7M02315 Филология в Қожа Ахмет Ясауи атындағы Халықаралық қазақ-түрік университеті

Пәнді оқу барысында фольклордың жазба әдебиетінен айырмасын, ауыз әдебиетіндегі идеализациялау құбылыстарының дербес бағытта жүргізілетінін теориялық тұрғыда меңгереді. Қазақ әдебиетін типологиялық тұрғыдан зерттеу арқылы оның фольклормен сабақтастығын танытуда әдебиет пен фольклордың жалпы теориясын меңгеру дағдысын көрсете алады. Әдеби және фольклорлық шығармалардың поэтикалық ерекшелігін, әдебиет пен фольклордың жалпы теориясын ғылыми және теориялық негіздерін саралайды. Салыстырмалы-салғастырмалы типологиялық зерттеу әдістерін қолдануға машықтанады.

Пәннің мақсаты жалпы тіл білімінің негізгі ұғымдарымен, терминдерімен, оның басты-басты теориялық мәселелерімен таныстыру. Нәтижесінде тілдерге жалпы ортақ белгілердің өзіндік ерекшеліктерін, тілдің пайда болу, қалыптасу және дамуын, адамның ой-санасымен, қоғаммен қарым-қатынасын, басқа ғылым салаларымен байланысын, тіл философиясын меңгереді. Лингвистика саласындағы білімімен ғылыми және практикалық мәселелерді шешеді. Тәуелсіз және сыни талдауды жүзеге асырады. Лингвистикалық зерттеу жұмыстарында талдау нәтижелерін қолданады.

Пәннің мақсаты тілде ғаламтор дискурсы, ақпаратпен алмасу, адамдар арасындағы компьютер арқылы жүзеге асырылатын коммуникация туралы білімін және дағдыларын арнайы шеңберлі мамандықта қолдануға үйрету. Электронды құралдары арқылы жүзеге асырылатын коммуникацияны білдіретін ақпараттың артықшылықтары мен кемшіліктерін салыстырады. Ғаламтор желісіндегі тұлғааралық коммуникацияны қарастыра отырып, заманауи білім беру әдістемесін және педагогикалық технологияларды талқылайды. Тілді зерттеудің жаңа технологияларын меңгереді. Лингвистика саласында жоспарлау әдісін тәжірибеде қолдануға қабілетті.

Пәннің мақсаты функционалды грамматиканың негізгі тұжырым-қағидаттарымен таныстыру. Функционалды грамматиканың бастау көздері, грамматика теорияларының қалыптасуы, қазіргі қазақ тіліндегі функционалды-семантикалық өрістері (аспектуальдылық, темпоральдылық, шақтық, модальдылық, болымдылық/болымсыздық, сан-мөлшер категориясы, сын дәрежесі категориясы) т.б. мәліметтерді жинақтап жүйелейді. Құрылымдық және функционалды бағыттардың ерекшеліктерін айқындайды. Лингвистика саласындағы білімін синтездеп, ғылыми және практикалық мәселелерді шешуге қабілетті.

Пәннің мақсаты тіл ғылымының жаңа бағыттары бойынша қалыптасқан антропоөзектік бағыттарға жататын этнолингвистика, психолингвистика, социолингвистика, когнитивті лингвистика, лингвомәдениеттану салалары бойынша негізгі ұғымдармен танысу, әр саланың өзіндік ерекшеліктерін ажыратып тану. Ғылыми айналымға енген жалпы тіл біліміндегі теориялық тұжырымдар мен концепциялар арқылы алған білімдеріне аналитикалық талдау жасайды. Тілді зерттеудің жаңа технологияларын меңгереді. Лингвистика саласында ғылыми зерттеулер жүргізіп, теориялық және әдіснамалық талдауды зерттеу жұмыстарында қолдануға қабілетті.

Пәннің мақсаты қазіргі әдебиеттануда қалыптасқан жаңа бағыттардың әдіснамалық, категориялық аппаратымен, даму тенденцияларымен таныстыру. Нәтижесінде қазақ әдебиеті контексінде әдеби үрдістің даму заңдылықтарын, жанрлық және стильдік, эстетикалық ерекшеліктерін, әдебиеттанудың ғылыми негіздерін саралайды. Әдебиетті зерттеудің жаңа технологияларын, әдебиеттануда қалыптасып жатқан жаңа ғылым салаларының теориялық негіздерін меңгереді. Әдебиеттану ғылымындағы өзекті мәселелерді тәуелсіз және сыни талдауды жүзеге асырады, өздерінің ғылыми зерттеулеріне талдау нәтижелерін қолданады.

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пән магистранттарды әдістемелік негіздері саласындағы білімдерін дамыта отырып, эмпирикалық зерттеулер жүргізуге үйретеді. Пәнді оқу барысында магистранттар ғылыми әдебиеттермен жұмыс жасауға, зерттеу жоспарын жасауға, гипотезаны құруға, зерттеу дизайнын эксперименттік әдістерді, сауалнамаларды, ашық сұхбаттар мен бақылауларды қоса алғанда, экспериментті әзірлеуге және жүргізуге проблемалық сұрақтарды талдауға дағдыларын қалыптастырады және ғылыми зерттеудің негізгі түрлерін анықтап, негіздеуді үйренеді.

