7M02145 Өнертану в Т.Жүргенов атындағы Қазақ ұлттық өнер академиясы

«ЖОО-дағы кинопедагогиканың әдістері мен технологиялары» курсы магистранттарға кино саласы бойынша мамандандырылған пәндерді оқыту үшін оқу процесінде қолданылатын озық инновациялық технологияларды, әдістерді, әдістемелерді меңгеруге мүмкіндік береді. Курс кино өнерінің тарихы мен теориясы, кинотанудың теориялық және практикалық негіздерін үйрететін пәндердің ерекшеліктеріне бағытталған. Курс магистранттарға командалық дағдыларды дамытуға және табысты оқытудың маңызды аспектілері болып табылатын қарым-қатынас дағдыларын жақсартуға көмектеседі.

Курс магистранттарды жоғары білім педагогикасының жалпы мәселелерімен таныстыра отырып, жоғары білім педагогикасының әдіснамалық және теориялық негіздерін, қазіргі заманғы талдау технологияларымен, жоғары оқу орнындағы оқу-тәрбие үрдісін ұйымдастыру мен оның мазмұнын айқындайтын концептуалды мәселелерді қарастырады, жоғары мектептегі білім беру және тәрбие үдерісін ізгілендіру мен демократияландырудың қазіргі үрдістерімен, оқыту мен тәрбиелеудің дәстүрлі және инновациялық технологияларымен таныстырады

«Театртану пәндерін оқытудың әдістемелік негіздері» «Театр тарихын оқыту әдістемесі» курсының заңды жалғасы болып табылады және магистранттарды педагогикалық практиканы табысты аяқтауға, сайып келгенде, театр ғылымының арнайы пәндерінің оқытушысы қызметін атқаруға және педагогикалық қызметін жүргізетін пәндер бойынша әдістемелік материалдардың толық кешенін өз бетінше дайындайды. Курс пәндерді оқытудың классикалық және заманауи әдістерін қолдануға, отандық және әлемдік театр мектептерінің ерекшеліктерін талдауға үйретеді.

Пән магистратураның ғылыми-педагогикалық және бейіндік бағыттағы барлық білім беру бағдарламаларының магистранттарына арналған және рационалды аналитикалық ойлауды қалыптастыруға әрі дамытуға бағытталған. Оқу барысында магистранттар қазіргі заманғы сыни ойлаудың теориялық және практикалық тәсілдерінің өнердегі өзара әрекеттесуін меңгеруі тиіс. Оның ішінде: зерттеудің ғылыми нысандарын бағалау, таңдау және құрылымдау, өз ойларын негіздеу және дәйекті түрде ұсыну, дәлелді пікірталас жүргізу, ақпарат көздерін таңдау және пайдалану.

"Мәдени антропология" пәні зерттеуге бағытталған мәдениеттің әртүрлі бағыттарындағы адамның көрінісі тарихи контексте және әртүрлі тарихи кезеңдердегі мәдени дамуды талдау мақсатында пәнаралық өзара әрекеттесуді қамтиды. Курс адам тәжірибесінің әртүрлілігін және мәдени аспектілерді зерттеуге қажетті маңызды құралдарды бағалауға бағытталған.

Курс басқару психологиясы мен ұйымдастырушылық психологияның аспектілерін ашады, басқарушылық қызметтің психологиялық құрылымының мазмұны туралы түсінік береді және маманның психологиялық мәдениетін арттыруға ықпал етеді, сонымен қатар басқару шешімдерін қабылдау кезінде этикалық, әлеуметтік жауапкершілік пен салдарларды түсінетін жоғары білікті мамандарды даярлауда басқарушылық қызметтің психологиялық жағдайы мен ерекшеліктерін зерттеу мен талдаудағы ғылыми негізді қамтамасыз етеді

