6B06201 Радиотехника, электроника және телекоммуникациялар в Әл-Фараби атындағы Қазақ ұлттық университеті

Радиотехникалық жүйелерде және телекоммуникация желілерінде пайда болатын процестер мен құбылыстардың өзара әрекеттесуінің физикалық бейнесін қалыптастыру. Механика; кинематика; динамика; статика; молекулалық физика және термодинамика; толқындар; электростатика және электродинамика; Кирхгоф ережелері; Джоуль-Ленц заңы; әртүрлі ортадағы ток; электр және магнетизм; магнит өрісінің индукциясы; электромагниттік индукция; электромагниттік тербеліс; тербелмелі контур; Максвелл теңдеулері; оптика; геометриялық оптика; фотометрия; фотоэффект; жарықтың кванттық және толқындық қасиеттері.

Мақсаты: кәсіпкерлік теориясы мен тәжірибесін зерделеу негізінде кәсіпкерлік қызметтің практикалық дағдыларын қалыптастыру болып табылады. Студент қабілетті: жеке қызығушылықтары мен қабілеттеріне сәйкес келетін нарық мүмкіндіктерін пайдалануға; бизнесті бастау туралы бастапқы шешімді қабылдауға; қолданыстағы құқықтық нормалар шеңберінде тиімді жұмыс жасауға; стартаптың әлеуетті нарықтық мүмкіндіктерін анықтауға және бағалауға.

Пәннің мақсаты тірі организмдердің тіршілік ету ортасымен өзара әрекеттесу заңдылықтары, биосфераның жұмыс істеуі, зиянды, зақымдайтын факторлардан адам өмірінің қауіпсіздігін қамтамасыз ету негіздері, қауіптерден қорғау тәсілдері, авариялар, апаттар, табиғи апаттар салдарын жою жөніндегі іс-шаралар, қоршаған ортаны қорғау және табиғатты ұтымды пайдалану туралы білімді қалыптастыру.

Пәннің мақсаты: студенттердің әлемдік және ұлттық мәдениеттің даму контекстіндегі ұлы түркі ойшылы Әбу Насыр әл-Фарабидің ғылыми және философиялық мұрасы туралы түсініктерді қалыптастыру. Әл-Фараби мұрасының ерекшеліктері және оның түркі философиясының қалыптасуына тигізген әсері; шығыс философиясының Еуропалық Ренессансқа әсер ету сипаты; ұлттық және әлемдік философия тарихының дәстүрлі және қазіргі заманғы мәселелері қарастырылады.

Пәннің мақсаты - болашақ мамандардың кәсіби білімін, түсінігін, қабілетін елдің ынтымағы мен бірлігін нығайту, қоғамның интеллектуалдық әлеуетін арттыру мақсатында қолдану құзіреттілігін қалыптастыру. Қарастырылатын мәселелер:Абай ілімі туралы түсінік; Абай ілімінің қайнар көздері; Абай ілімінің құрамдас бөлімдері; Абай ілімінің категориялары; Абай ілімінің өлшеу құралдары; Абай ілімінің мәні мен маңызы.

Мақсаты - заңдылықтарды, тұжырымдамаларды, кәсіби қызметті ғылыми зерттеуді ұйымдастыру мен басқарудың ерекшеліктерін қолдану дағдыларын қалыптастыру. Пән қазіргі ғылыми әдістемеге сәйкес ғылыми зерттеулерді ұйымдастыруды жоспарлау дағдыларын; ғылыми әзірлемелер, ғылыми байланыстар мүмкіндігі, әр түрлі деңгейдегі ғылыми гранттарға өтінім беруге, ақпараттарды іздеу тәртібінің дағдыларын қалыптастыруға бағытталған.

Студенттерді жоғары математиканың іргелі бөлімдеріне оқыту, инженерлік есептерді шешуде қажетті логикалық ойлауды қалыптастыру. Функция; анықталу облысы; шектер; скаляр және векторлық шамалар; бағыт бойынша туынды; бірнеше айнымалы функцияның экстремумы; шартты экстремум; жоғары және сызықтық алгебраның негіздері; матрица; матрица анықтауышы; матрицадағы амалдар; векторлар; векторлардағы амалдар; комплексті сандар; уақыт қатарлары; математикалық статистика және ықтималдық теориясы.

