7M01501 Физика в ҚарМУ Е.А.Бөкетов

Басқарушылық қызметтің психологиялық заңдылықтары, менеджер қызметінің құрылымында әлеуметтік-психологиялық білімді пайдалану ерекшеліктері, тиімді басқарудың негізінде жатқан әлеуметтік-психологиялық принциптерді талдау дағдылары, басқару психологиясының теориялық ережелері мен өзекті мәселелері; басқару психологиясының ерекшеліктері, басшының жеке ерекшеліктері туралы білімді қалыптастыру мақсатында оқытылады.

Пән жоғары мектеп оқытушысының әдістемелік және практикалық дайындығының негізі болып табылады. Курста келесі бөлімдер ұсынылады: оқытудың интерактивті және ақпараттық-коммуникациялық технологияларының әдістері мен құралдары; жоғары мектептің білім беру процесін ұйымдастырудың нормативтік-құқықтық базасы негізінде оқу-әдістемелік құжаттаманы әзірлеу; физика бойынша заманауи жабдықтар, бағдарламалық қамтамасыз ету, ЖОО-ның электрондық-білім беру ортасы; электрондық және қашықтықтан оқытудың өзара іс-қимыл модельдері. Курс оқытудың инновациялық технологияларын пайдалана отырып, физикадан сабақ өткізу дағдыларын қалыптастыруға, неғұрлым ұтымды формалар мен дидактикалық әдістерді, интерактивті құралдарды іріктеуге бағытталған.

Кәсіби қарым-қатынас жағдаяттарында тиімді қарым-қатынас жасау үшін пәндік саладағы шетел тілінің сөйлеу әрекетінің дағдыларын дамыту мақсатында оқытылады. Курс арнайы әдебиеттермен жұмыс істеуді, ауызша және жазбаша екі жақты аударма тәжірибесін үйретуге арналған. Арнайы мақсаттағы шетел тілінің ерекшеліктері мен кәсіби сөйлеу нормалары мәселелері қарастырылады.

Пән физика есептерін шешу дағдыларын қалыптастыру мақсатында оқытылады. Курста құбылыстар мен процестерді салыстыру, бағалау, себеп-салдарлық байланыстарды анықтау, міндеттерді қою, тапсырмаларды таңдау, тапсырмаларды бағалау критерийлерін анықтау, физика бойынша қолданбалы есептерді шешу әдістері ұсынылады.

Ғылыми танымның дамуға бейімділігі мен өзгеріп отыратын әлеуметтік-мәдени бейінінің маңыздылығы туралы білімді қалыптастыру мақсатында оқытылады. Ғылымның философиясы, әдістемесі туралы, ғылым танымдық қызмет және дәстүр ретінде, әлеуметтік институт және қазіргі өркениеттегі мәдениеттің ерекше саласы ретінде сұрақтар қарастырылады.

Пәннің мақсаты: жобалар әдісі мен білім алушылардың ғылыми-зерттеу қызметін ұйымдастырудың негізгі мәселелерін оқып-үйрену. Қарастырылатын сұрақтар: физика сабақтарында жобалық қызмет элементтерін пайдалану; физика бойынша білім алушылардың зерттеу қызметін ұйымдастыру және өткізу; білім алушыларды физикалық аспаптар мен нобайларды модельдеуге және құрастыруға тарту; оқу жобаларының нәтижелілігін бағалау. Осы курсты оқып біткеннен кейін магистранттар: білім алушылардың жобалық және эксперименттік-зерттеу қызметін ұйымдастырумен байланысты тәуекелдерді бағалайды; таңдалған тақырып бойынша оқушылардың зерттеу жұмыстарын ұйымдастырады.

Жоғары білімнің қазіргі парадигмасы және жоғары мектептегі ғылыми қызмет теориясы туралы түсінік қалыптастыру мақсатында зерттеледі. Педагогика, кәсіби шебер-мамандарды тәрбиелеу, білім беру ұйымдарында оқытудың кәсіби дағдылары, жоғары мектепте педагогикалық бақылау және білімді бағалау туралы сұрақтар қарастырылады.