Курс қашықтан оқыту жүйелерінен, вебинарлардан, оқу курстарынан, онлайн сабақтарды өткізуге, қашықтықтан тапсыруға және емтихан тапсыруға арналған кешеннен тұратын аппараттық-бағдарламалық кешен болып табылады. Пәннің мақсаты – оқу процесіне тән барлық құрамдас бөліктерді көрсететін қашықтықтағы білім алушы мен оқытушының өзара әрекетін жоспарлау және дамыту. Пән әртүрлі цифрлық платформалар мен мазмұнды пайдалана отырып, цифрлық оқыту орталарында курстарды жоспарлауға және дамытуға бағытталған

Пән бакалавриаттан кейінгі келесі білім беру сатысы болып табылады және кәсіби шет тілін меңгеруді мақсат етеді. Пән магистранттардың кәсіби шеттілдік дереккөздермен жұмыс жасау дағдысын жетілдіру арқылы білім бағдарламасының өзге пәндерін меңгеруге ықпал етеді. Пәнді оқу нәтижесінде магистранттар шетел тілін мәдениетаралық қарым-қатынас құралы ретінде қолдана отырып, халықаралық кәсіби ортаға біріктіріледі.

Курс магистранттарды ғылымның тарихы мен философиясы қалыптасуының өзекті мәселелерімен, ғылыми қызметтің қағидалары және әдістерімен, мәдениет динамикасындағы ғылымның құрылымымен және даму модельдерімен, ғылыми революциямен, ғылымның эмпирикалық және теориялық деңгейлерімен және т.б. таныстырады. Курс ғылыми-философиялық білімді мәдениеттің шекаралас салаларымен (дін, ғылым, көркем шығармашылық) түйісетін нүктесін айқындап, заманауи ғылым философиясының, нақтырақ өнертанудың өзекті мәселелерін қарастырады.

Пәнді оқытудың мақсаты-білім алушыларда креативті маркетингтің заманауи тұжырымдамасының мәні мен маңыздылығы туралы түсінік, маркетингтік стратегияларды қалыптастыруда қажетті базалық білім мен практикалық дағдыларды қалыптастыру. Курс креативті салалардың заңдылықтары мен трендтері контекстінде жалпы қабылданған маркетинг жүйесін талдайды. Маркетингтің барлық шарттары-ұсынылатын өнімнің сапасы, оның бағасы, жарнама, маркетингтік төрттік арт-менеджмент заңдылықтарын ескере отырып түзетіледі, талданады және жүйеленеді.

Бұл курс ғылыми жарияланымдар авторларына көмек ретінде әзірленді және Web of Science және Scopus халықаралық ғылымометриялық дерекқорларда индекстелетін шетелдік журналдарда жариялау үшін ғылыми мақалаларды дайындау бойынша негізгі талаптардың сипаттамасын қамтиды; қолжазбаларды жариялауға дайындау кезінде негізгі ережелердің қысқаша сипаттамасы беріледі; әдістемелік нұсқаулықтар мен олардың қосымшаларын қолдана отырып, мақсатты журналдарды таңдау бойынша құралдар жинағы және нұсқаулар берілген

Пәнді меңгерудің міндеттері: магистранттарды ХХІ ғасырдағы әлемдік театрдың негізгі театрлық тенденциялары бойынша хабардар болуға, заманауи спектакльді «оқу» жолдары мен әдістеріне, қазіргі өнер теориялары мен концепцияларының театр тәжірибесімен байланысын түсінуге үйрету. Сондай-ақ жаңа драмалық мәтіндерді, театрландырылған дискурстарды, әртүрлі театр объектілерін, жанрларды, стильдерді, тілдік құралдарды талдауға баулу. Режиссердің ой-өрісіне ене білу, спектакльді басқа өнертану және гуманитарлық ғылымдар контекстінде ой елегінен өткізу.

