7M04222 Құқық в Қожа Ахмет Ясауи атындағы Халықаралық қазақ-түрік университеті

Пән заң ғылымының, мемлекет пен құқықтың қазіргі заманғы тұжырымдамаларының өзекті ғылыми және практикалық мәселелерін зерттейді. Пәнді оқытудың мақсаты - мемлекеттік-құқықтық процестер, қазіргі заманғы құқықтану мен құқықтық институттардың негізгі бағыттары туралы ғылыми түсініктер туралы білім алу. Пәнді оқу құқықтық түсінудің қазіргі заманғы тұжырымдамаларын ғылыми талдау дағдыларын игеруге; әлеуметтік институттарды зерттеуге өзекті әдіснамалық тәсілдерді қолдануға; ғылыми зерттеулердің аналитикалық әдістемесін меңгеруге мүмкіндік береді.

Пән магистранттарды әдістемелік негіздері саласындағы білімдерін дамыта отырып, эмпирикалық зерттеулер жүргізуге үйретеді. Пәнді оқу барысында магистранттар ғылыми әдебиеттермен жұмыс жасауға, зерттеу жоспарын жасауға, гипотезаны құруға, зерттеу дизайнын эксперименттік әдістерді, сауалнамаларды, ашық сұхбаттар мен бақылауларды қоса алғанда, экспериментті әзірлеуге және жүргізуге проблемалық сұрақтарды талдауға дағдыларын қалыптастырады және ғылыми зерттеудің негізгі түрлерін анықтап, негіздеуді үйренеді.

Пән әкімшілік-құқықтық нормаларды іске асыру проблемаларын, әкімшілік құқық субъектілерінің әкімшілік-құқықтық мәртебесі мен процесінің, әкімшілік-рәсімдік іс жүргізудің ерекшеліктерін зерттейді. Пәнді оқытудың мақсаты әкімшілік-құқықтық институттардың негізгі теориялары мен тұжырымдамалары туралы білімді қалыптастыру болып табылады. Пән әкімшілік және әкімшілік-процестік заңнаманы бағалаудың, атқарушы билік органдарының қызметіне байланысты мәселелер бойынша құқықтық құжаттарды дайындаудың практикалық білік пен дағдыларды игеруге мүмкіндік береді.

Құқықтық талдау әдістемесі-құқықтық талдаудың тәсілдері мен әдістерін, ғылыми әдіснаманы құқық қолдану және заң шығару құралы ретінде зерттейтін пән. Пәнді зерттеудің мақсаты - құқық теориясы саласында ғылыми зерттеулер жүргізу процесінде теориялық білім мен тұжырымдамалық тәсілдерді қалыптастыру. Пәнді зерделеу нәтижесінде ғылыми зерттеу әдістерінің мақсатын және оларды қолдану аясын, құқықтық жағдайды ғылыми талдау әдістерін сыни бағалау дағдылары қалыптастырылатын болады.

Пән Қазақстан және шет елдердің конституциялық заңнамасының маңызды актілерінің пайда болуының, әрекет етуінің және дамуының негізгі заңдылықтарын зерттеуге арналған. Пәнді зерделеудің мақсаты Қазақстан Республикасының Конституциясы мен шет мемлекеттердің Конституциялары арасындағы институционалдық қайшылықтарды жіктеу мәселелері бойынша терең білім алу болып табылады. Пәнді зерделеу конституциялық-құқықтық реттеудің ерекшелігін басқарудың және аумақтық құрылымның, сондай-ақ саяси құрылымның әртүрлі нысандарымен ғылыми талдау әдістерін меңгеруге мүмкіндік береді.

Пән халықаралық іс жүргізу құқығының негізгі институттарының түсінігін, пәнін және жүйесін зерттейді. Пәнді оқытудың мақсаты қандай да бір бөлігінде екі немесе одан да көп мемлекеттің юрисдикциясына жататын жеке-құқықтық істер бойынша сот талқылауларын дайындауға және жүргізуге байланысты терең білімді игеруі болып табылады. Пәнді оқу қазақстандық және шетелдік соттарда тиісті санаттағы сот істерін жүргізуге байланысты іс жүргізу әрекеттерін жасау дағдыларын меңгеруге мүмкіндік береді.

