6B02266 Исламтану в Қожа Ахмет Ясауи атындағы Халықаралық қазақ-түрік университеті

Пәннің мақсаты Хз. Пайғамбар кезеңі, Рашид халифалар, Әмәуилер, Аббасилер кезеңінің діни, саяси және мәдени тарихы туралы таныстыру және Орта Азияға ислам дінінің келу тарихы туралы мағлұмат беру. Пәнді оқу нәтижесінде студент ислам тарихын оқып, білу арқылы бүгінгі таңдағы ислам әлемінде кездесіп жатқан мәселелерге түсініктеме бере алады, мәселелердің шешу жолдарын табуда тарихи тәжірибеден пайдалану мүмкіндігіне ие болады.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Пәннің мақсаты ислам дінінің сенім негіздерін, иманның мән-мағынасын, иманға байланысты ұғымдарды меңгерту. Пәнді оқу нәтижесінде студент иман-ислам және иман-амал арақатынасын меңгере отырып, исламдағы бес парыз, иманның шарттарын, ислам дінінің қайнар көздері мен ұстанымдарын және құлшылық түрлері мен шарттарын, адамдар арасындағы қарым-қатынас әдебін дәстүрлі діни таным негізінде түсіндіре алу дағдысын қалыптастырады.

Пәннің мақсаты Құран Кәрімдегі қысқа сүрелерді, аяттарды тәжуид ережелеріне сай оқуды меңгерту. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқу және тәжуид ережелерін меңгеріп, Құран сүрелерін оқу, жаттау барысында практикалық тұрғыдан тәжуид ережелерін қолдануды үйренеді, Құран Кәрім сүрелерін өз бетінше еркін оқу және жаттау дағдысын қалыптастырады.

Бұл курс академиялық B2 деңгейіндегі түрік тілінің негізгі стандартын үйренуге арналған. Курс техникалық (мамандандырылған) тақырыптарды қоса алғанда, түрік тіліндегі нақты және дерексіз тақырыптар бойынша күрделі мәтіндерді ұсынады. Курстың мақсаты-академиялық тілді жетілдіру. Пәнді оқу нәтижесінде студент әртүрлі тақырыптар бойынша түсінікті, егжей-тегжейлі мәтін құра алады, өз көзқарасын түсіндіре алады, тақырып бойынша әртүрлі көзқарастарды қолдай алады және оларға қарсы дәлелдер келтіре алады.

Пәннің мақсаты араб тілінің фонетикалық, грамматикалық және лексикалық ережелерін білу арқылы, ауызша және жазбаша түрде қарапайым тұрмыстық сөйлемдерді меңгерту. Пәнді оқу нәтижесінде студент араб тілінің ережелеріне сай өз ойын ауызша және жазбаша түрде жеткізе алады, араб тіліндегі қарапайым мәтіндерді оқып, түсінеді. Араб тілінде жазылған еңбектерді түпнұсқа дереккөздерден оқиды және аудару дағдыларын қалыптастырады.

Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудру дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сондай-ақ, студент өз мүдделері мен сұхбаттасушының мүдделері үшін екіжақты ақпарат алмасуды тиімді қамтамасыз ете алады.

Пәннің мақсаты Құран Кәрімдегі ұзын сүрелер мен аяттарды тәжуид ережелеріне сай оқуды меңгерту. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқу және тәжуид ережелерін меңгеріп, Құран сүрелерін оқу, жаттау барысында практикалық тұрғыдан тәжуид ережелерін қолдануды үйренеді, Құран Кәрім сүрелерін өз бетінше еркін оқу дағдысын қалыптастырады.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пәннің мақсаты студенттерді араб тіліндегі қарапайым және күрделі сөйлемдерді қолдануға машықтандыру және араб тілінің грамматикалық ережелеріне сай теологиялық мәтіндерді оқып, аударуды меңгерту. Пәнді оқу нәтижесінде студент араб тілінің ережелеріне сай өз ойын ауызша және жазбаша түрде жеткізе алады, теологиялық мәтіндерді оқып, түсінеді. Араб тілінде жазылған еңбектерді түпнұсқа дереккөздерден оқиды және аудару дағдыларын меңгереді.

