6B07170 Органикалық заттардың химиялық технологиясы в М.Әуезов атындағы Оңтүстік Қазақстан университеті

Сызықтық және векторлық алгебра, аналитикалық геометрияны; математикалық талдауды кіріспе; бір айнымалы функцияны дифференциалдық есептеу, анықталмаған және айқын интегралдар; бірнеше айнымалылары бар функцияны қолдану, қарапайым дифференциалдық теңдеулерді қарастырады. Қатарлар теориясын, ықтималдықтар теориясын, қолданбалы есептерді моделдеуді есептеу дағдыларын үйретеді.

Химияның негізгі заңдарын; химиялық процестер өтуінің негізгі заңдылықтарын; химиялық элементтер, заттар және қосылыстардың жіктелуін және қасиеттерін; негізгі химиялық заттар мен олардың қосылыстарының мақсаты мен қолданылу аумағын қарастырады. Заттар мен қосылыстарды химиялық зерттеудің негізгі қарапайым әдістерін; кәсіби міндеттерді шешуде жалпы химияның негізгі заңдылықтары мен әдістері қолдану дағдыларын үйретеді.

Ұлы қазақ ақынының шығармашылығын, ақын туындылары жасалуының алғышарттарын, олардың стильдік ерекшеліктерін, сондай-ақ Абай Құнанбаевтың мәңгілік жалпыадамзаттық құндылықтарды бейнелейтін философиялық, педагогикалық көзқарастарын қарастырады, олардың болашақ ұрпақты тәрбиелеудегі маңызы мен рөлін анықтайды. Білім алушыларда Абай Құнанбаевтың әдеби мұрасына, Отанға деген сүйіспеншілік пен отансүйгіштікті қалыптастырады.

Академиялық жазудың жанрлары мен ерекшеліктері; академиялық ортада жасалатын ғылыми мәтіндердің негізгі түрлері; академиялық мәтіндерді: эсселерді, рецензияларды, шолуларды, курстық және дипломдық жұмыстарды, ғылыми мақалаларды және т.б. жасаудың нормалары мен ережелері; ғылыми этиканың ерекшеліктері қарастырылады. Логиканы, талдауды, сыни тұрғыдан ойлауды, объективтілікті және басқа идеялар мен басқа авторлардың мәтіндерін құрметтеуді қолдана отырып, ғылыми тілде өз ойын білдіру дағдылары қалыптасады.

Жоғары оқу орнында білім беру үрдісін ұйымдастыру ережелерін, білім беру процесінің негізгі компоненттерін; білім беру бағдарламасы туралы ақпаратты; Қазақстан Республикасының мұнай өңдеу және мұнай химиясының даму тарихын; көмірсутекті шикізатты өңдеу технологиясының негіздерін; полимерлер, каучуктер және резина алу технологияларын қарастырады. Химиялық инженерияны дамыту үрдістері туралы білімді қалыптастырады, органикалық заттардың химиялық технологиясы саласындағы инновацияларды таныстырады.

«Мұхтартану» ғылымының қалыптасу және даму тарихын, М.Әуезовтің өмірі мен шығармашылығындағы айтулы кезеңдерін, қазақ әдебиетіндегі М.Әуезов шығармаларының рөлі мен маңызын қарастырады. М.Әуезовтің өмірі мен шығармашылығы туралы ақпаратты іздену және пайдалану; шығармаларын дербес іздену, қандай да бір мәтіннің негізгі шығармашылық құралдарын айқындау және мәселесін көруді болжайтын көркем шығармаларын аналитикалық оқу дағдыларын үйретеді.

Қоғамдық сананы жаңғыртудың ұғымдарын, түрлерін, белгілерін, ерекшеліктерін, мәнін және негізгі бағыттарын; бәсекеге қабілеттілікті, прагматизмді, ұлттық сәйкестікті, эволюциялық дамуды, жаңа идеологияны қарастырады. Ұлттық сәйкестікті сақтау, отанға қалтқысыз қызмет ету; сананың ашықтығы, өзгерістерге даяр болу, ашықтық және әлемдік үздік жетістіктерді қабылдау дағдыларын қалыптастырады.

Механиканың, электр және магнетизмнің, тербелістер мен толқындардың, кванттық физиканың, статистикалық физика мен термодинамиканың негізгі ұғымдарын, заңдары мен модельдерін; физикалық шамалар мен физикалық константаларды, олардың анықтамасын, мағынасын, өлшеу тәсілдері мен бірліктерін; іргелі физикалық эксперименттерді және олардың ғылымның дамуындағы рөлін; маңызды физикалық құралдардың мақсаты мен әрекет ету принциптерін қарастырады. Инженерлік міндеттерді шешуге арналған негізгі жалпы физикалық заңдар мен қағидаларды қолдану дағдыларын қалыптастырады.

