7M01510 Математика в Қорқыт Ата атындағы Қызылорда университеті

Курста қазіргі мектептің басты мәселелерінің бірі - оқу мотивациясын қалыптастыру қарастырылады. Мәселенің маңыздылығы оқу іс-әрекетінің өзіне, оқу мазмұнының өзгеруіне, білімді өз бетінше алуға мүмкіндік беретін әдістердің қалыптасуына, белсенділіктің дамуына байланысты. Оқытуға оң мотивацияны қалыптастыру үшін: оқу процесінде жасалуы мүмкін мотивтің даму жағдайлары; оқытудың әр кезеңінде күрделі міндеттер спектрі бар жеке оқыту бағдарламасы; әр кезеңде қол жеткізілген нәтижені тіркеуге мүмкіндік беретін бірқатар тесттер қажет; қиындығы оқушының мүмкіндіктеріне сәйкес келетін немесе осы мүмкіндіктерден сәл асатын тапсырмалар.

Осы курсты зерделеу білім алушыларды басқару қызметінің психологиялық компонентінің рөлі мен көп аспектілі мазмұны туралы қазіргі заманғы ұғымдармен таныстырады; кәсіби қызметті және өзін-өзі жетілдіруді табысты іске асыру үшін болашақ магистрдің психологиялық мәдениетін арттырады, болашақ мамандардың жеке-кәсіби психологиялық идеяларын дамытады, психологиялық сәйкестілік сезімінің психологиялық негіздері тұлғаның психологиялық теориясы мен практикасы саласындағы әлеуметтік-тұлғалық және инструменталды құзыреттер негізінде қалыптасады.

Ақпараттық технологияларды оқу үдерісінде қолдану әдістемелері оқытылады. Компьютерлік математика бағдарламалық жүйелері жайлы, электрондық оқу жабдықтары, сандық білім ресурстары мен оқытушы портфолиосын дайындау әдістері мен технологиясы жайлы мәліметтер беріледі

Магистранттар үшін Жоғары мектептің педагогикасы курсы гуманистік дүниетанымын қалыптастыруға негіз болып табылады. Аталған курс құрамына қазіргі Жоғары мектептің педагогикасы ғылымның қоғамдағы орны, рөлі жайындағы мәліметтер кіреді. Фундаменталды және жоғары мектептің педагогикасы түсініктердің негізінде адам тұлғасы мен әрекеттеріне тұтас көзқарастарын қалыптастырады

Курсты оқыту арқылы болашақ математика мұғалімдерінің кәсіптік-педагогикалық дайындығы нығайтылады; орта мектептегі математика пәндерінің ғылыми негіздерін жан-жақты ашып, математикалық ұғымдарды қалыптастырылады және математикадағы жалпы заңдардың мазмұнын есептер шығаруда тиімді қолдануға дағдыландырылады

Ғылым тарихы мен философиясы ғылымның пайда болуы мен дамуы мәселелерімен айналысады, оның қалыптасу кезеңдерін қарастырады. Келесі маңызды тақырып – ғылым философиясының дамуын зерттеу. Ол ғылым философиясының дамуының негізгі кезеңдерін және оның маңызды тұжырымдамаларын талдауды қамтиды. Курсты оқу ғылым тарихындағы және адамның танымдық іс-әрекетінің жалпы жүйесіндегі әрбір жеке пәннің және нақты мәселенің орнын тереңірек және толық түсінуге мүмкіндік береді.

Курс шет тілінде кәсіби сөйлеу дағдыларын игеруді, мамандық бойынша мәтіндерді аудару дағдыларын дамытуды қамтиды. Грамматиканы, оқу әдістемесін және жазбаша жұмысқа дайындықты, эссе жазуды, тыңдау және сөйлеу әдістерін үйрену.

Пәннің мақсаты математикалық физика есептері мен интегралдық геометрия есептерінің арасындағы байланысты көрсету; Әртүрлі қисықтар үйірі үшін негізгі интегралдық геометрия есептерін қойылуын қарастыру. Интегралдық геометрия есептері үшін шектеулі-айырымдық және дифференциалды-айырымдық аналогтарының шартты орнықтылығын тексеру жайлы негізгі түсініктер беріледі

Томография-дененің ішкі бөліктерін бейнелеу әдісі. Курста әдістің қысқаша мазмұны, оның математикалық негіздемесі, шешім алгоритмдері және математикалық математикалық қамтамасыз етуді әзірлеу туралы мәліметтер келтірілген. Мақсаты магистранттарға математикалық физиканың кері есептерінің практикалық қолданысы болатын компьютерлік томографияның теориялық негіздерін меңгерту болып табылады.

