6B07320 Құрылыс в М.Әуезов атындағы Оңтүстік Қазақстан университеті

Бірнеше айнымалы функциялар, жоғары ретті жеке туындылар және дифференциалдар, дифференциалдық теңдеулер теориясының негізгі ұғымдары оқыту және оларды жақындатылған есептеулерде қолдану, бірінші, жоғары ретті дифференциалдық теңдеулердің, еселі интегралдар, қатарлар, бірнеше айнымалы функциялардың ең үлкен және ең кіші мәндерін табу, полярлық және декарттық координаттарда екінші ретті интегралды есептеу оқытылады.

Құрылыстағы геодезиялық өлшемдер, түсіру түрлері, олардың классификациясы, геодезиялық жұмыстарды орындау әдістері қарастырылады. Бұрыштық және сызықтық өлшеулер үшін қолданылатын геодезиялық аспаптардың құрылғысы, түсіру әдістері, құбырлар мен коммуникацияларды салу кезіндегі таңбалау жұмыстары зерттеледі. Инженерлік имараттарды жобалау мен тұрғызуға байланысты мәселелер қарастырылады.

Материалдық нүктенің кинематикасы мен динамикасы, қатты дененің динамикасы, механикадағы сақталу заңдары, үздіксіз орта механикасының элементтері, механикалық тербелістер мен толқындар, термодинамика негіздері, вакуум мен заттағы магнит өрісі, электромагниттік индукция құбылысы, Максвелл теңдеулері, электромагниттік тербелістер мен толқындар зерттеледі, сәулелік (геометриялық) оптика, жарық дифракциясы туралы ұғымдарымен танысу және эксперимент жасау дағдыларын игеру.

Түрі мен мазмұны әртүрлі графикалық ақпараты бар сызбаларды орындау мен оқудың, техникалық схемалар мен сызбаларды орындаудың заңдары мен ережелері зерделенеді. AutoCAD графикалық редакторында негізгі жұмыс дағдыларын қалыптастыру, құрылыс сызбаларын құру және оқу, КҚБЖ стандарттарына сәйкес жобалық-техникалық құжаттаманы әзірлеу.

Құрылыстағы геодезиялық өлшемдер, түсіру түрлері, олардың жіктелуі, геодезиялық жұмыстарды орындау әдістері қарастырылады. Бұрыштық және сызықтық өлшеулер үшін қолданылатын геодезиялық аспаптардың құрылғысы; түсіру әдістері, инженерлік-геодезиялық желілердің құрылысы, таңбалау жұмыстары, деформацияларды бақылау әдістері, құрылымдары зерттеледі. Негізгі геодезиялық аспаптарды нақты өндірістік жағдайларда қолдану дағдылары қалыптастырылады

М. О. Әуезовтың өмірі мен шығармашылығы зерттеледі: жазушының шығармашылық зертханасы, шығармашылық контекстіндегі өмірбаяны; Абайтану ғылымының негізін салушы; "Манас" жырының зерттеушісі ретінде талданады. М. Әуезовпен көрнекті қоғам қайраткері ретінде танысу. Әлемдік және шығыс әдебиетінде М. Әуезовтың әдеби мұрасын талдау. Отаншылдық пен Отанға деген сүйіспеншілік сезімдері сіңіріледі.

Ақын А.Құнанбаевтың шығармашылығындағы ғылыми таным тәжірибесі қарастырылады. Қазақ халқының рухани, мәдени өміріндегі ақындардың рөлін анықтауда ғалымдар мақалаларының маңызы сипатталады: М. Әуезов - "абайтану" ғылымының негізін қалаушы. Гуманист және қоғам қайраткері А.Құнанбаевтың моральдық-этикалық, педагогикалық және психологиялық көзқарастары баяндалады; Абай шығармашылығын зерттеуде жаңа тәсілдер келтіріледі.

Қоғамдық сананы жаңғырту қағидаттары, қоғамның рухани дамуының бағдарлары, "болашаққа көзқарас: қоғамдық сананы жаңғырту" бағдарламалық мақаласы зерттеледі. Қоғам дамуының іргелі қағидатының аспектілері қарастырылады: бәсекеге қабілеттілікке, білімге, прагматизмге ұмтылу; қоғамдық сананы жаңғыртуды тиімді іске асыру шарттары: сананың қабылдағыштығы және ашықтығы.