Өнеркәсіптік органикалық химияда қолданылатын табиғи шикізаттың құрамын, қасиеттерін, даярлау әдістері мен өңдеуді; өнеркәсіптік органикалық синтездің маңызды өнімдерін және оларды алудың заманауи әдістерін қарастырады. Зертханалық жағдайларда өнеркәсіптік органикалық химия өнімдері синтезін жүргізу; органикалық қосыластар құрылымын айқындау және тазарту, зертханалық зерттеулер нәтижелерін өңдеу дағдыларын қалыптастырады.

Сызба геометриясы негізгі ережелерін, инженерлік графиканы, МЕМСТ сәйкес жалпы техникалық және арнайы сызбаларды практика-лық орындауды қарастырады. 3D-модельдеу, AutoCAD автоматты жобалау ортасында заманауи компьютерлік бағдарламалармен жұмыс істеу, техникалық сызбаларды оқу дағдыларын қалыптастырады.

Аналитикалық химиядағы химиялық реакциялар және процестердің негізгі типтерін; гравиметриялық талдау әдісінде қолданылатын теория және химиялық реакциялар; титриметриялық әдістер теориясын, негізгі индикаторларды, ерітінділер концентрациясын өрнектеу тәсілдерін; титрлегендегі эквиваленттік нүктені анықтау әдістерін қарастырады. Химиялық талдау әдісі мен жүргізуді, иондарды анықтау мен сәйкестендіру; ерітінділерді даярлау әдісін таңдау дағдыларын қалыптастырады.

Мәтіннен қажетті ақпаратты теріп алу, оны оқу-кәсіби тілдесуде түсіндіре білу дағдыларын дамытады. Тілдесу мақсаттары мен жағдайларына қарай кәсіби деңгейде қарым-қатынас орнату, сауатты қарым-қатынас тұрғызу қабілетін қалыптастырады. Кәсіби тілдесу саласында орыс (қазақ) тілінде сөйлеу мінез-құлқы бағдарламасын құру процесінде шығармашылық, инновациялық, алқалыққа бейімделу қабілетін орнатады.

Студенттер органикалық қосылыстардың реакциялық қабілеттілігін негізгі заңдылықтарын, жүру механизмін, Органикалық заттардың қасиеттері мен реакциялық қабілеттілігінің, құрылымының байланысын сипаттай алады. Реакциялық механизмдерді жіктеу бойынша білімдерін және классикалық құрылымдық үлгілер бойынша органикалық молекулалардың реакциялық қабілеттілігін болжау дағдыларын көрсете алады. Құрылымды құрудың негізгі физикалық әдістерімен талдау дағдыларынкөрсете алады: ИҚ, УК және ЯМР спектроскопиясымен.

Кәсіби қызмет саласында ауызша тілдесуге қажетті сөйлеу әрекетінің барлық түрлерін; кәсіби тиісті ақпаратты бөліп алып мерзімді басылым материалдарын және арнаулы әдебиеттерді оқуды, іскер қатынас хаттар және заманауи байланыс құралдарын қолданып құжаттарды жүргізу, мамандық бойынша ақпаратты шет тілінен аударуды, кәсіби бағытталған ортада әртүрлі жазбаша жұмыстарды (түйіндеме, баяндама, реферат, эссе) жазуды меңгеру дағдыларын қалыптастырады.

Химиялық термодинамика, химиялық тепе-теңдік; су ерітінділер, газдар және электролиттер қасиеттері, фазалық тепе-теңдікті есептеу әдістері; беттік құбылыстар мен дисперсті жүйелер және коллоидты ерітінділер қасиеттері туралы білімді қалыптастырады. Өтетін химиялық процестің негізгі параметрлерін есептеу, процестің оңтайлы технологиялық параметрлерін таңдауды жүзеге асыру дағдыларын қалыптастырады.

Моделдеу әдістерін және олардың қолданылу салаларын, химиялық технологиялар объектілерінің құрылымдық схемаларын, математика-лық моделді құрастыру принциптері мен кезеңдерін, химиялық түрлену процестерін математикалық суреттеуді (кинетикалық үлгілерді); заттардың қозғалу процестерін (гидродинамикалық үлгілерді); технологиялық процестерді оңтайландыру негізі ретінде математика-лық моделді қарастырады. Химия-технологиялық процестерді моделдеу, химия өндірістер жұмысы тиімділігін талдау дағдыларын қалыптастырады.

Химиялық өндірістің негізгі кезеңдерін, химия өндіріс тиімділігін критерийлерін; химиялық технологияның теориялық негіздерін; гомогенді, гетерогенді және гетерогенді-каталитикалық химиялық процестердің негізгі заңдылықтарын; химиялық реакторлардың жұмыс істеу принциптерін қарастырады. Химиялық-технологиялық процес-тердің материалдық және жылулық баланстарын есептеу және талдау; технологиялық сұлбалардың элементтерін суреттеу үшін негізгі кинетикалық параметрлерді қолдану дағдыларын қалыптастырады.

