6B02231 Тарих в Қожа Ахмет Ясауи атындағы Халықаралық қазақ-түрік университеті

Пән тарихи кезеңдердің өзекті мәселелері бойынша теориялық тұжырымдарды талдап, адамзаттың кейінгі дамуын анықтаған көне өркениеттер тарихын зерттейді. Ежелгі Шығыс елдері (Қытай, Мысыр, Үндістан, Таяу Шығыс т.б.) тарихына қатысы бар барлық мағлұматтар, алғашқы мемлекеттердің пайда болуы, мемлекеттік құрылысы мен әлеуметтік құрылымының ерекшеліктері, әлеуметтік-экономикалық және саяси жағдайы, дамуы мен дағдарысқа ұшырау мәселелерін қарастыруда дереккөздер мен тарихнамалық зерттеулерді қолданады.

Пән әртүрлі санаттағы академиялық жұмыстарды (essay, report, etc) оңтайлы жазу үшін қажетті дағдылар мен біліктерді қалыптастырады. Пән білімгерлерге жазбаша сөйлеудің жанрлық, грамматикалық, стилистикалық және пунктуациялық ерекшеліктерін түсіндіріп, академиялық жазба жұмыстарды қатесіз жазу әдістерін үйретеді. Академиялық жазбалар әзірлеуде әлемдік дерек базаларын және ғылыми журналдардың онлайн жүйелерін пайдалану дағдыларын қалыптастырады.

Пән ежелгі дәуірдегі Қазақстан аумағындағы алғашқы қауымдық құрылыс пен мемлекеттік құрылымдар тарихының негізгі мәселелерін зерделеуге бағытталған. Білімгер Қазақстанның ежелгі заман тарихындағы тарихи эволюцияның заңдылықтарын, алғашқы қауымдық қоғам мен қазақ даласында өмір сүрген көшпелі тайпалық одақтардың саяси-мәдени дамуын, әлеуметтік-экономикалық, тарихи процестердің ерекшеліктерін зерттейді, ежелгі тарих әлемін талдайды, ұлтымыздың төл тарихынан сыр шертетін танымы мен тағлымы мол деректерден құнды мағлұматтарды меңгереді.

Бұл курс түрік тілінің бастапқы деңгейін оқуға арналған. Курстың мақсаты - "Шет тілін меңгерудің жалпы еуропалық құзыреттеріне" сәйкес студенттердің А1 деңгейінде практикалық дағдыларын қалыптастыру. Курс студенттердің мәдениетаралық және коммуникативтік қарым-қатынасқа дайындығы мен қабілетін дамытуға бағытталған. Пәнді оқу нәтижесінде студент нақты мәселелерді шешуге бағытталған таныс күнделікті сөздер мен қарапайым сөз тіркестерін түсінеді және қолданады.

Пән Ежелгі Грекия мен Рим мемлекеттерінің пайда болуы мен тарихи даму кезеңі, құл иеленушілік құрылыстың өріс алуына негіз болған теңсіздік пен таптық қатынастардың қалыптасуы, қоғамның даму эволюциясын дүниежүзілік тарихи процеспен байланыстыр отырып қарастырады. Антикалық кезеңдегі Греция мен Рим мемлекеттердің мәдениеті мен әлеуметтік-экономикалық даму ерекшеліктері, әлемдік өркениетке қосқан үлесінің маңызы оқытылады.

Бұл курс түрік тілінің жалғастырушы деңгейін үйренуге арналған. Курстың мақсаты - "Шет тілін меңгерудің жалпыеуропалық құзыреттеріне" сәйкес А2 деңгейінде студенттердің практикалық дағдыларын дамыту. Курс студенттердің тілдік деңгейіне байланысты жазбаша (оқылым, жазылым) және тікелей ауызша (айтылым, тыңдалым) коммуникативтік дағдыларын дамытуға бағытталған. Пәнді оқу нәтижесінде студент қарапайым күнделікті тақырыптарда сөйлесе алады, қарапайым жағдайларды сипаттай алады.