Пәннің мақсаты: Сыбайлас жемқорлыққа қарсы заңнама нормаларын жетік білетін, құқық қолдану тәжірибесінде қолдана алатын, сыбайлас жемқорлықты дұрыс саралайтын жоғары білікті мамандарды, сыбайлас жемқорлыққа қарсы мәдениетті қалыптастыру. Оқытылатын болады: сыбайлас жемқорлыққа қарсы заңнама, сыбайлас жемқорлыққа қарсы іс-қимыл субъектілерінің жүйесі, жемқорлыққа ықпал ететін жағдайлар, оған қарсы саясат, жемқорлыққа қарсы күрестің халықаралық тәжірибесі.

Техникалық есептерді жүзеге асыру үшін дифференциалдық және интегралдық теңдеулерді шешудің негізгі әдістерін қолдану қабілетін қалыптастыру. Дифференциалдық теңдеулердің негізгі ұғымдары; Коши есебін тұжырымдау; n-ретті сызықтық теңдеулер; сызықтық біртекті емес теңдеулер; сызықтық жүйе; Грин функциясының әдісі; толық дифференциалдардағы теңдеулер; метрикалық және сызықтық кеңістіктер түсінігі; интегралдық теңдеулерді жіктелуі; Фредгольмның өзіне-өзі түйіндес операторы; Гильберт-Шмидт теоремасы; симметриялық ядролы интегралдық теңдеулер.

Студенттерде электрониканың элементтік базасы және олардың аналогты құрылғылардың схемасындағы функционалды мақсаты туралы білімін қалыптастыру. Электроника мен схемотехникаға кіріспе; активті және пассивті элементтер; резистор; конденсатор; индуктивтілік; элементтердің параллель және тізбекті қосылуы; активті және пассивті фильтрлер; операциялық күшейткіш; кері байланыс; операциялық күшейткіш негізіндегі құрылғылар; транзисторлар негізіндегі схемалар; төмен жиілікті және жоғары жиілікті генераторлардың схемалары; түзеткіш схемалар.

Электр тізбектерді есептеу үшін негізгі заңдылықтарды және талдау әдістерді зерттеу. Электр тізбегі; тізбек топологиясы; ОМ және Кирхгоф заңдары; тізбектерді талдау әдістері: контурлы ток әдісі, араластыру әдісі, балама генератор әдісі, түйіндік потенциалдар әдісі; тербелмелі тізбектегі кернеу мен токтың резонансы; үш фазалы тізбектер; синусоидальды және синусоидальды емес ток тізбектері; желілік электр тізбектеріндегі өтпелі процестер; төрт терминалдар; сүзгілер; сызықты емес электр тізбектері электр тізбектері; параметрлері бөлінген электр тізбектері.

Бағдарламалау арқылы телекоммуникация саласындағы есептерді құрастыру және шешу дағдыларын қалыптастыру. Python бағдарламалау тілінің негіздері; бағдарлама құрылымы; айнымалылар; мәліметтердің негізгі түрлері; арифметикалық амалдар; консольмен жұмыс істеу; кірістірілген функциялар; шартты өрнектер мен конструкциялар; if шартты операторы; switch шартты операторы; үштік оператор; циклдар; for, while цикл операторлары; continue және break операторлары; массивтер және символдық жолдар; массивтерді қарастыру.

Микропроцессорлық құрылғылардың құрылысы мен жұмыс істеу принциптерін түсіну үшін студенттерді сандық электрониканың элементтік базасымен таныстыру. Сандық электроника элементтері; логикалық элементтер; логикалық функцияларды минимизациялау; санау жүйелері; комбинациялық және тізбекті схемалар; аналогты-сандық және сандық-аналогты түрлендіргіштер; микропроцессорлардың архитектурасы; жад құрылғылары; триггерлер; параллель және тізбекті регистрлер; санағыштар; микроконтроллерлер және микропроцессорлар; арифметикалық-логикалық құрылғы; микроконтроллерлерді бағдарламалау; үзіліс жүйесі.

Телекоммуникация және радиотехника жүйелерінде ақпаратты қабылдау және тарату кезінде сандық түрлендіру және сигналдарды өңдеу әдістерін оқу. Сигналдардың түрлері; сигналдарды модельдеу; шудың түрлері; сызықтық жүйедегі кездейсоқ процесті түрлендіру; сигнал-шу қатынасы; спектрлік талдау; корреляциялық талдау; Вейвлет талдау; интерполяция; сигналдарды фильтрлеу; сигналдарды модуляциялау және демодуляциялауды модельдеу; биттік қателік коэффициенті; энтропия, ақпарат теориясы; ықтималдықтарды есептеу әдістері.