Мұнай өңдеу зауыттарында (МӨЗ) мұнайды алғашқы өңдеу технологиясы бойынша білімді қалыптастырады. Технологиялық схемаларды, аппараттар сызбаларын оқи білу; материалдық және жылулық баланстарын есептеу; құрал-жабдықтардың технологиялық параметрлерін бақылау; мұнай шикізатын алғашқы өңдеуден кейінгі мұнай сапасының көрсеткіштерін талдау; технологиялық процестерді және оның негізгі әрі қосалқы сатылары мен операцияларын жүргізу; өндірістің оңтайлы технологиялық схемасын таңдау дағдыларын қалыптастырады.

Табиғи энергия тасымалдаушылардың құрамы мен физикалық қасиеттерін; шикізатты қайта өңдеуге дайындаудың теориялық негіздерін, табиғи энергия тасымалдаушыларды қайта өңдеу және көміртекті материалдарды алу процестерінің негізгі физика-химиялық сипаттамаларын қарастырады. Талдаудың химиялық және физика-химиялық әдістерін пайдалана отырып, табиғи энергия тасымалдаушыларына сапалы және сандық талдау жүргізу дағдыларын қалыптастырады

Статика, кинематика ұғымдары мен әдістерін, серпімді денелердің беріктігі мен қаттылығын есептеу; материалдар кедергісі заңдарын қарастырады. Жалпы мақсаттағы бөлшектердің беріктігін есептеуді өз бетінше орындау, машина бөлшектері үшін материалдар таңдау, ғылыми техникалық және анықтамалық әдебиеттерді пайдалану, дербес компьютермен жұмыс істеу дағдыларын қалыптастырады.

Автоматтандыру құралдарын және талдау нәтижелерін қолданып технологиялық режимді бақылау және реттеу дағдыларын қалыптастырады: шикізат, өнімдер, реагенттер, катализаторлардың сапасын және жұмсалуын бақылау; өндірістік қолайсыз оқиғалары пайда болу себептерін талдау, оларды жою және алдын-алу шаралары; автоматты бақылау және реттеу құралдарына техникалық қызмет көрсету әрі туралау, техникалық құжаттарды даярлау.

Экономика, құқық, антикоррупциялық мәдениет, экология және тіршілік қауіпсіздігі, кәсіпкерлік, ғылыми зерттеулер әдістері саласында интеграцияланған білімді қалыптастыру. Адам мен табиғаттың қауіпсіз өзара іс-қимылының, экожүйелер мен биосфераның өнімділігінің негіздері. Ресурстардың шектеулілігі жағдайындағы қоғамның кәсіпкерлік қызметі, бизнес пен ұлттық экономиканың бәсекеге қабілеттілігін арттыру. Экология және адам тіршілігінің қауіпсіздігі саласындағы қатынастарды реттеу. Қазақстандық құқықты, субъектілердің міндеттері мен кепілдіктерін білу, әлеуметтік прогресті қамтамасыз ету үшін қоғамдық қатынастарды мемлекеттік реттеуді білу және сақтау. Ғылыми зерттеулер әдістерін қолдану.

Химиялық-технологиялық процесстердің жалпы сипаттамалары мен жіктелуін; химия-технологиялық жүйелерді (XTЖ) термодинамикалық талдауды; қысым, температура және реагенттердің артық мөлшері туралы Ле-Шателье принципіндегі шектеулерді; гомогенді және гетерогенді химиялық процестер кинетикасын, өту аумағын, өтудің әртүрлі аумақтарында гетерогенді процестерді күшейту жолдарын қарастырады. Реакциялық қоспаның тепе-теңдік құрамын есептеу; химиялық-технологиялық процестерді шектейтін факторларға талдау жүргізу дағдыларын үйретеді.

Көмірсутекті шикізат құрамы мен қасиеттерін; оларды ажырату және мақсатты құраушыларын бөліп алу тәсілдерін; мақсатты өнімдерді алу және өңдеудің негізгі процестерінің химиясы және термодинамикалық суреттелуін қарастырады. Мұнай өңдеу шикізаты мен өнімдерінің физика-химиялық, пайдалану қасиеттерін зерттеу бойынша технологиялық есептер мен зерттеулер жүргізу; алынған нәтижелерді қорыту; көмірсутекті шикізатты өңдеу әдістерін таңдау дағдыларын қалыптастырады.