Пән мазмұнында археологияның өзіндік ерекшеліктері, мазмұны, ұғымдық аппараты мен қызметі, материалдық мәдениет объектілері, археологиялық зерттеулердің негізгі ғылыми бағыттары мен тұжырымдамалары қарастырылады. Білімгерлер адамзаттың тарихи-мәдени дамуындағы экономикалық құрылымы мен діни идеяларының ерекшеліктерінғ техника эволюциясының адамзаттың материалдық және рухани қмірінің барлық салаларына әсерін зерттеудің әдістемелік тәсілдерін меңгереді

Пән антропологиялық, этнографиялық, археологиялық деректер негізінде адамзат қоғамының қалыптасуы мен даму заңдылықтары, антропогенездің қозғаушы күштері, еңбек құралдарының және өндірістік қатынастардың дамуы, нәсілдердің, ойлау мен сөйлеудің шығуы туралы білім қалыптастырады. Білімгерлер рулық, тайпалық бірлестіктер мен жеке-меншіктің шығуы, отбасы-неке қатынастардың эволюциясы, өнер мен мәдениеттің, мемлекеттік бірлестіктердің пайда болуы туралы түсінік алады

Пән білім алушыларда Түркияның тарихи дамуы туралы жан-жақты түсінік қалыптастырады, тарихи ақпарат жинау, талдау және жалпылау дағдыларын дамытады, Ататүрік принциптерін ғылыми бағалауды қалыптастырады. Курсты оқу барысында білім алушы дүниежүзілік-тарихи процесс контекстінде Түркия тарихының негізгі заңдылықтары, кезеңдері мен мазмұны туралы білімдер алады, студенттердің шығармашылық қабілетін, пайымдау еркіндігін, Ататүріктің рухани, тарихи-мәдени мұрасын зерттеу, сақтау, қолдану және арттыруға деген қызығушылығын оятады.

Пән адамның өзгермелі жағдайларға бейімделуге қажет икемді дағдыларды қалыптастырады. Курс барысында студенттер көпшілік алдында сөйлеу, презентация жасау, аудиторияның назарын аудару дағдыларын дамытады. Нәтижесінде студент проблемалардың басымдылықтарын анықтап, оларды шешуде креативті ойлауды және тәуекелдерді болжауды үйренеді. Сондай-ақ, студент өз мүдделері мен сұхбаттасушының мүдделері үшін екіжақты ақпарат алмасуды тиімді қамтамасыз ете алады.

Бұл пән студенттердің дүниежүзілік тарихи үдерісте түркі халықтары мен мемлекеттерінің орны мен рөлі туралы біртұтас түсініктерін қалыптастыруға, студенттердің тарихи ақпаратты іздеу, жүйелеу және кешенді зерттеу дағдыларын меңгеруге, өткен мен бүгінгі күннің тарихи процестерінің мән-жайын бағалау, көрсету және түсінуге, ақиқатқа бағдарланған өзіндік ұстанымдарын қалыптастыруға, азаматтық, отаншылдық, ұлттық бірегейлік, ұлтаралық және дінаралық толеранттылық көзқараста тәрбиелеуге бағытталған.

Пән студенттердің қаржылық қатынастарының маңызды салаларын бейнелейтін негізгі қаржылық-экономикалық түсініктерді дамыту арқылы қаржылық сауаттылық негіздерін қалыптастырады. Сондай-ақ қаржылық нарықтағы тұтынушының, инвестордың, қарыз алушының, акционердің, салық төлеушінің, сақтандырушының, инвестордың әлеуметтік-экономикалық рөлін тиімді орындауға және тұтынушыларды пирамидалар мен қаржылық алаяқтықтан сақтандыруға бағытталған білім мен дағдыларды қалыптастырады.

Пән экономикалық білімді қалыптастырады, кәсіпкерлік жүргізудің ғылыми негіздерін зерттейді. Кәсіпкерлік іс-әрекетті меңгеру барысында білімгер цифрлық технологияларды қолдана отырып мәліметтерді жинақтайды, бизнестің қыр сырын меңгере отырып, өз бетінше басқарушылық мәселелерді шешеді, алдында тұрған мақсаттарға қол жеткізу дағдыларын қалыптастыру арқылы көшбасшылық қабілетін көрсетеді. Білім алушы кәсіпті жүзеге асыру әдістерімен танысады, бизнесті ұйымдастыру мен басқару шешімдерін қабылдауға дағдыланады.