Құрылыс, сәулет және тұрғын үй-коммуналдық шаруашылығы туралы мәліметтер қарастырылады: ҚР құрылыс кешені, құрылыс кәсіпорындары және олардың ұйымдық-құқықтық нысандары, құрылыс процесіне қатысушылар, жобалау-сметалық іс, нормативтік құжаттар жүйесі. Құрылыс ісінің даму тарихынан қызықты мысалдар келтіріледі. Құрылыс саласының жай-күйі және оны дамыту перспективалары сипатталады. Болашақ мамандар үшін құрылыс білімінің маңыздылығы атап өтіледі.

Академиялық жазу ұғымы; академиялық жазу ғылыми коммуникация процесін рәсімдік ресімдеу ретінде; академиялық мәтін ұғымы; академиялық мәтіндердің функциялары: сипаттау, сендіру, конструктивтік; академиялық мәтіндердің түрлері; академиялық мәтіндерді ағылшын және орыс тілді дәстүрлерде жазудың әлеуметтік-мәдени ерекшеліктері; мәтіндік құжаттарды ашық дереккөздерден көшіріп алудың бар-жоғын тексеру үшін, академиялық мәтіндер мен тілге қойылатын талаптар қарастырылады.

Мәтіннен қажетті ақпаратты алу, оны кәсіби қарым-қатынаста түсіндіру, кәсіби және лингвистикалық білімге негізделген арнайы пәндермен интеграциялау дағдылары қалыптасады. Кәсіби деңгейде байланыстар орнату; қарым-қатынас мақсаттары мен жағдайына байланысты коммуникацияларды сауатты құру; кәсіби қарым-қатынас саласында орыс (қазақ) тілінде сөйлеу мінез-құлық бағдарламаларын құру қабілеттерін дамыту.

Кәсіби шет тілінің ерекшеліктері, кәсіби мәтіндердің стилі мен жанрлық түрлері, кәсіби лексика мен терминологияның құрамы мен құрылымы, терминологиялық бірліктердің лексикалық үйлесімділігі қарастырылады. Кәсіби сөйлеу қызметін жүзеге асыруға арналған терминологиялық лексика, термин жасаудың негізгі тәсілдері және арнайы лексиканың емлесі, аударманың негізгі тәсілдері сипатталады.

Физикалық, коллоидты, жалпы, аналитикалық химия және силикаттар химиясының негізгі бөлімдері әр түрлі сипаттағы құрылыс материалдарының құрылымын қалыптастыру процестерінде; химиялық қоспаларды қолдана отырып бетон қоспасы мен бетонның қасиеттерін реттеу әдістері көрсетілген. Гидратация процесінің кинетикасы мен механизмінің негіздері, байланыстырғыштардың еру процесінің кинетикасы, коррозия процесінің негізгі шарттары және әсер етуші факторлар қарастырылады.

Теориялық механика, статика, кинематика және динамиканың негізгі ұғымдары қарастырылады. Материалдардың кедергісі, ішкі күштердің негізгі гипотезалары мен болжамдары сипатталады. Сыртқы күштердің сипаттамалары және олардың жіктелуі, осьтік созылу және сығылуы, көлденең иілу, сығылған өзектердің тұрақтылығы қарастырылады. Өзектердің беріктігін, қаттылығы мен тұрақтылығын жобалау және тексеру есептері зерттеледі.

ҚР сәулет саласының даму перспективалары, сәулет-құрылыс жобалаудың экономикалық негіздері қарастырылады. Азаматтық ғимараттардың көлемдік-жоспарлау шешімдерімен, конструктивтік схемалары мен жүйелерінің негіздерімен таныстыру. Қоршау конструкцияларының жылу-техникалық қасиетін есептеу. Заманауи құрылымдық элементтерді қолдана отырып, сәулет-құрылыс сызбаларын жобалау.

Құрылыс материалдарының негізгі қасиеттері, табиғи тас материалдарын зерттей отырып, құрылыс материалдары өндірісінің шикізат базасы; минералды шикізатты термиялық өңдеу арқылы алынған материалдар; керамикалық бұйымдар, минералды және металл балқымалары негізіндегі материалдар қарастырылады, бейорганикалық байланыстырғыш заттар және олардың негізіндегі құрылыс материалдары, арнайы мақсаттағы және органикалық шикізат негізіндегі құрылыс материалдары зерттеледі.

Құрылыс объектілерінің ақпараттық модельдерін құру, ғимарат моделінің құрылыс кестесімен және Revit компьютерлік бағдарламаны қолдана отырып, жобалау кезіндегі жұмыс құнымен байланыс мәселелері қарастырылады. Сәулет, құрастыру және құрылыс технологиясы саласында Revit БК-де жұмыс істеу.

