7R01102 Акушерия және гинекология ересектердің, балалардың в Қожа Ахмет Ясауи атындағы Халықаралық қазақ-түрік университеті

Гинекологиялық науқастарды диспансерлік бақылау қағидаларын меңгеру. Жасөспірім, репродуктивті және менопаузалық кезеңдердегі аномальді жатырдан қан кетуді диагностикалау және емдеу. Жыныс мүшелерінің, жатырдың, аналық бездердің фондық және ісік аурулары. Нейроэндокриндік синдромдар. Отбасын жоспарлау.Резидент клиникалық диагнозды тұжырымдай алады және халықаралық дәлелді тәжірибе негізінде гинекологиялық науқастарға емдеу жоспарын тағайындай алады. Жұмыста медициналық көмек көрсетудің этикалық және құқықтық негіздері басшылыққа алынады.

Дәлелді тәжірибе негізінде онкогинекологиялық науқастарды диагностикалау және емдеу бойынша білім мен дағдыларды меңгеру. Әйелдердің репродуктивті жүйесінің қатерсіз және қатерлі ісіктері. Жатыр мойын обырына скрининг,трофобластикалық ауру. Жыныс мүшелерінің ісіктерін диагностикалау мен емдеудегі негізгі қателіктер.Акушер-гинекологтың онкологиялық қырағылығы (тәуекел тобы). Онкогинекологиялық аурулардың біріншілік және екіншілік профилактикасының негіздері. Үздіксіз білім алу және кәсіби даму қабілетін уақыт талабына сай меңгереді.

Ана мен перинаталдық асқынулар мен өлімнің қауіп факторларын ескере отырып, жүкті әйелді диагностикалау және жүргізу бойынша білім мен дағдыларды меңгеру; антенаталды кезеңдегі ұрықтың жағдайын бағалау. Ауруханаға дейінгі кезеңде акушерлік шұғыл жағдайда ерте диагностикалау және көмек көрсету. Алдын алу және әйелдердің репродуктивті денсаулығын оңалту. Резидент халықаралық деректер қорынан ақпаратты іздеу үшін зерттеу сұрағын дұрыс құрастыра алады.

Экстрагениталды патологияны диагностикалау, дифференциалды диагностикалау және емдеу бойынша терең білім мен дағдыларды алу: САГ, эндокриндік аурулар, бүйрек және бауыр аурулары, семіздік және т.б. Күрделі экстрагениталды аурулары бар науқастарды жургізу жоспары. Резидент экстрагениталды патологиясы бар әйелдерде жүктілік және босану тактикасын анықтауды үйрену. Зерттеу сұрағын құрастыруға, ақпаратты талдауға үйрету.

Тері-венерологиялық кабинеттер мен стационар жұмысының қағидалары бойынша білім мен дағдыларды меңгереді, диагнозды тұжырымдайды, дәлелді практика негізінде емдеу жоспарын тағайындайды; ЖЖБА-мен науқастарды қарау және анамнез жинау. ЖЖБА клиникасы және диагностикасының жалпы ерекшеліктері. АИВ инфекция және жүктілік. АИВ-ң анасынан баласына берілуінің алдын алу. Интернет-ресурстармен жұмыс жасау кезінде ақпаратты дұрыс тұжырымдауды, сұрақты тұжырымдауды, талдауды үйретеді.

Пәнді оқу процесінде акушерия-гинеколог резиденттерінде дәлелді медицина қағидаттарына негізделген балалар мен жасөспірімдердегі патологиялық жағдайларды диагностикалау мен емдеудің білімі мен дағдылары қалыптасады. Балалар гинекологиясында этика және деонтология дағдылары қалыптасады. Резидент зерттеу мәселесін дұрыс тұжырымдайды және халықаралық дерекқорларды пайдалану кезінде алынған деректерді талдайды. Сондай-ақ үздіксіз білім алу, кәсіби даму және командада оқу қабілетін меңгереді.

Оқу кезінде резидент эндоскопиялық жабдықтармен және аспаптармен жұмыс істеу дағдыларын; дәлелді медицина қағидаттарына негізделген, диагностикалық және емдік лапароскопияны орындау техникасын меңгереді. Пациенттермен, туыстарымен және әріптестерімен жұмыс істеу кезінде коммуникативтік дағдыларды меңгереді. Кәсіби топтар құрамында операциядан кейінгі кезеңдегі асқынулар кезінде шұғыл көмек көрсету дағдыларын меңгереді. Өмір бойы үздіксіз білім алу және кәсіби даму қабілетін меңгереді.

