6B07224 Жеңіл өнеркәсіп өнімдерінің технологиясы және құрастыруы в Қазақ технология және бизнес университеті

Пәннің бағыты талшықтүзетін полимерлердің физика-химиясының теориялық негіздерін зерттеу. Синтетикалық талшықтарды жасау және өңдеу, олардың құрылымы мен қасиеттерін зерттеу, талшықтардың әртүрлі түрлерін алу және тоқыма материалдарын жасау әдістері, олардың сапасы мен функционалдығын жақсарту үшін химиялық модификацияның принциптері мен әдістері үйрену. Инновациялық және жетілдірілген материалдарды жасау мақсатында тоқыма өндірісінде нанотехнология, жаңа технологияларды қолданылуын меңгереді.

Пәннің бағыты бейнелеу өнері мен дизайн саласындағы композиция мен түс теориясының принциптерін игеруге, визуалды кескін элементтерінің ұйымдастырылуы мен құрылымын зерттеуге және түсінуге негізделген. Білім алушылар түс психологиясын, дизайндағы түс модельдерін ұйымдастыру теориясын ескере отырып, тепе-теңдік, пропорция, ырғақ, контраст, динамика, статика, бірлік және екпін үрдісерін ескере отырып, үйлесімді түс композицияларын талдау және құру дағдыларын қалыптастырады.

Пән әртүрлі дәуірлердің көркемдік және мәдени стильдері аясында киімнің эволюциясы туралы білімді тыңдармандарда қалыптастыруға бағытталған. Силуэттердің, сәндік элементтердің, маталар мен аксессуарлардың социомәдени үрдістерді бейнелеу ерекшеліктері қарастырылады. Мақсаты — заманауи киімдерді жобалауда тарихи-стильдік білімді қолдану қабілетін дамыту, бұл жеңіл өнеркәсіп бұйымдарын жобалау мен конструкциялау саласындағы кәсіби құзыреттіліктің көрсеткіші болып табылады.

Пәннің бағыты жоғары молекулалық қосылыстар химиясының негіздерін зерттеу және олардың құрылымы мен қасиеттері туралы жүйелі білімді қалыптастыру. Курс барысында полимерлердің физикасы мен химиясының теориялық негіздерін білу, материалға талшықтүзетін қасиеттер беру үшін, полимердің химиялық құрылымына бағытталған модификациялауды талдау, жеңіл өнеркәсіпте полимерлерді қолдануына қарай, «құрам-құрылым және қасиеті» байланысы негізінде жаңа полимерлерді құру әдістерін үйренеді.

Интеграцияланған пән экономика, кәсіпкерлік, құқық және қаржылық сауаттылық негіздерін қамтиды. Негізгі экономикалық тұжырымдамаларды, бизнесті жүргізу қағидаттарын, қызметтің құқықтық аспектілерін және сыбайлас жемқорлыққа қарсы мәдениеттің негіздерін зерттейді. Қаржылық жоспарлаудың, жеке қаржы мен инвестицияларды басқарудың негізгі принциптерін қарастырады. Экономикалық шешімдерді тиімді қабылдау, құқықтық қорғау, тұрақты бизнес-құзыреттерді қалыптастыру және жеке қаржыны басқару дағдыларын дамытуға ықпал етеді.

Пәннің бағыты материалдардың жіктелуі мен талшықтың құрамына, тоқыма материалдарының құрылымы мен қасиеттерін қалыптастырудың теориялық негіздеріне, материалдардың құрылымдық параметрлеріне, материалдардың құрамы мен қасиеттерінің қатынастарына, қазіргі заманғы материалдар ассортиментін зерттеуге негізделген. Бұйымның мақсатын ескере отырып, материалдарды таңдау критерийін білу, олардың бұйымға сәйкестігіне және материалдардың сапасын бақылау технологиясын меңгеріп шығады.

