7M03140 Халықаралық қатынастар в Қожа Ахмет Ясауи атындағы Халықаралық қазақ-түрік университеті

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пәннің мақсаты зерттеу әдістерінің негіздерін білу тәжірибесін қалыптастыру, музыкатанудың қазіргі жағдайының зерттеу мәселелерін, ондағы қарама-қайшылықтар мен проблемаларды, тарихи процестегі өнердің даму тенденциялары мен заңдылықтарын анықтау. Осы пәнді игеру барысында болашақ мамандар зерттеу жобасын әзірлеудің әдістері мен технологиясын, өзекті зерттеу әдебиеттеріне талдау жүргізуді, оларды жинақтау мен сараптауды меңгереді. Бұл өнер саласындағы өзекті мәселелер мен процестерді талдауға, әлеуметтік-мәдени салада түрлі зерттеулер жүргізуге мүмкіндік береді.

Курс адамның мен азаматтың құқықтары мен бостандықтары жүйесіне негізделген сараптамалық және талдау жұмыстарын жүргізу үшін магистранттарға іргелі білімдер мен жалпы принциптерді қалыптастыруға арналған. Сонымен қатар курс адам құқықтарының әмбебаптығын, адам құқықтары және халықаралық мораль жөніндегі халықаралық конвенцияларды, халықаралық адам құқығының мәдениетаралық негізінің мүмкіндігін, заңдылық пен құрылымдық шектеулерді түсінуге және ғылыми теориялар туралы білімді қолдануға бағытталған.

Курс магистрантқа дәлелденген, тексерілген нәтижелер алу үшін объективті ғылыми зерттеулер жүргізу үшін практикалық дағдыларды қалыптастыруға арналған. Оқу барысында халықаралық қатынастар теориясының эволюциясы, халықаралық зерттеулердің ерекшелігі, әдіснамалық тәсілдер мен зерттеу әдістері қарастырылады. Сонымен қатар курс магистранттың халықаралық қатынастардағы субъектілердің табиғаты, халықаралық қатынастар жүйесін біртұтас көрініс ретінде түсіну себептері, әрекет ету факторлары туралы сыни ойлау қабілеттерін дамытуға арналған.

Курс идеологиялық, экономикалық, әлеуметтік-мәдени және демографиялық өзгерістердің адами және физикалық жағдайлары контекстіндегі күрт салдарын қарастырады және олардың сыртқы саясат пен халықаралық қатынастарға географиялық әсерін зерттейді. Сондай-ақ ғылыми теориялар, мектептер, бағыттар туралы білімдерін қолданады және сараптамалық және талдау жұмыстарын жүргізеді. Олар климат, топография, демография, табиғи ресурстар және аймақтық технология сияқты өзгермелі арқылы халықаралық саяси мінез-құлықты болжайды.

Курс қазіргі халықаралық қатынастар жүйесіндегі процестерді сыни ойлау негізінде талдауға бағытталған. Оқу барысында магистрант халықаралық қатынастардың негізгі парадигмаларын, олардың зерттеу объектісі мен негізгі мәселелігі туралы түсінік қалыптастыру, әлемдік саясаттың қазіргі тұжырымдары дағдыларын алу, мемлекетаралық қатынастарда экономикалық, әлеуметтік-мәдени, идеологиялық қатынастардың жұмыс істеуі заңдылықтарын анықтау, қазіргі халықаралық қатынастардың жаңа мегатрендтерінің теориялық аспектілерін қарастыру дағдыларын меңгереді

Пән магистранттарды оқыту мәселелеріне байланысты, ғылыми ізденістің әдістемелік негіздері саласындағы көкейкестілік, зерттеу мақсаты мен міндеттері, гипотеза, зерттеу пәні, нысаны туралы білімдерін тәжірибеде қолдануға даярлайды. Пәнді оқу барысында магистранттар ғылыми зерттеу жоспарын жасауға, гипотезаны құруға, зерттеу пәніне талдау жасайды. Проблемалық сұрақтарды шешу жолдарын талдайды, академиялық жазу дағдыларын қалыптастыратын және ғылыми зерттеудің негізгі тұғырларын анықтайды, академиялық проблеманы шешудің жазба жобасын жасайды.