Гидравлика, гидродинамикалық процестер мен аппараттардың негіздері, жылулық процестер, массаалмасу процестері, аппараттар мен құрылымдарды есептеу және таңдау негіздерін; аппараттар жұмысына салыстырмалы талдау жасауды, технологиялық процестерді өткізудің оңтайлы жағдайларын табуды қарастырады. Процестердің материалдық және энергетикалық есептерін жүргізу және оларды жүргізудің оңтайлы параметрлерін анықтау; осы процесті қамтамасыз ететін негізгі аппараттардың жобалық-құрастыру есептеулерін орындау дағдыларын үйретеді.

Мұнай және мұнай өнімдерінің қарапайым және топтық құрамдарын; көмірсутекті шикізаттың құрылымдық-топтық құрамын анықтау әдістерін; мұнай және мұнай өнімдерін талдаудың заманауи әдістерін; мұнай және мұнай өнімдерінің физикалық және химиялық сипаттамаларын, оларды талдауға арналған құрал-жабдықтарды қарастырады. Шикізат пен өндірілетін өнімге арналған стандарттармен және техникалық шарттармен, аналитикалық құрал-жабдықпен, бақылау-өлшеу аспаптарымен жұмыс істеу дағдыларын қалыптастырады.

Композициялық материалдарды алудың теориялық негіздерін; композициялық материалдарды жобалаудың теориялық негіздері және фазаарлық өзара әрекеттесу теориясының негіздерін; композициялық материалдар компоненттерін алу технологиясының негіздерін; композициялық материалдар компоненттерін алу сипаттамалары мен әдістерін зерделейді. Композициялық материалдар рецептілерін құрастыру және олардың қасиеттерін зерттеу дағдыларын үйретеді.

Техникалық реттеу, стандарттау жүйелерін, өлшемдер бірлігін қамтамасыз ету, заңнамалық және нормативтік құжаттар, стандарттар түрлері мен санаттарын қарастырады. Стандарттау әдістерін, сертификаттау схемаларын, техникалық регламенттер талаптарын қолдану, нарық субъектілерінің метрологиялық стандарттар мен ережелерді, стандарттау, сертификаттау бойынша талаптар сақталуын талдау; мемлекетаралық және халықаралық стандарттау, сертификаттау, метрология бойынша жұмыстың экономикалық тиімділігін бағалау дағдыларын қалыптастырады.

Көмірдің шығу тегі мен құрамын; көмірді өңдеу әдістері мен заңдылықтарын; қатты отындардың сапалық көрсеткіштерін; көмірлерді өңдеуге даярлауды; көмірлерді термиялық деструкциялаудың теориялық негіздерін; көмірлерді газдандыру; көмірлерден синтетикалық отындарды алу әдістерін; көмірлерді гидрогенизациялауды; көмір-графитті материалдарды өндіру технологиясын қарастырады. Зертханалық жағдайларда көмірлерді өңдеу шикізаты пен өнімдеріне талдау жүргізу дағдыларын үйретеді.

Мономерлерді синтездеуге арналған негізгі шикізатты алудың негізгі процестерін; полимерлерді синтездерге арналған мономерлер мен бастапқы заттарды синтездеу әдістерін; полимерлік материалдарының қасиеттеріне мономерлер сапасының әсерін қарастырады. Мономерлерді синтездеу әдістері туралы білімдерін іс жүзінде қолдану; мономерлердің негізгі сипаттамаларын анықтау; сапасын жақсарту үшін мономерлерге тазартуды жүргізу дағдыларын қалыптастырады.

Биополимерлерді жоғары молекулалық қосылыстар класы ретінде және құрылысы, иілгіштігі және молекуладан сырт құрылымы туралы ұғымдарға негізделген олардың құрылымдық ұйымдастырылу деңгейін; биополимерлер химиясының химиялық инженерия саласындағы жаратылыстану-ғылыми пәндермен және мамандық пәндерімен өзара байланысын қарастырады. Биополимерлер қасиеттерін зерттеу үшін химиялық талдау жүргізу дағдыларын үйретеді.

Мұнай мен газ химиясы мен физикасы; оларды зерттеу әдістері туралы білімді тереңдетеді. Мұнайды өңдеу әдістерін, мұнайдың құрамы, термодинамикалық жағдайлары және физика-химиялық қасиеттері арасындағы өзара байланысын; мұнай құрамының мұнай өнімдерінің сапасына әсерін қарастырады. Зертханалық жағдайларда мұнай мен газдың физика-химиялық қасиеттері бойынша зерттеулер жүргізу дағдыларын қалыптастырады.

Өндірісті аналитикалық бақылаудың теориялық негіздерін; аналитикалық бақылау метрологиясы және стандарттауды; техникалық талдау жүргізудің жалпы әдістемелік нұсқаулығын; мұнай өңдеу өндірістерін экологиялық бақылау объектілері мен негізгі элементтерін; химиялық, физикалық және физика-химиялық талдау әдістерін қарастырады. Мұнай өнімдерін, газдарды, органикалық заттардың техникалық талдауын таңдау және өткізу дағдыларын үйретеді.

