7M01434 Музыкалық білім в Қожа Ахмет Ясауи атындағы Халықаралық қазақ-түрік университеті

Пәннің мақсаты музыка өнерінде болып жатқан соңғы өзгерістер мен жаңалықтарды игеру. Дәстүрлі музыка тарихы курсы ХХ ғасырмен тұйықталатын болса, болашақ музыка мұғалімдері ХХ және ХХI ғасырдағы музыкалық ағымдар - импрессионизм, экспрессионизм, атональдік жүйе, сериялық техника, додекафония сияқты жаңа ағымдармен де таныс болуы шарт. Соның бәрі музыка мұғалімінің музыкалық-теориялық білігін арттырып, оларды өзінің шығармашылық жұмысында қолдануға мүмкіндік тудырады.

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пәннің мақсаты сахналық дайындық мәселелерінде музыкант-орындаушының құзыреттілігін қалыптастыру. Өнер көрсету барысында музыкалық шығарманың да, көркемдік мінез-құлықтың да тұтастығын сақтау. Пәнді игеру барысында болашақ мамандар орындаушылық кәсіпқойлықты дамыту процесінде қалыптасатын білімдерін, іскерліктері мен дағдыларын жетілдіреді. Сахналық орындаушылық негіздерінің қалыптасуы көркемдік мақсаттарға жетуге және музыканттың кәсіби қалыптасуына ықпал ететін өз мүмкіндіктерін іске асырудың көрсеткіші болып табылады.

Пәннің мақсаты болашақ мұғалімдердің музыкалық шығарманың көркемдік жүйесі туралы білімін халықаралық талаптарға сай қалыптастыру. Композиция – музыкалық шығарманың жазылу жолдары, формасы, интонациясына қатысты ұғым, ал аранжировка – белгілі бір музыкалық әуенді кәсіби негізде көркемдеп, оның музыкалық клавир немесе партитуралық фактурасын жасау. Осы шығармашылық дағдыларды игеру арқылы болашақ мамандар көркем шығармаларды талдап, көркемдік деңгейін анықтап, түрлі технологиялар мен әдістерді меңгереді.

Концерттік-орындаушылық білім мен дағдыларды, болашақ маманның әртістік қасиеттерін көрсету дағдыларын қалыптастыру болып табылады. Өзінің орындаушылық шеберлігін жетілдіру үшін оған музыкалық-орындаушылық қызметтің ерекшеліктерін меңгеру қажет. Пәнді оқу нәтижесінде магистрант орындау техникасына қатысты орындаушылық қиындықтардың себептерін, музыкалық шығарманы түсіндіруде дұрыс емес көзқарасты анықтайды, концерттік-орындаушылық қойылымдарды жоспарлай және жүзеге асыра алады. Материалды игеру кезінде салыстырмалы талдау, нәтижеге бағытталған шешімдерді іздеу сияқты оқыту әдістері қолданылады.

Пәннің мақсаты музыкалық шығарманы талдау дағдыларын дамыту. Осы мақсатқа орай музыканың формасы мен құрылымдық ерекшеліктері қарастырылады. Сольфеджио, теория, полифония пәндері бойынша дағдылары негізінде музыкалық шығарманың ерекшелігі анықталады. Музыкалық шығарманың құрылымы мен жазылу ерекшелігін түсіндіреді. Музыкалық шығармадағы мазмұн мен форманың тұтастығын және оны үйлестіру мүмкіндіктерін меңгеріп, жаңа мәдени-музыкалық ағымдардың теориялық негіздерін игереді. Осыған дейін алған білімдерін тәжірибеге қосып, шығармашылық жұмыста қолданады.

Пәннің мақсаты зерттеу әдістерінің негіздерін білу тәжірибесін қалыптастыру, музыкатанудың қазіргі жағдайының зерттеу мәселелерін, ондағы қарама-қайшылықтар мен проблемаларды, тарихи процестегі өнердің даму тенденциялары мен заңдылықтарын анықтау. Осы пәнді игеру барысында болашақ мамандар зерттеу жобасын әзірлеудің әдістері мен технологиясын, өзекті зерттеу әдебиеттеріне талдау жүргізуді, оларды жинақтау мен сараптауды меңгереді. Бұл өнер саласындағы өзекті мәселелер мен процестерді талдауға, әлеуметтік-мәдени салада түрлі зерттеулер жүргізуге мүмкіндік береді.

