6B10110 Стоматология в Марат Оспанов атындағы Батыс Қазақстан медицина университеті

Пән адам ағзасының функциялары мен реттелуін, гомеостазды сақтау үшін мүшелердің жүйелерінің физиологиялық интеграциясын зерттейді және гомеостатикалық бақылаудың нейрондық және гормоналды механизмдерін, сүйек-бұлшық ет, жүрек-қан тамырлары, тыныс алу, ас қорыту, зәр шығару және эндокриндік жүйелерде болатын физиологиялық үдерістерді зерттеуді қамтиды.

Тірі ағзадағы химиялық үдерістер және олардың аурулар мен дәрі-дәрмектер қабылдау барысындағы биохимиялық аспектілермен байланысы туралы білім мен түсінік қалыптастыру, медициналық химияда зерттеу дағдыларын дамыту.

Пән адам ағзасының жүйелері мен мүшелері аппараттарының құрылымын тараулар бойынша зерттейді: жүйке, эндокриндік және жүрек-тамыр жүйелері. Сонымен қатар остеология, артросиндесмология, миология, спланхнология, ас қорыту, несеп-жыныс жүйелері, ангиология және т.б. тарауларды.

Пән жасушалардың даму ерекшеліктері мен құрылымын, жасушадан тыс матрицаны, осы құрылымдардың функционалдық өзара байланысын, олардың сәйкестену қабілетін, жіктелуін, гистогенезі мен қызметін зерттейді.

Пән адам ағзасы жасушасының құрылымы мен қызметін, сондай-ақ олардың мінез-құлқы мен эволюциясын, тіршілік функцияларын, өмірге бейімделуін, паразитизм құбылысын, паразиттік ауруларды және күресу әдістерін зерттейді. Зертханалық және оптикалық жабдықтармен және биологиялық материалмен қауіпсіз және тиімді жұмыс істеу дағдыларын қалыптастырады.

Пән денсаулық сақтаудағы менеджмент пен маркетингтің рөлін, сондай-ақ менеджмент қағидаттарын, функцияларын, әдістері мен ұйымдастырушылық құрылымын білетін әмбебап, кәсіби құзыреттер жүйесін меңгерген мамандар даярлауға бағытталған.

Пән жеке имиджді басқару, кәсіби бейімделу әдістерін және көпшілік алдында сөйлеу технологияларын зерттейді және кәсіби тапсырмаларды тиімді орындау үшін дәрігерге пациентпен кәсіби қарым-қатынас орнатуға, топта жұмыс істеуге мүмкіндік беретін тиімді келіссөздер үдерісі психологиясының дағдыларын игеруге бағытталған.

Пәнді оқудың мақсаты кәсіби білім беру ұйымдарының студенттері арасында қаржылық сауаттылық пен жеке қаржыны басқару саласында қаржылық шешімдер қабылдаудың негізгі дағдыларын дамыту болып табылады. Қаржы саласында болып жатқан процестер мен құбылыстарды сипаттау үшін, экономикалық деректер мен қаржылық ақпаратты біріктіру үшін қолданылатын курстың негізгі ұғымдары мен терминдерін меңгеру; экономикалық салада болып жатқан проблемалар мен өзгерістерді талдауға, осы негізде дәлелді пайымдаулар жасауға және қабылданған шешімдердің ықтимал салдарын бағалай білуге мүмкіндік беретін функционалдық қаржылық сауаттылықты дамыту; дербес, экономикалық негізделген шешімдер қабылдау дағдыларын дамыту.

Пән кәсіби қарым-қатынас жағдайында шет тіліндегі коммуникативтік-практикалық міндеттерді барабар және оңтайлы шешу үшін қажетті коммуникативтік құзыреттілікті меңгеруге, отандық және шетелдік дереккөздерді пайдалана отырып, шет тілінде мамандық бойынша ақпараттық және білім беру ресурстарымен жұмыс істеу қабілетін қалыптастыруға бағытталған.