Материалдардың қасиеттері, құрылыс материалдарын төтенше жағдайларда (температура, ылғалдылық, ауыспалы температура) пайдалану кезінде өзгергіштік ерекшеліктері зерттеледі. Құрылыс материалдарының негізгі қасиеттері, жоғары температура әсерінен құрылыс материалдарының қасиеттері, құрылыс материалдарының коррозиясы және коррозияға төзімділікті арттыру жолдары, құрылыс материалдарының қасиеттері қарастырылады.

Химияның негізгі ұғымдары мен заңдылықтары, заттың құрылымы, химиялық процестердің жалпы заңдылықтары, ерітінділердегі химиялық процестер зерттеледі. Химиялық байланыс, энергия және химиялық процестердің кинетикасы, химиялық тепе-теңдік сипатталады. Химиялық қосылыстардың кластары мен реакциялар түрлері, химиялық термодинамика және кинетика негіздері: термохимия; химиялық тепе-теңдік мәліметтері беріледі. Электролит ерітінділері, тұздардың гидролизі, электрохимиялық процестер қарастырылады.

Табиғатты қорғау және табиғи ресурстарды ұтымды пайдалану, сондай-ақ энергияны үнемдеу мәселелерін ескере отырып, қала аумақтарын абаттандырудың заманауи дамуының теориялық негіздері қарастырылады. Аумақтарды жер үсті және жер асты суларының тасқынынан қорғау нұсқаларының техникалық-экономикалық негіздемесі мәселелерімен танысу. Суды бұру, көшелерді, қиылыстарды жобалау, шағын архитектуралық пішіндерді таңдауды ескере отырып, аумақтарды жобалау

Статика, кинематика және динамика мәселелерін зерттейді, жалпақ рычаг механизмдерінің құрылымын, сондай-ақ жалпы мақсаттағы машиналардың бөлшектері мен түйіндерін жобалау және есептеу мәселелері қарастырылады. Механиканың және бейіндік пәндердің қарапайым есептерін шешуде әдістерді меңгеру және алған білімдерін қолдана білуін дағдыландырады.

Экология, қоршаған ортаның қауіпсіздігін қамтамасыз ету саласындағы басқару міндеттері, адамның қоршаған ортамен қауіпсіз өзара әрекеттесу тәсілдері, қоршаған ортадағы жаһандық өзгерістер зерттеледі. Құқық теориясының негізгі ұғымдары, ҚР Конституциясының ережелері, жеке тұлғаның құқықтық мәртебесі, Қазақстанның мемлекеттік жоғары билік органдарының жүйесі, сот жүйесі мен құқық қорғау органдарына шолу қарастырылады.

Материалдардың күрделі кедергісі және жазық рамалар элементтерінің қималарындағы М, Q, N ішкі күштерді анықтау қарастырылады. Статикалық анықталмайтын жүйелерді есептеу әдістері қарастырылады. Стерженді жүйелерді есептеу дағдыларын, сондай-ақ әсерлік сызығын құру дағдыларын оқыту. Динамикалық жүктемелер, еркін және еріксіз тербелістер қарастырылады. Динамикалық моменттер эпюрлерін құру дағдыларын оқыту.

Ғимараттарды жобалаудың жалпы ережелері мен функционалдық негіздері, олардың қоршау конструкцияларын жобалаудың физика-техникалық негіздері қарастырылады. Азаматтық және өнеркәсіптік ғимараттардың түрлері, ғимараттар мен имараттардағы көлемдік-жоспарлау және сәулет-көркемдік шешімдерін қалыптастырудағы конструкциялардың жұмысы мен рөлі қарастырылады

Негізгі ұғымдар мен реттеуші ережелер, құрылыс процестерін технологиялық жобалау, құрылыс жүктері және оларды тасымалдау мәселелері сипатталады. Топырақты тығыздау технологиясы, қадаларды топыраққа енгізу құрылғылары, монолитті бетоннан ғимарат тұрғызудың технологиялық процестері, темір бетоннан, тастан жасалған құрылыс конструкцияларын монтаждау, қорғаныс және әрлеу жабындарының құрылғылары қарастырылады. Ғимараттың құрылысына арналған құжаттаманы дайындау мәселелері қарастырылады.