Пәннің мақсаты магистранттарға жалпы академиялық қағидаттар шеңберінде ғылыми этика және академиялық адалдық талаптарына сәйкес басылымдарға мақала дайындау жолдарын меңгерту. Пәнді оқу нәтижесінде магистрант мақала мәтінін құрастыру әдістерін, академиялық жазбалардың түрлерін және халықаралық дерекқор базаларын пайдалану жолдарын меңгеріп, әртүрлі ғылыми журналдардың талаптарына сай мақала дайындау және журналдардың онлайн жүйелерімен (сайттарымен) жұмыс жасау дағдыларын қалыптастырады. Курста ғылыми деректерге талдау жасау әдісі қолданылады.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Пәнді оқыту барысында әдебиеттану саласындағы өзекті заманауи ғылыми парадигмалармен, оның даму динамикасы, әдебиеттанулық зерттеудің әдіснамалық принциптері мен әдістемелік тәсілдерімен меңгереді. Әртүрлі мәтіндерді талдау және интерпретациялау дағдыларын жүзеге асырады. Қазақ әдебиеті контексінде әдеби үрдістің даму заңдылықтарын, поэтикалық ерекшеліктерін, әдебиеттанудың ғылыми негіздерін саралайды. Нәтижесінде магистрант зерттеу ізденісін кәсіби түрде жүргізу мақсатымен әдеби мәтінді талдауға қатысты әртүрлі әдіс-тәсілдерді іс жүзінде қолдана алады.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Пәннің мақсаты қазақ лингвистика тарихындағы әр дәуірдегі ағымдар мен бағыттарды, ғылыми жаңалықтарды жеткізетін әдіс-тәсілдердің кешенін өлшеу, бағалау. Қазіргі тіл біліміндегі лингвистикалық зерттеулердің жетістіктері, зерттеудің әдіс-тәсілдері, қазіргі тіл біліміндегі ғылыми парадигма ұғымы, қазіргі тілдік зерттеулердегі гипотезалық-дедуктивтік әдістерді, тілді зерттеудің жаңа технологияларын меңгереді. Академиялық адалдық шеңберінде ғылыми этикаға сай ғылыми-зерттеу жұмыстарын жазуға, жобалауға, жүргізуге, салыстыруға және ғылыми дерекқорлармен, ғылыми баспалармен жұмыс жасауға, олардың өнімдерін пайдалануға қабілетті.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Тіл білімінің заманауи концепциялары мен философиялық және әдіснамалық принциптері, ғылыми зерттеулерді ұйымдастыру мен жоспарлау, лингвистикалық бағыттардың философияға тәуелділігі жайындағы ғалымдардың көзқарастарын, тіл ғылымының дамуындағы философиялық кезең мен философиялық-логикалық көзқарастың қалыптасуын, тіл білімі аксиологиялық мәселелерін қарастырады. Филология саласында ғылыми зерттеулер жүргізіп, теориялық және әдіснамалық талдау дағдыларын меңгереді. Тілді зерттеудің жаңа технологиялары мен тілдік жағдайды әлеуметтік лингвистикалық талдау дағдыларын қалыптастырып, оларды зерттеу жұмыстарында қолданады.

Пәннің мақсаты қазақ өлеңінің көне түрік халқының фольклорындағы поэзиялық туындылармен дүниетанымдық, пішіндік сабақтастығы, ауыз әдебиетіндегі өлең - жыр үлгілерімен көркемдік дәстүр арнасындағы үйлесімділігін, ақындық шеберліктің сырын қарастыру. Қазақ әдебиеті контексінде әдеби үрдістің даму заңдылықтарын, жанрлық және стильдік, эстетикалық ерекшеліктерін, әдебиеттанудың ғылыми негіздерін саралайды. Қазақ өлеңіндегі көркемдегіш құралдар мен сюжеттік-композициялық тұтастықты оқытуда салыстырмалы аналитикалық т.б талдау әдістерін қолданады.

Пәннің мақсаты этностың болмысын, қазақ және түркі мәдениетінің концептілер жүйесін басқа мәдениеттер негізінде салғастыра отырып айқындап, олардың тілде көрініс тапқан тұстарына түсінік беру. Этнолингвистика арқылы этносты, оның тілін танып-білуді, тілдің коммуникативтік қызметімен қоса, куммулятивтік қызметін жүйелейді. Қазақ тілі теориясы мен практикасында өзекті мәселелерді тәуелсіз және сыни талдауды жүзеге асырады. Этнолингвистика саласында кешенді зерттеулер жасауға қабілетті.

Пәннің мақсаты қазақ халық прозасының зерттелу тарихы мен оның түрлерін меңгерту. Қазақ мифтерінің жиналуы мен зерттелуін, шығу тегі мен дамуын, әдеби үрдістің даму заңдылықтарын, жанрлық және стильдік, эстетикалық ерекшеліктерін, әдебиеттанудың ғылыми негіздерін анықтайды. Нәтижесінде қазақ халық прозасының жанрлық ерекшеліктерін, тақырыптық және сюжеттік жіктелісін талдайды. Фольклор саласында ғылыми зерттеулер жүргізіп, ғылыми негіздейді. Фольклорлық проза туралы әдеби-сыни жұмыстардың ғылыми негіздерін саралай білуге қабілетті.

Пәннің мақсаты драматургия табиғаты, қазақ және әлем әдебиетіндегі драматургияның қалыптасу, даму тарихы мәселелерін зерттеу дағдысын талдау. Қазақ әдебиетіндегі драмалық туындының жазылу тарихын, халық ауыз әдебиетіндегі драмалық көріністердің ерекшеліктерін анықтайды. Әдеби үрдістің даму заңдылықтарын, жанрлық және стильдік, эстетикалық ерекшеліктерін, әдебиеттанудың ғылыми негіздерін саралайды. Драмалық шығармалардың поэтикалық ерекшелігіне, әдеби-сыни жұмыстарға баға береді. Әдебиеттану саласында ғылыми зерттеулер жүргізеді.

Пәннің мақсаты қазақ әдебиеті тарихын дәуірлеудегі ғылыми-теориялық мәселелерді қарастыру. Пән аясында әдебиет тарихының дәуірлер мен кезеңдерге бөлінуінің әдеби-тарихи алғышарттары мен ғылыми қағидаларын меңгереді. Әдебиет тарихы саласында ғылыми зерттеулер жүргізіп, ғылыми-теориялық негіздерін, әдебиет тарихын дәуірлеу барысында әдебиеттегі дәстүр мен жаңашылдықтың өзара байланысын, ерекшеліктерін анықтайды. Нәтижесінде қазақтың жазба әдебиетінің қалыптасу үрдісіндегі көркемдік бағыттар мен әдістерді жүйелейді. Әдебиет тарихын дәуірлеу туралы ғылыми тәжірибелерде қолданады.

Пәннің мақсаты діни ағартушы ақындар мұрасын шығыс халықтары фольклорымен, әдебиет үлгілерімен сабақтастықта қарастыру. Ақындардың әдеби мұрасының көркемдік сипатын айқындайды. Ақындар шығармаларының поэтикасын, әдеби үрдістің даму заңдылықтарын, жанрлық және стильдік, эстетикалық ерекшеліктерін, әдебиеттанудың ғылыми-теориялық негіздерін талдайды. Зерттеулер арқылы ғылыми негіздерін анықтап, олардың әдеби-сыни шығармашылығына баға береді. Ғылыми және практикалық мәселелерді шешуге қабілетті.

Кәсіби саласында қолданылатын эмпирикалық зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады. (ОН4);

Қазақ әдебиеті контексінде әдеби үрдістің даму заңдылықтарын, жанрлық және стильдік, эстетикалық ерекшеліктерін, фольклор мен әдебиеттанудың ғылыми негіздерін саралай білуге қабілетті

Алынған теориялық білімдерін ғылыми-зерттеу іс-әрекетінің әртүрлі нысандарында қолдана отырып, ғылым тарихы мен философиясы дамуының негізгі мәселелері мен қазіргі даму тенденцияларын талдайды (ОН1);

Филология саласында ғылыми зерттеулер жүргізу арқылы теориялық және әдіснамалық талдау дағдыларына ие болып, болжау және жоспарлау әдістерін тәжірибеде қолданып, лингвистика және әдебиеттану саласындағы білімін синтездеп, ғылыми және практикалық мәселелерді шешуге қабілетті

Тіл мен әдебиетті зерттеудің жаңа технологияларын игеріп, тілдік жағдайды әлеуметтік-лингвистикалық жағынан талдау дағдыларын қалыптастырып, өз бетімен зерттеу міндеттерін қою және шешу үшін теориялық және практикалық білімді қолдануға қабілетті

Қаламгердің жазушылық шеберлігін зерттеп, әдеби тұлғаларды талдаудағы негізгі заманауи ұстанымдарды, әртүрлі тәсілдер мен әдістерді пайдалана отырып, шығармалардың пішіндік, мазмұндық ерекшеліктерін ашып, әдеби-сыни жұмыстарды бағалауға қабілетті

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды

Кәсіби қызметінде шет тілінде ауызша және жазбаша қарым-қатынас орнату дағдыларын қолданады

Филология саласында ашылып жатқан ғылымның жаңа салаларының теориялық негіздерін қалыптастырып, әдеби және фольклорлық шығармалардың поэтикалық ерекшеліктерін талдап, ғылыми зерттеулерді жүргізуге қабілетті