7M04109 Стратегиялық менеджмент (EMBA) в Ілияс Жансүгіров атындағы Жетісу университеті

Пәндер

• Стратегиялық менеджмент

  Курс компанияны басқарудың заманауи тәсілдері мен тенденцияларын, негізгі ұғымдарды, тұжырымдамаларды, стратегиялық жоспарлау мен басқарудың модельдерін зерделеуді көздейді; компанияның ұйымдастырушылық-басқарушылық әлеуетін бағалау әдістерін меңгеру. Пән компанияның бәсекеге қабілеттілігін және стратегиялық басқару дағдыларын анықтау үшін қажетті білімді алуға бағытталған. Нақты жағдайға сәйкес басқарудың рационалды формаларының әдіснамалық негіздерін қарастырады.

  Оқу жылы - 1
  Семестр - 1
  Несиелер - 3
  

• Бизнесті құқықтық қамсыздандыру

  Курс кәсіпкерлік қызметті құқықтық реттеу жүйесін және заңнаманы бизнесте қолдану практикасын зерделеуді көздейді. Әртүрлі ұйымдық-құқықтық нысандар мен меншік нысандарының шаруашылық жүргізуші субъектілерін құрудың, қызметінің және таратудың (қызметін тоқтатудың) барлық сатыларында шаруашылық қатынастарын құқықтық реттеу негіздерін біледі.

  Оқу жылы - 1
  Семестр - 1
  Несиелер - 5
  

• Бизнес-зерттеу

  Курс бизнесті зерттеудің негізгі ұғымдары мен анықтамаларын, терминдері мен әдіс- тәсілдері арқылы ғылыми негізделген ойлауды дамытады, қазіргі экономиканың өзекті мәселелері бойынша өзіндік қорытынды жасауға дағдыландырады. Зерттеудің заманауи технологияларын, соның ішінде жасанды интеллектті қолдана отырып, бизнестің түрлі саласында өзіндік ғылыми негізделген зерттеу жүргізуге дағдысын қалыптастырады. Зерттеу мен талдама нәтижелерін қолдана отырып түрлі басқарушылық шешімдер қабылдауға үйретеді.

  Оқу жылы - 1
  Семестр - 1
  Несиелер - 3
  

• Менеджменттің заманауи технологиялары

  Курс қазіргі заманғы басқару технологияларын зерттеуге және басқарудың түрлі аспектілерінде цифрлық шешімдерді қолдану дағдыларын дамытуға бағытталған. Курс аясында ұйымдардың тұрақтылығын арттыру әдістері, заманауи басқару платформалары (CRM, ERP, жобаларды басқару жүйелері), жасанды интеллект пен аналитика технологиялары, сондай-ақ цифрландыру және нақты уақыт режимінде басқару тұжырымдамалары қарастырылады. Ерекше назар басқарушылық шешімдер қабылдауда, процестердің тиімділігін арттыруда, ұйымдардың бейімделгіштігі мен инновациялық әлеуетін күшейтуде технологиялық құралдарды практикалық қолдануға аударылады.

  Оқу жылы - 1
  Семестр - 1
  Несиелер - 4
  

• Бизнесті және инвестициялық проектілерді бағалау

  Курс инвестициялық жобаларды Экономикалық талдаудың және Бизнестің (кәсіпорынның) құнын бағалаудың негізгі қағидаттары мен әдістерімен таныстырады. Жобаның қаржылық моделін құру дағдыларын, жобаның көрсеткіштерін есептеу, жобаның тәуекел-талдауын жүргізу, капиталдандыру және дисконттау модельдерін, капиталды ранкалау әдісін, прецеденттік мәмілелер әдісін, таза активтер әдісін және жою құнын пайдалана отырып, бизнес құнын бағалау дағдыларын дамытады.

  Оқу жылы - 1
  Семестр - 1
  Несиелер - 5
  

• Жанжалдарды басқару және медиация

  Курс ұйымдардағы жанжалды жағдайлардың себептері мен дамуын және жұмыс орындарындағы даулы мәселелердің алдын-алу жолдарын зерттеуді қамтиды. Пән жанжалды және даулы жағдайларды болдырмау үшін теорияны практикалық қолдану дағдыларын дамытады. Қызметкерлердің құқықтарын қорғау үшін психологиялық механизмдерді пайдалану, сондай-ақ ұсыныстар бойынша іс-шараларды жоспарлау және ұйымдастыру және оларды жоспарлы түрде жою біліктілігін қалыптастырады.

  Оқу жылы - 1
  Семестр - 1
  Несиелер - 4
  

• Жобалық менеджмент

  Курс ұйымның жобалық басқару технологиясы, жобаларды экономикалық зерттеу және оларды жүзеге асыру, жобаларды басқарудың негізгі кезеңдері туралы түсінік қалыптастырады. Жобаларды іске асыруда басқару шешімдерін талдау әдістерін қолдану қабілеттері дамиды. Жобаларды басқару шеңберінде жобалау технологиясының дағдыларын алуға және дамытуға, жобаларды басқару саласындағы заманауи бағдарламалық құралдарды зерттеуге бағытталған.

  Оқу жылы - 1
  Семестр - 1
  Несиелер - 5
  

• Көшбасшылық және бизнес коммуникация

  Курс көшбасшылық теориясы мен практикасын зерделеуді көздейді, оларды кәсіби қызметте табысты қолдану дағдыларын қалыптастырады. Ақпараттық технологиялар қызметтерімен өзара іс-қимыл жасау және корпоративтік ақпараттық жүйелерді тиімді пайдалану, тұлғааралық, топтық және ұйымдастырушылық коммуникацияларды талдау және жобалау қабілетін қалыптастырады.Нормативтік құқықтық құжаттарды пайдалану, коммуникациялық менеджментті жүзеге асыру білігін дамытады.

  Оқу жылы - 1
  Семестр - 1
  Несиелер - 5
  

• Кәсіби басқару коммуникациясындағы ағылшын тілі

  Курс теориялық білімді кеңейту мен тереңдетуді, басқару саласында шет тілін меңгерудің практикалық дағдыларын жетілдіруді көздейді, сондай-ақ кәсіби қызметті жүзеге асыру үшін жеткілікті тілдік құзыреттілік деңгейіне қол жеткізуді жүзеге асырады. Шет тілінде іскерлік және басқарушылық коммуникацияларды қолдану дағдыларын қалыптастырады.

  Оқу жылы - 1
  Семестр - 1
  Несиелер - 3
  

• Персоналды басқару

  Пән қазақстандық ерекшелікті ескере отырып, кадр саясаты мәселелерін шешу дағдыларын дамытады. Персоналды басқару саласында зерттеу жүргізу, фирмалар қызметінде менеджмент әдістерін қолдану, ұйымның персоналды басқару әдістерін әзірлеу, тұрақсыздық, өсіп келе жатқан бәсекелестік және нарықтағы тәуекел жағдайында қызметкерлерді дамыту жоспарларын құру қабілетін қалыптастырады.

  Оқу жылы - 1
  Семестр - 1
  Несиелер - 5
  

• Іскерлік ағылшын тілі

  Пән ағылшын тілінде жүргізілетін іскер қатынастардың тәжірибесін игеруге бағытталған. Бағдарламада іскер ауденциялық ситуациялар мен түрлі пікір алмасулар және әңгімелесулер, іскер хаттар алмасу, презентация және т.б. құруға дағдыландырады. Басқарушылық шешімдер қабылдау қызметтеріне керекті лексико- грамматикалық және сөйлесу мәдениеті мен дағдысын қалыптастырады.

  Оқу жылы - 1
  Семестр - 1
  Несиелер - 3
  

• Тәуекел менеджменті

  Курс тәуекелдерді басқару жүйесін құрудың теориялық және практикалық негіздерін, ұйымдардағы тәуекелдерді азайту жолдарын зерттеуді қамтиды. Қаржылық емес тәуекелдерді талдау және бағалау, тәуекелдерді анықтау және сәйкестендіру, тәуекелдерді бағалау әдістерін қолдану дағдыларын қалыптастырады. Стандартты емес жағдайларда ұйымдастырушылық және басқарушылық шешімдерді таба білуді және олар үшін жауапкершілік алуға дайын болуды дамытады.

  Оқу жылы - 1
  Семестр - 1
  Несиелер - 4
  

Профессии

Оқыту нәтижелері

• Кәсіпкерлік қызметті реттейтін ҚР қолданыстағы заңнамасының нормативтік актілерін талдау және түсіндіру, бизнес пен еңбек қатынастарын құқықтық реттеу саласында әдістер мен құралдарды қолдану
• Әр түрлі жобалық бағдарламалар мен инновациялық технологияларды қолдана отырып, кәсіби саладағы проблемалардың стандартты емес шешімдерін табу.
• барлық мүдделі тараптардың (стейкхолдерлердің) мүддесінде бизнесті және инвестициялық жобаларды бағалау жөніндегі әртүрлі қаржылық тәсілдер мен әдістемелерді практикада қолдану.
• Халықаралық ортада бәсекеге қабілеттілікке қол жеткізу және сақтау үшін стратегиялық құралдарды қолдана отырып, бизнесті басқару
• Басқарушылық шешімдер қабылдау үшін қазіргі заманғы талдамалық құралдарды және жасанды интеллект технологияларын қолдана отырып, бизнес зерттеулер жүргізу
• басқарушылық шешімдердің тәуекелдері мен ықтимал әлеуметтік-экономикалық салдарын бағалау, әлеуметтік-экономикалық тиімділікті ескере отырып, оларды шешу жолдарын ұсына отырып, корпоративтік қаржы саласында бухгалтерлік басқарушылық есеп әдістерін қолдану кезіндегі проблемаларды анықтайды
• жобаны басқару саласындағы отандық және шетелдік стандарттар негізінде және үлкен деректерді талдау технологияларын қолдана отырып жобаларды басқаруды жоспарлау және бақылау.
• персоналмен жұмыс жасауда заманауи әлеуметтік технологияларды қолдана отырып, шешім қабылдау үшін топтық өзара әрекеттесуді тиімді ұйымдастыру
• компанияның кәсіби мақсаттарын іске асыру және оған қол жеткізу үшін бизнесті үздік қызметкерлермен қамтамасыз ету
• басқа мәдениеттер өкілдерімен тұлғааралық интерактивті қарым-қатынаста аналитикалық және стратегиялық дағдыларды қолдана отырып, бизнесті жүргізу үшін тілдік құзіреттіліктерді пайдалану

Ұқсас БББ