7R01103 Балалар хирургиясы

Пән хирургиялық бейіндегі жиі кездесетін аурулар кезінде амбулаториялық деңгейде диагностика жүргізу және хирургиялық көмек көрсету үшін қажетті дағдыларды қалыптастыруға мүмкіндік береді. Пән емханада балаларға емдеу-профилактикалық хирургиялық көмекті ұйымдастыру, есепке алу мен диспансерлеуді ұйымдастыру мәселелерін зерделейді.

Пән травматология мен ортопедиядағы балалар ағзасының морфофункционалдық заңдылықтарын, балалардағы сүйек жүйесінің анатомиялық-физиологиялық ерекшеліктерін, эмбриогенезді, сүйектену ядроларының пайда болу мерзімін, балалардағы сынықтарды консолидация мерзімдерінің ерекшеліктерін қарастырады.

Пән эндохирургиялық қызметті ұйымдастыру, құрал-жабдықтарды дайындау, балалардағы эндохирургиялық операцияларды жүргізуге көрсетілімдер мен қарсы көрсетілімдер, пациенттерді операцияға дайындау бойынша қажетті білім мен дағдыларды алуға мүмкіндік береді. Эндовидеоскопиялық анатомия мәселелері, диагностикалық торакоскопия және лапароскопия, жіті аппендицит, холецистит, ішек өтімсіздігі, іш қуысы мүшелерінің жарақаттары, пилоростеноз, шап жарығы, қыздардағы гинекологиялық аурулар және т. б. кездердегі хирургиялық әдістер қарастырылады. Пәнді өту кезінде халықаралық дерекқорлар пайдаланылады, кәсіби әдебиеттерді сыни тұрғыдан бағалау дағдылары қалыптастырылады.

Пән кеуде қуысы, іш қуысы, ретроперитонеальді кеңістік мүшелерінің даму ақаулары бар жаңа туған нәрестелерге хирургиялық көмек көрсету бойынша, өңеш атрезиясы, диафрагма жарығы, пилоростеноз сияқты аурулар кезінде пренатальды диагностика, көрсетілімдер, қарсы көрсетілімдер және хирургиялық емдеу мерзімдері мәселелері бойынша білім мен дағдыларды қалыптастырады.

Пән іш қуысы мен ретроперитонеальді кеңістіктегі кіндік, шап жарығы, іштің ақ сызығының грыжасы, крипторхизм, варикоцеле сияқты хирургиялық ауруларды диагностикалау мен емдеу бойынша білім мен дағдыларды қалыптастыруға мүмкіндік береді. Модуль сонымен қатар пациенттермен, олардың ата-аналарымен немесе заңды өкілдерімен және денсаулық сақтау мамандарымен тиімді әрекеттесу мәселелерін қамтиды. Пәнді өту кезінде халықаралық дерекқорлар пайдаланылады, кәсіби әдебиеттерді сыни тұрғыдан бағалау дағдылары қалыптастырылады.

Пән туа біткен ішек өтімсіздігі, өт жолдарының атрезиясы, эмбриональды жарық, сегізкөз-құйымшақты тератома және т. б. бар жаңа туған нәрестелерге хирургиялық көмек көрсету бойынша білім мен дағдыларды қалыптастырады.

Бұл пән жұмсақ тіндердің жарақаттарын, бас-ми жарақатын, аяқ-қолдардың, омыртқа және жамбас сүйектерінің жарақаттарын, босану кезіндегі жарақаттарды, тірек-қимыл аппаратының туа біткен ауруларын диагностикалау және емдеу бойынша қажетті білім мен дағдыларды алуға мүмкіндік береді.

Пән іш қуысы мен ретроперитонеальді кеңістіктің хирургиялық ауруларын диагностикалау мен емдеу бойынша білім мен дағдыларды қалыптастыруға мүмкіндік береді, мысалы, ен қабығы және сперматикалық сымның шемені, порталдық гипертензия, гепатопанкреатобилиарлы аймақтың, жіңішке және тоқ ішектің, зәр шығару жүйесінің дамуындағы ауытқулар. Пәнді өту кезінде халықаралық дерекқорлар пайдаланылады, кәсіби әдебиеттерді сыни тұрғыдан бағалау, өз бетінше оқу және кәсіби команданың басқа мүшелерін оқыту дағдылары қалыптастырылады.