Пән болашақ мамандықты және алдағы уақытта олар жұмыс істейтін қызмет саласын зерттейді, сондай-ақ әртүрлі жастағы пациенттермен, олардың отбасы мүшелерімен стоматологиялық қабылдауда, танысу, таныстыру жағдайында, стоматологиялық тексеру, ауруларды диагностикалау, емдеу, пациентті ынталандыру кезеңдерінде және жағымсыз жаңалықтарды хабарлаған жағдайларда тиімді вербалды және вербалды емес қарым-қатынас дағдыларын қалыптастыруға бағытталған.

Пән микробтық флораның адам ағзасына бейімделу үдерістерін, оның физиологиялық жағдайда организммен өзара әрекеттесуін, аутоинфекциялық және патологиялық үдерістердегі рөлін; адамның иммундық жүйесінің құрылымы мен қызметін, оны өзін-өзі қорғау механизмдерін, иммун тапшылығы ауруларын, сондай-ақ иммунотерапияның әртүрлі әдістерін зерттейді.

Пәндер ауруды сипаттау және деректерді бағалау үшін деректерді пайдалана отырып, эпидемиологиялық зерттеулердің (сипаттамалық және аналитикалық), рандомизацияланған клиникалық сынақтардың тиімділігін бағалауға бағытталған.

Пән ағзалардағы, тіндердегі, жасушалардағы ең көп таралғанаурулардың, соның ішінде стоматологиялық аурулардың пайда болуы, дамуы мен нәтижелері барысындағы типтік патологиялық үдерістерді, морфологиялық өзгерістерді зерттеуге бағытталған. Сондай-ақ пән гипертензия мен жүректің ишемиялық ауруын, миокард инфарктісін, туберкулезді және адамның вирустық инфекцияларын қарастырады

Пән адам ағзасындағы биохимиялық үдерістер негіздерін: ақуыздардың, нуклеин қышқылдарының, негізгі кластардың, ферменттердің құрылымы мен қызметін; энергия алмасу кезеңдерін, зат алмасуын және олардың реттелуін; ағзаның биологиялық сұйықтықтары мен тіндерінің биохимиясын, олардың құрамын, қалыпты жағдайда және патологиялық үдерістердің дамуы кезіндегі мәні мен көрсеткіштерін зерттейді.

Пән тұрақты тістердің клиникалық анатомиясын; тіс жегісі қуыстарының жіктелуін; тіс жегісі қуыстарын бөлудің қағидаттары мен кезеңдерін; тіс жегісі қуыстарын тығындау технологиясын зерттейді. Тіс жегісі қуыстарын уақытша және тұрақты тығындау үшін қолданылатын стоматологиялық жабдықтармен, құралдармен және тығындау материалдарымен жұмыс істеу дағдыларын қалыптастырады.

Пән ортопедиялық стоматология кабинеті мен стоматологиялық зертхананы ұйымдастыру негіздері туралы білімді қалыптастырады. Ортопедиялық стоматология клиникасында қолданылатын стоматологиялық жабдықтармен, негізгі және қосалқы материалдармен жұмыс істеу дағдыларын; тіс тәждерін модельдеу негіздері; фронтальды және шайнайтын тістердің анатомиялық ерекшеліктерін жаңғырту, фантомда тіс протездерінн дайындаудың клиникалық және зертханалық кезеңдерін орындау дағдыларын қалыптастырады.

Пән ағзадағы және ауыз қуысындағы физиологиялық немесе патологиялық үдерістерді белсенділендіру немесе тежеу арқылы, химиялық механизмдер арқылы дәрілердің тірі жүйелермен өзара әрекеттесуін зерттейді.

Пән балалар мен ересектердің уақытша және тұрақты тістері мен ауыз қуысы мүшелерінің морфологиялық құрылымы мен функциясының ерекшеліктерін, сондай-ақ қалыпты жағдайдағы ауыз қуысының микрофлорасы мен гомеостазының жергілікті иммунитетті қалыптастырудағы рөлін, сондай-ақ стоматологиялық аурулардың бастапқы, қайталама және үшінші профилактикасын ұйымдастыру принциптерін зерттейді.

