6B07110 Робототехникалық жүйелер в Әл-Фараби атындағы Қазақ ұлттық университеті

Мақсаты: негізгі математикалық жалпы бағдар беру, жоғарғы алгебраның негіздерімен таныстыру және аналитикалық геометрияның векторлық алгебра мен координаттар әдісін есептер шығаруда қолдану қабілетін қалыптастыру. Мәселелер: комплекс сандармен есептер шығару, сызықтық теңдеулерді зерттеп шешімін табу, анықтауыштарды есептеу, матрицаларға амалдар қолдануды және кері матрица табуды білу, ішкі кеңістіктер базасын табу; қатарлар рангісін есептеу.

Мақсаты: математикалық талдаудың фундаментальдық түсініктерінің негізін қалау және бір айнымалыдан тәуелді функциялардың дифференциалдық, интегралдық есептеулерін, қатарлар теориясын зерттеу дағдыларын қалыптастыру. Мәселелер: сандық тізбектің, функцияның шегі, бірқалыпты үзіліссіздігі; туындының қолданулары, дифференциалдық есептеулердің теоремалары, Тейлор формуласы; интегралдау әдістері, орта мән туралы теоремалар, анықталған интегралдардың қолданулары; сандық қатардың жинақтылығы, функционалдық қатарлардың бірқалыпты жинақтылығы.

Пәннің мақсаты: әзірлеушілерге, деректер талдаушыларыларға, веб-программистерге және т. б. үшін пайдалы бағдарламалау дағдыларын және жоғары деңгейлі бағдарламалау тілдерінде қосымшаларды құру қабілетін қалыптастыру. Бағдарламаларды құру және іске қосу. Деректер түрлері. Функциялар және басқарушы құрылымдар. Модульдер, пакеттер. Объектілі-бағытталған бағдарламалау негіздері. Файлдарды басқару. Процедуралық бағдарламалау. Бағдарламаларды баптау, тестілеу, профильдеу. Процестер, ағындар оқытылатын болады.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Мақсаты: кәсіпкерлік теориясы мен тәжірибесін зерделеу негізінде кәсіпкерлік қызметтің практикалық дағдыларын қалыптастыру болып табылады. Студент қабілетті: жеке қызығушылықтары мен қабілеттеріне сәйкес келетін нарық мүмкіндіктерін пайдалануға; бизнесті бастау туралы бастапқы шешімді қабылдауға; қолданыстағы құқықтық нормалар шеңберінде тиімді жұмыс жасауға; стартаптың әлеуетті нарықтық мүмкіндіктерін анықтауға және бағалауға.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: қажетті электр техникалық, электронды, электр өлшегіш құрылғыларды таңдау қабілетін қалыптастыру, оларды дұрыс пайдалана білу және роботтардың және робототехникалық жүйелердің электр бөліктерін әзірлеуге техникалық тапсырмаларды құрастыру. Электричество, магнетизм; тұрақты, айнымалы токтардың электр тізбектері; сызықты электр тізбектерінің параметрлері мен сипаттамаларын есептеу, өлшеу; компьютерлік бағдарламаларды қолданып, электр тізбектерінің параметрлерін есептеу оқытылады.

Мақсаты: жай дифференциалдық теңдеулердің негізгі ұғымдары мен оларды шешудің әдістері мен дифференциалдық теңдеулер теориясымен, дербес туындылы дифференциалдық теңдеулердің теориясымен және өзекті мәселелерімен оларды шешудің заманауи әдістерімен таныстыру болып табылады. Мәселелер: жай дифференциалдық теңдеулердің негізгі ұғымдары, туындысы арқылы шешілген бірінші ретті дифференциалдық теңдеулердің типтері, бірінші ретті жай дифференциалдық теңдеулердің негізгі типтері.

Мақсаты: механикалық қозғалыс пен материалдық денелердің өзара әрекеттесуінің жалпы заңдылықтарын зерттейтін ғылымның іргелі білімдерімен таныстыру, инженерлік шешімдер қабылдау және үрдістердің математикалық модельдерін құру дағдыларын беру. Теориялық механиканың принциптері; Статиканың негізгі анықтамалары мен аксиомалары; нүктенің және қатты дененің кинематикасы, күрделі қозғалысы; динамиканың негізгі ұғымдары, міндеттері мен теоремалары оқытылатын болады.

