7M02217 Шығыстану в әл-Фараби атындағы Қазақ Ұлттық университеті

Пәндер

• Шетел тілі (кәсіби)

  Пәннің мақсаты: шетел тіліндегі сөйлеу мәнерінің әртүрлі түрлерінде практикалық дағдыларды қалыптастыру. Оқу курсы қазіргі жаһандық кеңістіктегі ақпаратты қабылдау, түсіну және аудару, өз зерттеулерін сынақтан өткізу үшін ғылыми іс-шараларға қатысу қабілетін қалыптастырады. Пән шетел тілін білім берудің халықаралық стандарттарына сәйкес құзыреттерді жетілдіруге бағытталған.

  Оқу жылы - 1
  Семестр - 1
  Несиелер - 5
  

• Академиялық мақсаттағы негізгі шығыс тілі

  Пәннің мақсаты: ғылыми және практикалық жұмыста, кәсіби қызметті жүзеге асыру барысында жазбаша және ауызша қарым-қатынаста тілдік құзыреттілікті пайдалану қабілетін қалыптастыру. Курсты оқу барысында студент төмендегідей білімдерді меңгереді: күрделі ауызша және жазбаша мәтінді түсіну дағдысын қолдану; ана тілінде және шет тілінде көпшілік алдында, ғылыми ортада сөйлеу дағдысын көрсету, ғылыми зерттеу тақырыбы шеңберінде хабарлама жасау.

  Оқу жылы - 1
  Семестр - 1
  Несиелер - 5
  

• Оқитын шығыс елінің ақпараттық ресурстары

  Пән магистранттар бойында шығыстану ғылымында компьютерлік технологияларды тиімді қолдану туралы жүйелі түсінік қалыптастыруға бағытталған. Курс шығыс тіліндегі ақпараттық ресурстардан магистранттардың ғылыми-педагогикалық жұмысы үшін материалды іздеу, жинақтау және өңдеудің маңызды аспектілерін анықтауға көмектеседі. Оқитын Шығыс елінің сандық кітапханалары, ғылыми-зерттеу орталықтарының сайттары, ресурстары мен мәтіндік деректер базалары сияқты тақырыптар қарастырылады.

  Оқу жылы - 1
  Семестр - 1
  Несиелер - 5
  

• Шығыс тіліндегі кәсіби шығармашылық практикум

  Пән кәсіби қызметтегі міндеттерді шешу үшін шетелдік серіктестермен жұмыста, көпшілік алдында сөз сөйлеу барысында және қарым-қатынастың басқа түрлерінде тілдік құзыреттерді қолдану қабілетін дамытуға бағытталған. Курс шығыс тілін жоғары кәсіби деңгейде меңгеруге, белсенді коммуникативті дағдыларға, шығармашылық белсенділікке баулиды. Негізгі қарастырылатын тақырыптар: күрделі грамматикалық және лексикалық тіркестер, кәсіби- шығармашылық тілдің әртүрлі стильдері.

  Оқу жылы - 1
  Семестр - 1
  Несиелер - 5
  

• Шығыс елін түрлі контекстіде зерттеудің пәнаралық тәсілдері

  Пән Шығыс елін түрлі контекстіде зерттеуде ғылымның пәнаралық әдістерін дұрыс қолдану дағдысын қалыптастырады. Курс пәнаралық әдістер түрлері туралы теориялық және әдіснамалық білім береді, оларды зерттеу процесінде қолдану, алынған нәтижелерді талдау дағдыларын қалыптастырады. Негізгі қарастырылатын тақырыптар: қоғамдық және жаратылыстану ғылымдарының әдістерін шығыстанудаа қолданудың әдіснамалық негіздері мен принциптері, ғылымдар дифференциациясы мен интеграциялау мәселелері.