Пәндер ғылыми зерттеудің негізгі түсініктері, ғылыми танымның әдістері мен логикасы, ғылыми ақпаратты іздеу, жинақтау, өңдеу және зерттеу нәтижелерін ресімдеу, биомедициналық этиканың принциптері мен ережелері, жануарлар мен адамдардың қатысуымен медициналық зерттеулер жүргізу туралы білім береді. Кәсіби өсу, өзін-өзі дамыту және зерттеу жүргізу үшін медициналық практиканың проблемалық этикалық-құқықтық мәселелерін дәлелді шешу дағдыларын қалыптастырады.

Пән ауыз қуысының тіндері мен мүшелерінің морфофизиологиялық, иммунологиялық ерекшеліктерін зерттейді.

Пән тістің қатты тіндерінің тіс жегілік емес ақауларының және тіс жегінің этиологиясын, патогенезін, емдеу мен диагностикалық принциптерін және тістің қатты тіндерінің аурулары бар науқастарды тексеру ерекшеліктерін оқытатын пән.

Пән тіс қуысы мен каналының құрылымы мен топографиясының заманауи мәселелерін, визуалды диагностикалық әдістерді қолдана отырып, механикалық және антисептикалық өңдеу принциптерін зерттейді.

Пән тіс-жақ жүйесі мүшелерінің морфофункционалды бұзылыстарының ерекшеліктерін зерттейді.

Пән терапевтік стоматологиядағы дайындық пен қалпына келтірудің заманауи принциптерін зерттейді.

Пәнді оқу кезінде білім алушыларда хирургиялық патология негіздері, негізгі хирургиялық жағдайларды емдеу және диагностикасының жалпы принциптері бойынша білімі мен дағдылары қалыптасады. Пропедевтикалық хирургиялық пән бола отырып, жалпы хирургия хирургиялық науқасты клиникалық тексеру және емдеу негіздерін зерттеуді қарастырады.

Пән этиология мен патогенездің заманауи аспектілерін, жіктелуін, патологиялық анатомиясын, клиникасын, пульпит пен периодонтит диагностикасының принциптерін, сондай-ақ эндодонтиялық терапия әдістерін зерттейді.

Клиникалық анатомия ассоциативті көпсалалы пән бола отырып, бас пен мойынның негізгі анатомиясын әртүрлі бағытта зерттейді.

Пән хирургиялық стоматологиядағы асептика мен антисептиканың негізгі мәселелерін, хирургиялық бөлімшедегі (кабинеттегі) медициналық құжаттаманы, стоматологиялық хирургиялық науқасты тексерудің, ауырсынуды басудың және тісті жұлу операциясының ерекшеліктерін зерттейді.

Пән ортопедиялық стоматологиядағы протездердің негізгі шекараларын негіздеу принциптері мен операциялық техниканың ерекшеліктерін зерттейді.

Пән этиологиясы инфекциялық және инфекциялық емес аурулардың бастапқы және қайталама профилактикасы мәселелерін ғана емес, сонымен қатар дұрыс диагноз қою, науқастарды дұрыс емдеу және оңалту, халықтың гигиеналық сауаттылығын арттыру үшін қажет профилактикалық ойлауды және эпидемиологиялық және гигиеналық білімнің негіздерін қалыптастыруға бағытталған.

Пән тіс және тіс қатарларының қатты тіндерінің ақаулары бар пациентті тексеру саласында дағдыларды зерттейді және қалыптастырады; тіс протездерінің бекітілген конструкцияларын диагностикалау және ортопедиялық емдеу әдістері (қойындылар, төсемдер, түйреуіш тістер, шпондар, үш-төрттік тәждер, толық жасанды тәждер, металдардан, Пластмассадан, керамикалық материалдардан жасалған көпір протездері).