Пәнді оқудың мақсаты – білім алушыларға шығармашылық үшін кеңістік беру, шығармашылық әлеуетін ашу мүмкіндіктері үшін бағыт пен ережелер белгілеу. Курс барысында білім алушылар бизнес, ғылым, мәдениет, өнер, саясат сияқты барлық динамикалық өмірлік салаларда өздерінің стандарттан тыс ойлау дағдыларын жинақтайды және өзектендіреді. Курс барысында білім алушы креативті ойлауды әр түрлі білімнің бірігуінің энергетикалық өнімі ретінде анықтайды.

Курстың мақсаты білім алушыларда мәдениет және өнер саласындағы бағдарламалар мен жобаларды басқаруға қатысуға мүмкіндік беретін білім, білік және дағдылар кешенін қалыптастыру болып табылады. Курс жобаны құру ресурстарымен, ережелерімен, қағидаттарымен, өнер саласындағы жобаларға қатысу және басқару шарттарымен, жобалау қызметінің технологиясымен, әдістері және құралдарымен, өнер саласындағы жобаларды басқарудың практикалық дағдыларын игерумен таныстырады

«Заманауи кинотанудағы жаңа ақпараттық технологиялар» курсы фильм талдаудың заманауи әдіснамасын, қазіргі кинотану объектілерін, яғни адамды, ақпаратты және виртуалды әлемді зерттеуге бағытталған. Курс аясында магистранттар заманауи кинотанудың даму перспективаларын зерттейді және жаңа технологиялардың фильмдерді жақсырақ түсініп талдауға қалай көмектесетінін меңгереді. Курс адамдарды және олардың кинодағы рөлін, сонымен қатар ақпаратпен өзара әрекеттесуін зерделеуге бағытталған.

Курстың негізгі идеясы магистрлік диссертация жазу кезінде қолданылатын ғылыми-танымдық қызметтің негізгі категорияларымен таныстыру болып табылады. Сонымен қатар, курста маңызды теориялық және әдіснамалық тұжырымдамаларға, ғылымды дамытудың нақты модельдеріне, әдіснамалық принциптер мен құрылымдарға, өзіндік ғылыми зерттеулердің құрылымына, мазмұнына және нәтижелерін жобалауға ерекше назар аударылады. Білім алушыларды зерттеуде қойылған мақсаттар мен міндеттерді ашуға мүмкіндік беретін негізгі ғылыми әдістермен таныстыру маңызды орын алады.

Курс магистранттарды ғылыми білім туралы жалпы идеялар контекстінде заманауи кино өнерін зерттеудегі жетекші тенденциялар болып табылатын негізгі әдістер мен теориялық тұжырымдамалармен таныстырады. Зерттеудің негізгі бағыттарының бірі - кинофильмдер жасаудың эстетикалық тәсілдерін, олардың әр алуан жанрлары мен стильдерін талдау. Сонымен қатар, пән кино өнерінің тарихи аспектілерін қарастырады және кинофильм қалыптастырудың әлеуметтік және мәдени контекстерін зерттейді.

«Қазіргі театртанудың методологиялық мәселелері» пәнінде қазіргі театртанудың өзекті мәселелері қарастырылады. Театр сыны мен театртанудың жанрлары, театр теориясының негіздері, театрдың даму бағыттары тереңнен сараланады. Театртанудың даму жолдары мен методологиясы жіктеледі. Театртанудағы жаңа бағыттардың философиямен, мәдениеттанумен, тарихпен, әлеуметтанумен, әдебиетпен байланысы анықталады. Театртану ғылымының мәні, әдістемесі, құрылымы, театртану парадигмалары қарастырылады. Театртанудағы мәдениетаралық аспектілер мен театр өнерін театртанушылық тұрғыда зерттеудің тәсілдері оқытылады.

«Өнер философиясы және театрлық концепциялар» пәнін оқыту, ең алдымен, қазіргі театрдың дамуындағы өнердің орны туралы дүниетанымдық түсініктерді тереңдетуге бағытталған. Бұл курс өнер философиясы контекстінде театр өнеріндегі заманауи тұжырымдамалық тәсілдерді зерттеуді қарастырады. Пән сыни ойлауды қалыптастыруға, көпшілік алдында сөйлеу, пікірталас, коммуникативті дағдыларды жетілдіруге бағытталған.