Пән адамның өміріне, денсаулығына, жыныстық қол сұғылмаушылығына, жеке басының бостандығына, ар-намысы мен қадір-қасиетіне қол сұғатын қылмыстық құқық бұзушылықтар теориясы мен практикасының өзекті мәселелерін зерттейді. Пәнді оқытудың мақсаты – жеке адамға қарсы қылмыстық құқық бұзушылықтардың теориялық және практикалық мәселелерін шешу үшін дағдылар жүйесін қалыптастыру. Пәнді оқу қылмыстық құқық бұзушылықтарды дұрыс саралау дағдысын меңгеруге, осы саладағы заңнаманы түсіндіру қабілетін дамытуға мүмкіндік береді.

Пән қазіргі кезеңде еңбек заңнамасын дамытудың проблемалары мен перспективаларын зерттейді. Пәннің мақсаты жаңа қазақстандық жағдайларға қатысты қолданыстағы еңбек заңнамасының өзекті мәселелерін зерделеу дағдыларын қалыптастыру болып табылады. Пән еңбек құқықтық қатынастарының қазіргі жай-күйін сыни бағалау және отандық еңбек заңнамасын қолдану мазмұны мен практикасын талдау, еңбек дауларын шешудің құқықтық мәселелерін шешу, нормативтік-құқықтық актілерді әзірлеу дағдыларын қалыптастыруға мүмкіндік береді.

Пән қазіргі заманғы отбасы құқығының теориялық мәселелерін; ерлі-зайыптылар, ата-аналар мен балалар, басқа туыстар және басқа отбасы мүшелері арасындағы жеке және мүліктік қатынастарды құқықтық реттеу мәселелерін зерттейді. Пәнді оқытудың мақсаты - қоғамдық қатынастарды отбасылық-құқықтық реттеу механизмінің ерекшеліктері мен элементтері туралы теориялық білімді игеру. Пәнді зерделеу нәтижесінде магистранттарда отбасы құқығы саласындағы заңнаманы және доктриналық дереккөздерді ғылыми түсіндіру дағдыларын қалыптастырылатын болады.

Магистранттарда валюталық қатынастардың мәні, оларды халықаралық және ұлттық деңгейлерде реттеу нысандары мен әдістері туралы білім жүйесін қалыптастыру; әлемдік валюта жүйесін қалыптастыру кезеңдерін талдау; халықаралық валюта жүйесінің жетекші институты ретінде халықаралық валюта қорын зерттеу; халықаралық валюта нарығындағы операцияларға талдау жүргізу; халықаралық валюта қорының қызметін зерделеу; халықаралық валюта қорының қазіргі Халықаралық валюта жүйесінің жай-күйі; халықаралық валюта жүйесінің даму перспективаларын қарастыру.

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пән жоғары мектептегі тұтас педагогикалық үдерістің әдіснамалық негіздері мен қазіргі білім беру парадигмалары туралы білімдерді зерттейді. Пәнді оқу барысында магистрант жоғары кәсіби білімнің ролі мен маңыздылығын және жоғары мектеп оқытушысына қойылатын негізгі талаптарды меңгере отырып, жоғары оқу орындарында ғылыми-зерттеу әдістерінің түрлерін пайдалануды, нақты ғылыми-педагогикалық зерттеуді ұйымдастыру мен жүргізудің әдістемесін қолдануды үйренеді.