Пән ішкі ағзалар ауруларының этиологиясы мен патогенезін зерттейді: пациентті тексерудің негізгі және қосымша әдістері. Пациенттің жалпы жай-күйін бағалаудың, ішкі ағзалардың кең таралған және қауіпті ауруларының белгілерін анықтаудың; зертханалық зерттеулердің деректерін түсіндірудің; ішкі ағзалар патологиясының стоматологиялық аурулармен байланысының, ауыз қуысы мен жақ-бет аймағындағы соматикалық патологияның көріністерінің практикалық дағдыларын қалыптастырады. Сондай-ақ фтизиатрияның негізгі аспектілерін, диагностика және емдеу принциптерін, туберкулездің алдын алуды, соның ішінде ауыз қуысының шырышты қабығын және жақ-бет аймағын зерттейді.

Пән денсаулық және денсаулық сақтау мәселелерін популяция деңгейінде; медициналық құқық негіздерін; медициналық көмектің сапасы мен тиімділігін бағалау әдістемесін; медициналық көмектің сапасы мен тиімділігін бақылау мен бағалауға және оларды практикалық денсаулық сақтауда қолдану тәжірибесіне көзқарасты; медициналық көмектің сапасын басқарудағы уәждемелерді зерттейді.

Пән тіс қатарларының этиологиясын, патогенезін, клиникасын, ішінара және толық ақауларын диагностикалауды зерттейді. Алынбалы протездерді қолданудың биологиялық және клиникалық негіздемесін түсінуді қалыптастырады. Тіс қатарларының ішінара және толық ақаулары бар пациенттерді клиникалық тексеру; ішінара және толық алынбалы тіс протездерінің конструкцияларымен ортопедиялық емдеу.

Пән периодонтиттердің, жақ периоститтерінің, тіс шығу ауруларының, іріңді-қабыну процестерінің және ауыз қуысы мен тістердің зақымдануының, сілекей бездері ауруларының этиологиясын, патогенезін, клиникалық көріністің ерекшеліктерін, диагностикалау және емдеу принциптерін және олардың асқынуларын, аурудың болжамын және алдын-алуды зерттейді.

Пән дентальді импланттардың жіктелуін, операциялық әрекеттердің ерекшеліктерін, дентальді имплантацияның көрсеткіштері мен қарсы көрсеткіштерін және бағытталған сүйек интеграциясының принциптерін зерттейді.

Пән, периодонтит, жақсүйек периоститі, тіс ауруы, іріңді-қабыну процестері мен ауыз қуысы мен тіс мүшелерінің зақымдануы, сілекей бездері ауруларының этиологиясын, патогенезін, клиникалық көріністерін, диагностикасы мен емдеу принциптерін қарастырады.

Пән антенатальды және постнатальды даму кезеңдерінде тіс-жақ жүйесі мүшелерінің және тістердің қатты тіндерінің қалыптасуының клиникалық маңыздылығын зерттейді.

Пән этиологиясы мен патогенезін, клиникалық көрінісі мен ағымын, Лор органдарының патологиясын диагностикалау және емдеу принциптерін және олардың асқынуларын, аурудың болжамы мен алдын-алуды зерттейді.

Пән жасына қарай балалар мен жасөспірімдердегі тістердің қатты тіндерінің тіс жегілік және тіс жегілік емес зақымдануларын және олардың асқынуларының этиологиясы мен патогенезін, клиникалық ағымы ерекшелігінің жіктелуін, диагностикалау және емдеу принциптерін зерттейді. Балаларда жиі кездесетін аурулар және олардың ауыз қуысында пайда болуы туралы білім береді; балалар мен жасөспірімдерде жиі кездесетін және қауіпті аурулардың белгілерін анықтау және түсіндіру және баланы/жасөспірімді педиатрға уақтылы жіберу дағдыларын қалыптастырады.

Пән балалар мен жасөспірімдерде анестезия және тіс жұлу ерекшеліктерін, сонымен қатар сілекей безі, аймақтық лимфа түйіндері мен самай буыны ауруларының этиологиясы мен патогенезін, жіктелуін, клиникалық көріністерін, диагностикасы мен емдеу принциптерін қарастырады.

Пән балалардағы эндодонтиялық емдеу түрлерін, көрсеткіштері мен қарсы көрсетілімдерін, хаттамаларын жас ерекшеліктеріне қарай зерттейді.