Курстың басты мақсаты математикадан алған білімді кәсіби мамандыққа ұштастыру, яғни кәсіптік білім беретін оқу орындарына қажетті маман ретінде магистранттардың керекті дағдылармен және шеберлікпен қаруландыру

Курста кеңістіктік ойлау ұғымы берілген, кеңістіктік ойлаудың даму деңгейлері мен критерийлері сипатталған; әр кезеңге сәйкес келетін төрт түрлі есептердің мысалдары қарастырылған: кеңістіктік ойлау - кеңістіктік қиял - кеңістіктік бейнелеу - кеңістіктік қабылдау. Мектепте геометрияны оқу кезінде оқушылардың кеңістіктік ойлауын қалыптастыру әдістемесі оқытылады

пайдалануға, ЖОО-да математикалық білім беруді ақпараттандыру, педагогкалық мамандықтарға математиканы оқытудың мемлекеттік стандарт талаптарын, типтік оқу бағдарламаларын, оқу әдістемелік кешендерін, математикалық пәндерді оқытуда бағдарламалық Excel, MathCAD, Maple жүйелерін, мултимедиа жабдықтары мен электронды оқулықтарды қолдана білуге үйрету

Пәннің мақсаты: Магистранттарды ассоциативті емес алгебралар теориясы негіздерімен, оның қазіргі даму жағдайымен таныстыру, оларды осы сала тақырыптары бойынша ғылыми жұмыстармен шұғылдануға тарту. Ассоциативті емес алгебралардың құрылымын зерттеу әдістерін меңгеру және нақты есептерде қолдануға үйрену, дағдылану. Міндеттері: магистранттарға ассоциативті емес алгебралардың құрылымын зерттеу әдістерін үйрету. Берілген алгебраның алгебраның құрылымын, көріністерін зерттеуді жүзеге асыра білуге үйрету; магистранттарда ассоциативті емес алгебралардың құрылымдары мен көріністерін зерттеу дағдысын қалыптастыру

Курстың негізгі мақсаты-математикалық талдаудың негізгі бөлімдері бойынша білімді жүйелеу. Анықталған және қос интегралдардың есептеу әдістері және оларды физикалық және геометриялық есептерді шешуде қолдану қарастырылады. Курс материалдарын білімнің көптеген салаларындағы есептерді шешудің сандық әдістерін әзірлеу және қолдану, әртүрлі пәндік салалардағы математикалық модельдерді құру және зерттеу үшін пайдалануға болады

Пәннің мақсаты-Білім алушыларға жиындардың өлшемділігі мен өлшемді функцияларды интегралдау, функцияның дифференциалдануы, шектеліп өзгеруі және Лебега интегралы, метрикалық және абстрактілі кеңісіктер туралы жеткілікті мөлшерде түсінік қалыптастыру

Курсты оқыту барысында математиканы оқытуда оқушылардың ойлау әрекетінің негіздері қарастырылып, математикалық ұғымдарды түсінудің психологиясы және ойлау әрекетін қалыптастыру әдістері білім алушыларды дәлелдеуге үйретудің психологиялық-педагогикалық негіздері үйретіледі. Есептерді шешу процесінде білім алушылардың ойлау әрекетін басқару, білім алушылардың жалпы қабілеттілігіне, білім алушылардың математикалық кабілеттілігіне назар аударуға байланысты негізгі проблемалар қарастырылады. Математиканың оқыту мазмұнын саралау, саралап оқытудың ерекшеліктері мен мектепте математиканы оқытудың мотивациясы бойынша білімдерді қалыптастырады

Курстың басты мақсаты – магистранттардың математикалық анализдің негізгі тарауларын оқып-үйренуіне көмектесу, математикалық әдістерді қолданбалы есептерді шығаруда пайдалана білуге үйрету. Магистранттарды әртүрлі интегралдарды табу әдістеріне оқыту. Өлшемді жиын, жиынның өлшемді болу шарты, Риманның еселік интегралы, N- еселі интегралда айнымалыны ауыстыру әдісі, полярлық, сфералық, цилиндрлік координаталар жайлы негізгі түсініктер қалыптастыру