Пәннің мақсаты магистранттарға жалпы академиялық қағидаттар шеңберінде ғылыми этика және академиялық адалдық талаптарына сәйкес басылымдарға мақала дайындау жолдарын меңгерту. Пәнді оқу нәтижесінде магистрант мақала мәтінін құрастыру әдістерін, академиялық жазбалардың түрлерін және халықаралық дерекқор базаларын пайдалану жолдарын меңгеріп, әртүрлі ғылыми журналдардың талаптарына сай мақала дайындау және журналдардың онлайн жүйелерімен (сайттарымен) жұмыс жасау дағдыларын қалыптастырады. Курста ғылыми деректерге талдау жасау әдісі қолданылады.

Пән ғылыми ойлаудың тарихы мен философиясы, ғылымның философиялық негіздері, эмпирикалық және ғылыми танымның генезисі, мәні, болашағы туралы білімді қалыптастырады, білімгерлердің ғылыми-зерттеу жұмыстарын жүргізуіне қажетті әдістемелік аппаратты дамытады. Проблемалық оқыту, тақырыптық талқылау, жоба әдісі сияқты оқытудың белсенді әдістері қазіргі заманғы ғылым жетістіктерін сыни тұрғыдан бағалау дағдыларын меңгеруге, өзіндік этикалық ұстанымын қалыптастыруға бағытталған.

Пән басқарушылық қызметтің психологиялық теорияларының іргелі түсініктерін, әлемдегі басқарудың тиімді стратегиялары мен теорияларын зерттейді. Пәнді меңгеру барысында магистрант ұйымдастырушылық мінез-құлықтың психологиялық теорияларын синтездей білу, командада тиімді өзара іс-қимыл жасай білу, команда құру және басқару психологиясының ережелерін ескере отырып, оның жұмысын ұйымдастыру дағдыларын игереді. Көшбасшылық қасиеттерді көрсете білуді және шиеленістік ситуацияларды басқарудың психологиялық әдістерін қолдануды үйренеді.

Пән Қазақстан Республикасының қылмыстық, қылмыстық-атқару және қылмыстық іс жүргізу заңнамасының теориялық-қолданбалы негіздерін зерделейді. Пәннің мақсаты - қылмыстық-құқықтық саясаттың өзекті мәселелері, қылмыстық заңнаманы дамытудың негізгі трендтері және оны қолдану практикасы туралы түсініктерді қалыптастыру. Пән қылмыстық заңнаманың даму тенденцияларын сыни тұрғыдан бағалай білуге; нормативтік-құқықтық актілерді әзірлеуге; қылмыстық істі саралау және сотта қарау процесінде ғылыми негізделген әдістерді білікті қолдануға мүмкіндік береді.

Пән инвестициялық құқықтың қазіргі даму кезеңіндегі өзекті теориялық мәселелерін зерттейді. Пәннің мақсаты - Қазақстан Республикасындағы инвестициялық қызметтің сипаты мен ерекшеліктерін кешенді зерделеу. Пәнді оқу нәтижесінде магистранттарда инвестициялық құқық ғылымының проблемаларын талдау және түсіндіру; инвестициялау саласындағы қатынастарды реттейтін құқықтық нормаларды дұрыс қолдану, инвестициялық қатынастар бойынша құқықтық құжаттар жасау және білікті заңгерлік кеңестер беру дағдылары қалыптасады.

Пән сақтандырудың теориялық негіздерін, сақтандыру қызметінің әр алуан түрлерін жүзеге асыру практикасын зерделейді. Пәннің мақсаты - Қазақстан Республикасында сақтандыру қызметін мемлекеттік реттеудің құқықтық негіздерін зерттеу процесінде терең білімді қалыптастыру. Пәнді зерделеу нәтижесінде сақтандыру ісін ұйымдастыру процесін бағалау және түсіндіру, сақтандыру нарығын реттеу тетігін және сақтандыру қатынастарын дамыту жолын жетілдіру бойынша нормативтік-құқықтық актілерді әзірлеу қабілеттерін қалыптастырады.