Курс магистранттардың теориялық және практикалық дайындауға бағытталған; өнер психологиясының әдіснамалық, теориялық және әдістемелік негіздерін ашады, өнер психологиясына қатысты психологиялық ғылымның негізгі мәселелерін жарықтандырады, маманның жеке және кәсіби дамуындағы өнер психологиясын зерттеудің маңыздылығын талдайды, өнер тілінің адам тұлғасының дамуына әсері туралы білімді, ұйымдастыру мен шығармашылық процесінің нақты психологиялық негіздері мен көркемдік қабылдауын қалыптастырады

Курс өнер туындыларын қабылдау және түсіну процесінің заңдылықтарын зерттейді, шығармашылық әрекетке жауапты жеке құрамдас бөліктерді зерттеу арқылы шығармашылық тұлғаның психикалық әрекетінің ерекшеліктерін, шығармашылық ұғымын және шығармашылық ойлаудың әртүрлі деңгейлерін зерттейді, шығармашылық психологиясы саласындағы ғылыми-зерттеу іс-әрекетіне ықпал ететін теориялық білімді, шығармашыл тұлғаның құрылымын қалыптастырады, шығармашыл тұлғаны қалыптастырудың психологиялық процестерін, шығармашылық психологияның қазіргі заманғы мәселелері мен даму перспективаларын ашады

Курс магистранттарды кино өнерін заманауи түрде қабылдауға, түсінуге, пайымдауға мүмкіндік беретін тұжырымдамалық модельдермен таныстырады. Пән кино теориясын кешенді зерттеу әдістемесін ұсынады. Курс мақсаты - алған білімді өнертанушылық зерттеулерде қолдана білуді үйрету. Бұл пәннің маңызды элементтерінің бірі магистранттардың кинематографиялық шығармаларды талдау және түсіндіру дағдыларын, сондай-ақ сыни тұрғыдан ойлау және өз ойларын жазбаша әрі ауызша жеткізе білу дағдыларын дамыта алуы болып табылады.

«Киноанализдің заманауи әдістері мен тұжырымдамалары» пәні қазіргі контексте киноны талдаудың теориялық және практикалық тәсілдерін тереңдетіп оқытады. Бұл магистрлік оқу деңгейі магистранттарға кинотуындылардың құрылымын, мазмұнын, символизмін және контекстін талдауда қолданылатын күрделі әдістемелерді меңгеру мүмкіндігін береді. Магистранттар кинотану, семиотика, құрылымдық талдау, психоанализ, постструктурализм және фильмді интерпретациялаудың басқа да заманауи тәсілдерін қоса алғанда, әртүрлі теориялық тұжырымдамалармен танысады. Бұл олардың ой-өрісін кеңейтуге және фильмдерді талдауға әртүрлі теорияларды қолдануға көмектеседі.

Пән театр өнерінің туындылары мен құбылыстарын талдау мақсатында театр зерттеушілерінің позициялық тәсілдерінің негізі ретінде сыни ойлау философиясын терең зерттеуді қамтиды. Эдмунд Гуссерль мен Мартин Хайдеггердің философиясындағы феноменологияның рөлі. Сыни сана: инстинкт пен рефлекс арасында. Зигмунд Фрейдтің "Тотем және тыйым" шығармасы. Психоанализ және сын. Адамның сыны және өзін-өзі тануы. Адамның сыны және "эго". Сынның, сыни ойлаудың мәнін анықтау. Сын және таңдау. Сын және Бостандық. Иоганн Готлиб Фихте Бостандық парадокстары. Сын және оның қоғамдық санадағы рөлі. Сын және өнер.