Пәннің мақсаты хадис ғылымының қалыптасуы мен даму кезеңдерін, хадис саласында жазылған еңбектер, хабарлардың түрлерін (мутәуатир, ахад) қарастырады. Пәнді оқу барысында студент хадис әдісі мен тарихына қатысты классикалық және заманауи дереккөздерді қолданып, тарихи кезеңдер ішінде хадистерді түсіндіру мен көзқарас айырмашылықтарын ескере отырып, хадистерді дұрыс қолдануды меңгереді. Курста семантикалық және герменевтикалық әдістер қолданылады.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағыдаланады.

Пән көшбасшылық қасиеттерді, стильдерді, әсер ету әдістерін тиімді қолдану арқылы адамдардың мінез-құлқы мен өзара әрекетін тиімді басқару әдістемесі мен практикасын қарастырады. Білімгер өзінің күшті жақтары мен ортаның мүмкіндіктерін ұтымды пайдаланып, қызметінде кәсіби, академиялық, ғылыми және әлеуметтік қарым-қатынастар орнату дағдыларын меңгереді. Оқу курсында басты назар басшылықтың тиімділігін, оның кәсіби мінез-құлқының икемділігі мен барабарлығын арттыру, басқару құралдарын толық пайдалануды үйренеді.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пәннің мақсаты діндердегі наным-сенім үлгілерін зерделеу арқылы діндердің адам өміріндегі қызметін ашып көрсету, студенттерге барлық діни дәстүрлердегі кейбір ортақ ұғымдар туралы салыстырмалы түсінік беру. Пәнді оқу нәтижесінде студент әртүрлі діндердің тарихы мен даму кезеңдерін, діндердің практикалық өлшемдері туралы білімге ие болып, діндердегі ғибадатхана, құлшылық және Құдай, ақырет және тағдыр ұғымдарын біледі.

Пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және жан-жақты талдау дағдыларын меңгеруге, өткен мен бүгінгі күннің тарихи процестерінің мән-жайын түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пәннің мақсаты Құран тарихы, Құран ілімдері, Хз. Пайғамбардың тафсир саласындағы орны мен маңызы, тафсирдің түрлері, Құранды түсіндірудегі жаңа әдістер қарастырылады. Пәнді оқу нәтижесінде студент Құран мен тафсирге қатысты негізгі ұғымдарды біледі, араб тілінің грамматикалық ерекшеліктерін пайдалана отырып классикалық және замауани тафсирлерді оқып түсінуді және тафсир түрлері арасында байланыс құруды меңгереді.

Пән ясауилік құндылықтармен таныстырады, академиялық, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастырады. Білім алушы ясауи мәдениетінің ерекшелігін түсініп, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын саралап, белсенді кәсіби, әлеуметтік қатынас орнату қабілеттерін қалыптастырады.

Пән исламда философиялық ұғымдардың қолданылу ауқымын, антика философиясымен салыстырылуын, философтардың географиялық-климаттық тұрғыда жіктелулерін, ислам ойшылдары мен олардың шығармаларын зерттеуге бағытталған. Пәнді оқу нәтижесінде студент ислам философиясы тарихындағы маңызды өзгерістер мен концепцияларды біледі, әр кезеңдегі философиялық ойларды салыстырады және қазақ дін ойшылдарының философиялық көзқарастарына талдау жасап, өз ойын айта алу және оны күнделікті өмірде қолдану дағдысын қалыптастырады.