  Оқу жылы - 1
  Семестр - 1
  Несиелер - 5
  

• Басқару психологиясы

  Пәннің мақсаты: басқару психологиясының іргелі ұғымдарын зерделеу негізінде жоғары білікті мамандарды ғылыми даярлауды қамтамасыз ету, кәсіби қалыптасу процесінде басқару саласының маңызды аспектілерін теориялық түсіну және практикалық қолдану үшін алғышарттар жасау. Курс психикалық процестердің дамуы мен жұмыс істеу заңдылықтарын, тиімді өзара әрекеттесу және қақтығыстарды жеңу, өзін-өзі дамыту және өзін-өзі таныстыру негіздерін зерттеуге бағытталған.

  Оқу жылы - 1
  Семестр - 1
  Несиелер - 3
  

• Оқитын Шығыс елінің жазба және материалдық мәдениетінің ескерткіштері

  Пән магистранттарға оқитын Шығыс елінің жазба және материалдық ескерткіштері негізінде тарихи-мәдени оқиғалар шынайылығын талдауды және оларды бағалау дағдыларын үйретеді. Негізгі қарастырылатын тақырыптар: ескерткіштер мәдениет феномені және нақты танымның объектісі ретінде, дереккөз: гуманитарлық ғылымдардың антропологиялық бағдары, тарихи-мәдени шындықты талдау және бағалау үшін ескерткіштердің табиғатын, олардың түрлері мен жанрларын түсінудің әдістемелік негіздері

  Оқу жылы - 1
  Семестр - 1
  Несиелер - 5
  

• Ғылыми зерттеулерді ұйымдастыру және жоспарлау (ағыл.)

  Мақсаты: ғылыми зерттеулерді ұйымдастыру мен жоспарлауда практикалық дағдыларды қолдану, ғылыми зерттеу бағыттары туралы білімдерін жүйелеу және қолдану қабілеттерін қалыптастыру. Пән зерттейді: ғылыми мақалалар мен диссертацияларды жоспарлау, ұйымдастыру және ресімдеудің нысандары мен әдістері; презентацияларда, баяндамаларда, жобаларда, мақалаларда ғылыми зерттеу нәтижелерін қорытындылау түрлері.

  Оқу жылы - 1
  Семестр - 1
  Несиелер - 5
  

• Шығыс елінің дамуын зерттеудің әдістемесі

  Пән Шығыс елдерінің дамуының заманауи әдістерін және ғылыми интерпретация жасаудың әмбебап әдіснамасын оқып-үйренуге бағытталған. Курсты оқу барысында нақты факторлар мен процестерді анықтау, ғылыми объективтілікке жету дағдылары қалыптасады. Шығыс елдерін зерттеудегі ғылымның теориялық және әдіснамалық проблемалары, қазіргі заманғы тенденциялар жайлы өзекті тақырыптар қарастырылады.

  Оқу жылы - 1
  Семестр - 1
  Несиелер - 5
  

• Жоғары мектептің педагогикасы

  Пәннің мақсаты: жоғары мектептің дидактикасы, білім беру теориясы мен менеджменті, оқытушылық қызметті талдау және өзін-өзі бағалау негізінде жоғары оқу орындары мен колледждерде педагогикалық қызметке қабілеттілікті қалыптастыру. Оқу курсы білім беру мен Болон процесінің даму тенденцияларын зерттеуге бағытталған. Курс оқытушылық және кураторлық шеберлікті, оқыту мен тәрбиелеудің әртүрлі стратегиялары мен әдістерін меңгеруге көмектеседі.

  Оқу жылы - 1
  Семестр - 2
  Несиелер - 5
  

• Шығыс тіліндегі дәйекті эссе

  Пән шығыс тілінде дәлелді эссе жазу әдістерін, әр түрлі контексте тілдік проблеманың практикалық шешімін табуды, автордың негізгі идеясын растайтын дәлелдерді дұрыс ұсынуды қарастырады. Курс шығыс тіліндегі дәлелді эссенің академиялық салаға тән жанрлық ерекшеліктерін меғгерудің практикалық негізін қалыптастырады. Пәннің мазмұнында «дәлелді эссе» ұғымы, ерекшеліктері, тілдік әдістері мен құралдары және нақты мысалдары талданады.