Гинекологиядағы жедел іш ауруы, әйел жыныс мүшелерінің қабыну аурулары, өздігінен түсік түсіру, қатерсіз түзілістерді диагностикалау және емдеу тактикасы бойынша білім мен дағдыларды меңгеру. Гинекологиядағы дифференциалды диагностика және жоспарлы хирургиялық емдеуге көрсеткіштер. Резидент гинекологиядағы шұғыл патология кезінде жедел көмек көрсете алады. Жұмыста қарым-қатынас дағдыларын меңгеру, өздігінен үздіксіз білім алу және оқу қабілеті.

Репродуктивті медицинада қолданылатын Қазақстан Республикасының негізгі нормативтік құжаттары бойынша білімді меңгеру. Эндокриндік бедеулігі бар әйелдерді, әйел жыныс мүшелерінің дамуындағы туа біткен ауытқулардан туындаған бедеулікті жургізу тактикасы. Жұпты ЭКҰ-ға дайындау. Көмекші репродуктивті технология бағдарламаларында овуляцияны индукциялау. Көмекші репродуктивті технологиялардан кейін жүкті әйелдерді жүргізудің ең қауіпсіз және тиімді әдістерін қолдана алады.Үздіксіз білім алу және уақыт талабына сай білім алу қабілетін меңгереді.

Қалыпты босануды және босанғаннан кейінгі кезеңді жүргізу бойынша білім мен дағдыларды меңгеру. Аурухана сатысында ерте диагностика және шұғыл көмек көрсету. Жүктілік және босану кезіндегі акушерлік асқынулар, акушерлік тактика. босандыру әдістері. Акушерлік қан кетулерде, гипертониялық жағдайларда, ЭГП, қағанақ суының ерте кетуі, мерзімінен асқан жүктілік, босану индукциясы, босанғаннан кейінгі іріңді-септикалық аурулар, босану әрікетінің аномалиялары және т.б. диагностикасы және емдеу тактикасы.

Акушерлік және гинекологиядағы шұғыл жағдайларда (қан кету, эклампсия, жатырдан тыс жүктілік, медициналық аборт және т.б.) диагностика және шұғыл көмек және қарқынды терапия дағдыларын меңгеру. Науқастармен, туыстарымен және әріптестерімен жұмыс істеу кезінде коммуникативті дағдыларды меңгереді.Кәсіби топтар құрамында төтенше жағдайларға шұғыл көмек көрсету жұмыстарын меңгереді. Өмір бойы үздіксіз білім алу және кәсіби даму қабілетін меңгереді.

Өз мамандығы бойынша Қазақстан Республикасының Денсаулық сақтау жүйесінің құқықтық және ұйымдастыру алаңы шеңберінде әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби мамандық топ құрамында жұмыс істеуге қабілетті;

Науқас үшін үздік нәтижелерге қол жеткізу мақсатында науқаспен, оның айналасындағылармен, денсаулық сақтау мамандарымен тиімді өзара қарым-қатынас жасауға қабілетті;

Клиникалық диагнозды қалыптастыруға, емдеу жоспарын тағайындауға және медициналық көмек көрсетудің барлық деңгейлерінде дәлелді практика негізінде оның тиімділігін бағалауға қабілетті;

Адекватты зерттеу сұрақтарын тұжырымдауға, кәсіби әдебиетті сыни бағалауға, өзінің күнделікті қызметінде Халықаралық деректер базасын тиімді пайдалануға, зерттеу командасының жұмысына қатысуға қабілетті;

Кәсіби команданың басқа да мүшелерін өз бетінше оқуға және оқытуға, пікірталастарға, конференцияларға және үздіксіз кәсіби дамудың басқа да түрлеріне белсенді қатысуға қабілетті;

Қауіп-қатерлерді бағалауға және жоғары қауіпсіздік деңгейін және медициналық көмек сапасын қамтамасыз ету үшін ең тиімді әдістерді пайдалануға қабілетті;