Бұл курс халықаралық қатынастардың теориялық және тұжырымдамалық парадигмаларының ұзақ эволюциясын сыни тұрғыдан бағалауға және қолдануға бағытталған. Негізгі классикалық және жаңа теорияларды зерттей отырып феминизм, постмодерндік теориялар, жаһандану теориялары және экологиялық теориялар және т.б. сияқты жаңа теорияларды да талдайды. ХҚ-ғы ауқымды теориялық негіз жас зерттеушілерге жаһандану, интеграция, аймақтанудың қазіргі әлемдік процестерін, геосаяси және экономикалық тенденцияларды дұрыс бағалауға көмектеседі.

Дипломаттар мен саясаткерлер практикалық психология әдістерін бұрын қолданған, бірақ психология ғылым ретінде халықаралық өмірдің және дипломатиялық қызметтің психологиялық аспектілерін зерттеуге аз көңіл бөлінген. Магистранттар дипломатиялық қызметтің әлеуметтік-психологиялық аспектілерін бұрыннан бар халықаралық қатынастардың тарихы мен теориясы, дипломатиялық және консулдық қызмет, әлеуметтік психология, әлеуметтану және мәдениеттану сияқты бағыттардың қиылысында оқитын болады. Сондай-ақ, осы курс бойынша сараптамалық-талдау жұмыстарын жүргізеді.

Курс Таяу Шығыс елдерінің қазіргі халықаралық қатынастардағы рөлін, олардың тенденциялары мен әлемдік саясатқа қатысуын зерттеу және талдау мақсатында ғылыми теориялар, мектептер мен тенденциялар туралы білімді зерттеу, сараптамалық және аналитикалық тәжірибесінде қолдануға бағытталған. Сондай-ақ Таяу Шығыстағы қарқынды дамып келе жатқан құбылыстарды және аймаққа әсер ететін жаһандық тенденцияларды түсіну нәтижесінде жақын және алыс болашақтағы мемлекетаралық қатынастар жүйесінің жағдайын талдайды және болжайды.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Курс халықаралық өмірдегі (жаһандық немесе аймақтық деңгейде) ұлы державалардың рөлі мен ықпалын зерттеу үшін ғылыми теориялар, мектептер, бағыттар мен тенденциялар туралы білімдерін ғылыми-зерттеу, сараптамалық, талдау және ғылыми-педагогикалық тәжірибеге біріктіруге бағытталған. Сондай-ақ, негізгі державалардың өлшемдері мен параметрлерін, олардың әлемдік саясатқа әсер ету дәрежесін анықтайды және осы елдердің сыртқы саяси доктриналарын зерттеумен қатар, тарихын, экономикасын, мәдениетін талдайды.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Курс қазіргі халықаралық қатынастардағы көп қырлы геосаяси құбылыстар мен тенденцияларды түсіну және геосаяси оқиғаларды болжай білу үшін ғылыми теориялар, мектептер, бағыттар мен тенденциялар туралы білімдерін ғылыми-зерттеу, сараптамалық, талдау және ғылыми-педагогикалық тәжірибеге біріктіруге бағытталған. Сондай-ақ Орталық Азия елдерінің сыртқы және ішкі саясатын, аймақтағы жаһандық және аймақтық ойыншылардың саясаттарын бағалайды және екі және көпжақты дипломатия шеңберіндегі ынтымақтастықтың негізгі бағыттарын қарастырады және талқылайды.

Курс салыстырмалы саясаттың негізгі теориялық тәсілдерін және жекелеген елдердің саяси тарихын қарастырады. Ол магистранттарды мемлекет және қоғам қарым-қатынастары, мемлекеттік әлеует, институттардың рөлі, ұлтшылдық, мәдени/этникалық плюрализм, саяси мәдениет, демократия және т.б. сияқты осы саланың негізгі тақырыптарымен таныстыруға арналған. Сондай-ақ курс әлемдік саясаттағы ағымдағы оқиғаларды салыстырмалы талдауда зерттелген тұжырымдамалар мен теорияларды қолдануға ықпал етеді.

Бұл курс қауіпсіздік, қақтығыс және бейбітшілік мәселелері бойынша өзекті зерттеу тапсырмаларын әзірлеуге бағытталған. Ол қазіргі халықаралық даулардың табиғаты мен шығу тегін зерттеуден, жаһандық қауіпсіздікті, дауларды шешуді, күш қолдануды, ұжымдық қауіпсіздікті, соның ішінде бітімгершілік пен халықаралық қылмыстарды түсінуден басталады. Сондай-ақ қаруды шектеу, адам құқықтары, экологиялық және экономикалық қатынастар/құқық сияқты қақтығыстарға бейім нақты салаларға назар аударылады.

