқан мемлекеттің жаңа саяси бағыты» сыбайлас жемқорлықты ұлттық қауіпсіздікке тікелей қауіп-қатер дәрежесіне көтереді.

Курс кәсіби-тәжірибелік бағытта құрастырылған. Оны оқу арқылы кәсіби маңызды жағдайларда риторикалық іс-әрекет технологиясын игеру көзделген. Білім алушылардың сөздік білімділігін арттыру, тиімді іскерлік қарым-қатынас қағидалары, жұрт алдында сөйлеудің ұтымды ықпал етуін қамтитын негізгі факторлар мен үдерістері, шешен мен аудитория ынтымақтасуының формалары мен құралдары туралы білім алу курстың міндеттеріне кіреді.

Білім алушы сызба геометриясы және компьютерлік инженерлік графика негіздерін, бейнелерді орындау мен редакциялаудың заманауи құралдарымен жұмыс істеу дағдыларын меңгереді, сондай-ақ техникалық құжаттаманы ресімдеу қағидаларын меңгереді

Білім алушы инженерлік-техникалық мамандықтар негіздерін, әртүрлі машиналарды, механизмдер мен аспаптарды жобалаумен, дайындау және пайдаланумен байланысты эскиздерін, техникалық суреттерін, сызбалары мен сызба–бейнелерін оқып, орындай алады.

Теориялық, ғылыми және практикалық білім арқылы «Кәсіпкерлік және бизнес» пәні студенттерге бизнес жоспар жасауға, оны ұйымдастыруға және жүргізуге мүмкіндік береді. Сонымен қатар кәсіпкерлік қызмет жүйесінде нақты және туындайтын мәселелерді шешу үшін құқықытық, экономикалық, басқару мен ұйымдастыру мәселелрін шешудің ғылыми – перактикалық ойлау жүйесін қалыптастырады.

Білім алушылар қолданбалы есептер және өнеркәсіптік жобалар үшін теориялық және практикалық дағдыларды алу мақсатында жоғары деңгейдегі бағдарламалау тілдерін оқиды.

Пән электрондық құралдарды әзірлеу кезінде жобалаудың техникалық құралдарының рөлі туралы кәсіби білімді қалыптастыруға; заманауи инженерлік және ғылыми тәжірибедегі жобалаудың техникалық құралдарының рөлін, сондай-ақ құрылғыларды жобалау кезінде туындайтын міндеттерді шешудің негізгі әдістерін зерделеуге; функционалдық ұяшықтардан бастап электрондық жүйелерге дейінгі техникалық тапсырмаға сәйкес әртүрлі мақсаттағы заманауи электрондық аппаратураны құрудың практикалық дағдыларын дамытуға мүмкіндік береді.

Білім алушы электронды құралдарды жобалау және оңтайландыру кезінде компьютерлік модельдеу және каскадтар мен тораптарды физикалық макеттеу білімдері мен іскерліктерін, жаңа схемалық шешімдер қабылдау және үлгілік шешімдерді дұрыс пайдалану, физикалық макеттеу және компьютерлік модельдеу көмегімен осы шешімдерді тексеру және нақтылау дағдыларын меңгереді.

Білім алушы механизмдер теориясының негіздерін, беріктік, қаттылық және орнықтылық тетіктерінің бөлшектерін есептеу негіздерін, сондай-ақ механизмдердің дәлдік теориясының элементтерін және радиоэлектрондық құралдардағы өзара алмасу негіздерін меңгереді.

Білім алушылар заманауи конструкциялық материалдар саласын тереңірек қарастырады, радиоэлектрондық құралдарды жасау кезінде қолданылатын материалдардың механикалық, термофизикалық, электрохимиялық, оптикалық қасиеттері туралы білімін қалыптастырады.

Білім алушы қазіргі заманғы радиотехникалық құралдардың негіздерін біледі, радиотехникалық сигналдарды қалыптастыру, беру, қабылдау және өңдеу негіздерін, қазіргі заманғы радио және телевизиялық хабар тарату, радиолокация, компьютерлік ақпаратты сымсыз алмасу жүйелерінің жұмыс істеу принциптерін зерделейді.

Пәннің мақсаты механизмдер мен электромеханикалық құрылғыларды құрастыру негіздерін зерделеу, радиоэлектрондық құралдардың механизмдерін, олардың бөлшектері мен тораптарын, салмақ түсетін конструкцияларды есептеу, шектеулер мен қонуларды тағайындау, өлшемдік тізбектерді есептеу, компьютерлік бағдарламалар пакеттерін қолдана отырып радиоэлектрондық құралдардың механизмдерін құрастыру дағдыларын меңгеру болып табылады.