Катализдегі термодинамикалық және кинетикалық аспектілерді; оларды іске асыру үшін каталитикалық процестер мен құрал-жабдықтардың жіктелуін; каталитикалық жүйелерге қойылатын талаптарды, катализаторлар параметрлерін реттеуді қарастырады. Каталитикалық жүйелердің тиімділігін бағалау; процесс жылдамдығы және кинетикалық деректер негізінде аппаратураны таңдауды жүзеге асыру; рецептура құрастыру және химиялық-технологиялық есептерді жүргізу дағдыларын қалыптастырады.

Жылу және масса беру процестерін тасымалдау механизмін, процестердің негізгі теңдеулерін; жылу және масса алмасу аппаратураларының негізгі түрлерінің құрылысын; кептіру, кристалдану және ерітудің материалдық және жылулық баланстарын қарастырады. Жылу мен масса алмасу процестерін есептеуді жүргізу және оларды жүргізудің оңтайлы параметрлерін анықтауды; осы процесті қамтамасыз ететін негізгі аппараттардың жобалық-құрастыру есептеулерін орындау дағдыларын үйретеді.

Биохимия объектілері және зерттеу әдістерін; заманауи биохимияның өзіндік ғылым ретінде қалыптасуының негізгі кезеңдерін; тірі ағзалардың химиялық құрамын; мұнай өңдеудегі микроағзалардың маңызын қарастырады. Ең маңызды табиғи объектілердің қасиеттерін зерттеу және сәйкестендіру бойынша химиялық талдау жүргізу; биохимиялық зерттеулер жүргізгенде қажетті құралдар мен зертханалық құрал-жабдықтарды пайдалану дағдыларын қалыптастырады.

Мұнай өңдеудің деструктивті процестерінің теориялық негіздері мен технологиясын, оның тереңдігін анықтайтын термиялық процестерді; каталитикалық крекинг және дистиллят пен қалдық шикізатты гидрокрекингтеуді қарастырады. Мұнайды екіншілік өңдеудің оңтайлы технологиялық схемасын таңдау;; материалдық және жылулық баланстарын есептеу, технологиялық процестерді жүргізу; процестер мен қондырғылардың технологиялық параметрлерін бақылау дағдыларын қалыптастырады.

Экономикалық жүйелер түрлері және өтпелі экономика заңдылықтары; нарықтық экономиканың мәні мен механизмі; сұраныс пен ұсыныс теориясының негіздері; кәсіпкерлік қызмет туралы білімді қалыптастырады. Өз ісін құру, сауда-саттық жүргізу, құқықтық сипаттағы құжаттарды даярлау, бизнес-жоспар құрастыру дағдыларын үйретеді.

Бояғыштар құрылымын, қасиеттері мен қолдану тәсілдерін, бояғыштарды өндіру кезінде қолданылатын реакциялар механизмдерін; реңктің бояғыштардың физикалық және химиялық қасиеттеріне, олардың құрылысына тәуелділігі туралы заманауи ұғымдарды; бояғыштарды синтездеуге арналған шикізат пен аралық өнімдерді алу тәсілдерін; бояғыштың сапасын бақылау әдістерін қарастырады. Органикалық бояғыштарды синтездеуді жүргізу, сапалық және сандық талдау дағдыларын қалыптастырады.

30.04.2021 жылғы №6 хаттама. Қосымша білім беру бағдарламасы (Мinor) (минор) – қосалқы құзыреттіліктерді қалыптастыру мақсатында оқу үшін білім алушы анықтаған пәндер мен (немесе) модулдер және басқа да оқу жұмысы түрлерінің жиынтығы.

Технологиялық объектілердің жұмыс режимдерін; өндірісті құру және оңтайландырғанда қолданылатын жүйелік заңдылықтарды; реакцияның ішкі жүйелерді ресімдеудің теориялық негіздері мен технологиялық ұстанымдарын және физика-химиялық негіздерін; қалдықсыз өндіріс құру принциптерін, негізгі органикалық және мұнай-химиялық синтездің маңызды өнімдерін алу технологиясын қарастырады. Зертханалық жағдайларда органикалық және мұнай-химиясы өндірістері өнімдерін өз бетінше синтездеу дағдыларын қалыптастырады.

Негізгі технологиялық объектілерді автоматтандыру жүйелерін, технологиялық процестерді басқарудың иерархиялық жүйелерін; технологиялық процестерді басқарудың автоматтандырылған жүйесінің құрылымын және негізгі технологиялық параметрлерін өлшеу әдістері мен тәсілдерін, технологиялық объектілерді автоматтандыру жүйелерін, автоматтандырудың функционалдық схемаларын синтездеуді қарастырады. Технологиялық процестерді автоматтандырудың типтік сұлбаларын оқып білу; автоматтандырудың негізгі құрылғыларды және құралдарын экономикалық негіздеу дағдыларын қалыптастырады.