  Оқу жылы - 1
  Семестр - 2
  Несиелер - 5
  

• Шығыс елдеріндегі дәстүршілдік пен модернизация

  Пәннің мақсаты: Саяси, идеологиялық және экономикалық салалардағы трансформация стратегиясын анықтау үшін Шығыс елдеріндегі жаңару процесіне талдау жасау қабілетін қалыптастыру. Оқу курсы дамудың шығыс моделінің теориялық негіздерін, қазіргі заманғы Шығыс саяси қоғамындағы дәстүрлі және инновациялық үрдістерді біріктіру ерекшеліктерін дұрыс түсінуді қалыптастырады.

  Оқу жылы - 1
  Семестр - 2
  Несиелер - 5
  

• Шығыс өркениетінің құндылықтары және қазіргі Шығыс қоғамы

  Бұл курс Таяу және Қиыр Шығыс халықтарын өркениеттік көзқарас тұрғысынан қарастырады. Кез келген өркениет, ең алдымен, бір халықтың өкілдері ортақ құндылықтардың жиынтығы, олардың жалпы дүниетанымын тудыратын нәрсе. Осыған сәйкес шығыс мәдениеттерінің іргелі белгілері мен олардың алуан түрлілігі туралы түсініктерді қалыптастыру үшін олардың пайда болу кезеңдерін қарастыру қажет.

  Оқу жылы - 1
  Семестр - 2
  Несиелер - 5
  

• Ғылым тарихы мен философиясы

  Пәннің мақсаты: философия жайлы әлемді танудың ерекше формасы ретінде, оның негізгі бөлімдерін, проблемалары мен олардың болашақ кәсіби қызмет аясында зерттеу әдістері туралы тұтас жүйелі көзқарас қалыптастыру. Оқу курсы ғылыми-зерттеу жұмысының теориялық және әдіснамалық негізін қалыптастырады.

  Оқу жылы - 1
  Семестр - 2
  Несиелер - 3
  

• Ғылыми мақсаттағы шығыс тілі

  «Ғылыми мақсаттағы шығыс тілі» пәнінің негізгі мақсаты – бұрын алған білім негізінде магистранттардың ғылыми, сараптамалық және кәсіби іс-әрекеттерін жүргізуге мүмкіндік беретін шығыс тілінде шет тілінің коммуникативтік құзыреттілігін, білік және дағдыларын жетілдіріп, одан әрі дамыту.

  Оқу жылы - 2
  Семестр - 3
  Несиелер - 5
  

• Шығыс аймағындағы мәдени-тілдік байланыстар

  Пән Шығыс аймағындағы мәдениеттердің өзара ықпалын зерттей отырып осы тарихи құбылыстың гуманитарлық мәнін түсіндіру үшін мәдени және тілдік байланыстардың нәтижелерін талдау қабілетін қалыптастырады. Курс магистранттарға тілді этностың әлеуметтік-мәдени және психологиялық ерекшеліктерінің ақпарат көзі ретінде қарастыруға үйретеді. Негізгі тақырыптар: мәдени және тілдік байланыстар, ұлттық дүниетанымдардың ұқсастықтары мен айырмашылықтары, тілдік жүйелер, көпмәдениетті құбылыстар.

  Оқу жылы - 2
  Семестр - 3
  Несиелер - 5
  

• Қазақстанның сыртқы саясатындағы оқитын Шығыс елі

  Пән екі ел арасындағы қарым-қатынастардың қалыптасу тарихы мен даму перспективаларын зерттеуге, оқитын Шығыс елінің Қазақстанның сыртқы саясатындағы орны мен рөлін бағалауға бағытталған. Курс мемлекеттердің екіжақты байланыстарды қолдау және дамытудағы саяси және экономикалық мүдделерін түсінудің теориялық-әдіснамалық негіздерін қалыптастырады. Пәннің мазмұнында сыртқы саясат принциптері, доктриналары, Қазақстанның Шығыс елдерімен дипломатиялық қарым-қатынастарының тарихы оқытылады.

