7M02167 Графика в Т.Жүргенов атындағы Қазақ ұлттық өнер академиясы

Курстың мақсаты -магистранттарда шығармашылық индустриядағы арт-менеджменттің негізгі теориялық білімі мен практикалық дағдыларын қалыптастыру. Курс барысында магистранттар кешенді әлеуметтік-мәдени басқару қызметі ретінде арт-менеджменттің ғылыми-теориялық негіздерін, сонымен қатар профиттік емес саладағы арт-менеджменттің ерекшеліктерін түсінеді. Курс өнерді басқару практикасын және басқа да әр түрлі басқару процесінің көп қырлы материалдары мен практикалық кейстерін ұсынады.

Курс басқару психологиясы мен ұйымдастырушылық психологияның аспектілерін ашады, басқарушылық қызметтің психологиялық құрылымының мазмұны туралы түсінік береді және маманның психологиялық мәдениетін арттыруға ықпал етеді, сонымен қатар басқару шешімдерін қабылдау кезінде этикалық, әлеуметтік жауапкершілік пен салдарларды түсінетін жоғары білікті мамандарды даярлауда басқарушылық қызметтің психологиялық жағдайы мен ерекшеліктерін зерттеу мен талдаудағы ғылыми негізді қамтамасыз етеді.

Курс өз стартаптарын іске асыру үшін өнердегі кәсіпкерлік қызметті жоспарлау мен модельдеуде теориялық білім мен практикалық дағдыларды, сондай-ақ осы қызмет түрін жүзеге асыру үшін қажетті құзыреттерді қалыптастыруға бағытталған. Курстың мақсаты өнердегі стартаптарды әзірлеу мен басқарудың теориясы мен технологиясын игеру, бизнес-идеяларды құру және дамыту, инновациялық жобалардың шешімдерін іске асыру үшін қажетті ресурстарды бағалау әдістерін игеру болып табылады

Бұл курс көркемдік стильдер мен бағыттар туралы білімді қалыптастырады, оның аясында монументалды кескіндемедің жаңа тенденциялары дамиды. Білім алушы ХХ ғасырдың соңы мен XXI ғасырдың басындағы көркем тәжірибенің жаңа формаларын оқып, Қазақстандағы мурализм мен стрит-арт ерекшеліктерін түсінеді. Сондай-ақ, монументалды композициядағы авторлық көркемсуреттік тенденцияларды жіктей білуге, қажетті шеберлік әдістерін, композиция техникасын және іздеу ұстанымын игерудегі жүйелі жұмысты анықтауды үйренеді.

Курс өнер индустриясындағы стратегиялық позициялау мүмкіндіктерін жүйелейді. Магистранттар схемалар, диаграммалар, жол карталары және питчингті дайындау арқылы өз жобаларында стратегиялық жоспарлау құралдарын зерттейді және қолданады. Оқыту әдістеріне: ұсынылған жағдайларды талдау және синтездеу, олардың жобаларында тестілеу, пікірталас, топтық жұмыс жатады. Нәтижесінде олар өнер жобаларын жоспарлап, оларды саналы және кәсіби түрде басқарады.

Пән бакалавриаттан кейінгі келесі білім беру сатысы болып табылады және кәсіби шет тілін меңгеруді мақсат етеді. Пән магистранттардың кәсіби шеттілдік дереккөздермен жұмыс жасау дағдысын жетілдіру арқылы білім бағдарламасының өзге пәндерін меңгеруге ықпал етеді. Пәнді оқу нәтижесінде магистранттар шет тілін мәдениетаралық қарым-қатынас құралы ретінде қолдана отырып, халықаралық кәсіби ортаға біріктіріледі.

Курс қоғамдағы негізгі өзекті әлеуметтік маңызды тақырыптармен таныстырады. Оқу барысында білім алушылар станоктік пен кітап графикасындағы композициялық шешімдерді іздеу әдістемесінің теориясы мен тәжірибесін зерттейді. Графика композициясының жаңаша көркемдік тенденциялары негізінде авторлық оқыту әдістерін жасауды үйренеді. Станоктік графика мен кітап графикасындағы жаңаша көркемдік тенденцияларды қалыптастырудағы мәдени процестердің рөлін талдай біледі.

Курстың мақсаты білім алушыларда мәдениет және өнер саласындағы бағдарламалар мен жобаларды басқаруға қатысуға мүмкіндік беретін білім, білік және дағдылар кешенін қалыптастыру болып табылады. Курс жобаны құру ресурстарымен, ережелерімен, қағидаттарымен, өнер саласындағы жобаларға қатысу және басқару шарттарымен, жобалау қызметінің технологиясымен, әдістері және құралдарымен, өнер саласындағы жобаларды басқарудың практикалық дағдыларын игерумен таныстырады

Пәнді оқытудың мақсаты-білім алушыларда креативті маркетингтің заманауи тұжырымдамасының мәні мен маңыздылығы туралы түсінік, маркетингтік стратегияларды қалыптастыруда қажетті базалық білім мен практикалық дағдыларды қалыптастыру. Курс креативті салалардың заңдылықтары мен трендтері контекстінде жалпы қабылданған маркетинг жүйесін талдайды. Маркетингтің барлық шарттары-ұсынылатын өнімнің сапасы, оның бағасы, жарнама, маркетингтік төрттік арт-менеджмент заңдылықтарын ескере отырып түзетіледі, талданады және жүйеленеді.

Пәнді оқудың мақсаты – білім алушыларға шығармашылық үшін кеңістік беру, шығармашылық әлеуетін ашу мүмкіндіктері үшін бағыт пен ережелер белгілеу. Курс барысында білім алушылар бизнес, ғылым, мәдениет, өнер, саясат сияқты барлық динамикалық өмірлік салаларда өздерінің стандарттан тыс ойлау дағдыларын жинақтайды және өзектендіреді. Курс барысында білім алушы креативті ойлауды әр түрлі білімнің бірігуінің энергетикалық өнімі ретінде анықтайды.

"Графикалық өнер технологиясы бойынша эксперименттер" курсында білім алушылар кәсіби қызметтегі заманауи технологиялармен танысады, шығармашылық қызмет ауқымын кеңейту үшін әртүрлі техникалар мен технологияларды қолданады, графикалық авторлық туындыларды жасау үшін инновациялық технологияларды өз бетінше табу, заманауи графикалық өнердің даму тенденцияларын анықтау дағдыларын меңгереді

«Әлеуметтік өзара әрекеттесу жүйесіндегі станоктік графика» пәні графикалық өнерді әлеуметтік қарым-қатынас контексінде қарастырады. График-суретшілердің қоғамның әлеуметтік мәселелерін шешудегі рөлінің өзекті мәселелері зерттеледі. Графикалық өнер туындылары арқылы практикалық мысалдарда ұлттық идея, қоғамның әлеуметтік даму мәселелері және қоғамның өткір мәселелерін шешу тәсілдері қарастырылады.