Пәннің мақсаты ясауилік құндылықтармен таныстыру, жеке, мәдени, кәсіби қатынастарда ғылым, діни төзімділік, адамдар қатынасы, құқығы туралы ясауилік ұстанымдарды қалыптастыру. Пәнді меңгеру нәтижесінде білім алушы ясауи мәдениетінің ерекшелігін бағалап, қоғамдағы әлеуметтік, этикалық, конфессиялық, мәдени ерекшеліктермен салыстыра біледі. Ясауи ілімінің түркі халықтарының ұлттық мәдениеті, діни түсінігіндегі маңыздылығын түсінеді, қоғамдық ынтымақ, бірлікке ұйытқы болатын «хикметтің» ұлт руханиятындағы орнын зерттеп, белсенді кәсіби, әлеуметтік қатынас орнату қабілеттерін қалыптастырады.

Пән орта ғасырлар кезеңіндегі әлемнің шығыс елдерінің тарихи даму процессі туралы терең және жан-жақты түсініктерді қалыптастыруға бағытталған. Азия мен Африка елдеріндегі феодалдық қатынастардың ерекшеліктері, қоғамның әлеуметтік құрылымы, жер қатынастары, саяси және тарихи оқиғалар, шығыстық қоғамдағы діннің орны мен рөлі, мемлекеттердің халақаралық аренадаға геосаясаты айқындалады.

Пән сыбайлас жемқорлыққа қарсы мәдениетті және академиялық адалдықты тарихи, сондай-ақ қазіргі заманғы мәтіндерде қалыптастырады, сыбайлас жемқорлықтың туындауының әмбебап мәнін, табиғатын, орнықтылығының себебін ашады. Білім алушы сыбайлас жемқорлыққа қарсы іс-қимылдың әлеуметтік-экономикалық, құқықтық, мәдени, адамгершілік-этикалық аспектілері бойынша материалдарды цифрлық технологиялар көмегімен жинау, талдау және ситуациялық міндеттерді өз бетінше немесе командада шешу арқылы сыбайлас жемқорлыққа қарсы қызметті дербес ұйымдастыру дағдыларын меңгереді

Пән көшбасшылық қасиеттерді, стильдер мен әсер ету әдістерін тиімді пайдалану арқылы адамдардың мінез-құлқы мен өзара әрекетін тиімді басқару теориясын қарастырады. Пән мамандарды іргелі дайындаудың алғышарты болып табылады және кәсіби қызметте өз күшін ұтымды пайдалана алатын, өз бетімен дұрыс шешім қабылдауға қабілетті, шығармашылық белсенді тұлғаны қалыптастыруды қамтамасыз етуге арналған.

Курс VI-XVII ғғ. Қазақ даласында мемлекеттік бірлестірдердің қалыптасуы, дамуы, өркендеуі және құлдырауы төңірегіндегі мәселелерді қарастырады. Қазақ хандығының қалыптасуы мен дамуы процесінде түркі тайпаларының, Қимақ, Оғыз, Қыпшақ, Қараханидтер мен Алтын Орда мемлекеттерінің отырықшы және көшпелі мәдениетінің орны айқындалады. Қазақ этносының қалыптасуы, Қазақ хандығының нығаюы мен өркендеуі, құлдырауы мәселелері зерттеледі.

Курс Отандық және шетелдік тарихнаманың теориялық тұжырымдамалары негізінде жаңа заман кезеңіндегі Қазақстан тарихының тарихи дауму процестерін зерделеуге бағытталған. Пән аясында патшалық Ресей империясының отарлық саясаты және оның экономикалық, әлеуметтік, саяси және рухани өмірдегі салдары, ұлт-азаттық қозғалыстар, тәуелсіздік үшін күрестегі ұлт зиялыларының қызметі қарастырылады.

Пән экологиялық танымды қалыптастырады, қоршаған ортаның жай-күйін және қауіпті факторлардың адамға әсер ету дәрежесін бағалау және табиғатты ұтымды пайдалану аспектілерін қолдануды үйретеді. Курс барысында білімгер экологиялық проблемалар бойынша мәліметтерді цифрлық технологияларды қолдана отырып жинауға, оларды сыни көзқараспен талдауға, өз бетінше шешімдер қабылдауға машықтанып, экологиялық қағидаттарды сақтай отырып, командада жұмыс істеу қабілеттілігін қалыптастырады.