  Оқу жылы - 2
  Семестр - 3
  Несиелер - 5
  

• Шығыс тіліндегі ғылыми құжаттардың жанрлық ерекшеліктері

  Пән шығыс тіліндегі ғылыми материалды зерттеу әдістерін қолдануды, белгілі бір ғылыми проблеманың таныс немесе жаңа контекстетілдік шешімін табуды қарастырады. Оқу курсы зерттеу саласына тән шығыс тіліндегі ғылыми құжаттардың жанрлық ерекшелігі мен оны түсінудің теориялық негіздерін үйретеді.Курстың мазмұнында ғылыми стиль, оның түсінігі, ерекшеліктері, тілдік құралдары мен мысалдарыоқытылады.

  Оқу жылы - 2
  Семестр - 3
  Несиелер - 5
  

• Кросс-мәдени зерттеу теориялары (ағыл)

  Курс кросс-мәдени зерттеулер теорияларының әдіснамалық негізін, батыс және шығыс мәдениеттануындағы басты тұжырымдарды қарастырады. Мәдениетті салыстырмалы оқып-зерттеу әдісі оқитын елдің және Шығыстың басқа аймағындағы елдер мәдениетінің парадигмасын сыни тұрғыдан талдау және түсіндіру дағдыларын дамытуға бағытталған. Негізгі қарастырылатын тақырыптар: кросс-мәдени тәжірибелерді талдаудың басты принциптері, мәдениеттегі әлеуметтік-тарихи контекст, перцептивті процестер және мәдениет.

  Оқу жылы - 2
  Семестр - 3
  Несиелер - 5
  

• Оқитын Шығыс елінің мәдениет және тіл саясаты

  Пән оқитын елдегі мәдени-тілдік жағдайды жүйелі талдау үшін қазіргі әлеуметтік лингвистиканың негізгі тұжырымдамасы ретінде тіл саясатын сыни талдап-түсіндіру қабілетін қалыптастырады. Курс мәдени-тілдік процестер мен құбылыстардың ерекшеліктерін, дәстүрлер мен жаңалықтардың өзара ықпалын талдаудың теориялық-әдіснамалық негіздерін оқытады. Пәннің мазмұнында мәдени-тілдік саясаттың құрамдас бөліктері, перспективалары мен модельдері, жаһандану жағдайындағы лингвистикалық экология мәселелері қарастырылады.

  Оқу жылы - 2
  Семестр - 3
  Несиелер - 5
  

• Шығыс елдеріндегі қазіргі заманғы саяси үдерістер

  Пәннің мақсаты: Шығыс елдерінде саяси институттардың тарихи өзгеру жолдарын және саяси мәдениет ерекшелігін талдау үшін қазіргі заманғы саяси процестерді зерттеуге ғылыми әдістерді қолдану қабілетін қалыптастыру. Оқыту курсы негізгі кезеңдер, олардың қазіргі заманғы экономикалық жаңарумен қарым-қатынасын талдау қабілетін қалыптастырады. Пәнді оқу нәтижесінде студенттер төмендегі мәселелерді қарастырады: саяси процестер, Шығыс елдерінің ішкі демографиялық және көші-қон саясатының мәселелері.

  Оқу жылы - 2
  Семестр - 3
  Несиелер - 5
  

• Оқитын шығыс тіліндегі қолжазбаларды зерттеу әдістері

  Пән зерттеу процесінде қолжазба мәтіндердің пайда болу уақыты мен орнын, тарихын, авторын, мәдени-тілдік мазмұнын оқып-зерттеудің, алғашқы нұсқасын анықтаудың, қолдан жасалған нұсқаны анықтау үшін қолданылатын палеографиялық талдау және түсіндіру әдіс-тәсілдерін үйретеді. Қарастырылатын тақырыптар: палеографиялық талдаудың теориялық және әдістемелік негіздері, тарихи дамудағы қолжазба ескерткіштердің сипаттамасы, палеография мен кодикологияның негізгі әдістері мен тәсілдері.