Мақсаты: білім эволюциясын анықтайтын, сондай-ақ физиканы оқытудың негізгі міндеттеріне сәйкес жаңа ғылыми, қолданбалы технологиялардың дамуындағы әлемнің физикалық бейнесін түсінуді қалыптастыру. Мазмұны: құбылыстың физикалық табиғаты туралы заманауи идеяларды алуға мүмкіндік беретін негізгі ұғымдарды, физика заңдарын зерттеу. Қалыптастырылатын құзыреттер: қазіргі физиканың даму тарихы, оның негізгі заңдары мен принциптері, іргелі физикалық теориялардың қолданылу шектері және оларды практикалық қолдану туралы тұтас көзқарасты көрсетеді.

Мақсаты: академиялық және кәсіби өзара әрекеттесу үшін тілдік құзыреттілікті қалыптастыру. Курста физика бойынша кәсіби ғылыми және техникалық терминология; ауызша және жазбаша нысандарын ескере отырып, ғылыми, кәсіби және іскерлік стильдің негізгі грамматикалық құбылыстары; пән бойынша техникалық әдебиеттерді аударудың аспектілері мен ерекшеліктері; жалпы ғылыми және іскерлік лексика оқытылады. Міндеттері: ағылшын тіліндегі терминдерді және жаратылыстану ғылымдары, технологиялар, инженерия және математика саласындағы процестерді сипаттауды меңгеру; шетел әдебиетін дұрыс аудару; зерттеу тақырыбына әдеби шолу жасау барысында ақпарат жинау.

Мақсаты: инновацияларды құру бойынша кәсіби қызметке тұтас көзқарасты қалыптастыру. Курста инновациялық процестің техникалық блоктарының жалпы сипаттамалары; ғылыми таным мен шығармашылық негіздері, ғылыми-техникалық ақпаратты жинау және өңдеу, инновациялық менеджменттің негізгі тұжырымдамалары; инновацияларды басқарудың негізгі ережелері және инновациялар мақсатына жүйелі көзқарас; рационализатор - маманның рөлі мен міндеттері зерделенеді. Осы курсты оқып біткеннен кейін магистранттар: қолданбалы зерттеулердің принциптерін сипаттауға; инновацияларды құру іс-әрекетінің тәсілін таңдауға қабілетті болады.

Мақсаты: жоғары және орта мектепте физиканы ағылшын тілінде оқыту әдістемесін оқып-үйрену. Курс мазмұны бойынша оқытуды ұйымдастырудағы заманауи педагогикалық технологиялар және интерактивті құралдар қарастырылады, сонымен қатар ағылшын тілінде "Механика", "Молекулалық физика", "Электр және магнетизм", "Оптика" және "Атомдық физика" бөлімдерінің физикалық терминдерінің, негізгі заңдары мен құбылыстарының қалыптасу ерекшеліктері, оқыту әдістемесі қарастырылған. Курс оқытудың инновациялық технологияларын пайдалана отырып, физикадан сабақ өткізу дағдыларын қалыптастыруға, неғұрлым ұтымды формалар мен дидактикалық әдістерді, интерактивті құралдарды іріктей алуға бағытталған.

Пән орта білім беру мазмұны аясында оқу процесінде заманауи педагогикалық технологияларды қолдану дағдыларын қалыптастыру мақсатында оқытылады. Жаратылыстану саласында функционалдық сауаттылықты қалыптастыру, білім берудегі цифрлық технологиялар, SMART-білім беру, STEM-білім беру мәселелері қарастырылады. Қалыптастырылатын құзыреттер: мектепте жаратылыстану пәндерін оқыту әдістемесі бойынша білімді талдайды және синтездейді; дидактикалық материалдарды әзірлейді, тапсырмаларды таңдайды және жүйелейді.