Жасанды интеллект негіздері бойынша теориялық білімдерін қалыптастыру, денсаулық сақтауда жасанды интеллектті қолдану, Python бағдарламалау тілінде жұмыс істеу дағдылары, ғылыми талдау дағдылары және оларды тәжірибеде қолдану.

Пән тіс-жақ жүйесінің күрделі патологиясы бар пациенттердің этиологиясын, патогенезін, анамнез жинау ерекшеліктерін, клиникалық тексеруді және ортопедиялық емдеуді зерттейді: пародонт аурулары, тозудың жоғарылауы, деформациялар, даму ауытқулары, темперомандибулярлық буын аурулары, стоматологиялық материалдарға төзбеушілік, ауыз қуысының шырышты қабығының созылмалы аурулары кезінде, тіс протездік материалдарының ағзаға және ауыз қуысының тіндеріне әсері.

Пән балалар мен жасөспірімдердегі пародонт ауруларының жіктелуін, этиологиясын және патогенезін, клиникалық көрінісін, диагностика, емдеу принциптерін, асқынуларын және алдын алуды зерттейді.

Пән пародонт ауруларының жіктелуін, этиологиясы мен патогенезін, клиникалық көрінісін, диагностика, емдеу, асқынулар мен алдын алу принциптерін зерттейді.

Пән балалар мен жасөспірімдердегі протез құрылымын таңдай отырып диагностиканың, емдеудің жіктелуін, этиопатогенезін, принциптерін, сондай-ақ тіс-жақ жүйесінің даму ауытқуларын ортодонтиялық түзетуді зерттейді.

Пән жақ-бет аймағының қабыну ауруларының жұмсақ тіндердің ауыз қуысы мүшелерінің, жақтың, тістердің, жұмсақ тіндердің, жақтың зақымдануының, балалар мен жасөспірімдердегі ісіктердің және ісікке ұқсас түзілімдердің этиологиясы мен патогенезін, жіктелуін, клиникалық көрінісі мен ағымының ерекшеліктерін, диагностикалау, емдеу және алдын алу принциптерін, сондай-ақ туа біткен жақ-бет аймағының ауытқулары жағдайларында хирургиялық көмек ұйымдастыру принциптерін зерттейді.

Пән науқастардың жақ-бет аймағының қатерсіз, қатерлі ісіктері мен ісікке ұқсас зақымдануларының этиологиясын, жіктелуін, патогенезін, клиникалық көрінісі мен ағымының ерекшеліктерін, диагностикалау, емдеу және диспансерлеу принциптерін зерттейді.

Пән жақ-бет аймағы жарақаттарының этиопатогенезін, клиникалық көріністері мен ағымдарының ерекшеліктерін, диагностикалау және емдеу принциптерін зерттейді, сондай-ақ жақ-бет аймағының деформациялары мен ақаулары кезінде қалпына келтіру операцияларын жоспарлау, ұйымдастыру және түрлерін қарастырады.

Пән ауыз қуысындағы жұқпалы аурулардың көріну, ағым және болжау ерекшеліктерін зерттейді.

Пән ауыз қуысындағы негізгі дерматологиялық аурулардың көріну, ағым және болжау ерекшеліктерін зерттейді.

Пән жақ-бет аймағының туа біткен және жүре пайда болған ақауларының этиологиясы мен патогенезін зерделейді; пациенттерді тексеру және қосымша тексеру әдістерінің (рентгенография, МРТ, КТ, 3Д-диагностика және т.б.) нәтижелерін түсіндіру; протездердің конструкциясын таңдау; жақ-бет протездері болған жағдайларда емдеу кезеңдерінде ортопедиялық стоматологиялық көмек көрсету; беттің бедерін алу дағдыларын қалыптастырады.

Пән пародонт және ауыз қуысының шырышты қабығының аурулары кезінде протездердің құрылымын таңдаудың негізгі принциптерін зерттейді, қолдану көрсеткіштері мен қарсы көрсетілімдерін және дайындаудың клиникалық-зертханалық кезеңдерін анықтайды.