Пән мемлекеттегі конфессияаралық қатынастарда туындайтын мәселелерді заңнамалық тұрғыдан шешу жолдарын қарастырады. Курс барысында студенттер дін және адам құқығы, ар-ұждан және діни сенім бостандығы, діни бірлестіктер әрекетінің конституциялық-құқықтық негіздері, мемлекет және діни бірлестіктер, ҚР-ғы және шет елдердегі мемлекеттік-конфессияаралық қатынастар, шет елдердің дін туралы заңнамалары, зайырлық қағидаты, конфессияаралық келісімді сақтау мәселелерін меңгереді.

Пәннің мақсаты тасаууфтың пайда болуы мен даму кезеңдерін қарастыра отырып, тасаууф тарихы мен философиясына қатысты классикалық және қазіргі әдебиеттердің мазмұнымен таныстыру және қазіргі таңдағы сопылық көзқарастар туралы білім беру. Пәнді оқу нәтижесінде студент сопылықтың қалыптасуы мен тарихи кезеңдерін және тасаууфтың басқа ғылымдармен байланысын меңгереді, тасаууф саласындағы негізгі қайнаркөздерді анықтап, сопылық тариқаттардың ерекшеліктерін зерттеу дағдыларын меңгереді.

Пәннің мақсаты кәлам ілімінің қалыптасуы мен даму тарихын, кәлам мектептерінің доктриналық ерекшеліктері мен ұстанымдарын қарастырады. Пәнді оқу нәтижесінде студент кәлам ілімінің пайда болуындағы теологиялық, саяси, психологиялық және әлеуметтік-мәдени себептерді, олардың мұсылман қоғамындағы көріністерін талқылап, талдау дағдыларын қалыптастырады. Алғашқы кезеңнен қазірге дейінгі кәламның тарихи құрылымын, қалыптасуы мен кезеңдерін классикалық және заманауи аспектілерімен танып, талдау үшін жеткілікті салалық білімге ие болады.

Пәннің мақсаты Құран Кәрімнің ясин, мүлік, рахман, нәбә сүрелерін және жиырма тоғызыншы парадағы сүрелерді тәжуид ережелеріне сай оқуды меңгерту. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқу және тәжуид ережелерін меңгеріп, Құран сүрелерін оқу, жаттау барысында практикалық тұрғыдан тәжуид ережелерін қолдануды үйренеді, Құран Кәрім сүрелерін өз бетінше еркін оқу дағдысын қалыптастырады.

Пәннің мақсаты ислам құқығындағы негізгі ұғымдарды, ислам құқығының басқа ғылымдармен байланысын, шариғи дәлелдер, негізгі және қосымша қайнар көздер, үкімдер және оның түрлерін қарастырады. Пәнді оқу нәтижесінде студент ислам құқығында ханафи мазхабы негізінде үкім шығару әдістерін меңгере отырып, ахкам аяттар мен хадистерден үкім шығарудың жолдарын үйренеді, үкім шығару әдістері арасында салыстыру дағдысын қалыптастырады.

Пән дін психологиясының негізгі бағыттары мен оның даму тарихы туралы үйретеді. Пән танымдық, эмоционалды ерік-жігерді сипаттайтын ұғымдық аппаратты, діндар адамдардың психикасының мотивациялық және реттеуші салалары, күшті және әлсіз жақтары, қалыптасу және даму ерекшеліктерін айқындау дағдыларын қалыптастырады. Білім алушы алған білімін субъектінің діни санасына бақылау жүргізу және дінге сенуші адамның психикалық жағдайын, ерекшеліктерін сипаттау үшін қолданады.

Пәннің мақсаты қазақ даласынан шыққан дін ойшылдарының рухани-мәдени мұрасын және олардың ислам діні туралы айтқан ойлары және көзқарастарымен таныстыру. Пәнді оқу нәтижесінде студент қазақтың дін ойшылдарының дін және жалпы адамзаттық құндылықтар туралы көзқарастарын зерттеп, олардың арасындағы рухани сабақтастықты және дәстүрлі діни танымның қалыптасуына қосқан үлесін білу арқылы дін мен дәстүр арақатынасын меңгереді.