Құрылыс индустриясы кәсіпорындарында энергия үнемдеу, энергияны үнемдейтін технологиялар, прогрессивті энергия үнемдейтін материалдар, заңнамалық база негіздері қарастырылады. Ғимараттардың энергия тиімділігін анықтау, жылу қорғаудың негізгі көрсеткіштері, нормаланған қажеттіліктерге сәйкес қоршау конструкцияларын таңдау, энергия паспорты үшін мәліметтерді есептеу, қолданыстағы ғимараттардың энергия тиімділігін арттыру нұсқаларын талдау және таңдау дағдыларын анықтау.

Ғимараттардың сәулет және энергия тиімділігі мәселелері бағдарын, биіктігін, орналасуын, пайдаланылатын қоршау конструкцияларын, энергияны үнемдеу, жылыту, желдету мәселелерін сұрақтарын ескере отырып қарастырылады. Энергияны үнемдеу, баламалы энергия көздерінің заңнамалық-құқықтық базасының сұрақтары зерттеледі. Қоршау конструкцияларының жылудан қорғайтын қасиеттерін таңдау дағдылары қалыптасады.

Техникалық реттеу, стандарттау, өлшем бірлігін қамтамасыз ету жүйелерін, заңнамалық және нормативтік құжаттарды, стандарттардың түрлері мен санаттарымен таныстыру. Стандарттау әдістерін, сертификаттау схемаларын, КО/ЕурАзЭҚ техникалық регламенттерінің талаптарын қолдану. Нарық субъектілерінің стандарттау, сертификаттау бойынша талаптардың, метрологиялық нормалар мен ережелердің сақталуын талдау. Мемлекетаралық және халықаралық стандарттау, сертификаттау, метрология бойынша жұмыстардың экономикалық тиімділігін бағалау

Жердің геологиясы, физикалық қасиеттері мен құрылымы, минералдардың шығу тегі, химиялық құрамы, құрылымы, физикалық қасиеттері қарастырылады. Тау жыныстары, геологиялық хронология, құрылыс үшін жыныстардың жас шамасы, жер қыртысының тектоникалық қозғалысы, гидрогеология негіздерімен танысу. Топырақтың физикалық қасиеттерін зерттеудің негізгі әдістері туралы мәліметтер келтіріледі. Зертханалық жағдайда топырақтың физикалық-механикалық қасиеттерін анықтау

Құрылыс конструкцияларының жіктелуі, қолдану саласы және Еурокодтардың жіктелуі қарастырылады. Еурокодтарды қолдану қағидалары және ережелерімен танысу. Шекті жай-күйлер бойынша жобалау қағидалары: есептік жағдайлар; шекті жай-күйлер; пайдалану жарамдылығы бойынша шекті жай-күйлер баяндалады. Әсердің жіктелуі, олардың сипаттамалық және басқа да өзгермелі әсерлердің өкілдік мәндері сипатталады. Өртке қарсы жобалау әдістемесі келтіріледі.

Ықтималдықтар теориясының негіздері: кездейсоқ шамалар, кездейсоқ шамалардың функциялары, кездейсоқ процестер, кездейсоқ процестердің математикалық модельдері зерттеліп қарастырылады. Кездейсоқ параметрлердің сипаттамалары ретінде құрылыс материалдарының, конструкциялардың және әсерлердің қасиеттерін сипаттауға қатысты сұрақтар зерттеледі. Имараттардың сенімділік проблемаларына ықтималды тәсілді қолдану мәселелері келтіріледі. Ықтималдылық тәсілін қолдана отырып сенімділікті есептеу.

Ғимараттардың энергия үнемдеу мәселелері, жылу және желдету жүйелеріне қойылатын талаптар, жүйелердің жіктелуі, негізгі құрылымдық элементтер, схемалық диаграммалар, қолдану саласы қарастырылады. Жылыту жүйелерін жобалау принциптері, олардың гидравликалық есебі; желдету жүйелері, желдету каналдарын есептеу. Жобаланған ғимарат үшін жылу және желдету жүйесін таңдау, осы жүйелердің конструкциялық элементтерін есептеу және қажетті жабдықты таңдау.

Инженерлік геология, топырақты зерттеу, топырақ механикасының элементтері бойынша негізгі теориялық ережелер қарастырылады, сондай-ақ табиғи және жасанды негіздердің есептері беріледі. Құрылыс алаңдарының инженерлік-геологиялық жағдайларын, негіздердегі топырақтың қасиеттерін бағалау. Іргетастардың таңдалған түрлерінің ұтымдылығын, деформацияланатын іргетастар мен құрылыс конструкцияларын және топырақтардың бірлескен жұмысын талдау.

Ғимараттар мен имараттардағы әр түрлі құрылымдық схемаларды жобалаудың инженерлік міндеттерінің шешімдері, жобалық құжаттаманы дайындау, жұмыс сызбаларын және қазіргі заманғы компьютерлік технологияларды қолдана отырып, жұмыс жобаларының түсіндірме жазбасын дайындау қарастырылады. ЛИРА САПР БК, САПФИР БК заманауи компьютерлік технологияларын пайдалана отырып, жұмыс құжаттамасын орындау дағдылары сипатталады.

Құрылыстағы қауіпсіздікті басқару және сапаны бақылау мәселелері қарастырылады. Құрылыс-монтаждау жұмыстарының сапасын қамтамасыз ету бойынша нормативтік құжаттар жүйесінің құрылымы, техникалық және атқарушылық құжаттамалары зерделенеді. Еңбек қауіпсіздігі стандарттарының жүйесі, кәсіпорындағы еңбекті қорғау қызметтерін ұйымдастыру сипатталады. Қауіпсіздікті ескере отырып, құрылыста құрылыс материалдарын өндіру технологиясын қолдану шаралары қарастырылады.

Жер асты құрылыстарына арналған инженерлік-геологиялық зерттеулерге қойылатын негізгі талаптар сипатталады. Топырақтар және олардың қасиеттері, құрылыс алаңының аумағын дайындау, жер құрылыстарын бөлу, су төгу және жер асты суларының деңгейін төмендету, шұңқырлардың қабырғаларын уақытша бекіту, топырақты жасанды бекіту, жер жұмыстарын жүргізу тәсілдері, ғимараттың жер асты, жер үсті конструкцияларын монтаждау мәселелері қарастырылады.

Ғимараттар мен имараттарды сумен жабдықтау, кәріз, жылыту, желдету жүйелерін таңдау және орнату мәселелері қарастырылады. Жүйелердің негізгі құрылымдық элементтері, оларды жобалау негіздері және есептеу әдістері, табиғи және ағынды суларды тазарту имараттары мен технологиясы зерттеледі. Ішкі су құбырын, кәрізді, ғимараттарды жылыту мен желдетуді жобалау және есептеу.

Құрылысты механикаландыру мен автоматтандыруды қамтамасыз ететін құрылыс машиналарына қойылатын негізгі талаптар қарастырылады. Машиналардың технологиялық мүмкіндіктері, оларды құрылыс объектісінің ерекшеліктеріне байланысты ең жоғары тиімділікпен пайдалану мәселелері қарастырылады. Құрылыс машиналары мен жабдықтарының дамуының қазіргі заманғы тенденциялары, машиналарды, жабдықтарды, құралдарды қауіпсіз пайдалану негіздері зерттеледі. Машиналар мен жабдықтарды таңдау дағдылары қалыптасады.

Топырақтың механикалық қасиеттері, топырақтың деформациялану заңдылықтары, топырақтағы кернеулер, топырақтың есептік кедергісі, іргетастардың түрлері мен конструкциялары, іргетастарды жобалау реттілігі, қатты іргетастардың табанының өлшемдерін анықтау мәселелері қарастырылады. Қадалы іргетастар мен терең орналасқан іргетастар, топырақтың табиғи құрылымын сақтау және негіздерді дайындау әдістері зерттеледі. Негіздер мен іргетастарды дәстүрлі әдістермен есептеу мәселелері қарастырылады.

Құрылыс өндірісін ұйымдастыру әдістері, жобалау мен іздестіруді ұйымдастыру, құрылыстағы желілік жоспарлау және басқару жүйелері, өнеркәсіптік және азаматтық мақсаттағы құрылыс объектілерін ағымдық жоспарлау негіздері қарастырылады. Өнеркәсіптік және азаматтық мақсатта қолданылатын объектілердің құрылысын материалдық-техникалық ресурстармен қамтамасыз ету мәселелері қарастырылады.

Қосымша білім беру бағдарламасы (minor) – қосымша құзыреттерді қалыптастыру мақсатында білім алушылар оқу үшін анықтайтын пәндердің және (немесе) модульдердің және оқу жұмысының басқа түрлерінің жиынтығы.

Ғимараттарды тұрғызу кезіндегі жұмыстардың реттілігі, дайындық кезеңінің жұмыстары, ғимараттардың құрылысының дәлдігін геодезиялық қамтамасыз ету мәселелері, ғимараттарды зауытта жасалған құрылымдардан тұрғызу технологиясы, кірпіштен және бетоннан ғимаратты құру технологиясы қарастырылады. Биік ғимараттар мен аспалы ванттардан құралған жабындарын тұрғызу технологиясы, сонымен қатар құрылыс жоспарын құру және ғимараттарды тұрғызу бойынша құжаттарды дайындау мәселелері қарастырылады.

Негіздер мен іргетастарды жобалаудың жалпы принциптері, таяз және терең іргетастарды жобалау негіздері, ерекше жағдайларда іргетастарды жобалау мен құрудың негізгі принциптері қарастырылады. Негіздер мен іргетастарды өндіру және орнату ерекшеліктері, қазаншұңқырларды, іргетастарды жер асты суларынан қорғау туралы мәліметтер келтіріледі. Негіздер мен іргетастарды қолмен есептеу мәселелері қарастырылады.

Жер жұмыстарына арналған машиналар туралы және олардың классификациясы мәліметтері қарастырылады. Жер қазатын машиналар – бульдозер, скрепер және грейдерлердің мақсаты мен қолданылу саласы зерттеледі. Экскаваторлардың құрылғысы мен жұмысы, жұмыс жабдықтарының негізгі түрлері, құрылыс экскаваторларының параметрлері мен индекстері сипатталған. Тоңған топырақтарды өңдеуге арналған машиналар зерттеледі.

Инвестициялық қызметтің негіздері және күрделі салымдарды тиімді пайдалану әдістері зерттеледі. Құрылыстың, құрылыс-монтаждау жұмыстарының, материалдардың, бұйымдар мен конструкциялардың сметалық құнын құру; құрылыс объектілері бойынша сметалық есептерді орындау: жергілікті сметаларды, объектілік сметаларды және құнының жиынтық сметасын жасау мәселелері сипатталады.

Дәнекерлеу әдістері (ерітумен, жанасумен, қысыммен), дәнекерлеудің жаңа прогрессивті әдістері, дәнекерленген қосылыстардың механикалық қасиеттері көрсетілген. Тігістің технологиялық ақауларын, дәнекерленген қосылыстар мен тігістердің негізгі түрлерін, олардың жұмысын сипаттау және есептеу. Темір конструкцияларды дайындаудың технологиялық процесінің мәселелері қарастырылады. Өндірістік жағдайда дәнекерлеу жұмыстарын орындау дағдылары қалыптасады.

Темірбетон туралы негізгі ұғымдар, темірбетон конструкцияларын есептеу негіздері, сонымен қатар, қауіпсіздік коэффициенттерін нормалау; әсер етудің нормативтік және есептік мәндері, әсер етудің есептік комбинациясы; материалдардың нормативтік және есептік сипаттамалары қарастырылады. Темірбетон элементтерін әр түрлі кернеуленген кезеңдерге сай есептеу әдістемелері келтіріледі.

Жобаның өмірлік циклі: мазмұны мен ұйымдастырылуы, тәуекелдері, жоба сапасы, жобаны басқару құралдарын пайдалану, жоба тәуекелдерін сапалық және сандық бағалау, жобаның тиімділігі зерттеледі. Топта жұмыс істеу, жобалық құжаттаманы құрастыру, MS Project бағдарламасында жұмыс істеу, жобалық менеджмент саласында ұлттық және халықаралық стандарттармен жұмыс істеу дағдылары қалыптасады.

Арматураланбаған, арматураланған, алдын ала кернелген тас қалаудың және кешенді конструкциялардың (күшейтілген қалақ) негізгі қағидалары қарастырылады. Еурокодтардың талаптарын ескере отырып, тас конструкциялы конструкциялардың немесе олардың элементтерінің есептік параметрлерін жобалау, есептеу және анықтау мәселелері, сонымен қатар, арматураланбаған, арматураланған тастан және күрделі конструкциялардан жасалған ғимараттардың құрылымдық шешімдерін талдау мәселелері қарастырылады.

Конструкциялық материалдар мен қосылыстарға қойылатын талаптар баяндалады. Жеңіл (алюминий) конструкциялардан жасалған ғимараттар мен имараттарды жобалауға қойылатын негізгі талаптарды, шекті күйлер бойынша есептеу қағидаттарды, ұлттық қосымшаларды және Еуронормаларға ұқсас нормалардың талаптарын ескере отырып, алюминий кешендерін жобалау негіздері қарастырылады. Заманауи бағдарламалық кешендерді қолдана отырып, жеңіл конструкцияларын есептеулері қарастырылады.

Болат конструкциялардан жасалған ғимараттар мен құрылыстарды жобалауға қойылатын негізгі талаптар, шекті жай-күйлер бойынша есептеу қағидаттары, Ұлттық қосымшаларды ескере отырып, ЕУРОКОДТАР бойынша болат конструкцияларды жобалау негіздері қарастырылады. Еуронормаларға ұқсас нормалардың талаптарын ескере отырып, заманауи бағдарламалық кешендерді қолдана отырып, болат конструкцияларды есептеу дағдылары үйретіледі.

Болаттардың жалпы сипаттамасы мен құрылымы қарастырылады. Дәнекерлеу жұмыстары, дәнекерлеудің жіктелуін, дәнекерленген қосылыстардың негізгі түрлері, олардың жұмысы сипаттау және есептеу. Темір конструкцияларды қолдану облысымен танысу. Темір конструкцияларды дайындаудың технологиялық процесі, МК құрастыру процесіне қойылатын талаптар, технологиялық МК дайындау кезіндегі қауіпсіздік мәселелері қарастырылады. Өндірістік жағдайда дәнекерлеу жұмыстарын орындау дағдылары қалыптасады.

Темір бетоннан жасалған көп қабатты азаматтық және өнеркәсіптік ғимараттардың конструктивтік схемалары және олардың конструктивтік элементтерін жобалау мәселелері қарастырылады. Бірқабатты өнеркәсіптік ғимараттар элементтерін Еурокодтар талаптарына сәйкес есептеу және жобалау ережелері қарастырылады.

Өнеркәсіптік және азаматтық құрылыста металл конструкцияларды қолдану саласы, ЕУРОКОДТАР мен ұлттық қосымшалардың талаптарын ескере отырып, металл тірек конструкциялары бар азаматтық ғимараттарды жобалау мәселелерімен танысу. Өнеркәсіптік және азаматтық ғимараттардың арқалықтарының, ұстындарының, фермаларының және қаңқаларының конструктивті шешімдері қарастырылады. Металл конструкцияларын жобалау, дайындау, отқа төзімділік және коррозияға төзімділік мәселелеріне назар аударылады.

Жер сілкіну әсерлеріне төзімді азаматтық ғимараттар мен өнеркәсіптік имараттар құрылысын жүргізудің негізгі принциптері қарастырылады. Жер сілкіну аймақтарында жобаланатын әртүрі конструктивтік схемалы ғимараттар мен имараттардың сейсмикалық беріктігін Еврокодтар талаптарына сай қамтамасыз ету принциптерін инженерлік тұрғыда қарастырылады. Сейсмоберік ғимараттар мен имараттарды жобалауда заманауи компьтерлік кешендерді қолдану мүмкіншіліктері қарастырылады.

Биік ғимараттардың құрылымдық сызбалары, азаматтық мақсаттағы болат темірбетонды ғимараттарды жобалау, есептеу және құрастыру ережелері зерттеледі. Көпқабатты ғимараттардың тірек рамалары, қабырғалары мен едендерінің элементтері мен түйіндерінің құрылымдық шешімдерімен танысу. Болат темірбетон конструкциялардан жасалған көп қабатты ғимараттардың қаңқаларының есептеу схемаларын әзірлеу, жүктемені жинау және статикалық және динамикалық есептеулерді орындау.

Негізгі және арнайы комбинациялардың жүктемелерінің әсеріне әртүрлі құрылымдық жүйелердің ғимараттары мен құрылыстарын есептеу; заманауи бағдарламалық жүйелерді пайдалана отырып, еурокодтардың талаптарын ескере отырып, ғимараттар мен имараттарды және олардың элементтерін жобалау мәселелерінің негізгі принциптерімен танысу. Компьютерлік бағдарламалармен жұмыс істеу дағдысын игеру.

MIDAS nGen компьютерлік бағдарламасын қолдана отырып, Еурокодтардың талаптарын ескере отырып, темірбетон және болат конструкциялардан жасалған әртүрлі конструкциялық сызбалардан тұратын ғимараттар мен имараттарды есептеудің заманауи теориялық және практикалық мәселелері қарастырылады.

Ғимараттардың элементтерін зерттеу, сынау және қайта құру әдістерінің жалпы сипаттамасы қарастырылады. Геотехникалық мониторинг, тіреу және қоршау конструкцияларын, шатырларды және кран асты конструкцияларын тексеру және сынау мәселелері зерделенеді. Құрылыстардың нақты жұмыс жағдайлары, шөгінділер мен зақымдануларды тіркеу мәселелері және материалдар мен қосылыстардың жай-күйінің сапасын тексеру туралы мәселелер қарастырылады.