Пәннің мақсаты: роботтар мен робототехникалық жүйелерді құрудың, енгізудің және қолданудың базалық санаттары мен принциптерін тұтас түсінуді қамтамасыз ету. Робототехниканың негізгі терминдерін зерделеумен байланысты мәселелер, робототехникадағы анықтамалар мен терминология, роботтар мен робототехникалық жүйелерді жіктеу, роботтар мен робототехникалық жүйелерді, өнеркәсіптік роботтарды, өнеркәсіптік емес мақсаттағы роботтарды, роботтардың құрылымын зерттеу оқытылатын болады.

Мақсаты: механизмдер, олардың құрылымы, талдау және синтездеу әдістері туралы білімді қалыптастыру, механизмдер мен машиналардың қасиеттерін зерттеу әдістерін меңгеру, олардың сұлбаларын жобалау, техникалық есептерді дербес шешу және логикалық ойлау дағдыларын дамыту. Машиналар мен механизмдер құрылысының негіздері. Механизмдердің кинематикалық сипаттамалары. Қуатты талдау және механизмді теңдестіру. Машиналар мен механизмдердің қозғалысын зерттеу зерделенетін болады.

Мақсаты: жобалау бойынша теориялық білім негізінде модельдеу қабілеттерін қалыптастыру. Робототехникалық жүйелерді жаңғыртуды, CAD автоматтандырылған жүйесіне оқытуды және интеграциялауды жүргізу. 2D және 3D түрлендірулер; қисық, беттік және қатты денелерді модельдеу; қосалқы операторлар, бағдарламалық қамтамасыз етудің әртүрлі пакеттерін пайдалану; өтпелі CAD/CAM/CAE жобалаудың жалпы қабылданған тәсілдерінің негізінде жобалау және есептеу жұмыстары зерттелетін болады.

Пәннің мақсаты: заманауи техникалық құралдар мен бағдарламалық өнімдерді қолдана отырып роботтар мен робототехникалық жүйелерді автоматты жобалау принциптері мен әдістерін үйрету. Қазіргі заманғы автоматтандырылған бағдарламаларды пайдалануға негізделген роботтар мен робототехникалық жүйелерді машиналық жобалау; модельдерді құру, жобалау қателіктерін табу, робототехникалық жүйелерді құру кезінде автоматтандырылған жобалау қарастырылады.

Мақсаты: электроника негіздері, сигналдарды сандық өңдеу, электрондық құрылғыларды жобалау және есептеу әдістері бойынша білімді қалыптастыру, электрондық өлшеу аспаптарымен жұмыс істеу дағдысын игеру. Жартылай өткізгіш аспаптардың параметрлері, сипаттамалары; цифрлық техника элементтері, жартылай өткізгіш және электрондық аспаптардың параметрлерін олардың вольтамперлік сипаттамалары бойынша есептеу; электрондық, күшейткіш, түрлендіргіш құрылғылар, сигналдар мен жүйелер зерделенетін болады.

Пәннің мақсаты: робототехникалық және мехатрондық жүйелердің кинематикасы мен динамикасын талдаудың заманауи әдістерін оқып үйрену. Манипуляциялық роботтар, тура және кері есеп, роботтың жұмыс кеңістігі және манипулятор траекториясын жоспарлау, кинематика есептерін компьютерлік технологиялар көмегімен шешу, роботтың жұмыс кеңістігін анықтау, роботтың қозғалыс траекториясын жоспарлау, алынған нәтижелерді талдау оқытылады.

Мақсаты: әртүрлі модельдік есептерді шешу мен талдау, алгоритмдерді программалық код түрінде орындау арқылы процесті алгоритмдеу бойынша жүйеленген дағдыларды қалыптастыру. Курста: алгоритмдер мен программалау тілдерінің классификациясы; қазіргі программалау тілдерінің функционалдығы; әртүрлі алгоритмдерді модельдік тапсырмалар негізінде қолдану; алынған нәтижелерді талдау және бағдарламалық кодты оңтайландыру; меңгерілген дағдыларды физикалық есептерге қолдану оқытылатын болады.