Пән аясында батыстық қоғамда феодалдық құрылыстың қалыптасуы, оның хронологиялық шеңбері, шаруашылық түрлері, қоғамның әлеуметтік құрылымы, мемлекеттердің ерекшеліктері оқытылады. Батыстық қоғам өміріне енген идеялар мен институттардың (монархия, республика, заңдар, моральдық нормалар) пайда болуы мен дамуы қарастырылады. Пән V ғасырдан XVII ғасырдың ортасына дейінгі Батыс елдерінің капитализм генезисіне дейінгі мәселелерін талдап, зерделеуге бағытталған.

Пән Қазақстанның жаңа және қазіргі заман тарихының негізгі үдерістерін зерттеуге бағытталған. ХVІІІ-ХХІ ғасырлардағы Қазақстанның саяси, әлеуметтік-экономикалық және мәдени дамуының жалпы заңдылықтары мен ерекшеліктері қарастырылады. Империялық Ресейдің отарлық саясаты, ұлт-азаттық қозғалыстар, Алаш қозғалысының тарихы, кеңестік мемлекеттік құрылыс үлгісінің жүзеге асырылуы, тәуелсіздік тұсындағы Қазақстан тарихы сипатталады.

Пән тарихи деректер негізінде Шығыс елдерінің экономикалық, әлеуметтік, саяси, мәдени дамуы Ұлы географиялық ашылылулар кезеңінен бастап бірінші дүние жүзілік соғысқа дейінгі аралықта қарастырады. Батыс державалардың Шығыстағы отарлық саясаты мен транформацияланудың мәні мен мазмұны, Азия және Африка елдерінің ортақ және жеке ерекшеліктері, тарихи оқиғалары мен өркениеттік жетістіктері әлемдік тарихи дамумен байланыста зерделенеді.

Пән білімгерлердің деректерді іздеп табу, таңдау, сыни талдау және түсіндіре білу дағдыларын қалыптастыруға бағытталған. Деректанудың теориялық-әдіснамалық негіздері, деректану принциптері, деректерді жіктелуі мен жүйеленуі, арнайы ұғымдық-терминологиялық аппараты, дереккөзбен жұмыс істеудің негізгі кезеңдерінің мазмұны мәселелері қарастырылады. Білімгер деректерді пайдалана білу тәсілдері мен әдістерін меңгереді.

Пән әлемдік саяси картада мемлекеттердің пайда болуын, хронологиялық шеңбері мен саяси – географиялық орналасауын, елдердің саяси құрылысы мен типтерін, геосаяси жағдайлары мен сыртқы саясатын, халықаралық аренадағы ролі мен орнын қарастырады. Мемлекеттердің тарихи дамуында қоғам мен географиялық ортаның өзара әрекеттесуінің сипатын зерттейді, гуманитарлық және жаратылыстану ғылымдардың пәнаралық зерттеулерін интеграциялайды, ғылыми теориялық ізденістердің сабақтастығын анықтайды.

Пән туған өлкенің географиялық, тарихи, мәдени және табиғи ортасын зерттеуге бағытталған. Білімгер ежелгі дәуірден бүгінгі күнге дейінгі туған жер аумағында болған тарихи процестердің негізгі кезеңдері мен ерекшеліктері, туған өлкенің табиғи байлықтары мен тарихи ескерткіштері, мәдени нысандары мен тарихи жәдігерлері, дәстүрлі қолөнері мен мәдени мұралары, өңір мақтанышына айналған тұлғалар туралы білімдерін қалыптастырады.

Пән Еуропа мен Америка елдерінің халықаралық қатынастардағы дамуының негізгі тенденциялары мен ерекшеліктері, жаңа дәуірдегі күрделі тарихи процестерді, сондай-ақ мәдениет пен менталитет контекстіндегі саяси, экономикалық және әлеуметтік ойлардың негізгі бағыттарын қарастырады. Білімгерлер әлемдік капиталистік экономиканың біртұтас жүйесінің қалыптасу жолдарымен, жаңа ғылыми-категориялық аппаратпен, Батыс елдерінің жаңа тарихы бойынша негізгі тұжырымдамалармен танысады.

Түркия Республикасының демократиялық мемлекет ретінде қалыптасуы мен даму жолындағы әлеуметтік-саяси және мәдени реформалары, түрік мемлекетінің заманауи өркениет деңгейіне жету жолдары қарастырылады. Түрік қоғамы эволюциясының сипаттамалық ерекшеліктері мен негізгі кезеңдері жан-жақты талданады, Түркия Республикасының негізгі қоғамдық институттарының тарихи қалыптасуы мен қазіргі жағдайының ерекшеліктері, ішкі даму факторлары мен сыртқы әсерлердің арақатынасының маңызы оқытылады.