Пән діни фанатизмнің тарихи аспектілері мен этимологиясын, діни радикализм психологиясының ерекшеліктерін зерттеуге бағытталған. Пәнді оқу нәтижесінде студент діни-құқықтық және зайырлылық ұстанымдар негізінде діни радикализм психологиясының ерекшеліктерін, діни радикализмнің және деструктивті діни ағымдардың қоғамға және мемлекетке қауіптілігін және діни феномендер жүйесіндегі радикал ағымдардың орны мен оның психологиялық, психопатологиялық, психоәлеуметтік тұрғыдан түсіндірмелерін меңгереді.

Пәннің мақсаты тарихи үдерістегі өзгермелі жағдайлар мен қажеттіліктерге байланысты пайда болған кәлам мәселелерімен таныстыру және олардың шешу жолдары туралы мағлұмат беру. Пәнді оқу нәтижесінде студент сенім мәселелерін рационалды әрі дәлелді негіздемелер келтіріп түсіндіре алады, кәлам ілімінің мәселені шешу логикасы мен әдісін меңгеріп, себеп-салдар байланысын орнатады. Кәлам ілімінің басқа ғылым салаларымен байланысын меңгереді.

Пәннің мақсаты Құран кәрімнің жиырма сегізінші және жиырма тоғызыншы парадағы сүрелерді тәжуид ережелеріне сай оқуды меңгерту. Пәнді оқу нәтижесінде студент араб әріптерінің дыбысталу ерекшеліктерін (махраждарын), араб әріптерін қосып оқу және тәжуид ережелерін меңгеріп, Құран сүрелерін оқу, жаттау барысында практикалық тұрғыдан тәжуид ережелерін қолдануды үйренеді, Құран кәрім сүрелерін өз бетінше еркін оқу дағдысын қалыптастырады.

Пәннің мақсаты студенттердің кәсіби тұрғыдан дамуы үшін діни шешендік өнер туралы білім беру және алған білімін тәжірибеде көрсетуді көздейді. Пәнді оқу нәтижесінде студент уағыз және құтпа ұғымдарының анықтамасын, діни шешендік өнердің түрлері мен діни рәсім ерекшеліктерін меңгеріп, мешіттерде, діни білім беру мекемелерінде, медреселерде, Құран курстарында кәсіптік білімдерін қолданады, құтпа және уағыз жасау дағдыларын қалыптастырады.

Пәннің мақсаты сопылық тарихы мен философиясы бойынша классикалық және қазіргі дереккөздермен таныстыру, сопылықтың пайда болуы мен тарихи дамуын түсіндіру, қазіргі сопылық түсініктер туралы білім беру. Пәнді оқу нәтижесінде студент тасаууф тарихындағы маңызды орын алатын тариқаттар кезеңінің негізгі ерекшеліктерін, тариқаттардың ортақ элементтерін және тасаууфтағы антологиялық және эпистемиологиялық көзқарастарды зерттей отырып, тасаууф туралы айтылған әртүрлі сындарды ескеріп, қорытынды шығару дағдыларын меңгереді.

Пән дiн мен қоғамның өзара әрекеттесу формалары мен әдісерін және діни секталардың пайда болуының әлеуметтік-саяси себептерін зерттеуге бағытталған. Пәнді оқу нәтижесінде студент дін социологиясындағы негізгі ұғымдарды меңгере отырып, әртүрлі діни топтар мен ағымдардың қоғамдағы орны мен роліне әлеуметтік тұрғыдан талдау жасайды. Қоғамдағы дінаралық, этносаралық және конфессияаралық қақтығыстар бойынша алдын-алу шараларын ұсынады.