Пәннің бағыты білім алушыларға киім дайындау технологиясының негіздерін, киімдер классификациясына қарай перспективалық бағытта ұтымды жобалау және дайындау саласындағы әдістерді, тәсілдерді үйретеді. Білім алушылар бұйымдарды дайындау тәсілдерін, материалдарды пішу және тігу теориясын меңгеру негізінде киім дайындаудың неғұрлым жетілдірілген тәсілдерін, оны жобалау, шикізат пен материалдарды шығынын нормалау, материалдарды кесуге және пішуге дайындау негіздерін меңгереді.

Пән инженерлік және техникалық салаларда қолданылатын графикалық кескіндерді жасауға және өңдеуге қатысты негізгі тақырыптарды зерттеуге бағытталған. Графикалық жүйелердің негізгі компоненттері, графикалық аппараттық және бағдарламалық жасақтама. Білім алушылар инженерлік есептерді шешу режимінде графикалық жүйелермен жұмыс істеу үшін қажетті теориялық білім мен практикалық дағдыларды меңгереді

Пәннің бағыты нанотехнологиялар мен инженерлік зерттеулер принциптерін жеңіл өнеркәсіпте қолдану контекстінде біріктіру болып табылады. Наноөлшемді материалдардың іргелі аспектілерін, нанообъектілерді жасауға немесе оларды манипуляциялауға мүмкіндік беретін технологиялық әдістердің жиынтығымен танысады, білім алушылар тоқыма өндірісі, сән, аяқ киім өнеркәсібі және жаңа бұйымдарды жасауға қатысты жеңіл өнеркәсіптің басқа салаларында пайдаланатын әдістерін оқып меңгереді.

Пәннің бағыты әртүрлі мақсаттағы киімдерді жобалау және дайындау кезінде материалдарды таңдаудың ғылыми негізделген тәсілін, конфекционирлеу мен маркетинг байланысын қарастырады. Білім алушы бұйымдарға, негізгі және қосалқы материалдардың қасиеттеріне қойылатын талаптар кешенін ескере отырып, конфекциялау дағдыларын меңгереді, сондай-ақ олардың қасиеттеріне қарай, көркемдік-колористикалық безендіруді, тігін бұйымдарында матаны дұрыс қолдануды үйренеді.

Пән адам денесінің сыртқы формалары, адам денесінің сыртқы пішінінің негізгі морфологиялық белгілері, адам денесінің өлшемдерін зерттеу әдістері, антропологиялық ерекшеліктері мен заңдылықтары, пропорционалды байланыстар, жас және жыныстық айырмашылықтар туралы білімді дамытуға бағытталған. Алынған білім дене пішіні мен өлшемдері арасындағы байланысты орнату дағдылары мен дағдыларын қалыптастырады және киімнің пішіні және оны киім пішінін жобалауда қолдану.

Пәннің бағыты адамның функционалдық жағдайларын және эргономикалық белгілерін бағалау әдістерін, биомеханиканың негізгі әдістерін қарастырады. Білім алушы кәсіби еңбек ортасында адамның биомеханикалық мүмкіндіктерін бағалау үшін әдістер мен құралдарды дұрыс қолдана отырып, эргономикалық антропометриялық белгілерді өлшеуді меңгереді. Нәтижесінде адамның эргономикалық биомеханикасының негіздерін зерттей отырып, адамның әртүрлі эргономикалық жағдайына сараптама беруді үйренеді.

Пәннің бағыты киімнің жеңіл ассортимент бұйымдарын жоғары сапалы дайындаудың негізгі үрдістерін және заманауи технологиясын үйрену болып табылады. Курс соңында білімгер бұйымдарды пішу, тігу және әрлеу технологиясына қойылатын талаптарды, киімнің жеңіл ассортиментінің бұйымдарын дайындауда қолданылатын арнайы құралдар мен жабдықтарды меңгеріп, сондай-ақ жеңіл ассортименттер бұйымдарының сапасын бақылаудың негізгі әдістерімен стандарттарын біліп шығады.

Пәннің бағыты бұйымдарды дайындау үшін пайдаланатын табиғи және жасанды былғары мен үлбірдің қазіргі ассортименттері және даму перспективаларын үйренеді. Алынған білім былғарыдан және үлбірден жасалған бұйымдарға арналған шикізаттың шығу тегін, құрылысын, физикалық-механикалық және химиялық қасиеттерін, олардың сипаттамаларын, өнім сапасын анықтау әдістерін, градациясын, шикізат түрлерін және жалпы бұйымдардың құрылысы мен қасиеттерінің өзара байланысын талдау дағдыларын меңгереді.

Пән заманауи жасанды интеллект жүйелерінде қолданылатын негізгі ұғымдарды, әдістер мен технологияларды зерттеуге бағытталған. Курс жасанды нейрондық желілерді, машиналық оқытуды, терең оқытуды және компьютерлік көру, табиғи тілді өңдеу, робототехника және ойын өнері сияқты әртүрлі салаларда қолданылатын қолданбалы алгоритмдер мен модельдерді қарастырады. Курс аяқталғаннан кейін студенттер жасанды интеллект әдістерін қолдана отырып, есептерді талдауға және шешуге қабілетті.

Пәннің бағыты әйелдер, ерлер және балалар фигураларын жобалау әдістемесі мен өлшемдік типологиясын зерттеу негізінде иық және белді киімдерді жобалаудың негізгі теориялық және тәжірибелік білімді беру. Пәннің міндеті білім алушыларда әртүрлі көлемдік-кеңістіктік формадағы киім конструкцияларын жобалау әдістерін меңгеру және тұтыну талаптарына сәйкес киім мен коллекциялардың бәсекеге қабілетті үлгілерін қалыптастыру дағдыларын қалыптастырады.

Пәннің бағыты тоқыма талшықтар мен жіптердің перспективалық түрлерін, жоғары технологиялық инновациялық материалдарды, ақылды киімдерді зерттеу. Пәннің міндеттері тоқыма материалдарының жаңа түрлерінің құрамын, олардың қасиеттерін зерттейтін заманауи әдістерді үйрену, материалдардың, киімнің құрылымы мен қасиеттері арасындағы байланысты талдай білу және оларды өңдеу және пайдалану технологиясын ескере отырып, материалдарға қойылатын талаптарды тұжырымдауды меңгереді.

Пәннің бағыты жеңіл өнеркәсіп бұйымдарын өңдеудің теориялық және тәжірибелік дағдыларын игеру, тігін бұйымдарын дайындаудың ұтымды, жоғары сапалы өнімнің технологиясын үйрену, жобаларын жасау кезінде заманауи материалдарды пайдалану, технологиялық операцияларды орындау үшін жабдықтар мен шағын механикаландыру құралдарын таңдауды үйрету. Техникалық құжаттарды әзірлеу кезінде тігін бұйымдарының бөлшектерімен түйіндерін технологиялық талапқа сай өңдеуді меңгереді.

Пәннің бағыты әртүрлі материалдарды, құралдар мен әдістерді пайдалана отырып сызбаларды құру дағдыларын меңгеру, сурет салу техникасы мен стилін меңгеру. Білім алушылар сәндік бейнелерді жасаудың негізгі әдістерін, стилизация принциптері үйренеді. Негізгі табиғи және сәндік түс туралы түсінікті, екі фигуралы, үш фигуралы композицияларды, сәндік композициялар үшін монохромды, екі түсті және үш түсті шешімдерді пайдаланып, шығармашылық мүмкіндіктерін дамытады және көркемдік қабілеттерін кеңейтеді.

Пән жеңіл өнеркәсіп бұйымдарын жобалау және дайындау саласында білімалушы жобалық және зерттеушілік құзыреттерін қалыптастыруға бағытталған. Эмпатиялық талдау, гипотеза құру, прототип әзірлеу, цифрлық модельдеу және шешімдерді тұрақты жобалау, эргономика мен жүйелік тәсіл негізінде бағалау әдістері оқытылады. Пән ғылыми дәлелдеу, сыни ойлау және пайдаланушы мен өндірістік-технологиялық талаптарды ескере отырып, инновациялық бұйымдар жасау дағдыларын дамытады.

Пәннің бағыты заманауи композициялық материалдардың түрлерін, олардың функционалдық мақсатын және композициялық материалдардан тігін бұйымдарын жобалау ерекшеліктерін, форма беретін қасиеттер құрылымын, киімнің конструктивті шешімін дұрыс таңдай отырып, олардың ассортименттік топтарын пайдаланады. Курсты оқу кезінде білім алушыларда әртүрлі формадағы конструктивті шешімді модельдеу дағдылары мен әдістері, композициялық материалдардың пішінтүзуші қасиеттеріне сәйкес бұйым конструкциясының параметрлерін оңтайландыру дағдылары қалыптасады.

Пәннің бағыты білім алушылар тігін индустриясындағы заманауи құрал-жабдықтармен жұмыс істеудің негізгі түсініктерін қалыптастырады. Тігін құрал-жабдықтарын тиімді басқару және технологиялық мәселелерді шешу, техникалық білім мен іс-жүзіндегі тәжірибені меңгереді. Білім алушы алған білімдерін заманауи тігін құрал-жабдықтарымен табысты жұмыс істеуге, технологиялық үрдістерді оңтайландыруға және тігін саласында сапалы өндірісті қамтамасыз етуге мүмкіндік беретін құзыреттіліктерді иеленеді.

Пәннің бағыты былғары және үлбір бұйымдарын өндірумен байланысты құрал-жабдықтардың ассортиментін және олардың түйіндерді өңдеу мен бұйымдардың рационалды технологиялық шешімдерін таңдауға әсерін зерттеуге негізделген. Пәнді оқу нәтижесінде білім алушы былғары мен үлбір өңдеудің технологиялық үрдісіне байланысты, жабдықтың негізгі түрлері туралы білімге ие, материалдардың қасиеттерін ескере отырып, біріктіру тәсілдері мен өңдеу әдістерін таңдауды біліп шығады.

Пәннің бағыты тігін бұйымдарын дайындауда көркем шығармашылық пен сәннің өзара тиімді болатын заманауи сән топтамасын, стандартты емес тапсырмаларды тез және шебер орындау, дамыған эстетикалық талғаммен жобалау болып табылады. Курста анимациялық графика негізінде сәнді цифрлық портфолио жасайды, виртуалды киім топтамаларын әзірлейді, графикалық бағдарламалардағы цифрлық аватарларда киім үлгілерін креативті виртуалды бейнелер жасауды меңгереді.

Пәннің бағыты былғарыдан жасалған бұйымдарды жобалаудың анатомиялық-физиологиялық, антропометриялық және биомеханикалық негіздерін ескере отырып, табиғи, жасанды былғарыдан, аяқ киімнен, қолғаптан және былғары-галантерея бұйымдарынан иық, белдік киімдерді жобалау ерекшеліктерін оқиды. Курсты оқу барысында алынған білім былғарыдан жасалған бұйымдарды жобалау саласында теориялық білім мен тәжірибелік дағдыларды, әртүрлі былғарыдан жасалған бұйымдардың бөлшектерін жобалау саласында кәсіби сауаттылықты меңгереді.

Пән адам миының жұмысын имитациялайтын математикалық модельдер болып табылатын нейрондық желілерді құру және оқыту әдістерін зерттеуге бағытталған. Бұл пәнді оқу барысында студенттер нейрондық желілердің әртүрлі түрлері, олардың құрылымдары және оқу алгоритмдері туралы біледі. Курс аяқталғаннан кейін студенттер жасанды интеллект пен машиналық оқытудың әртүрлі мәселелерін шешу үшін нейрондық желілерді құруға, оқытуға және қолдануға қабілетті болады.

Пәннің бағыты болашақ мамандарда жеңіл өнеркәсіп бұйымдарын дайындау технологиясын және оларды көркемдеп әрлеу, материалдарды дайындау және пішу, тігін өндірісінің техникасы мен технологиясын дамыту бағыттары, бұйымдарды дайындау технологиясының оның конструктивті шешімінің ерекшеліктерімен және қолданылатын материалдардың қасиеттерімен байланысын қалыптасуын үйретеді. Курс нәтижесінде жеңіл өнеркәсіп тігін бұйымдарының ассортиментінің жіктелуі мен өлшемдік сипаттамасына сай өңделу технологиясын меңгереді.