Мектеп математика курсының бағдарламасына сәйкес иррационал, көрсеткіштік және логарифмдік теңдеулер мен теңсіздіктерді, олардың жүйелерін аналитикалық және графиктік тәсілмен шешуді үйрету. Элементар функциялардың анықталу облысын табу, функцияның дөңестігі мен ойыстығын тексеру. Дәреже көрсеткіші жұп бір ғана радикалмен теңдеулер мен теңсіздіктердің шешімдерін табу біліктілігін қалыптастыру. Дәреже көрсеткіші жұп екі радикалдан тұратын теңдеулер мен теңсіздіктердің шешімдерін таба білуге үйрету. Дәрежелік, көрсеткіштік және логарифмдік теңсіздіктерді шешуді аналитикалық және графиктік тәсілдермен шешуді меңгерту

Пәнді оқыту мақсаты психология мен педагогикада қолданылатын математикалық әдістердің мәнін ашып түсіндіру. Математикалық әдістер психология ғылымында тек эксперимент нәтиже лерін ғана есептеу үшін қолданылып қоймайды, нәтижелерді жалпылау,таңдау үшін де қолданылады. Педагогикалық жүйелерде модель деудің математикалық әдістері кездейсоқ оқиғалардың жүйесіне бара-бар құбылыстарды зерттеуде графтар теориясы мен матрицаларды қолдана білуге үйретеді. Статистика лық болжам, статистикалық критерийлер, регрессивтік талдау әдістері қарастырылады

Курстың басты мақсаты математикадан алған білімді кәсіби мамандыққа ұштастыру, яғни кәсіптік білім беретін оқу орындарына қажетті маман ретінде магистранттардың керекті дағдылармен және шеберлікпен қаруландыру. Қоғам талабына сай құрылып жатқан жаңа типтегі кәсіптік білім беретін оқу орындарында, соның ішінде педагогикалық колледждерде математиканы оқытудың қажеттіліктері мен ерекшеліктері айқындалады

Магистрант өзінің ғылыми-педагогикалық зерттеу нәтижелерін өңдеуде статистикалық тәсілдерді тиімді пайдаланып, өз зерттеулерінде математикалық методтарды қолдана білу дағдыларын қалыптастыруы тиіс. «Ғылыми-педагогикалық эксперимент нәтижелерін математикалық өңдеу» курсы психология-педагогикалық білімнің таңдау курстарына жатады, сондықтан педагогика, философия, психология, математикалық статистикадан алған білімдеріне және білім беру жүйесіндегі жүргізіліп жатқан реформалар бағытына, барлық директивалық құжаттамаларға сүйенеді.

Математиканы сапалы түрде меңгеру үшін, ұғымдардың анықтамасындағы келтірілген елеулі белгілерін көрсете алу, теореманың шарты мен қорытындысын ажырата білу, теорема ұғымына қатысты дәлелдеу ережелері мен дәлелдеу әдістерін меңгерту. Бұл курсты өту барысында «Математиканы оқыту әдістемесі», «Математикалық логика» пәндерімен өзара байланыстар жасалады. Себебі, аксиоматикалық әдіс абстракциялауға сүйенеді, ал матлогикада абстракциялаудың негіздері, түрлері, формальданған және формальданбаған аксиоматикалық теориялар қарастырылады.

Қазіргі таңдағы оқытудың басты мақсаты - математикалық пәндердің мазмұнын ғылым жетістіктеріне сай, түсініп қолдануға және тұжырымдарды дәлелдеу арқылы жеке тұлғаның логикалық ойлауын жүзеге асыру. Білім алушыларға математикалық ойлауды дамытудағы дәлелдеудің маңызы мен математикалық логика элементтері дәлелдеудің негізі екендігін көрсету. Мектеп математика курсындағы дәлелдеудің негізгі әдістерін білу және геометрия сабақтарындағы дәлелдеуге берілген есептерді шешу арқылы логикалық ойлауды дамыту