Қожалық етудің нарықтық жүйесінде кәсіпорынды ұйымдастыруды; өндіріс түрлерін, оның техникалық-экономикалық сипаттамаларын; өндіріс құрылымын; кәсіпорында техникалық бақылауды ұйымдастыруды; өндірісті техникалық даярлауды басқаруды; өндіріс мәні, функциялары және басқару әдістерін қарастырады. Кәсіпорын жұмысы тиімділігін жоғарылатуға, өнімділікті арттыруға бағытталған әртүрлі басқару шешімдерін құрастыру мен негіздеу дағдыларын үйретеді.

Автоматты реттеу және басқару негіздерін; технологиялық процестерді басқарудың автоматтандырылған жүйелерінің қызметі, мақсаты және функциясын; автоматты бақылау; автоматты бақылау жүйелерінің қызметін; аспаптарды; технологиялық параметрлерді автоматты түрде бақылауды; қашықтан және телемеханикалық бақылау мен басқаруды; мұнай өнімдерін өндіруді автоматтандыруды қарастырады. Технологиялық процестерді автоматтандыру міндеттерін шешу үшін жаңа ақпараттық технологияларды қолдану дағдыларын қалыптастырады.

Мұнай өнімдерін стандарттау мен сертификаттаудың құқықтық және нормативтік базасын, мұнай өнімдерінің номенклатурасын және олардың қасиеттерін, олардың сапасын жоғарылатуды қарастырады. Мұнай өнімдеріне зертханалық және аналитикалық зерттеулер жүргізу, танымал сапа көрсеткіштеріне қарай тауарлық ассортименттегі бар біреуіне белгісіз мұнай өнімдерін сәйкестендіру, мұнай өнімдерін өзара алмастыру деңгейін бағалау; нормативтік құжаттармен жұмыс істеу дағдыларын үйретеді.

Отын және көміртекті материалдардың химиялық технологиясы процестерін және құрал-жабдықтарын жіктеуді; мұнай мен газды терең өңдеуді; отындық бейіндегі МӨЗ ағындық схемаларын; МӨЗ құрылымдық-технологиялық дамыту бағыттарын, мұнай өңдеу технологиясын экологияландыру проблемаларын қарастырады. Мұнай өнімдерінің сапалық деңгей көрсеткішін және оның оңтайлы мүмкіндіктерін интегралды есептеу әдісін; МӨЗ технологиялық қондырғылары өнімділігін оңтайландыру әдісін таңдау дағдыларын қалыптастырады.

Нанопроблематика ерекшеліктерін, оның ғылымның басқа салаларымен байланысын; наноматериалдардың қасиеттерін; нанообъектілерді зерттеу әдістерін; нанобөлшектерді алу тәсілдерін; беттік-активті заттардың (БАЗ) физика-химиясын; БАЗ ерітінділерін-дегі мицеллалар түзу; БАЗ концентрацияланған жүйелерінің фазалық әрекетін; эмульсия және эмульгаторларды; микроэмульсияларды қарастырады. Нанообъектілер мен наноматериалдардың тұрақтылығы және физико-химиялық қасиеттерін болжау дағдыларын қалыптастырады.

Газ өңдеу өнеркәсібінің шикізат базасын; табиғи газдың құрамы және шығу тегін; көмірсутекті жүйелерінің фазалық тепе-теңдігін; көмірсутекті газдар күйінің негізгі теңдеуін; кептіру, газды күкіртсутегінен, көмірқышқыл газынан және күкірт-органикалық қосылыстардан тазарту әдістерін зерделейді. Газдарды өңдеу әдісін таңдау дағдыларын қалыптастырады.

Процестер мен аппараттардың жіктелуін; технологиялық есептеулер негіздерін; материалдық және жылулық баланстарды; мұнай және мұнай өнімдерінің физика-химиялық қасиеттерін анықтаудың есептеу әдістерін қарастырады. Ректификаттау колонналарын, жылу-алмасу аппараттарын, құбырлы пештерді; баяу кокстеу қондырғыларында қыздырылмайтын кокс камераларын; каталитикалық крекингтеу және риформингтеу қондырғыларының реакторын; гудронды пропанмен асфаальтсіздендіру қондырғысын; майларды селективті тазартуды есептеу әдістерін игеруге мүмкіндік береді.

Дисперсті жүйелердің қасиеттерін, осмотикалық қысым; диффузия; дисперсті жүйелерді алу және тазарту тәсілдерін, дисперсті жүйелердің кинетикалық, құрылымдық-механикалық, реологиялық және технологиялық қасиеттерін; беттік құбылыстарды, адсорбцияны; агрегаттық тұрақтылықты, дисперсті жүйелердің коагуляциясы және электрлік қасиеттерін қарастырады. Дисперсті жүйелерді алу тәсілдерін таңдау, олардың негізгі қасиеттерін зерттеу дағдыларын қалыптастырады.