Пәнаралық әдістер негізінде Түркістанның тарихи, әлеуметтік-экономикалық, саяси, мәдени дамуы жан-жақты зерделенеді. Пән түбі бір түркі халықтарының рухани орталығы ретінде Түркістан қаласының орта ғасырлардан қазіргі уақытқа дейінгі аралықта тарихы ғылыми зерттеулер мен деректер арқылы қарастыруға бағытталады. Түркістан қаласының ұлттық және халықаралық маңызы, еліміздің тарихындағы орны анықталады

Пән аясында Бірінші дүние жүзілік соғыстан кейінгі әлемнің шығыс елдерінің экономикалық, әлеуметтік және саяси даму қарқыны, сондай-ақ Азия мен Африка елдерінің қазірге дейінгі аралықтағы халықаралық саяси аренадағы алған орны қарастырылады. ХХ-ХХІ ғасырлардағы Азия және Африка елдерінің даму тенденциялары, мәдениеті мен халықаралық қатынастардағы қызметі мен болған тарихи оқиғаларға тұлғалардың ролі қарастырылады.

Пәнді оқыту барысында ғылымның әдістемелік түсінік аппараты арқылы этнологияның теориялық және методологиялық мәселелері, ғылыми мектептері мен бағыттары, қазіргі этномәдени және этникалық процестер, халықтардың этникалық бейнесі қарастырылады. Білімгерлер дүниежүзі халықтарының этникалық тарихы мен этногенезі, географиялық, антропологиялық, тілдік, шаруашылық-мәдени типтері бойынша жіктелуі, отбасылық тұрмысы, өркениеттік көзқарас тұрғысынан дәстүрлі материалдық және рухани құндылықтары туралы терең білім алады.

Орталық Азия елдерінің тарихи кезеңдердегі саяси, әлеуметтік-экономикалық және мәдени дамуы туралы жан-жақты түсініктер қалыптастырылады. Аймақтағы елдердің тарихи сабақтастығы, көшпелі және отырықшы халықтардың мәдени-тарихи ықпалдастығынан туындаған мәселелерге ғылыми түсінік беріледі. Тарихи үрдістің ерекше сипатына себепші болған факторлар, бүгінгі таңдағы Орталық Азия аймағының халықаралық қатынастар жүйесіндегі орны мен рөлі, өңірлік проблемалардың шешілу жолдары қарастырылады.

Пән арнайы тарихи білімдерді кәсіби қызметте пайдалану қабілетін қалыптастыруға, тарихи ғылым салаларын зерттеу әдістерін кешенді түрде игеруге, тарихтың теориялық мәселелерін тереңдетіп оқытуға бағытталған. Қосалқы тарихи пәндерде қолданылатын негізгі ұғымдар мен терминдердің мазмұны, негізгі салаларының даму тарихы, тарихи зерттеулердегі рөлі қарастырылады. Білімгерлер ғылыми-теориялық және пәнаралық принциптер негізінде тұжырым жасауға, тарихи деректерді пайдалануға машықтанады.

Пән мұрағат ісін зерттеудің теориясын, принциптері мен әдістерін, терминологиялық аппарат және нормативтік-құқықтық базасы ұғымдарын, мұрағат ісінің даму кезеңдерін, құжаттарды жіктеу, жүйелеу негіздерін қарастырады. Курс тарихи оқиғалардың шынайылығы мен жазба деректерді сыни тұрғыдан талдауға, мұрағат ісінің менеджменті және маркетингі, мұрағаттардың халықаралық ынтымақтастығы, мұрағат ісінің перспективалық бағыттары туралы жүйелі түсініктерді қалыптастыруға бағытталған.

Пән Еуропа мен Америка елдерінде орын алған саяси, әлеуметтік-экономикалық және мәдени үдерістерді, дамуының негізгі тенденцияларын, әлемдік қоғамдастықтағы орны мен рөлін қарастырады. Білімгерлер индустриалды қоғамның постиндустриялық даму сатысына өту динамикасын анықтайтын негізгі факторларды, Батыстың түрлі елдері мен аймақтарындағы тарихи оқиғалар мен құбылыстарды салыстыра отырып зерттейді.