Пәннің мақсаты студенттерге тарихи кезеңдерде ғылым мен дін арақатынасы және исламның негізгі қайнаркөздеріндегі ғылым мен білімнің ролі мен маңызы туралы білім беру. Пәнді оқу нәтижесінде студент ислам ғылымдарының ерекшеліктерін, дін мен ғылым арасындағы байланысты үйренеді, ислам дінінің және мұсылман ғалымдардың ғылым мен мәдениетке, әлемдік өркениеттің дамуына қосқан үлестері туралы білімді меңгереді.

Пәннің мақсаты ислам құқығы ғылымының тарихи даму кезеңдері, құқықтық мазхабтардың пайда болу себептері, мазхаб ұстанудың үкімі, басты ислам мазхабтары, ислам дінінің құқықтық мазхабтары туралы жалпы түсінік қалыптастыру. Пәнді оқу нәтижесінде студент исламдағы құқықтық мазхабтарды салыстырып, талдау жасау әдістерін үйренеді, қазіргі таңдағы қоғамда туындаған діни-құқықтық мәселелерді зайырлылық ұстаным негізінде түсіндіруді меңгереді

Пәннің мақсаты ислам экономикасына қатысты негізгі ұғымдарды, исламда сауда-саттық мәселелерін, мүлік, меншік құқығы, өсім, кредит, банк қызметтері және қаржылық операцияларды ислам құқығы тұрғысынан түсіндіру. Пәнді оқу нәтижесінде студент қазіргі таңдағы туындаған ислам экономикасына қатысты мәселелердің шешімін табуды, ислам дереккөздері негізінде қазіргі таңдағы банк қызметтерінің жүйесін зерттеуді, пайыз, кредиттік карта және құнды қағаздардың шариғаттағы үкімін білуді меңгереді.

Пәннің мақсаты Ханафилік және Матуридилік ілімдер негізінде ғасырлар бойы қалыптасқан қазақ діни дәстүрлерінің ерекшеліктері мен қазақ ойшылдарының шығармашылығы, ұстанымдары, діни көзқарастарының исламдық діни құндылықтарымен сабақтастығы туралы білім беру. Пәнді оқу нәтижесінде студент қазіргі қоғамдағы тұрақтылыққа кері ықпалын тиігізіп отырған деструктивті діни топтардың теріс танымы мен ханафилік және матуридилік ілімдерінің оңды позициялары туралы теологиялық тұрғыдан зерттеу жүргізу дағдыларын меңгереді.

Пән ислам дінінің дiни-көркемдiк даму заңдылықтарын, өнер мен дiн арасындағы кездесетiн рухани өмiрдiң эстетикалық-көркемдiк, дiни-культтiк көрiнiстерiндегi ерекшелiктерін, исламдық өнер туындыларын зерттеуге бағытталған. Пәнді оқу нәтижесінде студент мәдени дәстүрлердің киелілік сипатының қалыптасу негіздеріне талдау жасап, мәдени дәстүрлердің жалпы білім жүйесіндегі орны, исламдық әдебиет және сәулет туындылары, олардағы безендіру мотивтері мен тәсілдері туралы жалпы мәліметке ие болады.

Пән түркі халықтарының мәдени дәстүрлері мен ислам діні арасындағы сабақтастық пен олардың өзара ықпалдастығына қатысты мәселелерді қарастырады. Пәнді оқу нәтижесінде студент түркі халықтарының ислам дінін қабылдау үдерісі мен мәдени дәстүрлерін сақтап қалуларына қатысты білімге ие болып, түркі халықтарының рухани құндылықтары, әдет-ғұрыптары, салт-дәстүрлері мен ислам дінінің үйлесімділігі туралы зерттеу дағдыларын қалыптастырады.

Пәннің мақсаты исламдағы көркем жазу (каллиграфия) және ортағасырлық жазу (эпиграфика) түрлерін, қол жазбалар мен сәулет туындыларындағы жазу үлгілерінің ерекшеліктерін үйретеді. Пәнді оқу нәтижесінде студент ислам каллиграфиясы және эпиграфикасындағы жазу түрлері мен жазу әдістерін игеріп, өткен ғасырлардағы мәдениеттің әлемдік мұраға қосқан үлесі туралы зерттеу жүргізу, ескі қолжазбалардағы жазу түрлерін оқу дағдыларын меңгереді.