«ХХ-ХХІ ғасыр аралығындағы режиссерлік өнер» пәнін меңгерудің негізгі мақсаты – әлемдік театр үдерісін түсіну, жалпы театр мәдениетін қалыптастыру, қазіргі театрдың шығармашылық ізденістері қарым-қатынасында тұлғалық ұстанымын дамыту мақсатында теориялық тарихи-театрлық білім алу. Курстың міндеті магистранттарға қазіргі режиссураның дамуы және оның негізгі мәселелері туралы білім беру. Режиссураның аймақтар бойынша даму заңдылықтары мен ерекшеліктерін анықтау.

"Әзірбайжан кинотануының тарихы мен әдістемесі" пәні Әзірбайжан киносының тарихи-теориялық негіздерін терең зерттеуге және өзектендіруге, сондай-ақ кинотанудың әдіснамалық принциптерін анықтауға бағытталған. Пәнді оқығанда алған білім ғылыми-зерттеу практикасын дайындау және өткізу, сондай-ақ магистрлік зерттеуді (диссертацияны) жоспарлау процестеріне енгізілуі мүмкін. Әзірбайжанның кинотану тарихы мен әдіснамасы әдіснамалық және ғылыми мәдениетті қалыптастыруға, ғылыми мәтіндерді икемді қабылдауға, әдістеме бойынша пікірталастарға қатысуға, алған білімдерін ғылыми-зерттеу жұмыстарында тиімді қолдануға ықпал етеді.

Пән қазіргі қазақстандық театрдың өзекті мәселелерін, заманауи режиссурадағы бар ағымдармен, қазіргі ұлттық актерлік өнердің ерекшеліктерімен қарастырады. Сондай-ақ, курстың мақсаты – еліміздің театр мәдениетінің сан алуан құбылыстарын сараптайтын заманауи театртану әдістемелерімен жабдықталған кәсіби зерттеуші, театр өнері саласында ғылыми, шығармашылық және практикалық жұмыс жасауға қабілетті дербес ғалымды дайындау және қалыптастыру.

«Посткеңестік елдердегі кинематографияның даму тенденциялары» пәні кинематографияны зерттеуге және оның гуманитарлық ғылымдардың басқа салаларымен өзара әрекеттестігіне қатысты кең ауқымды тақырыптарды қамтиды. Бұл курстың негізгі мақсаты – Әзірбайжан кинематографиясының қазіргі даму кезеңін оның әлемдік кино үдерісіндегі жаһандық трендтермен өзара әрекеттесу контекстінде тереңдетіп зерттеу. Бұл оқыту болашақ магистрантқа кино тарихы мен теориясы, продюсерлік, кинотехнология, киноны сыни талдау және кино тәрбиесі саласындағы маман ретінде табысты қызмет етуге мүмкіндік береді. Оқыту аясында магистранттар кино өндірісінің негіздерін де алады, кино түсірудің техникалық аспектілерімен және кинотану негіздерімен танысады.

«Қазіргі кинодағы жанрлық жүйе» пәні жанрлық аспектілерді және олардың қазіргі кинематографиялық тәжірибедегі рөлін терең зерттейді. Бұл курс магистранттарға әртүрлі фильм жанрларын талдауға, жіктеуге және олардың құрылымын, сипаттамаларын және көрерменге әсерін қарастыруға мүмкіндік береді. «Қазіргі кинодағы жанрлық жүйе» пәнін оқу нәтижесінде магистранттар кинематография тарихы мен қазіргі тенденцияларды тереңірек түсініп қана қоймай, сонымен қатар әртүрлі жанрдағы кинематографиялық туындыларды түсіндіру және жасауға қажетті аналитикалық дағдыларын дамытады.

Пән бүгінгі театр өнерінің теориясын, атап айтқанда оның симеотикалық жүйесін, сахна белгілерінің типологиясы мен ерекшелігін, сахналық жүйелер мен құралдарын, театрлық антропологияны, жанрлық жіктелуді, оның тарихи дамуын, т.б. зерттейді. «Театр теориясы» бойынша сабақтар сахна өнерінің теориясын әлемдік драматургия, актерлік өнер мен режиссураны терең зерттеліп, түрлі театрлық бағыт-бағдарлар мен мектептердің ерекшеліктері талданады. Курс білім алушылардың театр теориясын түсінудегі театрлық көзқарасын дамытуға бағытталған.