Студенттерді сымсыз ақпарат тарату технологиялары бойынша байланыс жүйелерін құру принциптеріне үйрету. Сымсыз технологиялардың жиілік диапазоны; деректерді таратудың сымсыз жүйелер хаттамалары; WAP-хаттама; GPRS технологиясы; IEEE 802.15.4 сипаттамасы; Bluetooth; Zigbee стандартына негізделген желілер топологиясы; сымсыз желілерді басқару; сымсыз желілердегі қауіпсіздік; LoRa технологиясы, GSM/GPRS модулі; WiFi желісі; физикалық деңгейінің сипаттамасы; желілердің ұрпақтары.

Табиғатта болатын оптикалық құбылыстар мен процестерді зерттеуде жарықтың толқындық қасиеттерінің ерекшеліктерін қарастыру. Жарық толқындары және олардың қасиеттері; сыну көрсеткіші; жарық толқындарының шағылысу және сынуы; жарықтың поляризациясы; Брюстер және Малюс заңдары; жарық интерференциясы; кеңістіктік және уақыттық когеренттілік; жарықтың дифракциясы; Гюйгенс-Френель принципі; дөңгелек саңлау арқылы Френель дифракциясы; Фраунгофердің саңылау арқылы дифракциясы; дифракциялық тор; кеңістіктік тор; рентген сәулелерінің дифракциясы; голография.

Радиотехника және телекоммуникация негіздері бойынша теориялық білім және радиоэлектрондық компоненттердің құрылымы туралы түсінік беру. Телекоммуникациялық жүйелердің классификациясы; электромагниттік толқындардың физикалық негіздері; модулятор және демодулятор; антенна-фидер технологиясының негіздері; көпканалды телекоммуникациялық жүйелер; радиорелелік, талшықты-оптикалық, кабельдік, сымсыз, спутниктік, ұялы байланыстың негізгі сипаттамалары; аналогтық және сандық байланыс желілері; байланыс желілерін сандық жүйеге көшіру; сандық телекоммуникациялық желілер; телекоммуникация желілерінде ақпаратты тарату жолдары.

Студенттерді әртүрлі ортада электромагниттік толқындардың таралуының математикалық және физикалық негіздеріне үйрету. Электромагниттік толқындардың негізгі заңдары мен теңдеулері; Максвеллдің дифференциалдық және интегралдық теңдеулері; электромагниттік толқындардың сипаттамалары мен параметрлері; екі ортаның бөліну шекарасында электромагниттік толқындардың таралуы; электромагниттік толқындардың сәулеленуі; электромагниттік толқындардың дифракциясы және интерференциясы; бағыттаушы жүйелердегі электромагниттік толқындар; жер бетінде және кеңістікте электромагниттік толқындардың таралуы.

Студенттерге программаланатын логикалық интегралдық схемалар негізінде радиотехникалық және телекоммуникациялық жүйелердің электрондық түйіндерін жобалау негіздерін үйрету. Программаланатын логикалық интегралды схемаларға кіріспе; аппараттық құралдарды сипаттау тілдерінің синтаксисі; логикалық схемалардың сипаттамасы; бұғаттау және бұғаттамау тағайындаулары; always және initial процедуралық блоктары; әртүрлі деңгейлерде сандық түйіндерді жобалау; комбинациялық және тізбекті құрылғыларды жобалау; радиотехникалық құрылғылардың түйіндері; өңдеу блоктары.

Мәліметтерді қабылдап/таратуға арналған талшықты-оптикалық байланыс желілерін жобалау және параметрлерін есептеу технологияларын зерттеу. Ақпаратты тарату үшін жарықты пайдалану; сыну көрсеткішінің профилі; оптикалық талшық; талшықты-оптикалық байланыс желісін ұйымдастыру; оптикалық кабельдер; оптикалық күшейткіштер; сатылы талшықты жарық бағыттағышта оптикалық сәулелердің таралуы; сәулелердің түрлері; градиенттік талшықты жарық бағыттағышта оптикалық сәулелердің таралуы; талшықты жарық бағыттағыштарының модалары; ТОБЖ пассивті және белсенді компоненттері; ТОБЖ техникалық пайдалану негіздері.

Студенттерді ақпаратты өңдеу және сақтау үшін арналған электрондық схемалардың құрамындағы оптоэлектронды құрылғыларды құру және пайдаланудың негізгі әдістерімен таныстыру. Оптоэлектрондық тізбектің негізгі элементтері; оптоэлектрондық жүйелер үшін сәулелену көздері; электрондық және оптикалық шектеулердің әсерлері; фотодиодтар; көшкін фотодиодтары; гетероструктурасы бар фотодиодтар; фототранзисторлар; фоторезисторлар; жарықдиодтары; таратылған кері байланыс лазерлері; оптикалық индикаторлар; оптикалық сәулеленуді басқару әдістері; интеграцияланған оптика және оптикалық байланыс.

Ақпаратты шуға төзімді таратумен қамтамасыз ету үшін студенттерді сигналдардың негізгі сипаттамаларымен таныстыру және радиотехникалық құрылғылар мен түйіндердегі физикалық сигналдар өз бетінше талдауға үйрету. Байланыс каналдарының математикалық модельдері; байланыс каналдарында сигналдарды түрлендіру; радиотехникалық сигналдардың түрлері және сипаттамалары; сигналдарды спектрлік талдау; сигналдарды дискреттеу; модуляция түрлері; байланыс каналдарындағы шудың түрлері; байланыс көздерін және каналдарын кодтау; ақпарат теориясының негіздері.

Сапаның белгіленген параметрімен кез келген қашықтыққа әр түрлі хабарламаны таратуды қамтамасыз ететін көпканалды жүйе құру принциптерімен таныстыру. Көпканалды телекоммуникациялық жүйелер мен желілерді құрудың негіздері; типтік каналдар мен тракттар; коммутациялық жүйе құрудың принциптері; көпканалды тарату принциптері; таратудың сандық әдістері бар радиорелейлі байланыс жүйелері; сигналдарды мультиплекстеу мен демультиплекстеу әдістері; циклдік синхронизация; тарату циклы; уақыт пен жиілікті бөлу арқылы мультиплекстеу; мәліметтерді таратуды бөлу ортасы.

Студенттердің радиотехника және телекоммуникация жүйелерінде қолданылатын виртуалды құрылғылардың басқару панелін құруға арналған графикалық бағдарламалау тілімен жұмыс істеу дағдыларын қалыптастыру. LABVIEW бағдарламалық қамтамасыз ету ортасы; виртуалды құралдың құрамдас бөліктері; деректер түрлері; массивтер мен кластерлер; шартты және циклдік құрылымдар; мәліметтерді графикалық бейнелеу; файлдармен жұмыс істеу; сигналдарды фильтрлеу және манипуляциялау функциялары; мәліметтерді өңдеу реттілігі; виртуалды құралды құру, өңдеу және жөндеу; виртуалды құралдың ішкі бағдарламалары.

Пакеттік коммутациясы бар телекоммуникациялық жүйелердің сандық желілерін ұйымдастыру және құру принциптерін және желілік техникалық құралдардың, модельдер мен хаттамалардың жұмысын зерттеу. Сандық желілер мен жүйелерді құрудың жалпы мәселелері; пакеттік алмасу протоколдары; пакеттерді коммутациялау; OSI моделінің физикалық деңгейі; OSI моделінің каналдық деңгейі; OSI моделінің желілік деңгейі; IP-желілеріндегі адрестеу; ішкі желілерді қалыптастыру; OSI, TCP/IP модельдерінің транспорттық деңгейі; қолданбалы деңгей; желіаралық өзара әрекеттесу қағидаттары мен құралдары.

Нормативтік-техникалық құжаттама талаптарына сәйкес телекоммуникациялық құрылғылардың негізгі параметрлерін өлшеу және өңдеу дағдыларын қалыптастыру. Өлшем бірлігін қамтамасыз етудің мемлекеттік стандарттары; аспаптарды метрологиялық қамтамасыз ету және өлшеу дәлдігі; өлшеу әдістері және жіктелуі; электрлік өлшеу әдістері және радиоөлшеу аспаптары; телекоммуникациядағы метрология, стандарттау және сертификаттау; телекоммуникациялық жүйелерде өлшеу жүргізудің ерекшеліктері; радиоөлшеу аспаптарына арналған бағдарламалық қамтамасыз ету; сандық қауіпсіздік сертификаттарының түрлері.