Мақсаты: ғылыми зерттеулер жүргізу, физикалық процестерді модельдеу әдістері бойынша терең білім мен дағдыларды қалыптастыру. Мазмұны: пәнаралық мәселелер мәнмәтінінде физикалық құбылыстарды зерттеу; ғылым мен техниканың басқа салаларында математикалық әдістерді, алгоритмдерді қолдану; математикалық модельдерді жіктеу; қолданбалы есептерді шешуде қолданылатын математикалық модельдердің негізгі нысандары. Курсты аяқтаған соң магистранттар әртүрлі техникалық құрылғылардың жұмыс принциптерін анықтайтын физикалық құбылыстар мен процестерді математикалық сипаттау әдістерін талдайды, таңдайды және қолданады.

Пән наноэлектроника саласындағы ақпараттық технологиялардың қолданылуын оқып-үйренеге арналған. Микро- және наноэлектроника құрылғыларының жұмысын сипаттайтын дифференциалдық теңдеулер жүйесін шешудің ерекшеліктерін қарастырады. Диффузиялық-дрейфтік және гидродинамикалық модельдер ұсынылады. MathCAD (MatLAB) пакеті негізінде бір өлшемді есептерді сандық шешудің ерекшеліктері; екі өлшемді есептерді шешудің ерекшеліктері FlexPDE және Synopsys пакеттеріне негізінде. зерттеледі.

Мақсаты: қазіргі теориялық физиканың маңызды идеялары мен бағыттары туралы жалпы түсінік қалыптастыру, есептеулерде қолданылатын математикалық аппаратпен жұмыс істеу дағдыларын қалыптастыру. Осы курсты оқып біткеннен кейін магистранттар: теориялық және кванттық механиканың негізгі процестері мен математикалық аппаратын талдай алады; математикалық әдістің қолданылу шеңберін анықтайды; ортаның функционалдық сипаттамаларын зерттеу әдістерін таңдауға және қолдануға қабілетті болуы тиіс.

Пән оптоэлектроникадағы негізгі физикалық процестерді оқып-үйрену, өріс теориясының математикалық негіздерін практикада қолдану мақсатында оқытылады. Қалыптастырылатын құзыреттер: оптоэлектрондық эмитенттер мен фотодетекторларды жіктейді; оптоэлектрондық эмитенттер мен фотодетекторлардың жұмысының физикалық принциптерін талдайды; оптоэлектрондық эмитенттер мен фотодетекторлардың негізгі сипаттамаларын зерттейді.

Мақсаты: ядролық физика мәселелері бойынша терең білім мен түсініктерді қалыптастыру. Пән ядро құрылымы, оның негізгі физикалық қасиеттері туралы идеяларды игеруге бағытталған. Радиоактивті ыдырау, синтез мәселелері, ядроаралық өзара әрекеттесу күштері мен өрістің жалпы теориясы туралы модельдік идеялар қарастырылады. Осы курсты оқып біткеннен кейін магистранттар: ядролық синтез және ыдырау реакциясының энергетикалық сипаттамаларын талдайды және есептеді; атом ядросының құрамын анықтайды; ядро элементтері арасындағы өзара әрекеттесу түрлерін сипаттайды; элементар бөлшектердің түрлері мен сипаттамаларын салыстыра алады.

Мақсаты: заманауи космология саласында білім, білік, дағды жүйесін қалыптастыру. Қазіргі космологияның әдіснамасы қарастырылады. Пән аяқталғаннан кейін магистранттар: Фридманның космологиялық моделін сипаттауға, Ғалам дамуының негізгі кезеңдеріне талдау жасауға; пайдалануға болатын идеялардың әртүрлілігі туралы терең білімі мен хабардарлығын көрсетуге; топта тиімді өзара әрекеттесуге, ақпарат алмасу және қажет болған жағдайда жауаптарды өзгертуге қабілетті.