Курс білімгерлердің ежелгі, орта ғасырлардағы, жаңа және қазіргі замандағы қоғам мен мемлекеттің дамуының жалпы заңдылықтары мен алуан түрлі жолдары туралы түсініктерін қалыптастыруға бағытталған. Өркениеттің әлеуметтік және мәдени-тарихи зерттеу тәсілдері, сызықтық және кезеңдік даму теориялары, "өркениет" ұғымы төңірегіндегі пікірталастар, өркениеттер типологиясы, өркениет түрін анықтаудағы аймақтық, мәдени және діни өлшемдер мәселелері қарастырылады.

Пән мазмұнында әлем тарихындағы тарихи үрдіс пен оның туындауы себептері, тарихи құбылыстардың негізгі кезеңдері мен нәтижелері, тарихтың философиясы мен методологиясының теориялары мен түсініктері қарастырылады. Білімгерлер тарихи теорияның қалыптасу жолдарын, адамзат дамуының тарихи заңдылықтарын, тарих ғылымының эпистемологиялық негіздері мен тарихи дамудың концепцияларын талдай отырып тарихты ғылым ретінде бейнелейтін жүйелі білімді меңгереді.

Курс антропологияның негізгі ережелері мен базалық ақпараты, антропогенез үдерісінің қозғаушы күштері, эволюционизмдегі адамның пайда болу мәселесі, нәсілдер туралы мәліметтерді қарастырады. Студенттер Орта Азия мен Қазақстан халықтарының ежелгі тұрғындарының антропоплогиялық ерекшеліктерімен, нәсілдік генезисімен, қазақ халқының этникалық антропологиясымен танысады. Гуманитарлық және жаратылыстану ғылымдары бойынша пәнаралық білімді интеграциялайды

«Мамандыққа кіріспе» пәні студенттерде таңдалған мамандық жайлы, оқу процесінің ұйымдастырушылық-әдістемелік негіздері, дидактикалық блоктардың құрылымы және білім беру бағдарламалары бойынша оқытудың түпкі мақсаты туралы тұтас түсінік қалыптастыруға бағытталған. Курс аясында білімгер оқу әдебиеттерімен, ғылыми және қолданбалы зерттеулермен жұмыс жасау, өзіндік білім алу дағдыларын игереді.

Пән ұлттық мемлекеттіліктің бастауы призмасы негізінде Қазақ хандығының құрылуы, тарихи даму процесі мен құлдырауы туралы студенттердің тарихи білімін қалыптастыруға бағытталған. Қазақ хандығының құрылу тарихына қатысты жазба деректер, тарихнамалық талдау, мемлекеттің саяси-әлеуметтік мәні, ел тарихындағы билеушілердің орны мен рөлі, қоғам дамуындағы саяси қызметінің маңызы қарастырылып, талданады.

Пән ІХ ғасырдан ХХІ ғасырдың басына дейінгі Ресей мемлекетінің әлеуметтік-саяси және мәдени дамуының негізгі тенденцияларын әлемдік тарих контексінде қарастырады. Ресей мемлекетінің қалыптасуы мен дамуының негізгі кезеңдері, Киев Русі, феодалдық князьдіктердің бытыраңқылығы, Мәскеулік Ресей орталықтандырылған мемлекеті, Ресей империясы, кеңестік және посткеңестік Ресей кезеңдеріндегі мемлекеттің ішкі және сыртқы саясаты, негізі оқиғалары, даму ерекшеліктері зерделенеді.

Пән тарих ғылымының теориясы мен методологиясының қағидаларын, категорияларын, негізгі ұғымдарын, зерттеудің мәселелері мен міндеттерін қарастырады. Әлемдік тарихи ғылыми мектептер мен бағыттарының қалыптасуы және концептуалды ерекшеліктері, тарихи зерттеудің негізгі әдіс-тәсілдері, тарих методологиясының қазіргі бағыттары, зерттеу кезеңдері, тарихи әдебиеттерді талдаудағы тарих методологиясы зерделенеді.