Болашақ мұғалімдердердің музыкалық-шығармашылық білімі мен білігін қалыптастыру. Түрлі стиль, жанр, формадағы музыкалық шығармаларды талдау тәжірибесін игеру арқылы магистранттар өздерінің аналитикалвқ дағдыларын жетілдіреді, музыкалық шығармалардың көркемдік ерекшеліктерін саралай білуді игереді. Әлемдік музыка өнерінің үздік үлгілерін талдау болашақ мамандарды музыкатанушылық арнаға бейімдейді. Олар коммуникативтік дағдыларын жетілдіріп, музыкалық шығармаларды талдау дағдыларын жетік меңгеріп шығады.

Музыкалық студияда өзінің білімін тәжірибеде жетілдіреді. Ән айтуда, дауыс қоюда, өз даусын жазып оны өзі тыңдау арқылы, студия жұмысының ерекшелігін түсінеді. Музыкалық әуенді дамыту, берілген шығарманы музыкалық студия арқылы өңдеу, көркемдеу. Магистранттардың болашақта шағын музыкалық шығармаларды жеке дауыс арқылы жазып, бір-бірімен байланыстыру, көркемдеу тәсілдерін меңгеру. Маман ретіндегі шеберлігін арттыру және теориялық-практикалық білімін жетілдіру жолдарын қарастыру.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Музыкалық білім беру әдіснамасы бойынша білімді меңгеру үшін ғылыми негіздердің дамуы мен қалыптасу заңдылықтарын, мамандардың ғылыми-зерттеу, практикалық қызметін игеру принциптері мен мәселелерін меңгеру қажет. Пәнді игеру нәтижесінде магистрант ұғымдар мен құбылыстардың негіздерін зерттейді, ғалымдардың ғылыми еңбектерімен танысады, тезаурусты толықтырады, глоссарий құрастырады, ғылыми-зерттеу жұмыстарының іздеу дағдыларын қалыптастырады. Курс белсенді оқыту әдістерін, салыстырмалы талдауды, шешімдерді іздеуді қолданады.

Пән жалпы академиялық қағидаттар шеңберінде ғылыми этика және академиялық адалдық талаптарына сәйкес басылымдарға мақала дайындау жолдарын меңгертеді. Курс барысында мақала мәтінін құрастыру тәсілдерін, академиялық жазбалардың түрлерін және халықаралық дерекқорды пайдалану тәсілдерін, әртүрлі ғылыми журналдардың талаптарына сәйкес мақалаларды дайындауды және онлайн журналдардың сайттарымен жұмыс істеуді үйренеді. Курста ғылыми деректерге талдау жасау әдісі қолданылады.

Музыкалық түркология – түрік тектес халықтардың музыкалық мәдениетін кешенді түрде игеруге бағытталған пән. Оның ауқымы өте кең, сонау Алтай, Орталық Азия, Кавказ және Түркия елдерін мекендейтін халықтардың ғасырлар бойғы музыкалық өнері мен мәдениетін саралау арқылы олардың ортақ белгілері мен ерекшеліктері игеріледі. Осы мақсатқа орай болашақ музыка мұғалімі түрік музыкасына байланысты түрлі ақпарат көздерін талдап, өз жұмысында кеңінен қолдана білуі керек.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Пәннің мақсаты болашақ маманның оқу-тәрбие процесін табысты жүзеге асыру үшін ғылыми-педагогикалық дайындыққа негізделген педагогикалық оқу-әдістемелік жұмыстарының негіздерін қалыптастыру. Пән аясында болашақ маман дидактиканың заманауи талаптарын ескере отырып, сабақтың мазмұны мен ұйымдастыруына қойылған міндеттерді жүзеге асыру үдерісіне қойылған талаптарды орындайды. Ғылыми-зерттеу қызығушылықтарына сәйкес қондырғыларды меңгереді.

Қазақ музыка өнерінің соңғы жетістіктерімен таныстырып, жаңа ағымдар мен бағыттарды игеруге мүмкіндік тудырады. Классикалық музыкамен қатар ұлттық сипаты үстем дәстүрлі музыка өнеріне ерекше назар аударылып жатқанда домбыра аспабының ұлттық бренд ретінде жариялануы ерекше құбылыс. Сол классикалық музыка мен ұлттық музыкалық дәстүрлерді ұштастыру арқылы болашақ мамандар өздерінің тарихи-музыкалық білімдерін жетілдіріп, оларды өздерінің шығармашылық жұмыстарында қолдануға мүмкіндік алады.