Мақсаты: оптиканың кейбір мәселелері туралы терең білім мен түсініктерді қалыптастыру. Курс атомдардың флуоресценциясын қоздырудың заманауи әдістерінің заңдылықтарын және диатомды молекулалардың кванттық теориясының негіздерін зерттейді. Осы курсты оқып біткеннен кейін магистранттар: атомдардың флуоресценциясын қоздыру және тіркеу әдістерін сипаттайды; заманауи технологиялардың аналитикалық мақсаттар үшін қолдануын түсіндіре алады; оптиканының практикалық қолданылуын одан әрі дамыту мүмкіндігі туралы талқылауға қабілетті.

Зияткерлік қызмет нәтижелерін қоса алғанда, ғылыми және ғылыми-техникалық қызмет нәтижелерін қолдану бойынша дағдыларды қалыптастыру және табыс алуға бағытталған жаңа немесе жетілдірілген тауарларды, процестер мен қызметтерді нарыққа шығару мақсатында өндіріске ғылыми әзірлемелер мен технологияларды енгізу мақсатында оқытылады.

Мақсаты: техникалық өлшеу құралдарымен жұмыс істеудің практикалық дағдыларын қалыптастыру. Пән аналогты және цифрлық өлшеу құралдарын қолдану әдістерін игеруге бағытталған. Механикалық, электрлік, магниттік және басқа шамаларды өлшеу әдістері қарастырылады. Осы курсты оқып біткеннен кейін магистранттар: аналогтық және цифрлық өлшеу құралдарының жұмыс істеу принциптерін салыстырады; өлшеу түрлендіргіштерінің негізгі түрлерін жіктелей алады, негізгі сипаттамаларын және қолданылу саласын сипаттайды; өлшеу үшін бағдарламаларды әзірлеу әдістерін ұсынады.

Мақсаты: адамның шығармашылық қызметі туралы, зияткерлік меншікке айналатын шығармашылық жұмыс нәтижелерін құқықтық қорғау түсініктерді қалыптастыру. Зияткерлік өнеркәсіптік меншіктің барлық объектілері бойынша Қазақстан Республикасының заңдары да, зияткерлік меншікті, оның ішінде өңірлік патенттік корпорацияларды қорғаудың халықаралық жүйелері де қарастырылады. Курсты аяқтаған соң магистранттар зияткерлік меншікті қорғаудың құқықтық негіздері мен механизмдерін анықтай алады; қазіргі заманғы ақпарат құралдарын пайдалана отырып, ақпараттық-талдамалық және патенттік тексеруді жүзеге асыра алады.

Пән бақылау нәтижелерін статистикалық өңдеудің компьютерлік әдістерін; деректерді өңдеу тиімділігін арттыруға мүмкіндік беретін практикалық тәсілдерді; есептеу әдістерін және физикалық процестерді компьютерлік модельдеуді оқып-үйренуге арналған. Қалыптастырылатын құзыреттер: алған білімін эксперименттік тәуелділіктердің компьютерлік графигін құру үшін қолдана алады, компьютерлік бағдарламалармен жұмыс негіздерін біледі; механикалық, гидродинамикалық, электромагниттік және жылу процестерінің модельдерін құру және есептеу үшін сандық әдістер мен компьютерлік бағдарламаларды қолдана алады.

Физикалық есептерді шешудің тиімді әдістерін ұсынады, нәтижелерді түсіндіреді, олардың негізінде ұсыныстар жасайды, кәсіби мәселелерді зерттеуде математикалық әдістерді қолданады.

Қазіргі заманғы технологиялардың, идеялардың, қазіргі заманғы жаңа бағыттардың кең ауқымын бағдарлай алады және оларды өзінің педагогикалық қызметінде қолданады.