Материалдар мен конструкциялардың тозу және ескіру заңдылықтары, қоршаған ортаның осы процестерге әсері қарастырылады; ғимараттар элементтерін мерзімінен бұрын тозудан қорғау әдістері, ғимараттарды пайдаланудың ұтымды әдістері, осы мақсаттарға бөлінетін материалдық және еңбек ресурстарын пайдалану тиімділігін арттыру мәселелері қарастырылады.

Жазық табақша беттен тұратын қатаңдық элементтерімен қамдалған және қатаңдық элементтерімен қамдалмаған конструкцияларды жобалау және есептеу ережелері қарастырылады. Пластиналар жазықтығында және пластиналар жазықтығына көлденең әсер ететін жүктемелер әсерлеріне жобалау ережелері де қарастырылады. Құрылыс нормалары талаптарын ескере отырып, жазық металл конструкцияларын жобалау мәселелері зерделенеді.

Ғимараттар динамикасы негіздері, динамикалық әсерлерге ғимараттар мен имараттарды Еврокодтар талаптарына сай заманауи компьютерлік бағдарламаларды қолдану арқылы есептеу негіздері қарастырылады. Ғимараттар мен имараттарды пайдалану кезінде әсер ететін күшсалмақтардың ішінде динамикалық гармоникалық әсерлерін ескере отырып жобалауда Лира, САПР заманауи компьютерлік бағдарламасын колдану қарастырылады.

Ғимараттар мен имараттарды пайдалану кезінде, оның ішінде аспаптық бақылаулардың көмегімен, жай-күйін бақылау және бағалау жұмыстарын жүргізу.

Құрылыс материалдарының, іргетас негіздері топырақтарының физикалық-механикалық қасиеттерін анықтау, олардың сапасы мен есептік сипаттамаларын бағалау, геологиялық жағдайларын ескеріп, іргетас түрлерін таңдауда дағдылы мен сауатты шешімдер қабылдау.

Құрылыс материалдарына, конструкцияларға, құрылыс техникасы мен механизмдеріне қажеттілігін есептеуді орындау, құрылыс объектілерінің техникалық-экономикалық көрсеткіштерін сын тұрғысынан бағалау.

Құрылыс нысандарын, сондай-ақ ғимараттардың жеке конструкциялық элементтерін жобалау үшін заманауи мамандандырылған компьютерлік жобалау кешендерін қолдану.

Жобалау мен салу барысында ғимараттар мен имараттардың энергетикалық тиімділігін арттыру және реттеу талаптарын ескере отырып, "жасыл құрылыстың" әлемдік үрдістерін қолдану.

Дүниетанымдық және азаматтық ұстанымдарды, сондай-ақ ғылыми зерттеу әдістерін қалыптастыру үшін қоғамдық, құқықтық, әлеуметтік білімді көрсету.

Ғимараттар мен құрылыстардың көлемдік-жоспарлау және конструктивтік шешімдерін әзірлеу және қоршау конструкцияларының жылу техникалық есептеулерін орындау кезінде заманауи техника мен ақпараттық технологияларды қолдану.

Құрылыс өндірісінің технологиясы және оны ұйымдастыру саласындағы құрылыс қызметін реттейтін нормативтік құқықтық актілердің, құрылыс нормалары мен техникалық шарттардың негізгі ережелерін кәсіби деңгейде қолдану.

Құрылыс саласындағы кәсіби мәселелерді шешуде математикалық, экономикалық, жаратылыстану-ғылыми, кәсіпкерлік білімнің негіздерін және инженерлік ғылымның әдістерін қолдану.

Құрылыс саласындағы нормативтік құжаттардың талаптарын ескеріп, еңбекті қорғау және қауіпсіздік техникасы бойынша іс-шараларды әзірлеу.

Ғимараттар мен имараттардың жобалық элементтерін тағайындау кезінде сейсмикалық, жарылғыш және басқа әсерлерді ескере отырып, құрылыс конструкцияларды есептеуде сауатты шешімдерді қабылдау және орындау.

Академиялық жазу және академиялық адалдық мәдениеті қағидаттарын ескере отырып, құрылыс өндірісі саласында және қоғамда қазақ, орыс және ағылшын тілдерінде коммуникациялансын.