Курс магистранттарға халықаралық еңбек миграциясының себептері мен ағымдағы тенденциялары, факторлары мен салдары, оның әлемдік экономикалық қатынастардағы рөлі туралы білім береді. Ол сондай-ақ магистранттарға сараптамалық және талдау жұмыстарын жүргізу үшін көші-қонның себептерін талдауға және көші-қон процесін болжауға көмектеседі. Нәтижесінде магистранттар халықаралық көші-қонның себептерін, түрлері мен проблемаларын, негізгі еңбек нарығы мен олардың ерекшеліктерін анықтауды үйренеді.

Курс халықаралық қатынастардың қазіргі жүйесіндегі процестерді қарастырады. Оқу барысында магистрант қазіргі заманғы талдаудың теориялық және әдістемелік негіздерін нақты халықаралық жағдайларды шешу үшін қолдану, халықаралық-саяси ақпаратты өңдеу және талдау әдістерін меңгеру, халықаралық жағдайларды зерттеудің әдіснамалық талдау дағдыларын қалыптастыру, халықаралық проблемаларды қолданбалы зерттеу дағдыларын қолдану, қойылымды-сараптамалы болжауды қалыптастыру мақсатында халықаралық процестерді талқылау дағдыларын меңгереді.

Бұл курс ойын теориясына сыни баға беруге және оны халықаралық мәселелер мен жағдайларды талдауға қолдану дағдысын қалыптастыруға бағытталған. Пәнді оқу нәтижесінде магистранттар төмендегі мәселелерді қарастырады: ойын теориясының негізгі анықтамаларын, құралдарын, негізгі әдістерін, халықаралық қатынастар саласындағы ойын моделін талдауға қабілеттілігін қалыптастыру, әлеуметтік және кәсіби міндеттерді шешу үшін осы әдістерді пайдалану, сараптамалық және талдау жұмыстарын дайындау.

Аймақтандыру барған сайын жаһандық саясаттың маңызды тақырыптарының біріне айналды. Дегенмен, аймақтандыру деп аталатын құбылыс аймақтан аймаққа айтарлықтай айырмашылықтарды көрсетеді. Осы тұрғыда әртүрлі аймақтандыру қозғалыстарының мәдени, тарихи, саяси, экономикалық және институционалдық негіздерін салыстыру және халықаралық қатынастардағы «аймақ» құбылысын осы салыстыру әдісімен зерттеу құнды және маңызды тақырып ретінде қарастырылады. Курс аймақтық интеграциялық үдерістер бойынша сараптамалық және талдау жұмыстарын жүргізуге ықпал етеді.

Кәсіби қызмет шеңберінде қауіпсіздіктің жаңа өлшемдерін ескере отырып, жаһандық және аймақтық қауіпсіздік, қақтығыс және бейбітшілік мәселелері бойынша өзекті зерттеу тапсырмаларын әзірлейді.

Кәсіби қызметінде шет тілінде ауызша және жазбаша қарым-қатынас орнату дағдыларын қолданады.

Қазіргі заманғы аймақтық, интеграциялық, жаһандық, геосаяси, әлеуметтік-мәдени, демократиялық, саяси, миграциялық және дипломатиялық үдерістердің даму жолдарын болжайтын сараптамалық және талдау жұмыстарын жүргізеді.

Алынған теориялық білімдерін ғылыми-зерттеу іс-әрекетінің әртүрлі нысандарында қолдана отырып, ғылым тарихы мен философиясы дамуының негізгі мәселелері мен қазіргі даму тенденцияларын талдайды.

Сыни ойлау негізінде халықаралық қатынастарда болып жатқан оқиғаларды жіктеп және талдап, ақпараттарды өңдейді.

Халықаралық қатынастар саласында іргелі теориялық және қолданбалы зерттеулер жүргізеді.

Халықаралық қатынастар саласындағы ғылыми теориялар, мектептер, бағыттар мен тенденциялар туралы білімдерін қолданады.

Кәсіби саласында қолданылатын эмпирикалық зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды.

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады.