6B02305 Филология (қазақ) в ҚарУ Е.А.Бөкетов

Пәндер

1 Оқу жылы Алаш әдебиеттануы Тіл ілімдерінің негіздері Әдебиеттануға кіріспе Тіл біліміне кіріспе және қалыпты грамматика Экология және тіршілік қауіпсіздік негіздері Құқық және кәсіпкерлік негіздері Қаржылық сауаттылық негіздері Қазіргі қазақ тілінің фонетикасы және емлесі Қазақ халық ауыз әдебиеті

2 Оқу жылы Тәрбие жұмысының әдістемесі Педагогика Қабылдау стилистикасы Қазіргі қазақ тілінің лексикологиясы мен лексикографиясы Ежелгі және орта ғасырдағы казақ әдебиеті Қазақ әдебиетін интерактивті оқыту әдістемесі XV-XIХ ғасырдағы қазақ әдебиетінің тарихы Қазақ әдебиетін оқыту әдістемесі Абайтану Шығармашылық шеберханасы Қазіргі қазақ тілінің морфологиясы

3 Оқу жылы Лингвистикалық сараптама Көркем мәтінді лингвистикалық талдау Этимология Қазақ әліпбиі, орфографиясы мен пунктуациясы Мектепте оқу үдерісін ұйымдастырудың инновациялық технологиялары Қазақ әдеби тілінің тарихы Қазіргі қазақ тілінің синтаксисі ХХ ғасырдың бірінші жартысындағы қазақ әдебиетінің тарихы Білім беру мониторинг негіздері Контрастивтік лингвистика ХХ ғасыр басындағы Алаш зиялыларының тілдік мұрасы ХХ ғасырдың екінші жартысындағы қазақ әдебиеті Қазақ әдеби сынының тарихы Қазақ тілін оқытудың инновациялық әдістері Қазақ тілін оқыту әдістемесі Қазақ библиографиясының тарихы

4 Оқу жылы Түркі халықтары әдебиеті Әлем әдебиетінің тарихы Ғылыми зерттеу негіздері Жалпы тіл білімі Қазіргі қазақ әдебиеті Шығыс әдебиеті Әдебиет теориясы Кәсіби қызметтегі жасанды интеллект Түркі тілдерінің тарихи және салыстырмалы грамматикасы Түркітануға кіріспе

Оқыту нәтижелері

• Қазақ әдебиетінің тарихын, кезеңдері мен қалыптасу жолдарын, даму бағыттарын меңгереді. Әдеби кезеңдердің жетістіктері мен ерекшеліктерін талдайды, әр дәуір шығармаларының көркемдік ерекшеліктерін ғылыми тұрғыдан анықтайды, көркем шығармадағы қаламгер позициясын, стилін бағамдайды.
• Мәтіннің құрылымдық-семантикалық, синтаксистік, стилистикалық түзілу ерекшеліктерін анықтайды,мәтінге лингвистикалық сараптама, тілдік талдау жасайды. Сөз және оның этимологиясына, түркі халықтары тілі мен әдебиетінің тарихи дамуына байланысты ғылыми тұжырымдарды саралайды.
• Ғылыми зерттеулердің әдістері мен академиялық хатты біледі және оларды оқытылатын салада қолданады. Қолданбалы экономикалық, құқық, жаратылыстану пәндерінің тарихи дамуының негізгі кезеңдерін, заңдылықтарын және өзіндік ерекшелігін терең түсінеді және ғылыми талдау негізінде азаматтық ұстанымын көрсетеді. Жасанды интеллекті платформаларын меңгереді.
• Оқушылардың тұтас педагогикалық үдерістегі танымдық іс-әрекеті мен тәрбиелік іс-әрекетін ұйымдастыру жолдарын меңгереді. Оқытудың әдіс-тәсілдерін, жаңартылған білім мазмұнының тиімді тұстарын, инновациялық технологияларды жүйелеп талдайды, кәсіби-педагогикалық құзыреттіліктері қалыптасады. Қазақ әліпбиіне, орфография мен пунктуацияға қатысты ережелерді меңгереді.
• Жалпы тілдік теориялар мен қазақ әдеби тілінің тарихын, қалыптасу жолдарын біледі. Қазіргі қазақ әдебиеті мен әдебиеттануындағы жаңашыл тенденцияларды, көкейкесті тақырып пен идеяны, стильді анықтайды. Абайтану мен қазақ халқының әдеби мұрасын,әдеби сын тарихындағы негізгі мәселелерді игереді. Контрастивтік лингвистика негіздері мен алаштың тілдік мұрасын терең меңгереді.
• Қоғамның әлеуметтік-этикалық құндылықтарын саясаттану, әлеуметтану, мәдениеттану, психологияның базалық білімдер жүйесіндегі интеграциялық үдерістердің өнімі ретінде түсінеді және түрлі тұлғааралық, әлеуметтік және кәсіби қарым-қатынас салаларындағы жағдайларды объективті бағалайды.
• Кәсіби қызметтің міндеттерін шешуде тілдік қарым-қатынас дағдыларын игереді. Тілдің қоғамдық қызметін саралайды, тілдің ішкі және сыртқы даму заңдылықтарын біледі. Қазіргі қазақ тілінің теориясын терең меңгереді, лингвистикалық талдау дағдылары толық қалыптасады.
• Әдебиеттану ғылымына қатысты терминологияны, алаш әдебиеттануы мен қазақ библиографиясының тарихын, әлем әдебиетінің классик жазушыларының шығармашылығын, қазақ әдебиетіндегі шығыстық әдеби дәстүрлердің көрінісін жан-жақты меңгереді, көркем шығармаға әдеби талдау жасайды.

Ұқсас БББ