Экономика мен экология бағытындағы есептерді қарастыруда туынды, интеграл, дифференциалдық теңдеулер, сызықтық алгебра элементерін және мат статистика ұғымдарын толығымен пайдалану үйрету. Қазіргі заманғы қоғамда ақпараттандырудың, әсіресе білім беруді ақпараттандырудың, сол сияқты экономика мен экологияның, жаратылыстанудың мазмұнды есептерін сандық тұрғыдан шешудің шын мәніндегі қажетті шарты математикалық модельдеу методы болып табылады. Осы тұрғыдан алғанда бұл таңдау курсы жоғары математиканың тиісті салалары мен жүйелік программалау, сандық әдістер және компьютерлік технологиялар секілді пәндердің байланыстары мен сабақтастығын одан әрі бекітуі тиіс

Білім алушыларды группалар, алгебралар сияқты алгебралық құрылымдардың модульдері мен көріністерінің теориясы, сақиналар үшін модульдер теориясы негіздерімен, оның қазіргі даму жағдайымен таныстыру, алгебралық құрылымдардың құрылымдық мәселелері мен көріністерін зерттеу әдістерін үйрету

Курста алгебра және анализ бастамалары бойынша бағдарламалық тақырыптарға сәйкес параметрлі теңдеулер мен теңсіздіктерді шешудің жалпы әдістемесін игеру мәселелері қарастырылған. Параметрлі тәуелді теңдеулер мен теңсіздіктерді шешу әдістерін меңгерту. Параметрмен берілген иррационал теңдеулерді, көрсеткіштік, логарифмдік және тригонометриялық теңдеулер мен теңсіздіктерді шешу дағдыларын қалыптастыру

Ғылым тарихы және философиясы, тіл білімі, жоғары мектеп педагогикасының заманауи методологиясы, осы саладағы ең озық білім элементтерін қоса алғанда, басқару психологиясының ғылыми жетістіктері туралы білім мен түсініктерді көрсету; - осы білімді кәсіби деңгейде қолдану; - ғылым тарихы мен философиясы, тіл білімі, басқару психологиясы мен жоғары мектеп педагогикасы мәселелерін шешу және дәлелдерді қалыптастыру; - әр түрлі әлеуметтік жүйелердегі әріптестермен және клиенттермен қарым-қатынас жасауды ұйымдастыру; - оқуды жалғастыру үшін қажетті материалды өз бетінше меңгере білу.

Алгебра, геометрия және логиканың іргелі сұрақтары туралы мәліметтерді жинақтай, сыни талдай, жүйелей және түсіндіре алады. Мәліметтерді, идеяларды, проблемалар мен оның шешімдерін білім алушыларға, мамандарға, келешек педагогикалық қызметінде әріптестеріне жеткізуге қабілетті болады.

Математиканың теориялық және концептуалдық негіздерін, оның жалпы ғылымдар жүйесіндегі орны мен құндылықтарын, даму тарихы мен қазіргі жағдайын біледі. Математиканың іргелі пәндерінен алған білімдерін теориялық және ғылымы практикалық есептерді шығаруда қолданады.

Физикалық, техникалық және басқа процесстердің математикалық модельдерін құруды және оларды шешу әдістерін біледі. Білім беру қызметінде заманауи ақпараттық-коммуникациялық технологияларды қолданады. Бағдарламалық қамтамасыз етуді және шешілетін кәсіби міндеттерді ескере отырып, оны пайдалану перспективаларын бағалайды.

Жоғары оқу орындарымен орта мектептерде математиканы оқытуда дидактиканың принциптері мен әдістерін қолданады. Білім беру ұйымдарында пән саласының ерекшелігін ескере отырып педагогикалық қызметті жоспарлайды және жүзеге асырады. Білім беру стандартының талаптарына сәйкес білім алушылар үшін оқу-әдістемелік материалдарды әзірлейді. Кәсіби мәселелерді шешу үшін психологиялық және педагогикалық диагностика әдістерін қолданады.

Қазіргі заманғы ғылымда қолданатын математиканың зерттеу әдістерін, олардың мүмкіндіктерін, теория мен практиканың байланысын біледі . Ғылыми зерттеулер нәтижелерін математикалық өңдеу дағдыларын меңгерген. Эксперименттік деректерді статистикалық өңдеудің негізгі әдістерін қолданады.

Ассоциативті емес алгебралар, Алгебралық құрылымдардың көріністері бойынша игерген білімдерін осы теория обектілерінің қасиеттерін сипаттауға қолдана алады, оларға қатысты есептерді шеше алады, шешу әдістері мен тәсілдерін түсінеді. Зерттеу әдістерін меңгеріп, олардың қасиеттерін зерттеу дағдылары қалыптасады.