Пән археологиялық ескерткіштер мен халықтың қолданбалы өнерінің туындыларын зерттеуге, еліміздің киелі тарихи-мәдени жерлерін насихаттауға бағытталған. Тарихи және мәдени ескерткіштерді қорғау жөніндегі іс-шаралар кешенімен таныстырады. Ескерткіштердің типологиялық түрлері, қала және сәулет құрылысы, өнер мұраларын сақтаудың заманауи ақпараттық технологиялары, ескерткіштерді қалпына келтіру және консервациялау әдістемесі қарастырылады. Пәнаралық байланыстарды интеграциялайды

Пән Қазақстан аумағында ХХ ғасырдан бастап бүгінгі күнге дейін орын алған тарихи оқиғаларды, құбылыстарды, фактілерді, үдерістерді, тарихи заңдар мен заңдылықтарды аша отырып, оларды тығыз байланыста тұтас қарастырады. Тәуелсіз Қазақстанның саяси жүйесінің жаңаруы, зияткерлік қоғамның жасампаз тұлғасын қалыптастыру және ұлттық тарихтың жаңа белестері тарихи сабақтастықта зерделенеді.

Пән ежелгі заманнан бүгінгі күнге дейінгі түркі халықтарының этногенезі мен этникалық тарихын, этникалық аумақтарын, этномәдени ерекшеліктерн, саяси, әлеуметтік-экономикалық тарихын, демографиялық үрдістерін қарастырады. Қазіргі түркітілдес елдердің өзара байланысы мен ынтымақтастығы талданады, әлемдік геосаясаттағы орны мен рөлі анықталады. Түркі халықтарының әлемдік өркениетке қосқан үлесі тарихи деректер негізінде зерделенеді.

Пән аясында Қазақстан тарихындағы тарихи оқиғалар мен құбылыстарды жаңа теориялық-методологиялық ұстанымдармен зерттеу, кезеңдеу және бағалаудың әдіс-тәсілдері қарастырылады. Отан тарихын зерттеуде маркстік ұстанымдарға балама методологиялық бағыттардың әдіс-тәсілдерін қолдану біліктілігін игеруге бағытталған тәжірибелер талданады. Тарихи сана қалыптастыру концепциясының қызметі мен методологиясы түсіндіріледі. Отан тарихын зерттеудің басым бағыттарына шолу жасалады.

Тарихнама түсінігі мен ерекшеліктері, тарих ғылымының даму заңдылықтары мен тенденциялары, отандық және шетелдік тарихшылардың тәжрибесі, тарихи ғылымдағы ағымдар, бағыттар мен мектептердің концептулды теориялары мен тұжырымдары қарасытырылады. Тарих ғылымының қалыптасуы мен дамуына тарихи-философиялық концепциялардың ықпалы ету дәрежесі анықталады. Тарихнамалық талдаудың принциптері мен әдістері оқытылады.

Зерттелетін салада мәліметтерді жинақтау және сыни көзқараспен талдау нәтижесінде өз бетінше шешімдер қабылдау арқылы көшбасшылық қабілетті қалыптастырады

Ғылыми зерттеу жұмысын жобалау, кәсіби білімін жетілдіру үшін отандық және шетелдік тарихи мектептердің жалпы ғылыми әдістері мен әдіснамасын қолданады

Кәсіби қызметінде ғылыми зерттеу әдістерін, академиялық жазба негізіндерін, академиялық адалдық принциптері мен мәдениетін қолданады

Гуманитарлық салада инновациялық технологияларды қолдана отырып, тарих ғылымдарының теориялық-методологиялық зерттеу әдістер кешенін меңгереді

Отан және дүниежүзі тарихы кезеңдерінің даму ерекшеліктері, тарихи үдерістері, құбылыстары мен оқиғалары туралы іргелі білімдерді меңгереді

Дүниежүзі өркениеттерінің негізгі мәселелері, сондай-ақ түркі мемлекеттерінің әлеуметтік және саяси тарихының зерттелу деңгейі мен ғылыми-теориялық ізденістердің сабақтастығын анықтайды

Ғылыми мекемелерде (архив, музей, ғылыми-зерттеу орталықтары және т.б.) тарихи деректерді талдау, жүйелеу арқылы ғылыми жобаларды жүзеге асырады

Кәсіби қызметінде қоғамның рухани құндылықтарын және экономикалық, экологиялық, құқықтың, сыбайлас жемқорлыққа қарсы қағидаттарын сақтайды

Интернационалдық ортада мемлекеттік және шетел тілдерінде кәсіби, академиялық, ғылыми және әлеуметтік қарым-қатынастар орнатады