Тұлғааралық байланыстарды орнатады, әріптестерін бастамалардың орындылығына сендіреді, ұжымды ұйымдастырады және біріктіреді, қолайлы психологиялық ахуал жасайды.

Қоғам өміріндегі ғылым мен білімнің рөлін салыстырады және болжайды; зерттеулер жүргізу, ғылыми мақалалар жазу және ғылыми қызмет нәтижелерін коммерцияландыру мақсатында физика және физиканы оқыту әдістемесі саласындағы арнайы пәндер шеңберінде алынған білімді жинақтайды.

Жалпы және кәсіби деңгейде қарым-қатынас жасау үшін шет тілін білудің қажетті көлемін, тұлғааралық, іскерлік және кәсіби түрде ойларын жеткізу дағдыларын көрсетеді.

Қоғамдық сананы жаңғыртудың негізгі бағыттарын іске асыруға ықпал ететін ғылымның қазіргі заманғы тарихы мен философиясының, қолданбалы жаратылыстану-ғылыми пәндердің өзекті білімін талдайды және жалпылайды.

Физикалық мәтіндерді сауатты аударады және материалды мемлекеттік, орыс және ағылшын тілдерінде ауызша, жазбаша нысанда кәсіби баяндайды. Үштілділік талаптарын ескере отырып сабақтарды жоспарлайды және өткізеді.

Ақпараттық қауіпсіздік талаптарын ескере отырып, ғылыми және қолданбалы есептерді шешу үшін деректерді талдаудың, модельдеудің және визуализациялаудың математикалық және компьютерлік әдістерін таңдайды.

Ғылыми зерттеулерді жоспарлау және ұйымдастыру әдістерін құрылымдайды. Ғылыми ниеттің, шығармашылықтың әдіснамасын, ғылыми зерттеуді ұйымдастырудың жалпы сұлбасын, жаратылыстану-ғылыми, физикалық зерттеулерде инновация саласындағы ғылыми таным әдістерін пайдалану практикасын ұсынады.

Пәндік және психологиялық-педагогикалық міндеттерді қою және тиімді шешу, зерттеу нәтижелерін өз бетінше және топ мүшесі ретінде өңдеу, сынақтан өткізу және енгізу, озық тәжірибені тарату және алынған нәтижелерді коммерцияландыру мақсатында жұмыс берушілермен, кәсіби бірлестіктермен және ғылыми ұйымдармен оқу-тәрбие процесінде ынтымақтастық орнатады.

Қазіргі заманғы физиканың негізгі концепциялары мен мәселелерін, оның мәдениетті дамытудағы рөлін, жоғары мектеп дидактикасының арнайы саланың теориялық концепцияларымен интеграциялаудағы классикалық ережелерін, көптілді кадрларды даярлау аспектісінде жоғары мектеп дидактикасын, мектеп пен ЖОО-дағы инновациялық және қашықтықтан білім беру технологияларын талдайды.

Білім беру ресурстарын әзірлеудің принциптері мен әдістерін, соның ішінде, ақпараттық-коммуникациялық технологияларды және ақпараттық қауіпсіздіктің негізгі талаптарын ескере отырып, цифрлық білім беру ресурстарын таңдайды.

Оқу-әдістемелік материалдарды әзірлейді, әртүрлі педагогикалық жағдайларға оқыту мен тәрбиелеудің тиісті әдістерін таңдайды. Оқу материалдарына ғылыми зерттеулердің нәтижелерін жобалайды.

Жаратылыстану ғылымдары, технология және математика білімдеріне сүйене отырып, шешімдерді табады және қолданады. Физикалық шамаларды өлшеу әдістерін таңдайды және өлшеу құралдарын оқыту мен зерттеуді жүзеге асыруда қолданады.

Өзіндік ғылыми идеялар мен гипотезаларды қалыптастырады, оларды дәлелді түрде қорғайды, теориялық және қолданбалы зерттеулердің оңтайлы әдістемесін таңдайды.