Пәннің мақсаты студенттерге Құран Кәрімнің басқа тілдерге аударылуы, соның ішінде қазақ тіліне аударылу тарихи туралы білім беру және аудармалардағы кездесетін кейбір мәселелерді салыстыра отырып түсіндіру. Пәнді оқу нәтижесінде студент аударманың (тәржімә) түрлерін, Құран Кәрімнің өзге тілдерге аударылу тарихын, Құранның қазақ тіліне аударылу кезеңдерін меңгере отырып, әртүрлі тілдерге аударылған құран аяттарының мағынасын салыстыра отырып зерттеу жасау дағдыларын игереді.

Пәннің мақсаты этиканың қайнар көздері, Құранға және хадиске негізделген этикалық нормалар мен ережелер, этика және құндылық философиясы, жақсылық пен жамандық ұғымдары туралы білім беру. Пәнді оқу нәтижесінде студент ислам этикасының мәні мен маңызын, ислам этикасының қайнаркөздерін және оның негізгі мәселелерін меңгере отырып, ислам құндылық философиясы мен батыстық құндылық философиясын салыстыру дағдыларын игереді.

Пәннің мақсаты классикалық ислам мәтіндеріндегі теологиялық және құқықтық мәселелердің түсіндірмелері мен интерпретацияларды түпнұсқадан оқып, олардың ерекшеліктері туралы жалпы түсінік қалыптастыру. Пәнді оқу нәтижесінде студент Құран, тафсир, хадис, сияр, тасаууф, фиқх, кәлам, мазхабтар тарихы, ислам тарихы сияқты ислам ғылымдарының әртүрлі салалары бойынша жазылған классикалық мәтіндермен танысып, түпнұсқадан оқып зерделеу дағдыларын меңгереді.

Пәннің мақсаты студенттерге хадистердің түрлері, мазмұны, негізгі хадис қайнаркөздері және олардың ерекшеліктері туралы білім беру. Пәнді оқу нәтижесінде студент өзіне ұсынылған хадис мәтіндерін және ұқсас хадистерді классикалық және заманауи әдістерді қолдана отырып, басқа дереккөздерден іздеп табу, хадис мәтіндерін дәстүрлі діни танымға сай дұрыс түсіндіру және заманауи тұрғыдан талдау жасау дағдыларын меңгереді.

Пәннің мақсаты тафсир мәтіндерін оқу арқылы Құран және тафсир туралы білімдерін арттыру, әртүрлі бағытта жазылған тафсирлерді салыстыра отырып білім беру. Пәнді оқу нәтижесінде студент Құран тафсиріне байланысты негізгі деректерді біледі, араб тілінің грамматикалық ережелерін қолдана отырып классикалық және қазіргі тафсир мәтіндерін оқып түсінеді, әртүрлі бағытта жазылған тафсирлерді заманауи әдістерді қолдана отырып, Құран аяттарын дәстүрлі діни танымға сай дұрыс түсінуді меңгереді.

Пәннің мақсаты ислам фикхының негіздері мен әдістемесін, тарихи даму кезеңдерін және фикх мазхабтарының ерекшеліктерін салыстыру арқылы білім беру. Пәнді оқу нәтижесінде студент классикалық және заманауи фиқх мәселелерін, исламдағы құқықтық мазхабтар арасындағы ұқсастықтар мен айырмашылықтарды салыстыра отырып, діни құқық пен зайырлы қоғам, мемлекеттік құқық арақатынасы мәселелерін шешудегі ұстанымдар мен әдістерді меңгереді.