Білім алушы кәсіби стандарттарға сәйкес электрондық құралдарды конструкторлық жобалау, радиоэлектрондық, датчик және атқарушы аппаратураларды жасау бойынша білім мен іскерлікті алады.

Білім алушы физикалық шаманы өлшеудің нақты мәселесін шешу үшін электрондық схеманың элементтері мен түрін таңдауды, схемаларды есептеу, талдау және жобалау әдістерін, нақты түрлендіргіш құрылғылардың сипаттамаларын өлшеу, оларды баптау және кейінгі электрондық блоктармен үйлестіруді үйренеді.

Пән электрондық құралдарды әзірлеудегі техникалық бақылаудың рөлі туралы кәсіби білімді қалыптастыруға мүмкіндік береді, қазіргі инженерлік қызметте және практикада техникалық бақылаудың рөлін зерттейді.

Студенттер электронды құралдардың сенімділігі теориясын, сенімділік көрсеткіштері мен оларды есептеу әдістерін, сондай-ақ сенімділікті арттыру әдістерін оқиды.

Білім алушылар үш өлшемді компьютерлік модельдеу саласында білім алады, заманауи қолданбалы бағдарламалар пакеттерін пайдалана отырып, инженерлік-жобалық міндеттерді шешу дағдыларын, датчик аппаратураларын модельдеу білігін алады.

Пән аналогтық және цифрлық электроника құрылғыларының әрекет ету принциптері, олардың сапалық және сандық көрсеткіштері, есептеу әдістері, сондай-ақ электрондық құралдарды жобалау кезінде оларды пайдаланудың негізгі ерекшеліктері бойынша білімді қалыптастырады.

Пән өлшеу, бақылау және басқару үдерістері үшін датчик аппаратурасын жобалау бойынша білім мен дағдыларды қалыптастыруға, соның ішінде датчик аппаратурасын өндіруді метрологиялық қамтамасыз етуге мүмкіндік береді.

Пәннің мақсаты білім алушыларда радиоэлектрондық өнімдер нарығындағы менеджмент пен маркетингтің ерекшеліктерін сипаттайтын теориялық тәсілдер мен тұжырымдамалық идеяларды қалыптастыру, сондай-ақ отандық және шетелдік зерттеушілердің жоғары технологиялық өнімдерін ілгерілету әдістерін зерттеу болып табылады.

Пән заманауи автоматтандырылған жобалау жүйелерін қолдана отырып, электронды құралдарды орналастырудың әдіснамасы мен принциптері туралы білімді қалыптастыруға, электронды құралдарды тұрақсыздандырушы факторлардан қорғауға, өнімнің берілген сапа көрсеткіштерін, эргономика мен дизайн талаптарын қамтамасыз етуге мүмкіндік береді.

Пән өндірістің технологиялық жүйелерін, соның ішінде өндірістің қарқындылығы мен тиімділігін, өндірілетін өнімнің жоғары сапасын қамтамасыз ететін оңтайлы технологиялық процестерді жобалау және басқару әдістерін, автоматтандыру құралдарын, оның ішінде икемді өндірістік жүйелерді, модельдеу әдістерін, оңтайландыруды, талдауды және синтездеуді, сондай-ақ құрастыру-монтаждау өндірісінің технологиялық жабдықтау құралдарын жобалауды автоматтандыруды зерттеуге мүмкіндік береді.

Пәнді оқытудың мақсаты білім алушыларды заманауи құрастыру әдістерімен және радиоэлектрондық құралдарды дайындаудың технологиялық процестерімен таныстыру; қолданбалы пәндерді табысты меңгеру және өндірістік міндеттерді одан әрі шешу үшін бітірушілердің базалық дайындығын қамтамасыз ету; студенттерді радиоэлектрондық құралдарды іске асырудың технологиялық тәсілдерін құрастырумен және таңдаумен байланысты міндеттерді шешуге дайындау болып табылады.

Пән радиоэлектрондық құралдарды қоршаған ортаның жылу, климаттық және механикалық әсерінен қорғаудың әдістерін, электромагниттік үйлесімділікті қамтамасыз ету әдістерін зерттеуге мүмкіндік береді; сапа талаптары мен жұмыс жағдайларына сәйкес олардың жұмыс істеуін қамтамасыз ететін радиоэлектрондық құралдарды жобалау әдістерін меңгеруді қамтамасыз етеді.

Студент электромагниттік өріс теориясының негізгі бөлімдерінің теориялық дамуын, микротолқынды беріліс желілерін және электронды құралдардың микротолқынды құрылғыларын жобалау кезінде электромагниттік өріс теориясының физикалық негізделген қолданылуын зерттейді. Математикалық модельдеудің заманауи әдістерін, өлшеу құралдарын және автоматтандырылған жобалау жүйелерін қолдана отырып, микротолқынды құрылғылар мен Антенналарды жобалау, эксперименттік зерттеу және пайдалану саласындағы білімді қалыптастыру және дамыту.

Пәнді зерделеудің мақсаты қазіргі заманғы оптоэлектрониканың элементтік және конструктивтік базасымен танысу және байланыс, ғылыми зерттеулер, жаңа материалдар мен олардан бұйымдар өндіру үшін жоғары технологиялық жабдықта пайдаланылатын оптоэлектрондық құрылғылардың жұмыс істеу принциптерін білумен, синтезімен және талдауымен байланысты құзыреттерді қалыптастыру болып табылады.

Пән студенттерде радиоэлектроника саласының жұмыс істеу заңдылықтары және осы сала кәсіпорындарының жұмыс істеуінің экономикалық тетігінің принциптері туралы, сондай-ақ қызметтің әртүрлі салаларындағы экономикалық білім негіздері туралы тұтас түсінік қалыптастыруға, сондай-ақ сыртқы және ішкі ортаның көптеген және үнемі өзгеріп отыратын жағдайларын ескере отырып, студенттердің бизнес-жоспарлаудың ғылыми-қолданбалы аппаратын және бизнесті жақын және ұзақ мерзімді перспективаларға перспективалық модельдеуді қалыптастыруға ықпал етуге мүмкіндік береді.

Пән студенттерге әртүрлі ортада, электромагниттік энергияны беру желілерінде және ультра жоғары жиіліктегі және оптикалық диапазондағы сызықтық құрылғыларда болатын электромагниттік процестер теориясының негіздерін білуге мүмкіндік береді.

Білім алушы құрылыстың қағидаттарын және жобалаудың қазіргі заманғы әдістерін зерделейді, сондай-ақ бағдарламаланатын логикалық интегралды схемалар базасында цифрлық құрылғыларды әзірлеуде практикалық дағдыларға ие болады.

дене шынықтырудың әдістерімен және құралдарымен толыққанды әлеуметтік және кәсіби қызметті қамтамасыз ету, қауіпсіздік мәдениетін меңгеру, экологиялық жағдайдан хабардар болу

радиоэлектроника объектілерінің жұмыс істеу процестерін талдау және оларды іске асырудың аспаптық және бағдарламалық құралдарын таңдау, өлшеулер, эксперименттер мен бақылаулар жүргізу, нәтижелерді талдау, жүргізілген зерттеулердің сипаттамасын жасау, радиоэлектроника бойынша шолулар, есептер жасау үшін деректерді дайындау кезінде математикалық модельдерді құру үшін білімді пайдалану

жаңа өнімнің инновациялық потенциалын бағалау үшін, жобалы-конструкторлық дайындау мен зерттеулер нәтижесін енгізу мен дайындау үшін білімді қолдану

радиотехника, электроника саласындағы заманауи білім деңгейіне сәйкес радиотехникалық ақпараттық-коммуникациялық құрылғылар мен жүйелерді жобалау, монтаждау міндеттерін шешу және алынған білімді кәсіби қызметте қолдану

радиоэлектрондық құрылғылардың жұмыс істеу режимдерін оңтайландыру және радиоэлектрондық құралдарды сыртқы әсерлерден қорғау мақсатында Радиотехника, электроника саласында өндірістік жұмыстарды жүргізу үшін қазіргі заманғы әдістер мен құралдарды пайдалану

құқықтық сауаттылықты арттыру, мінез-құлық мәдениеті мен қарым-қатынастың этикалық нормаларын, кәсіби міндеттерін орындау

зертханалық жағдайларда және объектілерде күрделі құрылғылардың, жүйелердің жекелеген түрлерін баптау, баптау және тәжірибелік тексеру дағдыларын меңгеру

радиотехника мен электроникадағы оңтайландыру есептерін шешу үшін математикалық аппаратқа негізделген физиканың іргелі негіздеріy пайдалану

жеке, мәдени тұрғыдан және кәсіби қарым-қатынас бағыттарындағы мәселелерді шешуде ауызша және жазбаша түрде қазақ, орыс және шет тілдерінде байланыс жасау

ақпараттарды іздеу, сақтау, өңдеу, қорғау және таратуда цифрлық технологияны, әртүрлі ақпараттық және коммуникациялық технологияларды қолдану және тіршіліктің әртүрлі салаларында кәсіпкерлік білімді қолдана білу

әлемдік көзқарасты қалыптастыруда философиялық білімді қолдана білу, сонымен бірге азаматтық ұстаным қалыптастыруда тарихи дамудың негізгі этаптары мен заңдылықтарын талдай білу мүмкіндігі