IP хаттамасы қатысымен мультимедиялық мәліметтерді тарату үшін NGN технологиясы бойынша телекоммуникациялық желілер құру принциптерін оқыту. Мультимедиялы мәліметтерді тарату технологиясы; NGN құру негіздері; IP-телефония желілері мен сценарийлері; IP-телефония желісін құрудың базалық архитектурасы; VoIP технологиясы; үлестірілген шлюз архитектурасы; таратылатын трафик көлемін азайту әдістері; информацияны кодтау; RTP/RTC хаттамалары; байланыс желі эволюцияларының себептері; SIP телефония.

Студенттерге радиоэлектроника мен телекоммуникацияда өлшеу эксперименттерін жүргізуге арналған радиоөлшеу аспаптарымен және жабдықтармен жұмыс істеуді үйрету. Радиоөлшеу аспаптары; сигнал пішінін өлшеу; электр өрісін өлшеу; жоғары жиілікті осциллографтар; фазалық ығысуды өлшеуіш; жиілікті өлшегіш; спектр анализаторы; векторлық тізбек анализаторы; тұрғын толқын және импеданс коэффициентін өлшеу; мәліметтерді тасымалдау протоколдары; мәліметтерді жинау жүйесі; радиоөлшеу құрылғыларына арналған бағдарламалық қамтамасыз ету.

Сымсыз байланыс жүйелерінде радиожиілік диапазонының электромагниттік толқындарын қабылдап/тарату үшін антенді-фидерлік құрылғыларды пайдалану білімдері, біліктері, дағдылары жүйесін қалыптастыру. Радиоқабылдағыш және радиотаратқыш режиміндегі антенна; антенналар параметрлерінің өзгеруі; антенналардың бағытталу диаграммалары; антенналардың бағытталған әсерінің коэффициенті; тұрғын толқын коэффициенті; S11 параметрі; жақын локация жүйелер антенналары жұмысының ерекшелігі; антенналар түрлері; жазық сәулелендіргіштер; сканерлеуші антенналар; желілік антенналар; апертуралық антенналар.

Радиобайланыс жүйелері мен желілерін құру және жұмыс істеуінің жалпы принциптерін зерттеу, жабдықты іске асырудың негізгі схемалық принциптерімен танысу. Радиобайланыс жүйелерінің жіктелуі; радиорелелік желілер; сымсыз радио қол жеткізу желілері мен жүйелері; спутниктік жүйелер мен радиорелелік байланыс желілерін құру принциптері; жылжымалы байланыстың спутниктік жүйелері; байланыстың магистральдық және аймақтық радиорелелік желілері; физикалық және транспорттық каналдардың құрылымы; желіні құрудың функционалдық схемасы.

Телекоммуникациялық жүйелерде кодтау әдістерін және ақпаратты қорғау құралдарын қолдану дағдыларын қалыптастыру. Қауіптердің, қызметтердің және қауіпсіздік механизмдерінің жалпы сипаттамасы; қорғау топтарының классификациясы; ақпаратты криптографиялық қорғау принциптері; сандар теориясының элементтері; криптографиялық есептерді шешуге арналған Ферма және Эйлер теоремалары; шифрлау кестелері; шуға төзімді Хэмминг кодтауы; симметриялық және асимметриялық шифрлау; ақпаратты ашық кілтпен қорғау алгоритмі; CRC процедурасы; Хэш функциялары; криптоталдау; электрондық сандық қолтаңба.

Студенттерді радиоэлектрониканың жобалық және технологиялық мәселелерін шешу үшін компоненттерді есептеу, жобалау және құрастыру принциптері мен әдістеріне үйрету. Радиоэлектрондық жүйелерді құрастыру негіздері; радиоэлектрондық жүйелердің даму үрдістері; интегралдық микросхемалар; радиоэлектрондық жүйелерді жіктеу және белгілеу жүйесі; баспа платалары; радиоэлектрондық жүйелерді жобалаудың ақпараттық технологиялары; формальды және физика-математикалық модельдер; автоматтандырылған жобалау жүйелерінің құрылымы мен техникалық құралдары; жобалауды автоматтандыру жүйелері; радиоэлектрондық жүйелер конструкциясын қорғау.