Мақсаты: робототехникалық жүйелер элементтерінің беріктігіне, қаттылығына және орнықтылығына есептеудің теориялық негіздері мен практикалық әдістерін меңгеру, сонымен қатар күрделі жүйелерді есептеуге қазіргі заманғы тәсілдермен таныстыру. Инженерлік-қолданбалы есептерді шешу үшін конструкция элементтерін беріктікке, қатаңдыққа, орнықтылыққа есептеу әдістері зерделенеді. Осьтік созылу-өзектерді сығу; дөңгелек өзектерді айналдыру; арқалықтардың жалпақ бүгілуі; материалдардың механикалық қасиеттері оқытылатын болады.

Мақсаты: мехатрониканың негізгі ұғымдарымен танысу, мехатроникалық жүйелерді жобалау, құрастыру және басқару принциптерін меңгеру, мехатронды құрылғылар мен өнеркәсіптік роботтарды қолдана отырып, өндірістік процестерді кешенді автоматтандыру саласында заманауи түсініктер мен дағдыларды қалыптастыру. Мехатрониканы дамытудың алғышарттары; қозғалыстың мехатрондық модульдері; қазіргі заманғы мехатрондық жүйелер; мехатроникалық модульдер мен жүйелерді басқарудың қазіргі заманғы әдістері оқытылады.

Пәннің мақсаты: цифрлық құрылғылардың жұмысын зерттеу және олардың жұмысқа қабілеттілігін тексеру, интеграцияның әр түрлі дәрежедегі интегралды схемалар негізінде цифрлық құрылғылардың сұлбаларын құрастыру. Енгізілген жүйелер туралы түсінік, олардың аппараттық ерекшеліктері, енгізілген жүйелердің бағдарламалық қамтамасыз етуін әзірлеу және баптау үшін пайдаланылатын бағдарламалық құралдарға шолу, енгізілген жүйелердің бағдарламалық компоненттері оқытылады.

Пәннің мақсаты: роботтар мен робототехникалық жүйелердің жетектерін модельдеу, жобалау және пайдалану. Электрлік, гидравликалық, пневматикалық, мехатронды және гибридті жетектердің конструкциялары және олардың негізгі сипаттамалары, мехатронды жүйелерді жобалау есептері үшін жетектер типтерінің математикалық модельдерін алу, жетектердің құрылымдық сызбаларын әзірлеу; статикалық және динамикалық сипаттамаларды есептеу; шарттарды ескере отырып элементтерді таңдау қарастырылады.

Мақсаты: микропроцессорларды құру және программалауды оқыту. Роботтар мен робототехникалық жүйелер үшін аппараттық және бағдарламалық қамтамасыз етуді жасау дағдыларын қалыптастыру, сандық құрылғыларды жобалау принциптерін меңгеру. Сандық жобалау түрлері, электрониканы басқару, роботтар үлгілерін жасау және пайдалану, түрлі сенсорлар мен құрылғыларды қосу оқытылады.

Пәннің мақсаты: нейрондық желілердің негізгі модельдерін, оларды оқытудың әдістері мен алгоритмдерін білу, нейрондық желілердің негізгі модельдерін қолдана білу дағдысына ие болу. Интеллектуализация, заманауи мехатрондық және робототехникалық жүйелерді құру кезінде білім беру және оларды пайдалану әдістерімен байланысты мәселелер, сондай-ақ әдістерді зерттеумен байланысты жасанды интеллект әдістері, адам ойлауы қарастырылады.

Мақсаты: автоматты басқару теориясы бойынша қазіргі заманғы білімді меңгеру, АРжБЖ зерттеу әдістері мен құру принциптері; техникалық нысандарды РжБЖ және олардың элементтік базасын дамытудың негізгі принциптері мен үрдістері туралы түсінікке ие болу. Автоматтық реттеу және басқару жүйелерінің математикалық модельдерін құрудың негізгі принциптері мен әдістері, автоматты жүйелерді қазіргі заманғы әдістермен жобалау оқытылады.

Пәннің мақсаты: модельдеу әдістері мен компьютерлік технологияларын зерттеу және мехатрондық жүйені жобалау; мехатрондық және робототехникалық жүйелердің қажетті түрлерін таңдау, олар үшін басқару тәсілдері мен жүйелерін анықтау, есептеуді және орындауды модельдеу және олардың негізгі элементтері, соның ішінде модельдеудің қолданбалы бағдарламаларының пакеттерін пайдалану, мехатрондық жүйелерді жобалау әдістерін үйрету.

Мақсаты: сандық құрылғылардың қазіргі заманғы схемотехникасын, оның параметрлерін, сипаттамасын, қолдану ерекшеліктерін, цифрлық сұлбаларды схемотехникалық жобалау негіздерін білу. Микропроцессорлық техниканың теориялық негіздері; интегралды цифрлық схемотехниканың дамуы, типтік микропроцессорлық жүйелердің архитектурасы және бағдарламалау, автоматтандырылған моделдеу және электрондық сұлбаларды жобалау әдістері туралы түсінік, базалық логикалық элементтер, комбинациялық микросұлбалар және күрделі микропроцессорлық жүйелер қарастырылады.

Пәннің мақсаты: роботтар мен робототехникалық жүйелерді, коллаборативті робототехникалық жүйелерді заманауи техникалық құралдар мен бағдарламалық өнімдерді пайдалана отырып, жобалау қағидаттары мен әдістерін оқытуда қабілеттілікті қалыптастыру. Мыналар зерделенетін болады: қазіргі заманғы автоматтандырылған бағдарламаларды пайдалануға негізделген роботтар мен робототехникалық жүйелерді машиналық жобалау; модельдер құру; робототехникалық жүйелерді құру үшін автоматтандырылған жобалауды зерделеу.

Мақсаты: мобильді робототехникалық жүйелер туралы білім базасын қалыптастыру, олардың құрамы, қозғалысты басқару жүйелерін аппараттық қамтамасыз ету, мобильді роботтарды құру кезінде қолданылатын базалық технологиялар кешені. Мобильді роботтар шешетін міндеттер; тігінен жылжудың, экстремалды жағдайларға арналған мобильді роботтары; еркін бағытталған беттерге ауысатын мобильді роботтар; мобильді роботтардың көліктік-механикалық жүйелері; беттерге қозғалыс тәсілдері, жүйелері оқытылады.

Мақсаты: гуманоидты және интеллектуалды роботтар туралы білімді қалыптастыру, оларды қолдану және жобалау, гуманоидты және интеллектуалды роботтың параметрлерін есептеу әдістерін үйрету. Міндеттері: гуманоидты, интеллектуалды роботтарды дизайн және сыртқы интерфейс бойынша жіктеу туралы білім алу, гуманоидты, әртүрлі дизайндағы интеллектуалды роботтар туралы білім алу, гуманоидты және интеллектуалды роботтың қозғалысын есептеу дағдыларын игеру.

Пәннің мақсаты: машина және компьютерлік көру саласында теориялық білім мен практикалық дағдыларды қалыптастыру және оларды пайдалану. Компьютерлік көрудің пайда болуы; Компьютерлік көру жүйесінің негізгі компоненттері; Суреттердің математикалық сипаттамасы; Бейнелерді қалыптастыру принциптері; Жарық және түс; Бейнелерді талдау; Шуды жою; Әртүрлі спектралды диапазондардағы бейнелерді талдау негіздері; Машиналық оқыту негіздері қарастырылады.

Мақсаты: роботтар мен РТЖ бағдарламалау, роботтар мен РТЖ басқару қабілетін қалыптастыру; картадан тыс кеңістікте және жалпыланған координаттар кеңістігінде манипулятордың қозғалыс траекториясын жоспарлау; робототехникалық жүйелердің қозғалысын басқарудың негізгі әдістерін білу. Мыналар зерделенетін болады: робототехникалық жүйелерді басқару үшін бағдарламалық қамтамасыз етуді әзірлеу және пайдалану; манипулятордың траекторияларын жоспарлау, көп буынды роботты басқару құрылғысы.

Роботтар мен робототехникалық жүйелер өндірісіне зерттеулер мен әзірлемелердің нәтижелерін енгізуге қатысу, командада жұмыс істеу, әлеуметтік, этникалық, конфессиялық және мәдени айырмашылықтарды толерантты қабылдай отырып; қазақ, орыс және шет тілдерінде ауызша және жазбаша нысандарда коммуникацияға қабілетті болу; робототехникалық жүйелер мен робототехникалық жүйелерді жобалау және әзірлеу үшін тұлғааралық және мәдениетаралық өзара әрекеттесу мәселелерін шешу және жүйелі ойлау.

Роботтарды басқару және ақпаратты өңдеу үшін робототехникалық жүйеде заманауи бағдарламалар пакетін қолдану үрдісін сыни бағалау;

Роботтардың, мехатрондық және робототехникалық жүйелердің техникалық сипаттамаларын сипаттау үшін қажетті физика-математикалық аспаптық-ғылыми аппараттарды меңгеру;

Манипуляторлар мен роботтардың модульдерін модельдеу және жобалау кезінде заманауи компьютерлік жобалау жүйелерін қолдану; мехатрондық және робототехникалық жүйелерді басқару жүйелерін жобалау кезінде жоспарлау, шешім қабылдау және үлгіні тану мәселелерін шешу үшін жасанды интеллект әдістерін қолдану ;

Зертханалық және сандық эксперименттер жүргізу, роботтар мен робототехникалық жүйелерді жобалау және модельдеу нәтижелерінің дәлдігі мен дұрыстығын бағалау;

Аналогтық және цифрлық электрондық құрылғылардың электр тізбектерінің қажетті есебін және роботтар мен робототехникалық жүйелердің құрылғыларын жобалауды техникалық тапсырмаға сәйкес орындау;

Дүниетанымдық ұстанымды қалыптастыру үшін философиялық білім негіздерін пайдалану; азаматтық ұстанымды қалыптастыру үшін қоғамның тарихи дамуының негізгі кезеңдері мен заңдылықтарын талдау; қызметтің әртүрлі салаларында экономикалық және құқықтық білім негіздерін пайдалану; жобаланатын робототехникалық жүйелерді енгізудің экономикалық тиімділігіне негізделген бағалау жүргізу; өндірістік персонал мен халықты авариялардың, апаттардың, дүлей зілзалалардың ықтимал салдарларынан қорғаудың негізгі әдістерін пайдалану; жобаланған автоматика құрылғыларының және оларды өндірудің экологиялық қауіпсіздігін қамтамасыз ету.

Мехатрондық және робототехникалық жүйелердің механикалық, электрлік және электрондық тораптарының құрылмалық және жобалық құжаттамасын әзірлеу үшін робототехникалық жүйелердің құрылымы мен жобалаудың негізгі кезеңдерін негіздеу;

Жаңа модельдерді зерттеу және әзірлеу және жұмыс істеп тұрған роботтар мен робототехникалық жүйелерді жетілдіру мақсатында роботтарды, мехатрондық және робототехникалық жүйелерді әзірлеу және зерттеу саласындағы отандық және шетелдік тәжірибені кешенді талдауды жүзеге асыру;

Бағдарламалар мен әдістемелер бойынша роботтың тәжірибелік үлгісінің немесе робототехникалық жүйенің құрамдас бөліктеріне алдын ала сынақ жүргізуге қатысу;

Технологиялық үдерісті сақтай отырып, роботтар мен робототехникалық жүйелердің жобаланатын модульдерін жасау және жинау;

Жаңа робототехникалық жүйелерді құрастыру немесе бар робототехникалық жүйелерді жаңғырту үшін роботтардың және робототехникалық жүйелердің механикалық тораптарының кинематикалық және беріктік есептерін жүргізу;