7R01128 Ангиохирургия ересектердің, балалардың в Қожа Ахмет Ясауи атындағы Халықаралық қазақ-түрік университеті

Пән этиопатогенез, клиника, диагностика және дифференциалды диагностика, емдеу әдістері, алдын алу, шұғыл хирургиялық көмек көрсету, диагностика және емдеу хаттамаларын қолдану мәселелерінде білімін, біліктілігін және дағдыларды қалыптастырады. Резидент хирургиялық стационарда ангиохирург-дәрігердің жұмыс принциптерін үйренеді. Сондай-ақ Қазақстан Республикасының денсаулық сақтау жүйесінің құқықтық және ұйымдастыру алаңы шеңберінде әрекет етеді және ұлт денсаулығын нығайту саясатын жүзеге асыру үшін кәсіптік топтар құрамында жұмыс істей алады.

Пән ангиохирургиялық тәжірибеде диагностиканың заманауи әдістерін, яғни ультрадыбыстық доплерография, ангиография, флебография, болюстік контрастпен МРТ туралы білімді қалыптастырады. Пән зертханалық және аспаптық зерттеу әдістерінің нәтижелерін интерпретациялау біліктіктері мен дағдыларын қалыптастырады және де диагностикалық алгоритмдерді меңгеру негізінде алдын ала және қорытынды диагноз қоюды және дифференциалды диагностика жүргізуді үйретеді. Халықаралық деректер базасын тиімді пайдалана отырып зерттеу командасының жұмысына қатысуға қабілетті.

Пән кеуде қуысының хирургиялық патологиялары кезінде клиникалық диагнозды негіздеуді, науқастың жағдайының ауырлығын бағалауды және қажет болған жағдайда шұғыл және жоспарлы операциялық араласулар жүргізу әдістерін үйретеді. Резидент науқасты емдеу барысында үздік нәтижелерге қол жеткізу мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады. Сондай-ақ төтенше жағдайларда базалық көмек көрсете алады.

Тамырлы патологиясы бар науқастарды жүргізудің тактикасы мен негізгі мәселелерін, аорта мен артериялардағы реконструктивті операциялардың жіктелуі мен терминологиясын зерттейді. Сондай-ақ тамырлы тігісті, тамырды қайта құру принциптерін, тамырлы трансплантацияларды қолдануды, гемодиализдің ангиохирургиялық аспектілерін зерттейді. Флебологиялық профильдегі заманауи миниинвазивті хирургиялық араласуларға қатысады. Резидент қарым-қатынас дағдыларын жетілдіреді, тамырларға хирургиялық араласу дағдыларын меңгереді, үздіксіз кәсіби дамиды, пікірталастарға, конференцияларға белсенді қатысады.

Пән қан тамырлары аурулары немесе жарақаттары бар пациенттерден қарқынды терапияға көрсеткіштерді анықтау, пациенттердің функционалдық жағдайына мониторинг жүргізу үшін анестезиолог дәрігерлермен жұмыс істеу, ауырсыну синдромын жою, пациентке және оның заңды өкіліне жиі кездесетін асқынулардың туындау мүмкіндігі туралы хабарлау мәселелерінде дағдыларды қалыптастырады. Науқастарды емдеу барысында Қазақстан Республикасының денсаулық сақтау жүйесінің құқықтық және ұйымдастыру алаңы шеңберінде әрекет етеді.

Веноздық жеткіліксіздікті, аяқ-қолдардың терең тамырларының жедел тромбозын, веноздық рефлюкс пен лимфа жүйесінің ауруларын диагностикалау мен емдеудің заманауи әдістерін меңгереді. Төменгі аяқтың перфорантты тамырларын эндоскопиялық диссекциялау, сүзгілерді орнату және флебосклероблитерация әдістерін жетілдіреді. Өзінің күнделікті қызметінде Халықаралық деректер базасын тиімді пайдаланады және Қазақстан Республикасының Денсаулық сақтау жүйесінің құқықтық және ұйымдастырушылық алаңы шеңберінде әрекет етеді.

Резидент пәнді игеру барысында ангиохирургиялық патологиясы бар науқастарды амбулаториялық деңгейде лабораториялық және диагностикалық әдістерін қолдана отырып ангиохирургиялық көмек көрсете алады. Білім алушы ангиохирургиялық көмектің сапасы мен қауіпсіздігінің жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті. Және де өзінің күнделікті қызметінде Халықаралық деректер базасын тиімді пайдаланады.