Пән адамның, қоғам мен мәдениеттің шығу тегін, діндердің адамдардың мәдени өміріндегі қызметін және діндердің шынайы мәнін ислам антропологиясы тұрғысынан зерттеуге бағытталған. Пәнді оқу нәтижесінде студент ислам ғалымдарының антропологиялық көзқарастарын меңгере отырып, исламдағы антропологиялық категориялардың мазмұнын түсінеді, адам болмысының жаратылу мақсаты мен мәнін ұғынады, басқа діндердегі антропологиялық мәселелерге салыстырмалы түрде баға беру дағдыларын игереді.

Пәннің мақсаты студенттерге дін философиясының анықтамасы, оның басқа ғылымдармен байланысы, дін мен философия арақатынасы және құдай, әлем, адам байланысы туралы білім беру. Пәнді оқу нәтижесінде студент құдай болмысына қатысты дәлелдерді, атеизм, жақсылық пен жамандық, әділдік пен зұлымдық категорияларын, теодиция түсінігін және дін, ғылым, ахлақ және қоршаған орта байланысын философиялық тұрғыдан зерделеуді меңгереді.

Пәннің мақсаты студенттерге теологиялық мектептердің ілімдері туралы салыстырмалы ақпарат беріп, соның ішінде матуриди кәламының ерекшеліктерімен таныстыру. Пәнді оқу нәтижесінде студент тарихи кезеңдердегі матуриди кәламының ғалымдары мен еңбектерін және матуриди кәламының тарихи құрылымы мен қалыптасуын меңгере отырып, ислам теологиясында имам Матуридидің орны мен маңызын біледі, ислам теологиясының қалыптасуына ықпал еткен факторларды дәлелді және рационалды түрде талдау жасау қабілетін дамытады.

Пәннің мақсаты ислам тарихындағы алғашқы мазхабтардың пайда болуындағы сенімдік, құқықтық, саяси мазхабтардың қалыптасуына ықпал еткен факторлар, қазіргі таңдағы әлемдегі исламдық сипаттағы діни ағымдардың және діни түсініктердің шығу себептері мен олардың қоғамға әсері туралы білім беру. Пәнді оқу нәтижесінде студенттер ислам мазхабтарына қатысты негізгі ұғымдарды, мазхабтар арасындағы айырмашылықтарды біледі, қазіргі таңдағы ислам ағымдарының доктриналық ұстанымдарын зерделеу дағдыларын меңгереді.

Кәсіби қызметінде ғылыми зерттеу әдістерін, академиялық жазба негіздерін және академиялық адалдық принциптерін қолданады

Интернационалдық ортада мемлекеттік және шет тілдерінде кәсіби, академиялық, ғылыми және әлеуметтік қарым-қатынас жасайды

Ислам тарихындағы діни мектептер мен қазіргі ағымдардың байланыстары мен ерекшеліктерін тұжырымдайды

Дәстүрлі діни таным мен зайырлылық ұстанымдарды меңгере отырып, мемлекеттік-конфессиялық қатынастар саласындағы мәселелерді шешуде ұсыныстар дайындайды

Ислам тарихы, мәдениеті мен өнері салаларындағы білімді меңгеріп, әртүрлі мәдениеттерге төзімділік танытуға негізделген әлемдік діндердің әлеуметтік-этикалық құндылықтарын кәсіби қызметінде қолданады

Кәсіби қызметінде қоғамның рухани құндылықтарын және экономикалық, экологиялық, құқықтық және сыбайлас жемқорлыққа қарсы қағидаттарды сақтайды

Ислам діни мәтіндерін оқу, түсіндіру, қолдану саласында негізгі теориялық білімін көрсетеді

Ислам ғылымдарының қалыптасуы мен даму кезеңдерін, негізгі теориялар мен әдістемесін меңгеріп, қоғамдағы діни проблемаларды шешуде кәсіби білімін қолданады

Зерттелетін салада мәліметтерді жинақтау және сыни көзқараспен талдау нәтижесінде өз бетінше шешімдер қабылдау арқылы көшбасшылық қабілетті қалыптастырады