Пән нарықтық трансформация жағдайындағы кәсіпкерлік құқық ғылымының теориялық мәселелерін зерттейді. Пәнді оқытудың мақсаты кәсіпкерлік құқықтың негізгі құқықтық институттары, кәсіпкерлік қызмет субъектілерінің құқықтық жағдайының проблемалары туралы кешенді білімді қалыптастыру болып табылады. Пәнді оқу кәсіпкерлік қызмет туралы заңнаманы түсіндіру және дұрыс қолдану дағдыларын игеруге; кәсіпкерлік қызмет саласындағы нормативтік құқықтық актілерді әзірлеуге қатысуға; аналитикалық әдістерді пайдалана отырып, ғылыми-зерттеу жұмыстарын әзірлеуге мүмкіндік береді.

Пән адвокаттық қызметтің практикалық және теориялық аспектілерін зерттейді. Пәннің мақсаты магистранттардың адвокатураны ұйымдастыруды және адвокаттың заң көмегін көрсету жөніндегі қызметін анықтайтын заңнама ережелерін игеруі болып табылады. Пәнді зерделеу ғылым мен заңнаманы ғылыми түсіндіруге, адвокаттың қызметін жүзеге асыру кезінде теориялық білімді дұрыс қолдану әдістерін игеруге; іс жүргізу құжаттарын жасауға және заң көмегін көрсету мақсатында кәсіби заң консультацияларын көрсетуге мүмкіндік береді.

Пән азаматтық және азаматтық іс жүргізу заңнамасының теориялық негіздерін, сондай-ақ оларды Қазақстан Республикасында қолдану практикасын зерделейді. Пәннің мақсаты - осы салаларда заңнаманы қолдану теориясы мен практикасының тенденциялары мен мәселелерін талдау кәсіби білімін қалыптастыру. Пәнді оқу әр түрлі жағдайларға заңнама нормаларын дұрыс саралау және қолдану дағдыларын игеруге; оларды жетілдіру жөнінде ұсыныстар әзірлеуге, заңдық іс жүргізу құжаттарын ресімдеуге мүмкіндік береді.

Заманауи аналитикалық әдістерді қолдана отырып, ғылыми-зерттеу нәтижелеріне талдау жасайды

Құқықтың нақты салаларының теориясы мен практикасының соңғы жетістіктерін сыни бағалай отырып, халықаралық және ұлттық құқық нормаларын практикалық қолдану және кәсіби түсіндіру дағдыларын көрсетеді

Педагогикалық такт және этика ережелерін сақтап, кәсіби саладағы көшбасшылық және басшылық іс-әрекеттері мен дағдыларын көрсете отырып, ЖОО-да білім беру іс-әрекетін нәтижелі ұйымдастырады

Коллизиялар мен заңдағы олқылықтарды анықтай отырып, әртүрлі деңгейдегі нормативтік-құқықтық актілерді және оларды жетілдіру тетіктерін әзірлейді

Ұлттық және халықаралық құқық саласындағы құқықтық проблемалар мен іс жүргізу дауларын шешу процесінде құқық бұзушылықтардың жолын кесу, алдын алу, дұрыс саралау, тергеу, сотта қарау және ғылыми негізделген әдістерді қолдану дағдыларын қалыптастырады

Магистрантың ғылым тарихы мен философиясын терең түсінуіне негізделген пәнаралық дүниетанымын кеңейте отырып, ғылыми зерттеулер жүргізу үшін қажетті әдістемелік аппаратты дамытады

Кәсіби қызметінде шет тілінде ауызша және жазбаша қарым-қатынас орнату дағдыларын қолданады

Халықаралық ғылыми дерекқор базасының өнімдерін қолданып, ғылыми этикаға сай, академиялық адалдықтың қағидаттарын сақтай отырып, ғылыми-зерттеу жұмыстарының нәтижесінде ғылыми еңбектер дайындайды

Құқықтық мәселелер бойынша әртүрлі құқықтық құжаттамаларды жасау, кеңес беру және кәсіби заң қызметтерін көрсету дағдыларын қолданады