Курс түркі мифологиясының негізгі тұжырымдамаларын ғылыми тұрғыдан зерттеуге және түркі халықтарының мифологиялық идеялары туралы толық түсінік алуға мүмкіндік береді. Магистранттар мифология атаулының түркі халықтары дінімен және мәдениетімен қандай байланыста екендігін зерттейді. Сонымен қатар, магистранттар мифологияның түркі халықтары дүниетанымына, жеке адамдарының идентикасы қалыптасуына қалай әсер ететінін зерттейді. Магистранттар түркі мифологиясының негізгі рәміздерімен, салт-дәстүрлерімен және аңыздарымен, олардың қазіргі мәдениеттегі қандай мағынаға, интерпритацияға ие екендігімен танысады.

Пән мәдениетаралық өзара қарым-қатынас, түркі тілдес театрлардың ерекшелігін айқындау, бірлескен шығармашылық жобалар құру, театр өнерінің бірыңғай жалпы түркі тұжырымдамасын қалыптастыру, түркі көпмәдениетті өнертану кеңістігін құру мақсатында түркі тілдес театрлардың интеграциялық процестерінің мүмкіндіктерін білдіреді. Курс түркітілдес халықтардың театр өнері мәселелерін өзектендіруді көздейді.

"Ұлттық кино режиссура мектебінің тұжырымдамалық аспектілері" курсы отандық кинематографияны, ұлттық кино режиссурасының модельдері мен көркемдік бағыттарын, қазіргі заманғы кинорежиссерлердің шығармашылығына тән әралуан ерекшеліктерін зерттейді. Курс қазіргі заманның маңызды проблемасы болып табылатын суретші мен уақыттың, суретші мен қазіргі қоғамның арасындағы мәселелерді қарастырады. Курс арқасында магистранттар кино өнері саласында өз зерттеулерін жүргізу үшін қажетті дағдыларға ие болады және өз білімдерін кәсіби қызметтерінде табысты қолдануды меңгереді.

Ұсынылған пән аясында өнер теориясы мен тарихының тұжырымдамалық мәселелері қарастырылады. Салыстырмалы көзқарас, ауқымды тарихи дискурс әлемдік өнер эволюциясының заңдылықтарын құрылымдауға, көркем образдардың хронологиялық және географиялық контекстпен байланысын түсінуге мүмкіндік береді. Өнер тарихы бір-бірімен және дәуір контексімен байланысты көркем ұғымдардың проблемасы ретінде, ал өнер біртұтас көркемдік кеңістік ретінде қарастырылатын болады

Пән Әзірбайжан мәдениетін дамыту саласындағы магистранттардың білімін кеңейтуді қамтамасыз етеді. Тәуелсіздік кезеңінде байқалатын әлеуметтік-экономикалық және мәдени даму тенденциясы ұлт-азаттық қозғалыс, мемлекеттілікті қалпына келтіру, қорғау және нығайту, Әзірбайжанның қазіргі дәуірдегі әлемдік аренадағы ұстанымы, елдің жалпы дамуын жеделдететін факторлар, сондай-ақ мәдениет аясында зерттелуде.

Пәннің мақсаты магистранттарды ХХ және ХХІ ғасырлардағы Шығыс және Батыс театр мәдениеттерінің өзара интеграциясының тарихи және теориялық-практикалық мәселелерімен таныстыру болып табылады. Еуропа мен Ресейдің жетекші театр қайраткерлерінің Шығыс театрының дәстүрлі формаларына қатынасы зерттелуде. Пәнді оқыту нәтижесінде білім алушылар жаһанданған әлемде нақты жергілікті мәдени деректерге ие болады.