Магистральды артерия аурулары, аорта доғасының тармақтарының окклюзиясы мен стенозы (созылмалы цереброваскулярлық жеткіліксіздік), спецификалық емес қолқа артерииті, Такаясу синдромы, кеуде қуысының шығу синдромы, Рейно ауруы, төменгі аяқтың ишемиясы (феморальды поплитеальді-тибиялық сегменттің окклюзиясы), Бюргер ауруы, ангионевроз кезінде клиникасын, диагностикасын, емдеу және алдын алу әдістерін зерттейді. Резидент пациенттермен тиімді қарым-қатынас жасайды, перифериялық артерияларда тиімді хирургиялық араласуды меңгереді.

Пән хирургиялық дағдыларды, яғни тігіс салу техникасын, біріншілік хирургиялық өңдеу принциптерін, новокаинды блокадаларды, трахеостомия, коникотомия, әр түрлі қуыстардың пункциясын, қан кету кезінде көмек көрсету және қан құю ережелерін үйретеді. Науқастарды емдеу барысында науқас үшін үздік нәтижелерге қол жеткізу мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады және неғұрлым тиімді әдістерді пайдалана алады.

Пәнді игеру барысында қант диабеті бар науқастарға мамандандырылған стационарлық хирургиялық көмек көрсету принциптері үйренеді. Диабеттік табан синдромы бар науқастарды стационарлық және емханалық деңгейде емдеу барысында пациент үшін үздік нәтижелерге қол жеткізу мақсатында пациентпен, оның ортасымен, денсаулық сақтау мамандарымен тиімді өзара іс-қимыл жасай алады. Және де Қазақстан Республикасының денсаулық сақтау жүйесінің құқықтық және ұйымдастыру алаңы шеңберінде әрекет етеді.

Пәнді игеру барсында резидент миокардтың реваскуляризациясы кезінде аз инвазивті және гибридту оталардың негізгі түрлерінің көрсеткіштері мен қарсы көрсеткіштерін, орындау техникасын үйренеді. Сондай-ақ білім алушы Халықаралық деректер базасын тиімді пайдалана отырып, емдеу нәтижелерін бағалау, асқынуларды болжау және алдын алу дағдыларын үйренеді. Науқасты емдеу барысында ҚР денсаулық сақтау жүйесінің құқықтық және ұйымдастыру алаңы шеңберінде әрекет етеді.

Резидент кеуде аортасының аневризмаларын, аорта коарктациясын, торакоабдоминальды аневризмаларын диагностикалау мен емдеудің заманауи әдістерін меңгереді, сондай-ақ аневризмалар кезінде перифериялық артерияларды реконструкциялау, протездеу арқылы қолқа аневризмасын резекциялау, сызықтық протездеу арқылы қолқа коарктациясын резекциялау сияқты манипуляция жүргізеді. Резидент пациенттермен жұмыс істеу кезінде коммуникативтік дағдыларды жетілдіреді, аневризмалар кезінде хирургиялық араласудың жалпы принциптерін меңгереді, пікірталастарға, конференцияларға белсенді қатысады, үздіксіз кәсіби дамиды.

Пәнді игеру барысында туа біткен, жүре пайда болған жүрек ақауларын, жүректің ишемиялық ауруын клиникалық-зертханалық диагностикалау, шұғыл кардиохирургия бойынша білім мен дағдыларды қалыптастырады, электрокардиостимуляция негіздерімен таныстырады. Білім алушы анестезияның ерекшеліктерін және жүрек-қан тамырлары хирургиясындағы жүрек-қан айналымы әдістерін меңгереді. Резидент сонымен қатар өзін және басқа кәсіби топ мүшелерін оқыта отырып, пікірталастарға, конференцияларға және үздіксіз кәсіби дамудың басқа түрлеріне белсенді қатысады.

Пәннен өту кезінде іштің аорта окклюзиясы, Лериш синдромы (іштің аорта бифуркация синдромы), созылмалы абдоминальды ишемия синдромы, жыныс мүшелерінің ишемиясы синдромы (тамырлы генездің импотенциясы) сияқты аурулардың клиникасы, диагностикасы және емі зерттеледі. Іштің аортасының висцеральды тармақтарын қалпына келтіру әдістерін, сондай-ақ аорта феморальды сегментінде қайталама операцияларды жүргізеді. Резидент кәсіби әдебиеттерді сыни тұрғыдан бағалайды, халықаралық мәліметтер базасын пайдаланады.