Отындар мен майлағыш материалдар сапасын, сапасын бағалаудың біліктілік әдістерін, жылу қозғалтқыштарының жіктелуі мен жұмыс істеу принципін, отындар мен майлағыш майлар химмотологиясын; отындар мен майлардың пайдалану қасиеттеріне қойылатын талаптарды; пластикалық майлағыштар мен техникалық сұйықтықтардың химмотологиясы; майлағыштар құрамы мен коллоидтық құрылымын қарастырады. Отындар, майлағыш материалдар мен техникалық сұйықтықтардың сапалық көрсеткіштерін анықтау дағдыларын қалыптастырады.

Заманауи материалдар өндірісін; полимерлер технологиясы ерекшеліктерін; полимерлеудің техникалық тәсілдерін; поликонденсациялаудың техникалық тәсілдерін; полимерлерді химиялық модификациялауды; полимерлік композициялардың компоненттерін (материалдарды); полимерлерді легирлеуді; ірі тоннажды полимерлік материалдар өндірісін; полимерлерді екіншілік өңдеуді қарастырады. Зертханалық жағдайларда полимерлерді синтездеу және талдау дағдыларын үйретеді.

Табиғи газдар мен газ конденсаттарының құрамы мен қасиеттерін; тауарлық газ және газ өңдеу өнімдерінің сапасына қойылатын талаптарды; газ және газ конденсаттарын өңдеуге даярлауды; күкіртті сутегі бар газдардан күкірт өндіруді; газдардан сұйық көмірсутекті компоненттерді бөліп алуды; көмірсутекті газдарды бөлуді; гелий алуды, газ конденсаттарын тұрақтандыру және өңдеуді қарастырады. Газ химиясы процестерін технологиялық ресімдеу дағдыларын үйретеді.

Заманауи мұнай және синтетикалық базалық майлар мен оларға арналған үстемелерді (присадкаларды); майларға арналған үстемелер өндірісінің технологиялық схемаларын; тауарлық майларды, олардың жіктелуін, физика-химиялық және пайдалану қасиеттерні; пластикалық майлағыштар мен басқа да арнайы мұнай өнімдерінің құрамы, қасиеттері мен өндіру әдістерін қарастырады. Майлағыш материалдарды алу және талдау дағдыларын үйретеді.

Ғылыми зерттеуді ұйымдастыру және жоспарлау әдістерін, материалдардың қасиеттері мен құрылымдарын зерттеудің заманауи әдістері мен құралдарын; өлшеулерді метрологиялық қамтамасыз ету негіздері және нәтижелерді статистикалық өңдеуді, ғылыми есепті, мақала, баяндаманы ресімдеу ережелерін қарастырады. Ғылыми зерттеу жұмыстарын (ҒЗЖ) өз бетінше жоспарлау және орындау, зерттеу тақырыбы бойынша қажетті ақпаратты іздеу және талдау дағдыларын дамытады.

Жобалау объектілерін, жалпы ережелері және ерекшеліктерін; технологиялық өндірісті ұйымдастыру әдістері мен принциптерін; мұнай өңдеу зауыттары аппараттарының элементтерін механикалық есептеуді қарастырады. Технологиялық схеманың негізгі аппараттарын есептеу және іріктеу, процестердің аппаратуралық ресімделу дағдыларын қалыптастырады.

Конструкциялау міндеттерін және құрастыру сапасын бағалау санаттарын; құрал-жабдықты құрастыруға арналған негізгі бастапқы деректерді; құрал-жабдық сенімділігін; конструкциялардың металл сиымдылығы мен қатаңдығын; конструкциялаудың экономикалық негіздерін; құрал-жабдықтарды құрастыру немесе жаңғырту процесі кезеңдерін; материалды таңдауды қарастырады. Мұнай өңдеу зауыттарының аппараттарын есептеу және конструкциялау дағдыларын қалыптастырады.

Мұнай шикізатын пайдалану тиімділігінің жалпылама көрсеткіші ретінде өңдеу тереңдігін қарастырады; терең өңдеу шикізатының сапасы, қайта өңдеу кезінде жеңіл мұнай өнімдерін өндіруді ұлғайтудың бағыттары мен әдістері; термоөңдеу, кокстау, каталитикалық крекинг, мұнай қалдықтарын қайта өңдеу. Мұнайды терең өңдеу проблемаларын талдау және оларды шешу жолдарын үйретеді.