Пән балалар мен жасөспірімдердегі вирустық, бактериялық, зең, аллергиялық, жарақаттық зақымданулардың, сондай-ақ тіл мен еріннің ауытқулары мен ауруларының этиопатогенезінің заманауи мәселелерін, клиникалық көрінісі мен ағымының ерекшеліктерін, диагностикалау және емдеу принциптерін зерттейді.

Пән вирустық, бактериялық, зең, аллергиялық, жарақаттық зақымданулардың, сондай-ақ тіл мен еріннің ауытқулары мен ауруларының этиопатогенезінің заманауи мәселелерін, клиникалық көрінісі мен ағымының ерекшеліктерін, диагностикалау және емдеу принциптерін зерттейді.

Пән стоматологиялық қызметтер нарығының қажеттілігі мәселелерін және бәсекелес ортада алға жылжыту әдістерін, стоматология саласындағы кәсіпкерліктің проблемаларын, перспективаларын және дамуын зерттейді.

Пәнді оқу барысында білім алушы клиникалық тәлімгермен бірге амбулаториялық қабылдауда терапевтік стоматологиялық пациенттерге жетекшілік ету машықтары мен дағдыларын пысықтайды, ургенттік патология бойынша терапевтік стоматологиялық кабинетте кезекшілік етеді, жағдайлардың клиникалық талдауларына және пациенттердің медициналық құжаттарын рәсімдеуге қатысады.

Пән шұғыл медициналық әрекетті талап ететін жағдаяттар мен жағдайларда медициналық көмек көрсетудің кәсіби деңгейін арттыру үшін фармакология бойынша қолда бар құзыреттерді жетілдіруге бағытталған. Анафилактикалық шоктың және басқа да шұғыл жағдайлар кезінде жедел диагностикалау және шұғыл көмек көрсету мен реанимацияның практикалық дағдыларын қалыптастырады.

Пән стоматологиялық тәжірибеде жұқпалы аурулардың пайда болуын, таралуын болдырмауға, деңгейін төмендетуге бағытталған ұйымдастырушылық, профилактикалық және эпидемияға қарсы іс-шараларды зерттейді.

Осы пән бойынша білім алушы амбулаториялық қабылдауда алған машықтары мен дағдыларын клиникалық тәлімгер хирург-стоматологпен бірге хирургиялық стоматологиялық пациенттердің курациясында көрсететін болады, хирургиялық стоматологиялық кабинетте кезекші болады, жағдайлардың клиникалық талдауларына қатысады, пациенттердің медициналық құжаттарын рәсімдеуге қатысады.

Нейростоматологиялық синдромдарда этиопатогенезді, жіктелесін, клиникалық көріністерінің ерекшеліктерін, диагностика принциптерін және стоматологтың клиникалық тактикасын қарастырады.

Пән шеңберінде білім алушы клиникалық тәлімгермен бірге тіс-жақ жүйесінің ауытқулары мен деформациялары бар пациенттерге жетекшілік етуде алған білімдері мен дағдыларын көрсетеді, пациенттердің медициналық құжаттарын рәсімдеуге және жағдайларын клиникалық талдауға қатысады.

Пән шеңберінде білім алушы клиникалық тәлімгермен бірге тіс қатарларының ақаулары және тіс-жақ жүйесінің басқа да патологиялары бар пациенттерге жетекшілік ету жолымен іскерлікті және дағдыны үйренетін болады, амбулаториялық қабылдауға, клиникалық талдауларға, пациенттердің медициналық құжаттарын ресімдеуге қатысады.

Пән шеңберінде білім алушы стоматологиялық патологиясы бар балалар мен жасөспірімдерге бақылау жүргізу арқылы алған білімдерін, дағдыларын, іскерліктерін бекітеді, балалар мен жасөспірімдерді амбулаториялық қабылдауға балалар стоматологы (терапевт, хирург) клиникалық тәлімгермен бірге қатысады, арнайы мекемелерде балалар мен жасөспірімдердің клиникалық талдауларына және профилактикалық тексерулер жүргізуге және пациенттердің медициналық құжаттарын рәсімдеуге қатысады.