Осы пәнді зерделеу амбулаториялық-емханалық жағдайларда жиі кездесетін аурулар, даму ақаулары, жарақаттық зақымданулар, балалар жасындағы шұғыл жағдайлар кезінде балаларға диагностика жүргізу және шұғыл алғашқы медициналық-санитарлық көмек көрсету үшін қажетті дағдыларды қалыптастыруға мүмкіндік береді.

Пән көмейдің, трахеяның, бронхтардың, өкпенің, өңештің, көкірек қуысының, диафрагманың даму ақаулары мен ауруларын диагностикалау мен емдеу бойынша білім мен дағдыларды қалыптастырады. Жіктеу, клиника және дифференциалды диагностика, хирургиялық емдеудің заманауи тәсілдері жан-жақты қарастырылады. Модуль сонымен қатар пациенттермен, олардың ата-аналарымен немесе заңды өкілдерімен және денсаулық сақтау мамандарымен тиімді әрекеттесу мәселелерін қамтиды. Пәнді өту кезінде халықаралық дерекқорлар пайдаланылады, кәсіби әдебиеттерді сыни тұрғыдан бағалау дағдылары қалыптастырылады.

Пән міндетті пәндерді оқу барысында алынған білім мен дағдыларды бекітуге және кеңейтуге мүмкіндік береді. Іш қуысы мүшелерінің жиі кездесетін шұғыл және жоспарлы ауруларын – жіті аппендицит пен оның асқынуларын, туа біткен және жүре пайда болған ішек өтімсіздігін, бауыр мен өт жолдарының ауруларын, іш қуысы мүшелерінің жарақаттарын және ішектен қан кетулерді диагностикалау және емдеу мәселелері қарастырылады.

Бұл пән анус пен тік ішектің даму ақауларын (анус пен тік ішектің атрезиясы, туа біткен клоака), Хиршспрунг ауруын, тоқ ішек және артқы өтіс ауруларын (долихосигма, тік ішектің түсуі, полиптер және т.б.) диагностикалау және емдеу саласында қажетті білім мен дағдыларды алуға мүмкіндік береді.

Жақ-бет аймағындағы туа біткен және жүре пайда болған патологияны диагностикалау және емдеу ерекшеліктерін зерттеу: ерін мен таңдайдың жырығы, жоғарғы жақтың альвеолярлы өсіндісі, балалардағы бас сүйек пен бет қаңқасының ақаулары.

Көрсетілімдер мен қарсы көрсетілімдер, хирургиялық емдеу мерзімдері, хирургиялық емдеудің заманауи инновациялық әдістері қарастырылады.Пәнді өту кезінде халықаралық дерекқорлар пайдаланылады.

Гепатобилиарлы хирургияға ішкі мүшелердің паразиттік зақымдануы, бауыр циррозы және порталдық гипертензия синдромы жатады.

Пән балалар хирургиясындағы ең жиі кездесетін жіті хирургиялық ауруларды, ішкі мүшелердің жарақаттық зақымдануларын және шұғыл жағдайларды диагностикалау мен емдеу бойынша білім мен дағдыларды қалыптастырады: жіті аппендицит, перитонит, жіті ішек өтімсіздігі, кеуде қуысының жабық және ашық жарақаттары, іш қуысының енетін және енбейтін жарақаттары, асқазанның, бауырдың, көкбауырдың, ретроперитонеальді кеңістік мүшелерінің зақымдануы. Пәнді өту кезінде халықаралық дерекқорлар пайдаланылады, кәсіби әдебиеттерді сыни тұрғыдан бағалау дағдылары қалыптастырылады.

"Іріңді хирургия" пәні балалардағы, оның ішінде жаңа туған нәрестелердегі іріңді хирургиялық инфекцияның этиологиясы, патогенезі, клиникасы және диагностикасы, іріңді-хирургиялық инфекцияны кешенді емдеу мәселелері, госпитальдық инфекция мәселелері, асептиканың заманауи әдістері және госпитальдық инфекцияның алдын алу ерекшеліктері мәселелерін қарастырады. Бұл пән балалардағы абсцесс, флегмона, лимфаденит, қызылиек, остеомиелит, жедел іріңді-деструктивті пневмония және т. б. сияқты әртүрлі іріңді ауруларды диагностикалау мен емдеуде білім мен дағдыларды қалыптастырады.