  Оқу жылы - 2
  Семестр - 3
  Несиелер - 5
  

• Шығыс елдерінің мәдениеті мен тұрмысын салыстырмалы зерттеу (ағыл)

  Курстың мақсаты – Шығыстың әртүрлі аймақтары мен елдеріндегі қазіргі мәдениет пен күнделікті өмірді салыстырмалы түрде зерттеу. Магистранттар күнделікті мәдени өмірдегі тәжірибелердің теориялық модельдері мен мысалдарының кең ауқымы бойынша теориялық және эмпирикалық білім алады. Негізгі қарастырылатын тақырыптар: Шығыс елдеріндегі қазіргі заманғы мәдениеттің өзекті бағыттары: бұқа

  Оқу жылы - 2
  Семестр - 3
  Несиелер - 5
  

• Оқитын Шығыс еліндегі модернизациялық үдерістер

  Пәннің мақсаты: Шығыстық модернизация үлгілерінің негізгі және елге тән сипаттамаларын пайдалана отырып, оқитын Шығыс елінде болып жатқан модернизация үдерістерінің аймақтық және елдік ерекшеліктерін талдау және өз бетінше анықтау қабілетін дамыту; аймақтағы экономикалық және халықаралық саяси мәселелер бойынша қолданбалы білімді пайдалана отырып, модернизацияның елдік ерекшеліктерін меңгеру; аналитикалық жұмыс дағдыларын тереңдету.

  Оқу жылы - 2
  Семестр - 3
  Несиелер - 5
  

• Шығыстағы әлеуметтік-экономикалық және саяси жағдайларды талдау және болжау

  «Шығыстағы әлеуметтік-экономикалық және саяси жағдайларды талдау және болжау» пәнін меңгерудің мақсаты болашақ магистранттардың Шығыс елдеріндегі әртүрлі жағдайларға, оқиғалар мен процестерге талдау және болжау жүргізудегі теориялық білімдерін және практикалық дағдыларын дамыту болып табылады. , сонымен қатар алған білімдерін кәсіби қызметте, қазіргі геосаяси жағдайда дұрыс қолдана білу қабілетін дамыту.

  Оқу жылы - 2
  Семестр - 3
  Несиелер - 5
  

• Оқитын Шығыс еліндегі бірегейлену үдерістері

  Курстың мақсаты – магистранттарға әртүрлі әлеуметтік-экономикалық және тарихи-саяси жағдайлар мен оқиғалардың, жаһандану жағдайларының Шығыс елдеріндегі ұлттық бірегейлік пен өзін-өзі сәйкестендірудің қалыптасуына әсері туралы тұтас түсінік беру. Курс магистранттарға Шығыс елдерінің өркениеттік ерекшеліктерін түсіну, мемлекетаралық қатынастардың мәдени-гуманитарлық саласының ерекшеліктері мен мүмкіндіктерін білу арқылы қазіргі халықаралық қатынастардың табиғатын түсінуге және талдау дағдыларын меңгеруге мүмкіндік береді.

  Оқу жылы - 2
  Семестр - 3
  Несиелер - 5
  

• Шығыс тілінде ғылыми мәтінді талдау мен құрастыру

  Пән магистранттарды зерттелетін Шығыс елінің тіліне тән негізгі категориялар мен стильдік сипаттамаларды пайдалана отырып, ғылыми мәтінді талдауға және құрастыруға үйретуге бағытталған. Негізгі қарастырылатын тақырыптар: зерттеу тақырыбын негіздеу, проблемалар мен міндеттерді қою, ғылыми зерттеудің кезеңдерін анықтау және сәйкес зерттеу әдістемесін таңдау, ғылыми мәтіннің композициялық-семантикалық құрылымы мен шығыс тілінде баяндау әдістері.