Пәннің бағыты тігін конструкцияларын, үлгілерін жасауға және талдауға, киім үлгілерін визуализациялауға арналған негізгі бағдарламалық құралдарды пайдалануды үйретеді. Үлгілеу үрдісін үйренуге баса назар аударылады, соның ішінде сандық пішім жасау, дизайн мен материалдарды өзгерте алуға. Пәнді оқу барысында алған білімдерін білімгерлер тігін индустриясында компьютерлік технологияларды тиімді пайдаланып, тігін бұйымдарын жобалауда шығармашылық көзқарастарын дамытады.

Пәннің бағыты сыртқы киім бұйымдарын жоғары сапалы дайындаудың негізгі үрдістерін және заманауи технологиясын зерттейді. Курсты оқу нәтижесінде білім алушы бұйымдарды пішу, тігу және әрлеу технологиясына қойылатын талаптарды үйреніп, сыртқы киім өндірісінде қолданылатын арнайы құралдар мен құрал-жабдықтарды дұрыс пайдалануын, сондай-ақ киімнің сыртқы ассортименттер бұйымдарының негізгі сапасын бақылайтын әдістермен стандарттарды білетін болады.

Пәннің бағыты өнеркәсіптік технологиялар және автоматтандыру саласындағы мамандарды оқытуға арналған. Пән жеңіл өнеркәсіп саласындағы өндірістік үрдістерді оңтайландыру және автоматтандыру үшін заманауи әдістер мен технологияларды қолдану. Өнімділікті арттыру, шығындарды оңтайландыру және осы саладағы өнімнің жоғары сапасын қамтамасыз ету үшін автоматтандырылған жүйелерді жобалау, енгізу және басқару үшін қажетті дағдыларды игереді.

Пәннің бағыты білім алушылардың теориялық, тәжірибелік білімдерін және түспен жұмыс істеу дағдыларын, оның костюмдегі үйлесімділігін, костюмнің композициясын жасауды үйрету. Білім алушы пәнді меңгерген соң костюмдегі сәндік элементтерді қоса отырып, композициялық шешімдерді орындаудың тәжірибелік дағдылары арқылы, костюмнің бейнелі-икемділік және сәнді-конструктивті құрылымын, форма беру әдістерін сауатты орындауды игереді.

Пән жасанды интеллект жүйелерінің негізгі ұғымдары мен принциптерін, сондай-ақ олардың объектілерді басқаруда қолданылуын зерттейді. Объектілерді тиімді басқаруға арналған жасанды интеллект әдістері мен технологиялары. Курсты аяқтағаннан кейін студенттер объектілерді сәтті басқару үшін қажетті дағдылар мен білім алады

Пәннің бағыты білім алушыларға әр түрлі тігін бұйымдарын безендірудің негіздері мен әдістерін, шығармашылық және тәжірибелік білімдерін біріктіріп, бұйымдарға ерекше және тартымды көрініс беруді үйрету. Меңгерген білім мен дағдыларды жеке және декоративті сәндік элементтері бар сәнді және заманауи тігін бұйымдарын дайындау мен өңдеуде сәндік элементтердің өнімде ерекше жарасымдылық танытып тұтас болу заңдылықтарын қолданатын болады.

Пәннің бағыты білім алушы жеке киім жасау кәсіпорындарындағы тігін бұйымдары технологиясының озық түрлерін және шағын механикаландыру құралдары негізінде оны жетілдірудің мүмкін жолдарын, қайтымды конструкцияның қайта реттелетін мамандандырылған тігін жабдықтарын жасаудың негізгі бағыттарын үйрету. Алған білім нәтижесінде көпфасонды технологиялық үрдістер мен еңбек өнімділігінің өсу үрдістеріне тігін машиналарының технологиялық мүмкіндіктерін кеңейтуге ұсыныстар бере алады.

Пән барлық санаттағы пайдаланушыларға, соның ішінде мүмкіндігі шектеулі адамдарға арналған бұйымдардың қолжетімділігі мен жайлылығын қамтамасыз ететін заманауи тәсілдер мен техникалық шешімдерді зерттеуге бағытталған. Курста бейімделетін конструкциялар, «ақылды» маталар, автоматтандыру және цифрлық технологиялар қарастырылады. Пәннің мақсаты - әлеуметтік маңыздылығы мен өнімнің бәсекеге қабілеттілігін арттыратын инклюзивті және инновациялық шешімдерді әзірлеу мен енгізу саласында тыңдармандардың құзыреттерін қалыптастыру.

Пәннің бағыты өндірістің құрастыру дайындығының жалпы құрылымын, оның кезеңдерін және жаңа модельдерді іске қосу үшін жобалау-конструкторлық құжаттаманың мазмұнын оқуды үйретеді. Курс аяқталғаннан кейін білім алушы киім эталондарының үлгілерін дайындау кезінде бойаралық және өлшемаралық өлшем нышандарының өзгергіштік заңдылықтарын ескере отырып, лекалар градациясының типтік сызбаларын сызу әдістерін меңгеріп, лекалаларды жобалауды меңгереді.

Курс экономика, қоғамның әлеуметтік дамуы, қоршаған ортаны сақтау, адам өмірі мен денсаулығын қорғау арасындағы тепе-теңдікті қамтамасыз ету принциптері туралы жүйелі түсінік қалыптастыруға бағытталған. Ұлттық стратегияларды әзірлеу және бизнес-процестерді жүзеге асыру; техногендік, табиғи және әлеуметтік тәуекелдерді талдау, болжау және азайту; эко-тұрақты өмір салты және өз қауіпсіздігіне жауапкершілікпен қарау кезінде дөңгелек экономикада энергия мен қалдықтарды тиімді басқару дағдыларын дамытады.

Пәннің бағыты қазіргі заманауи материалдар мен тоқыма маталар жаймасын, тігін-трикотаж бұйымдарын өңдейтін құрал-жабдықтарды, желім материалдарын қолдана отырып, тігін-трикотаж бұйымдарын дайындау және өңдеу технологиясының ерекшеліктерінің талаптарын, дағдыларын қалыптастыру болып табылады. Курста трикотаж бұйымдарын өңдеудің негізгі кезеңдерін меңгереді, белгілі бір материалдар мен бұйым түрлеріне сәйкес тігін құралдар мен өңдеу технологиясын таңдай біліп, іс жүзінде қолдана алатын болады.

Пән ерекше қажеттіліктері бар адамдарға арналған киімді жобалау бойынша білім мен дағдыларды қалыптастыруға бағытталған. Оқыту әмбебап дизайн қағидаттарын, эргономиканы, пайдаланушылардың психофизиологиялық ерекшеліктерін, сондай-ақ бейімделетін киімге арналған технологиялар мен материалдарды қамтиды. Пәннің маақсаты - түрлі тұтынушылар тобының әлеуметтік интеграциясы мен өмір сапасын жақсартуға ықпал ететін функционалды, ыңғайлы және эстетикалық киім үлгілерін жасай алатын мамандарды дайындау.

Пән киімді виртуалды ортада визуализациялау және жобалаудың цифрлық технологияларын меңгеруге бағытталған. Студенттер көлемді формаларды құрастыру қағидаларын, цифрлық пішімдер жасауды, виртуалды киіп көруді және бұйымның отыруын талдауды үйренеді. Пәннің мақсаты — киім әзірлеу процесін оңтайландыруға мүмкіндік беретін цифрлық модельдеу дағдыларын қалыптастыру. Пәнді меңгеру — жеңіл өнеркәсіп бұйымдарын жобалау мен конструкциялауда заманауи технологияларды қолдануға дайындық көрсеткіші.