Мұнай өңдеу процестерімен байланысты экологиялық қауіптіліктің негізгі түрлері мен көздерін, экологиялық қауіптілік деңгейін бақылау мен төмендетудің негізгі тәсілдерін қарастырады. Халықаралық және қазақстандық экологиялық заңнаманы ескере отырып, экологиялық тәуекелдерді бағалау және бақылау, қоршаған ортаның мұнай өңдеу өнімдерімен ластануының экологиялық тәуекелін төмендету тәсілдерін іздеу дағдыларын қалыптастырады.

Көмірсутекті шикізатты өңдеу қондырғыларын жетілдіру бағыттарын; мұнай қалдықтарын баяу кокстеу қондырғыларын қарқындату, ауыр мұнай қалдықтары мен қатты отындарды өңдеудің термо-тотықтыру процестерін, мұнай қалдықтарын гидроасылдандыру және гидрокрекингтеуді, мұнай мен мазуттарды терең өңдейтін үйлестірілген қондырғыларды қарастырады. Құрал-жабдықтар және қондырғылардың, технологиялық процестердің жекелеген сатыларын жобалау мен жетілдірудегі инновациялық жобаларды талдау дағдыларын қалыптастырады.

Атмосфералық шығарындылардың жіктелуін және олардың сипаттамаларын; атмосфералық шығарындыларды қатты бөлшектер мен қышқыл компоненттерден тазартуды қарастырады. Ағызынды суларды тазарту, мұнай шламын қайта өңдеу, пайдаланылған мұнай өнімдерін утилизациялауды; атмосфераны, топырақ пен суды ластайтын зиянды заттарды нормаға келтіруді қарастырады. Атмосфераға көмірсутектер мен олардың туындыларының шығарылу мөлшерін төмендету проблемалары мен әдістерін талдау дағдыларын қалыптастырады.

Студенттердің ғылыми-зерттеу жұмыстарын ұйымдастыру және сатыларын; эксперименттік зерттеулерді метрологиялық қамтамасыз етуді; эксперименттің нәтижелерін өңдеуді; зерттеу нәтижелерін графикалық баяндау әдістерін; студенттердің ғылыми-зерттеу жұмыстарының (СҒЗЖ) нәтижелерін ресімдеуді; патенттік ғылым негіздерін зерделейді. Ғылыми-зерттеулерді жоспарлау және жүргізу, ғылыми мақалалар мен баяндамалар даярлау, теориялық және эксперименттік мәліметтерге салыстырмалы талдау жүргізу, оқу және ғылыми-зерттеу зертханаларында жұмыс істеу дағдыларын дамытады.

Ақпараттық және есептеу сауаттылығына, ақпаратты жалпылау, талдау және қабылдау қабілетіне ие болу; кәсіби ортада және қоғамда қазақ, орыс және ағылшын тілдерінде академиялық адалдық мәдениеті мен қағидаттарын түсіне отырып, еркін қарым-қатынас жасау.

Материалдық және жылу баланстарын құрастыру, технологиялық схеманың негізгі және қосалқы аппараттарын есептеу және жобалау мен құрал-жабдықты жаңғырту кезінде оларды таңдау дағдыларын меңгеру

Зерттеулік, кәсіпкерлік дағдыларды қолдана отырып, өндірістік мәселелерді шешуде дербестік таныта келе жеке және топ мүшесі ретінде тиімді жұмыс істеу, өмір бойы біліктілікті арттыру

Дүниетанымдық, азаматтық, рухани және әлеуметтік жауапкершілікті, ғылыми және эксперименттік зерттеу әдістерін қалыптастыру негізінде әлеуметтік-мәдени, кәсіби дамуды көрсету.

Химиялық және физика-химиялық талдау әдістерін пайдалана отырып, шикізат пен көмірсутекті шикізатты қайта өңдеу өнімдеріне сапалық және сандық талдау жүргізу

Теориялық және эксперименттік зерттеулерді жоспарлау және орындау, деректерді математикалық өңдеу әдістерін қолдана отырып алынған нәтижелерді түсіндіру және тұжырымдар жасау

Экономикалық және экологиялық факторларды ескере отырып көмірсутекті шикізатты өңдеу процестерінің заңдылықтары негізінде өндірістің ұтымды технологиялық схемасын таңдау және негіздеу

Технологиялық регламентке, техника қауіпсіздігі, өндірістік санитария, өрт қауіпсіздігі қағидаларына және еңбекті қорғау нормаларына сәйкес көмірсутекті шикізатты қайта өңдеудің технология-лық процесін басқару

Органикалық қосылыстар өндірісінің қазіргі жағдайын талдау және ғылым мен техниканың заманауи жетістіктері негізінде қолданыстағы технологиялық процестерді жетілдіру және жаңасын әзірлеу жолдарын таңдау.

Кәсіби қызметте жаратылыстану, математикалық, қоғамдық, әлеуметтік-экономикалық және инженерлік білімдерді, нормативтік құжаттар мен экономикалық талдау элементтерін пайдалану.