Резидент төменгі аяқтың ишемиясы, іштің аорта окклюзиясы, торакоабдоминальды аневризма, жедел перикардит, қан тамырларының жарақаты, оқ жарақаты және аяқ-қол тамырларының зақымдануы, жедел артериялық обструкция, жоғарғы аяқ-қол артерияларының тромбозы және эмболиясы, өкпе эмболиясы кезінде шұғыл көмек көрсете алады. Резидент зерттеудің аспаптық және зертханалық әдістерін дербес тағайындайды, ангиохирургияның шұғыл жағдайларында клиникалық диагнозды тұжырымдайды, коммуникативтік дағдыларды жетілдіреді.

Магистральды артериялардың патологиясымен байланысты артериялық гипертонияны, осы жағдайлардағы хирургиялық тактиканы зерттейді. Қан тамырлары ісіктері мен химодектомаларды емдеу клиникасын, диагностикасын және тактикасын зерттейді. Тамыр жүйесінің туа біткен ауруларын, диагностика әдістерін және амбулаториялық кезеңді жүргізу тактикасын зерттейді, сондай-ақ туа біткен тамыр жүйесінің патологиясын емдеудің операциялық әдістерін зерттейді. Резидент ең жақсы нәтижеге қол жеткізу үшін денсаулық сақтау мамандарымен тиімді әрекеттесе алады.

Резидент жүрек және қан тамырлары ауруларын сәулелік диагностикалау принциптерін зерттейді. Пән ұйқы, омыртқа, висцеральды және төменгі аяқ артерияларының зақымдануын диагностикалау мен емдеудің рентгенэндоваскулярлық әдістерін үйретеді. Тәуекелдерді ескере отырып, резидент кеуде және іштің аорта аневризмасы, вазоренальды гипертензия, өкпе эмболиясы, бронх және өкпе қан кетулері үшін рентгенэндоваскулярлық араласуларды орындайды және ӨАТЭ-нің алдын алу шараларын қалыптастырады.

ангиохирургиялық патологиясы бар пациенттерге медициналық көмек көрсетудің барлық деңгейлерінде дәлелді практика негізінде оның тиімділігін бағалауға, тексеру жүргізуге, клиникалық диагнозды тұжырымдауға, емдеу жоспарын тағайындауға қабілетті;

пациент үшін үздік нәтижелерге қол жеткізу мақсатында пациентпен, оның айналасымен, денсаулық сақтау мамандарымен тиімді өзара іс-қимыл жасауға қабілетті. Ангиохирургиялық стационарда медициналық персонал жұмысының ұйымдастырушылық, медициналық және деонтологиялық ерекшеліктерін игеруге қабілетті;

медициналық көмектің қауіпсіздігі мен сапасының жоғары деңгейін қамтамасыз ету үшін тәуекелдерді бағалауға және неғұрлым тиімді әдістерді пайдалануға қабілетті. Адекватты терапияны өз бетінше тағайындауға, ангиохирургиялық патологиясы бар пациенттерге қажетті шұғыл көмек көрсетуге, шұғыл және жоспарлы операциялық араласуларға көрсеткіштер мен қарсы көрсеткіштерді анықтауға қабілетті;

Қазақстан Республикасы Денсаулық сақтау жүйесінің құқықтық және ұйымдастыру саласы шеңберінде өз мамандығы бойынша әрекет етуге, төтенше жағдайларда базалық көмек көрсетуге, ұлт денсаулығын нығайту саясатын жүзеге асыру үшін кәсіби емес командалар құрамында жұмыс істеуге қабілетті. Пациенттерге ангиохирургиялық көмек көрсетуді ұйымдастырудың, жедел шұғыл көмек, реабилитация жұмысын ұйымдастырудың теориялық мәселелерін меңгеруге қабілетті;

барабар зерттеу мәселелерін тұжырымдауға, кәсіби әдебиетті сыни бағалауға, өзінің күнделікті қызметінде халықаралық дерекқорларды тиімді пайдалануға, зерттеу командасының жұмысына қатысуға қабілетті;

өз бетінше оқуға және кәсіби команданың басқа мүшелерін оқытуға, пікірталастарға, конференцияларға және үздіксіз кәсіби дамудың өзге де нысандарына белсенді қатысуға қабілетті.