Пәннің бағыты коллекцияларды жобалау туралы идеяларды эксперименттік және шығармашылық тұрғыдан ерекше үрдіс ретінде қалыптастыруға бағытталған. Осы пәнді оқу үрдісінде алған білімі арқылы, киім индустриясындағы нарықсиымдылығынан артқан тігін бұйымдар арасында жаңа стиль немесе «сәнді» бағытты қалыптастыруға күшті әсер ете алатын бәсекеге қабілетті бұйымдар топтамаларын дайындап жобалауды үйренеді.

Пәннің бағыты тігін кәсіпорындарын кешенді жобалау мәселелерін зерттеу болып табылады - жалпы жоспардан бастап ұсақ бөлшектерге дейін, өндірістік үрдістерді оңтайландыру, құрал-жабдықтардың орналасуымен, максималды еңбек өнімділігін арттыру жолын үйретеді. Оқыту нәтижесінде білім алушы бұйымдардың оңтайлы бәсекеге қабілетті ассортименті, еңбек өнімділігі, даму және кеңейту, инновация және жаңғырту мәселелері бар тігін кәсіпорындарын жобалау дағдыларына құзіретті.

Пәннің бағыты жеңіл өнеркәсіп бұйымдарының жобаларын дайындауда теориялық білім мен тәжірибелік білімді бекіту. Кәсіпорынның құрылымын зерттеуді, жұмыс және жобалық- конструкторлық құжаттардың орындалуын ұйымдастыруды, бұйымдардың кезең-кезеңімен өңделуіне авторлық бақылауды жүзеге асыруды, стандартты сынақтарды жүргізуді, заманауи компьютерлік графикалық бағдарламалар жүйесінде жұмыс істеуді меңгереді, жеңіл өнеркәсіп бұйымдарын жобалауда алдыңғы пәндерден алған білімін білім алушылар диплом алды жобалауда пайдаланады.

Пәннің бағыты білімгерлер бас киімдерді жобалаудың әртүрлі типтері мен заманауи тенденцияларына сай әзірлеу үрдістерін, бас киімдердің формасының композициясын үйлестіру құралдарын зерттеу және тәжірибеде қолдану туралы негізгі түсініктерді қалыптастыру. Осы пәнді оқу барысында алған білімін білімгерлер баскиімдер өңдеу өндірісінде өзекті тенденциялар мен материалдар ассортиментін, олардың қасиеттерін, бас киімдерді жобалау мен дайындаудағы технологиялық әдістеріне құзіретті.

Курстың мақсаты сән үрдістерін болжау және сән, стиль бойынша кеңес беруді ілгерілету туралы білімді игеру.Пәннің міндеті кәсіпқой имидж жасушы ретінде, киімдегі жеке стильді қалыптастырудың заманауи әдіснамасына байланысты көптеген мәселелерді игеру негізінде, болашақ маманды қалыптастыру. Сән трендтерін, тұтынушылардың өмір салтын, бейнелі стиль шешімдерін ұсынуды бақылаудың практикалық дағдыларын меңгереді.

Пәннің бағыты киімдегі қазіргі заманғы АЖЖ жүйелерін, киім өндірісінің конструкторлық және технологиялық дайындығы бойынша жобалау жұмыстарын орындаудың негізгі модульдері мен әдістерін автоматтандырылған жобалау жүйелері мен киімнің АЖЖ ішкі жүйелерін пайдалана білу. АЖЖ негізінде киімді жобалау тәсілдерін білу сапалы жобалық-конструкторлық құжаттаманы, жеңіл өнеркәсіп өндірісін конструкторлық және технологиялық ұйымдастыруды жобалау бірізділігін және дайындау қағидаларының дағдыларын меңгереді.

Пән сәнді әлеуметтік-мәдени құбылыс ретінде зерттеуге, «жаппай таңдау» феноменін мәдениеттану, әлеуметтану, бизнес және индустрия тұрғысынан талдауға, сондай-ақ жасанды интеллектті қолдануға бағытталған. Оқу барысында студенттер деректерді талдау және мінез-құлық үлгілерін жасанды интеллектті пайдалана отырып талдау әдістерін меңгереді. Курсты аяқтағаннан кейін оқушылар брендинг процесін талдау дағдылары мен біліктерін игеріп, контент жасау, бизнес стратегияларын әзірлеу және брендтерді тиімді алға жылжыту үшін жасанды интеллект технологияларын пайдалануды үйренеді.