Деректерді үздіксіз қабылдау мен беруді қамтамасыз ету үшін антенналық-фидер, микротолқынды құрылғылар және бағдарламалық қамтамасыз ету көмегімен спутниктік, радиорелелік, мобильді, оптикалық-талшықты цифрлық байланыс жүйелерін ұйымдастыру;

Көп арналы байланыс жүйесінің, оның ішінде мультисервистік абоненттік қолжетімділіктің үздіксіз жұмысын қамтамасыз ету үшін аппараттық-бағдарламалық кешенді пайдалана отырып, телекоммуникациялық цифрлық жүйелер мен пакеттер коммутациясы бар желілерді жобалау;

Аналогтық және сандық электрониканың электрондық сұлбаларын есептеудің математикалық және физикалық әдістерін қолдану, электр тізбектерін талдау, электрмагниттік толқындардың электродинамикасы, сонымен қатар, радиотехника, электроника және телекоммуникацияның практикалық есептерін шешу;

Тестілеу, электрондық жабдықтарға қызмет көрсету, жабдықты істен шығудан және рұқсатсыз кіруден қорғауды қамтамасыз ету, радиотехникалық және телекоммуникациялық құрылғыларды есептеу техникасы мен бағдарламалық қамтамасыз ету үшін пайдалану және диагностика дағдыларын пайдалану.

Сандық және аналогты радиоэлектрондық және радиоөлшеуіш құрылғыларды, сондай-ақ сигналдарды кодтау және цифрлық өңдеу құрылғыларын талдау үшін бағдарламаланатын логикалық интегралды схемаларды, микропроцессорлар мен микроконтроллерлерді пайдаланатын ендірілген жүйелердің жұмыс принциптерін түсіну;

Командада тиімді жұмыс істеу үшін әлеуметтік-коммуникативтік дағдыларды, оның ішінде шет тілін қолдану, сондай-ақ жеке және кәсіби өсуге бағытталған шешімдерді одан әрі қабылдау үшін кәсіби мақсаттар мен міндеттерді қою жүйелі ойлау қабілеті болу, сондай-ақ жеке және дүниетанымдық көзқарасты қалыптастыру, азаматтық ұстанымды қорғау, шектеулі экологиялық және экономикалық ресурстар жағдайында кәсіби қызметтің нәтижелерін коммерцияландыру.

Антенна-фидерлік құрылғыларды, микротолқынды аспаптарды, сымсыз сенсорлық желілерді, электрондық құрылғыларды және радиотехникалық мақсаттағы сигналдарды кодтау және цифрлық өңдеу жүйелерін модельдеу үшін аналогты және цифрлық радиоэлектрондық және радиоөлшегіш схемалар мен байланыс жүйелерін бағдарламалық және схемотехникалық жобалауды пайдалану;

Телекоммуникация желілерінің қауіпсіздігін арттыру мақсатында көпканалды телекоммуникациялық жүйелер мен мәліметтерді беру желілерін жүйелеу және оларды рұқсатсыз кіруден қорғау тәсілдерін талдау;

Деректерді кодтау мен өңдеудің, берудің және талдаудың қазіргі заманғы әдістерін, IP телефония, бейне байланыс және NGN тораптары арқылы деректердің сапасы мен тұтастығын бағалау үшін мульсервистік абоненттік қатынау сияқты қазіргі коммуникациялық технологияларды талдау.

Ұялы байланыс, талшықты-оптикалық байланыс жүйелері, спутниктік және радиорелелік байланыс жүйелері, байланыстың микротолқынды жүйелері, IP телефония, мультисервистік абоненттік қатынау, көп арналы телекоммуникациялық жүйелер, жаһандық және жергілікті желілер, дестелер коммутациясы бар цифрлық желілер және осындай байланыс жүйелерін жобалау үшін сымсыз сенсорлық желілер сияқты қазіргі заманғы ақпарат беру жүйелерін ұйымдастыру принциптерін сипаттау;

Негізгі физикалық процестер мен математикалық аппараттарды, электр тізбектері теориясының әдістерін, электродинамика және электромагниттік толқындардың таралуын, аналогтық және сандық құрылғыларды құрудағы схемотехникалық шешімдерді, әртүрлі байланыс жүйелерін сипаттау және деректерді беру үшін, сигналдарды цифрлық және аналогтық өңдеу құрылғыларын түсіндіру;

Микропроцессорлардың, бағдарламаланатын логикалық интегралды схемалардың, сымсыз сенсорлардың және бағдарламалық-аппараттық кешендердің көмегімен ақпарат алмасуды ұйымдастыру және мониторингілеу үшін радиоэлектрондық, радиоөлшеу және қосылатын деректер беру жүйелерін әзірлеу;