  Оқу жылы - 2
  Семестр - 3
  Несиелер - 5
  

• Оқитын Шығыс еліндегі мемлекет мен билік генезисі

  Пән магистранттарды оқитын шығыс еліндегі мемлекет пен биліктің қалыптасу заңдылықтары мен факторларын анықтауға және талдауға үйретеді. Оқыту курсы оқитын елдегі билік құрылымдары мен мемлекеттік ұйымдардың қалыптасу тенденциясын түсінудің теориялық-әдіснамалық негізін қалыптастырады. Пәннің мазмұнында тарихи ретроспективалық және қазіргі кезеңдегі мемлекеттік құрылымдар мен құқықтық жүйелердің эволюциясы оқытылады.

  Оқу жылы - 2
  Семестр - 3
  Несиелер - 5
  

Профессии

Оқыту нәтижелері

• өзекті ғылыми проблемаларды шешуде әртүрлі пәндік салалар бойынша сарапшылармен бірлесе отырып және тілдік білімді, басқа елдердің мәдениеті мен салт –дәстүрлері бойынша білімін пайдалана отырып халықаралық контекстегі өзара әрекет пен ынтымақтастықты дамыту;
• талдау және сараптама жасау жұмыстарында тілдік дағдылары мен білімін пайдалану, кәсіби қызметіне байланысты тақырыптарға дикуссия жүргізу;
• шығыстану пәндері бойынша білім беру қызметін (практикалық және семинар сабақтары бойынша) жоспарлау, ұйымдастыру және практикалық жүзеге асыру бағдарламаларын ұсыну;
• кәсіби тұрғыда ары қарай даму үшін жаңа ақпараттық технологиялар мен ресурстарды, отандық және шетелдік ғылымның жетістіктері туралы материалдарды іздеу, сақтау және өңдеудің қазіргі заманғы әдістерін қолдану;
• Шығыс елдеріндегі дәстүрлі және қазіргі процестердің жаңа және бейтаныс контексінде ғылыми проблемалардың технологиялық шешімдерін табу;
• алған білімін шығыстану ғылымының өзекті проблемалары бойынша өзіндік ғылыми зерттеуге айналдыру.
• қоғамдық және саяси құбылыстардың өзара байланысына сыни тұрғыдан баға беру, Шығыс елдеріндегі әлеуметтік және экономикалық процестерге болжам жасау;
• әлемдегі діни және мәдени жағдайды талдау барысында өзінің тұжырымдамасын құру үшін Шығыс туралы ғылымның пәнаралық контексінде филологиялық және тарихи материалды зерттеу әдістерін пайдалану;
• оқитын Шығыс елінің әлеуметтік-экономикалық, мәдени-тарихи, қоғамдық қатынастар саласындағы өзекті мәселелері бойынша өз ұстанымын негіздеу;
• шығыс тіліндегі жазба ескерткіштерді жазылған кезеңі, авторлары, жанры, тақырыптары бойынша жіктеу және әртүрлі жазба деректерді өзіндік талдау дағдысын көрсету;
• кәсіби мазмұндағы мәтіндерді аннотациялау және шығыс тілінен қазақ/орыс тілдеріне аудару
• ЖОО-да оқу процесін жүзеге асыруда шығыстану пәндерін оқытудың дәстүрлі және инновациялық тәсілдері мен технологиясын қолдану;
• сөйлеу әрекетінің барлық түрлерінде шет тіліндегі қарым-қатынас дағдыларын белсенді түрде жүзеге асыра отырып, ғылым тарихы мен философиясы, жоғары оқу орындарының педагогикасы, басқару психологиясы саласындағы іргелі және концептуалды білімді пайдаланады
• Шығыс елін жан-жақты зерттеу мәселелерін шеше білу және оның негізгі географиялық, демографиялық, экономикалық және әлеуметтік-саяси ерекшеліктері туралы білімдерін педагогикалық қызметте пайдалану.