Пәннің бағыты былғарыны өңдеу өндірісінің технологиялық үрдістері мен жабдықтарын, технологиялық үрдістердің параметрлерін таңдау, өнімнің мақсатына байланысты технологиялық үрдістер мен операциялардың бірізділігін меңгеру. Курс нәтижесінде білімгер дайындық және пішу өндірісінің үрдістерін автоматтандыру жолдарын, халыққа тұрмыстық қызмет көрсету кәсіпорындарында былғарыны өңдеуге дайындау және кесу ерекшеліктерін, былғарыдан жасалған бұйымдардың дайындау технологиясын меңгеріп шығады.

Пәннің бағыты тігін бұйымдарды жобалаудың МЕМСТ 15.001-88 стандартына сәйкес бес сатылы астарлы сырт киім ассортименттегі бұйымдарды өңдеудің жобалық-конструкторлық құжаттамасын толық жиынтығын дайындауды үйрету. Бұйымды өндірістік-техникалық талапқа сай дайындау және өндіріске қою жүйесін, жобалау нәтижелері бойынша білім алушы қазіргі заманғы нарық талаптарына және НТҚ талаптарына сәйкес бұйымдардың бәсекеге қабілетті сыртқы киім ассортиментін дайындау дағдыларын меңгеріп шығады.

Пәннің бағыты жаңа конструктивті және технологиялық шешімдерді қолдана отырып, әр түрлі материалдардан аксессуарлар мен галантерея бұйымдарын жобалау және дайындау бойынша технологиялық білім мен дағдыларды қалыптастыру. Білім алушылар пәнді оқу үрдісінде алған дағдыларын костюмнің толық композициялық шешімін шығару барысында, материалдардың ассортиментінен заманауи үрдістерді ескере отырып, аксессуарлар мен галантерея бұйымдарымен толықтыру заңдылықтарын меңгеріп шығады.

Пәннің бағыты техникалық реттеу саласындағы заңнаманы, өнімге және онымен байланысты жобалау, өндіру және оның өмірлік циклі үрдістеріне қойылатын міндетті талаптарды белгілеу, қолдану және орындау, қатынастарды құқықтық реттеу, сәйкестікті бағалау саласындағы заңнаманы зерттеуге бағытталған. Заңнаманы және техникалық регламенттерді білу студенттерге жеңіл өнеркәсіп өнімдерінің қауіпсіздігі туралы нормативтік құжаттамасы мен техникалық регламенттерін қолдану үшін міндетті бірыңғай дағдыларды игереді.

Пәннің бағыты жеңіл өнеркәсіп саласындағы өнімнің сапасы мен қауіпсіздігін қамтамасыз етудің кешенді үрдістерін зерделеуге, бизнес-ортада сертификаттау мен стандарттаудың тиімді стратегияларын әзірлеуге және іске асыруға бағытталған. Пән осы салада шығарылатын бұйымдардың сапасы мен қауіпсіздігін қамтамасыз ету саласындағы білімді, сондай-ақ тігін өндірісіне қатысты нормативтік және техникалық аспектілерді қолдану дағдыларын қалыптастырады.

Пәннің бағыты бұйымдардың физиология -гигиеналық және жылу жайлылығының сәйкестігін қамтамасыз етуге байланысты кешенді білім мен дағдыларды қалыптастыру. Алынған білім негізінде бұйымдарды физиология-гигиеналық бағалау әдістері мен критерийлері, материалдар пакеті, маталардың және тұтастай алғанда бұйымдардың техникалық параметрлері арасындағы байланыс және олардың адам ағзасына әсері нормативтік құжаттаманың талаптарына сәйкес келетін көрсеткіштері бар бәсекеге қабілетті бұйымдарды жобалау дағдыларын игереді.