Болашақ музыка мұғалімдерін дамыған елдердің музыкалық білім беру жүйесімен таныстырады. Шетелдік музыкалық оқу орындары музыкалық білімді кәсіби және педагогикалық деп бөлмейді. Кеңестік дәуірінен қалған сарқыншақ бізде әлі күнге дейін қолданыста болғандықтан консерваториялар кәсіби музыка мамандарын, педагогикалық бағыттағы оқу орындары музыка мұғалімдерін даярлаумен шектеліп келеді. Пән аясында осы құбылыстар талданып, шетелдік музыкалық білім ұғымының мағынасы мен мүмкіндіктері ашылады.

Музыкалық білім беру процесінің барлық деңгейлерінде музыкалық өнерді оқытудың сапасын арттырудың заманауи және тиімді құралы-инновациялық музыкалық — компьютерлік технологияларды (МКТ) игеру, дәстүрлі және инновациялық оқыту процестерін үйлестірудің принциптері мен әдістері болып табылады. Пәнді игеру нәтижесінде магистрант жаңа бағытты игеру мәселелерін зерттейді – инновациялық музыкалық-педагогикалық технологияларды модельдеу және электронды музыкалық аспаптардың тез дамуына байланысты музыкалық шығармашылық заңдылықтарын қалыптастырып, салыстырмалы талдау әдістері, жаңа компьютерлік бағдарламаларды қолданады.

Музыка сабақтарын дайындау және өткізу музыка мұғалімінің жан-жақты музыкалық-педагогикалық дайындығын қамтиды. Музыка теориясын, орындаушылық пәндердің тарихы мен оқыту әдістемесін, сондай-ақ музыкалық-орындаушылық пәндерді меңгеруде көрініс табатын музыкалық-педагогикалық кәсіби даярлықты өзектендеді. Музыкалық аспапта ойнай білу, академиялық ән айтуды және хорды дирижерлауды меңгеру орындаушылық шеберліктің негізі болып табылады. Музыка саласындағы жаңа педагогикалық технологиялармен танысып, магистрант музыкалық талдаулар мен эксперименттік-зерттеу жұмыстарын ұйымдастырады.

Пәннің мақсаты кәсіби құзыреттілікті қалыптастыру, болашақ маманның зерттеу мүмкіндіктерінің шекарасын кеңейту. Осы пән аясында болашақ мамандар негізгі бағыттарды меңгереді, педагогикалық дайындық жүйесіндегі ғылыми-зерттеу жұмысының міндеттерін шешуде дағдыларды және ғылыми-зерттеу, практикалық жұмысты жүзеге асыруда және ғылыми дүниетанымды қалыптастыруда, музыкалық білім беру саласындағы педагогикалық практиканы диагностикалаудың, жобалаудың, болжаудың және жетілдірудің басым құралы ретінде ғылымға деген көзқарасты қалыптастырады.

Алынған теориялық білімдерін ғылыми-зерттеу іс-әрекетінің әртүрлі нысандарында қолдана отырып, ғылым тарихы мен философиясы дамуының негізгі мәселелері мен қазіргі даму тенденцияларын талдайды

Кәсіби қызметінде шет тілінде ауызша және жазбаша қарым-қатынас орнату дағдыларын қолданады.

Музыка өнері саласында жаңа ақпараттарды, қордаланып қалған өзекті мәселелер мен үдерістерді талдайды.

Кәсіби саласында қолданылатын эмпирикалық зерттеу әдістері мен дағдыларының ерекшеліктерін жүйелі түрде түсініп, ғылыми-зерттеу жұмыстарында қолданады

Музыкалық білім беру бағыты бойынша жүзеге асырылған зерттеулердің нәтижелерін шығармашылық жұмысында қолданады.

Музыкалық білім беру саласындағы педагогикалық ізденістермен танысу арқылы эксперименттік-зерттеу жұмыстарын ұйымдастырады

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды

Музыка өнерінде бой көрсеткен түрлі бағыттарды жетілдіру мақсатында жаңа ағымдар мен тенденциялардың теориялық негіздерін игереді.

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады.