6B06104 Компьютерлік инженерия в Шерхан Мұртаза атындағы Халықаралық Тараз инновациялық институты

Пәндер

• Алгоритмдеу және бағдарламалау

  Студенттерді алгоритмдер құру, оларды бағдарламалау тілінде жүзеге асыру дағдыларына үйретеді. Студенттер деректер құрылымы мен басқару операторларын қолданып, нақты инженерлік есептерге шешім табуды меңгереді. Алгоритмдік ойлау қабілетін дамытып, күрделі есептерді декомпозициялау мен талдау жасау жолдарын игереді.

  Оқу жылы - 1
  Семестр - 1
  Несиелер - 6
  

• Алгебра және геометрия

  Бұл пән инженерлік есептерді шешуге қажетті сызықтық алгебра, векторлық алгебра және аналитикалық геометрия негіздерін меңгеруге бағытталған. Студенттер матрицалар, анықтауыштар, сызықтық теңдеулер жүйесі және кеңістіктегі геометриялық фигуралармен жұмыс істеу дағдыларын игереді. Пәнде алынған білімдер алгоритмдік модельдеу мен инженерлік есептерге қолданылады.

  Оқу жылы - 1
  Семестр - 1
  Несиелер - 5
  

• Математикалық анализ

  Функциялар теориясының, шектеулердің, туындылар мен интегралдардың негізін үйретеді. Студенттер инженерлік есептерді шешуде қолданылатын шексіз қатарлар, дифференциалдық және интегралдық есептеулерді меңгереді. Математикалық анализ құралдарын пайдалана отырып, физикалық және техникалық процестердің математикалық модельдерін құру дағдыларын дамытады.

  Оқу жылы - 1
  Семестр - 2
  Несиелер - 5
  

• Объектіге бағытталған бағдарламалау

  Бұл пән объектіге бағытталған бағдарламалау (ОББ) негіздерін, оның ішінде инкапсуляция, мұрагерлік және полиморфизм ұғымдарын үйретеді. Студенттер сыныптар мен объектілердің көмегімен күрделі бағдарламалық жүйелерді жобалау және жүзеге асыру әдістерін меңгереді. Қазіргі заманғы бағдарламалау тілдерінде ОББ-ны қолдану дағдыларын дамытады.

  Оқу жылы - 1
  Семестр - 2
  Несиелер - 6
  

• Электроника негіздері

  Бұл пән студенттерді электрониканың теориялық негіздерімен және негізгі электрондық компоненттердің (диод, транзистор, резистор, конденсатор, т.б.) жұмыс істеу принциптерімен таныстырады. Студенттер қарапайым электр тізбектерін талдауды, жобалауды және жинақтауды үйренеді. Пән практикалық дағдыларды қалыптастырып, цифрлық және аналогтық құрылғылардың жұмысын түсінуге мүмкіндік береді.

  Оқу жылы - 2
  Семестр - 1
  Несиелер - 5
  

• Операциялық жүйелер

  Бұл пәнде студенттер операциялық жүйелердің құрылымы мен функцияларын, соның ішінде процессорды жоспарлау, жадыны басқару, файлдық жүйелер мен енгізу-шығару құрылғыларын басқару принциптерін зерделейді. Сонымен қатар, көптапсырмалылық, ресурстарды бөлу, жүйелік шақырулар мен ядро деңгейіндегі механизмдер қарастырылады.

  Оқу жылы - 2
  Семестр - 1
  Несиелер - 5
  

• Графикалық пайдаланушы интерфейсі

  Пайдаланушы интерфейстерін жобалау және бағдарламалау негіздерімен таныстырады. Студенттер графикалық элементтермен, оқиғалармен басқару модельдерімен жұмыс істеу тәсілдерін меңгеріп, қолжетімді әрі интуитивті интерфейстер жасау дағдыларын дамытады.

  Оқу жылы - 2
  Семестр - 1
  Несиелер - 6
  

• Компьютерлік графика және дизайн

  Графикалық редакторлар мен дизайн құралдары арқылы визуалды мазмұн әзірлеу және өңдеу тәсілдерін меңгеру қарастырылады. Студенттер түс теориясы, композиция негіздері, интерфейс элементтері және инженерлік жобаларға арналған визуалды шешімдермен жұмыс істеу дағдыларын дамытады.

  Оқу жылы - 2
  Семестр - 1
  Несиелер - 6
  

• Операциялық жүйелерді администірлеу

  Бұл пән операциялық жүйелерді конфигурациялау, баптау және әкімшілендіру дағдыларын қалыптастырады. Студенттер пайдаланушы және құқықтармен жұмыс істеу, жүйелік ресурстарды басқару, қауіпсіздік саясатын орнату және жүйелік қызметтерді бақылау мен ақауларды жою тәсілдерін үйренеді.

  Оқу жылы - 2
  Семестр - 1
  Несиелер - 5
  

• Аппараттық қамтаманың архитектурасы

  Бұл пән аппараттық құралдардың архитектурасын жүйелі түрде түсінуге және оны инженерлік жобаларда қолдануға бағытталған. Студенттер кірістірілген жүйелер, контроллерлер, регистрлер, деректер жолы және басқару блогы секілді негізгі блоктардың өзара байланысын, командалардың орындалу логикасын және микропрограмма деңгейінде басқару әдістерін меңгереді.

  Оқу жылы - 2
  Семестр - 1
  Несиелер - 5
  

• Компьютерлік жүйелерді ұйымдастыру және архитектурасы

  Студент бұл пән аясында компьютерлік жүйелердің құрылымдық деңгейлері мен олардың өзара әрекеттесуін зерттейді. Пән микропроцессорлар, жедел және тұрақты жад, шиналар жүйесі мен енгізу-шығару құрылғыларының жұмыс принциптерін түсінуге бағытталған. Компьютердің ішкі құрылымы мен архитектуралық ерекшеліктерін талдау арқылы студенттер аппараттық деңгейде жүйені жобалау және оңтайландыру негіздерін меңгереді.

  Оқу жылы - 2
  Семестр - 1
  Несиелер - 5
  

• Цифрлық құрылғылар және микроконтроллерлер

  Цифрлық логиканың негізінде жұмыс істейтін құрылғылардың жұмыс принциптері мен микроконтроллерлермен өзара әрекеттесу тәсілдері қарастырылады. Студенттер цифрлық элементтерді қолдана отырып, қарапайым цифрлық жүйелерді жобалау мен іске асыру дағдыларын игереді.

  Оқу жылы - 2
  Семестр - 2
  Несиелер - 6
  

• Микропроцессорлық жүйелер және микроконтроллерлер

  Студенттер микропроцессорлар мен микроконтроллерлердің құрылымы мен жұмыс істеу принциптерін меңгереді. Перифериялық құрылғылармен әрекеттесу, бағдарламалық басқару және кіріктірілген жүйелерді жобалау дағдылары қалыптасады.

  Оқу жылы - 2
  Семестр - 2
  Несиелер - 6
  

• Сандық схемотехника

  Бұл пән логикалық элементтер мен цифрлық құрылғылардың жұмыс істеу принциптерін зерттеуге арналған. Студенттер логикалық алгебра негіздерін, логикалық схемаларды жобалау, қарапайым есептеуіш құрылғыларды жасау және оларды модельдеу әдістерін меңгереді. Пән сандық жүйелердің архитектурасын түсінуге және аппараттық құралдармен жұмыс істеу дағдыларын қалыптастыруға бағытталған.

  Оқу жылы - 2
  Семестр - 2
  Несиелер - 5
  

• C++ тілінде тереңдетілген бағдарламалау

  C++ тілінің озық мүмкіндіктерін, соның ішінде объектіге бағытталған бағдарламалау (ООП), шаблондар (templates), STL кітапханасын және қателерді өңдеу механизмдерін қолдану жолдарын меңгертеді. Студенттер күрделі қолданбалы бағдарламалар мен жүйелік компоненттерді құрастыра алады.

  Оқу жылы - 2
  Семестр - 2
  Несиелер - 5
  

• C++ тілінде қолданбалы бағдарламалау

  Студенттерді C++ тілінде бағдарламалау негіздерімен, құрылымдық және модульдік бағдарламалау қағидаларымен таныстырады. Пән қолданбалы бағдарламаларды құру, деректермен жұмыс істеу және жүйелік ресурстарды пайдалану бойынша практикалық дағдыларды қалыптастырады.

  Оқу жылы - 2
  Семестр - 2
  Несиелер - 5
  

• Әлеуметтік-саяси, экономикалық-құқықтық және экологиялық білім модулі (Тіршілік қауіпсіздігі, экология және тұрақты даму/ Инклюзивті білім беру/ Қаржылық сауаттылық және кәсіпкерлік негіздері/ Құқық және сыбайлас жемқорлыққа қарсы мәдениет негіздері/ Ғылыми зерттеу әдістері және жасанды интеллект)

  Модуль білім алушылардың қазіргі заманғы әлеуметтік-саяси, экономикалық-құқықтық және экологиялық үдерістер туралы тұтас түсінігін қалыптастыруға бағытталған. Модуль аясында қаржылық сауаттылық пен кәсіпкерліктің негіздері, құқықтық жүйе мен сыбайлас жемқорлыққа қарсы мәдениет, инклюзия мәселелері, тұрақты даму, экология және өмір тіршілігінің қауіпсіздігі қарастырылады. Ғылыми зерттеу әдістері мен жасанды интеллект технологияларын қолдануға ерекше назар аударылады. Білім алушылар сыни ойлау қабілетін, құқықтық және экологиялық жауапкершілікті дамытып, ғылыми талдау мен цифрлық технологияларды қолдану дағдыларын меңгереді.

  Оқу жылы - 2
  Семестр - 2
  Несиелер - 5
  

• Желілік құралдар және технологиялар

  Желілік құрылғылардың жұмыс істеу принциптері мен оларды конфигурациялау негіздеріне бағытталған. Студенттер маршрутизаторлар, коммутаторлар, желілік адаптерлер және басқа құрылғылардың функцияларын меңгеріп, желілік инфрақұрылымды жобалау және орнату дағдыларын қалыптастырады.

  Оқу жылы - 3
  Семестр - 1
  Несиелер - 5
  

• Деректер базасы архитектурасы

  Деректер базасының ішкі құрылымы мен ұйымдастырылу принциптерін, сондай-ақ архитектуралық модельдерін меңгертеді. Студенттер деректерді сақтау, сұрау және басқару стратегияларын, сонымен қатар клиент-сервер және көп деңгейлі архитектураларды зерттейді.

  Оқу жылы - 3
  Семестр - 1
  Несиелер - 5
  

• Деректер базасы жүйелерін жобалау және оңтайландыру

  Деректер базасын тиімді жобалау әдістерін, қалыптастыру теориясын, индекстеу мен оңтайландыру тетіктерін қамтиды. Студенттер деректер құрылымын жобалау, сұраныстарды оңтайландыру және өнімділікті арттыру тәсілдерін меңгереді.

  Оқу жылы - 3
  Семестр - 1
  Несиелер - 5
  

• Ассемблер тілінде бағдарламалау

  Ассемблер тілінде бағдарламалау курсы компьютер архитектурасының негіздеріне сүйене отырып, төмен деңгейлі бағдарламалар құруға бағытталған. Студенттер процессордың жұмыс принциптерін, регистрлермен, жадпен және енгізу-шығару құрылғыларымен жұмыс істеуді меңгереді. Бұл курс өнімді жүйелік және кірістірілген жүйелерді бағдарламалауға дайындық береді.

  Оқу жылы - 3
  Семестр - 1
  Несиелер - 5
  

• Робототехникалық жүйелердің негіздері

  Бұл пәнде студенттер робототехникалық жүйелердің құрылымы, компоненттері және жұмыс істеу принциптерімен танысады. Роботтардың сенсорлық жүйелері, жетекті құрылғылары және басқару алгоритмдері қарастырылады. Студенттер қарапайым роботтық құрылғыларды құрастырып, оларды бағдарламалауды үйренеді. Пән инженерлік есептерді автоматтандыруға және мехатроникалық жүйелерді жобалауға негізделген.

  Оқу жылы - 3
  Семестр - 1
  Несиелер - 5
  

• Компьютерлік желілер архитектурасы

  Компьютерлік желілердің көпдеңгейлі архитектурасын, желілік хаттамалар мен деректерді тасымалдау принциптерін зерделеуге бағытталған. Студенттер желі модельдерін, OSI және TCP/IP архитектурасын, желі топологияларын және деректер алмасу механизмдерін меңгереді.

  Оқу жылы - 3
  Семестр - 1
  Несиелер - 5
  

• Цифрлық жүйелерді модельдеу

  Пән цифрлық жүйелердің құрылымын модельдеу және олардың жұмыс істеу процестерін зерттеу дағдыларын қалыптастырады. Студенттер логикалық схемаларды, цифрлық құрылғыларды модельдеу және оларды верификациялау әдістерін меңгереді.

  Оқу жылы - 3
  Семестр - 1
  Несиелер - 5
  

• Жүйелік программалау

  Жүйелік программалау курсы операциялық жүйе мен бағдарламалық құралдар арасындағы өзара әрекеттесуді қамтамасыз ететін төмен деңгейлі бағдарламалар жазу дағдыларын дамытады. Студенттер файлдық жүйелермен жұмыс, үдерістерді басқару, жадты басқару және жүйелік шақыруларды қолдануды меңгереді.

  Оқу жылы - 3
  Семестр - 1
  Несиелер - 5
  

• Жүйелерді модельдеу және тестілеу

  Бұл пәнде студенттер күрделі техникалық және ақпараттық жүйелердің модельдерін құру, оларды функционалдық және өнімділік көрсеткіштері бойынша тестілеу әдістерін үйренеді. Модельдеу құралдарын қолдану арқылы жүйелердің сенімділігі мен тиімділігін бағалау дағдылары қалыптасады.

  Оқу жылы - 3
  Семестр - 1
  Несиелер - 5
  

• Ақпараттық қауіпсіздік және ақпаратты қорғау

  Курс ақпараттық қауіпсіздіктің негізгі қағидаларын, қауіп-қатерлерді анықтау, бағалау және олардан қорғану әдістерін үйретеді. Студенттер шифрлау, аутентификация, желілік қауіпсіздік, рұқсатты басқару және ақпаратты қорғау саясаты сияқты механизмдермен танысады. Цифрлық ортада ақпараттың құпиялығы, тұтастығы мен қолжетімділігін қамтамасыз ету жолдары қарастырылады.

  Оқу жылы - 3
  Семестр - 2
  Несиелер - 5
  

• 3D модельдеу және 3D басып шығару

  Курс үш өлшемді нысандарды модельдеу және оларды 3D-принтерде басып шығару үдерістеріне бағытталған. Студенттер CAD жүйелерімен жұмыс істеуді, модельді жобалауды, өңдеуді және 3D-басып шығаруға дайындауды меңгереді. Технологияларды инженерлік, өндірістік және білім беру салаларында қолдану қарастырылады.

  Оқу жылы - 3
  Семестр - 2
  Несиелер - 6
  

• UI/UX және Юзабилити

  Курс қолданушы интерфейсі (UI) мен қолданушы тәжірибесін (UX) жобалау принциптерін және юзабилити негіздерін қамтиды. Студенттер интуитивті интерфейстер жасауды, пайдаланушы қажеттіліктерін ескеруді және өнімділік пен ыңғайлылықты арттыру әдістерін меңгереді. Прототиптер әзірлеу мен тестілеу құралдары қолданылады.

  Оқу жылы - 3
  Семестр - 2
  Несиелер - 5
  

• Компьютерлік жүйелерде ақпаратты қорғау

  Бұл курс компьютерлік жүйелер мен желілерде ақпаратты қорғау тәсілдерін үйретеді. Студенттер зиянды бағдарламалармен күресу, желілік шабуылдарды анықтау мен алдын алу, шифрлау технологиялары және кіруді басқару әдістерімен танысады. Ақпараттық қауіпсіздік саясаты мен қауіп-қатерлерге жауап беру алгоритмдері де қарастырылады.

  Оқу жылы - 3
  Семестр - 2
  Несиелер - 5
  

• Бұлттық есептеу және виртуализация

  Бұл курс бұлттық технологиялар мен виртуализацияның теориялық негіздерін және оларды ақпараттық жүйелерде қолдану тәсілдерін қамтиды. Студенттер бұлттық қызмет түрлерін (IaaS, PaaS, SaaS), виртуалды машиналармен жұмыс істеу, инфрақұрылымды басқару және қауіпсіздік аспектілерін меңгереді.

  Оқу жылы - 4
  Семестр - 1
  Несиелер - 6
  

• AR/VR технологиясы

  AR (кеңейтілген шындық) және VR (виртуалды шындық) технологияларымен таныстыратын бұл курс студенттерге осы технологияларды әзірлеу, модельдеу және білім беру мен өнеркәсіптегі қолдану салаларын түсінуге мүмкіндік береді. Практикалық бөлімінде AR/VR жүйелерін құруға арналған құралдармен жұмыс жасау дағдылары қалыптасады.

  Оқу жылы - 4
  Семестр - 1
  Несиелер - 6
  

• Жобалық менеджмент негіздері

  Бұл курс жобаларды басқарудың негізгі ұғымдары мен әдістеріне бағытталған. Студенттер жобаның өмірлік циклі, мақсаттарды қою, ресурстарды жоспарлау, тәуекелдерді бағалау және жобаның тиімді орындалуын бақылау тәсілдерімен танысады. Сонымен қатар, заманауи жобалық басқару құралдарын қолдану дағдылары қалыптасады.

  Оқу жылы - 4
  Семестр - 1
  Несиелер - 6
  

• Интеллектуалды робототехникалық жүйелер

  Бұл курс интеллектуалды роботтардың құрылымы мен жұмыс істеу алгоритмдерін, жасанды интеллект элементтерін қолдану тәсілдерін қарастырады. Студенттер автономды навигация, объектілерді тану, шешім қабылдау және оқыту әдістері сияқты тақырыптарды меңгереді. Практикалық бөлімде интеллектуалды жүйелерді жобалау мен модельдеу дағдылары қалыптастырылады.

  Оқу жылы - 4
  Семестр - 1
  Несиелер - 6
  

• Заманауи манипуляторлар мен роботтар

  Курс заманауи өнеркәсіптік және сервистік роботтар мен манипуляторлардың құрылымы, жұмыс істеу принциптері және басқару әдістерін қарастырады. Студенттер роботтардың кинематикасы, сенсорлық жүйелері мен қозғалтқыштарының жұмысын меңгереді, нақты робототехникалық құрылғылармен жұмыс істеу дағдыларын дамытады.

  Оқу жылы - 4
  Семестр - 1
  Несиелер - 6
  

• Agile әдістері және IT өнімдерін әзірлеу

  Курс икемді бағдарламалық жасақтама әзірлеу әдістерімен және IT өнімдерін басқару тәсілдерімен таныстырады. Студенттер Scrum, Kanban, Lean сияқты Agile фреймворктерін меңгеріп, командалық жобаларда жұмыс істеуді үйренеді. Сонымен қатар, өнімнің өмірлік циклін басқару, MVP әзірлеу және пайдаланушымен кері байланыс орнату тәжірибелері қарастырылады.

  Оқу жылы - 4
  Семестр - 1
  Несиелер - 6
  

• Data mining

  Курс деректерді іздеу, талдау және жасырын заңдылықтарды табу әдістерін үйретеді. Студенттер классификация, кластерлеу, регрессия, ассоциациялық ережелерді анықтау секілді әдістермен жұмыс істеуді меңгереді. Практикада Python, R, немесе Weka құралдарын пайдаланып, нақты деректер жиынтығымен жұмыс жасайды.

  Оқу жылы - 4
  Семестр - 1
  Несиелер - 6
  

• Терең оқыту

  Терең оқыту курсы нейрондық желілердің құрылымы мен жұмыс істеу принциптерін зерттеуге бағытталған. Студенттер көпқабатты нейрондық желілерді, кері тарату алгоритмдерін, CNN, RNN және басқа да заманауи модельдерді қолдану арқылы күрделі деректерді өңдеу әдістерін меңгереді.

  Оқу жылы - 4
  Семестр - 1
  Несиелер - 8
  

• Big Data

  Бұл курс үлкен деректерді сақтау, өңдеу және талдау әдістерін қамтиды. Студенттер Hadoop, Spark, NoSQL сияқты технологиялармен танысады және құрылымдалған әрі құрылымдалмаған деректермен жұмыс істей білуге үйренеді. Сонымен қатар, үлкен деректер негізінде шешім қабылдау және болжам жасау дағдылары қалыптасады.

  Оқу жылы - 4
  Семестр - 1
  Несиелер - 6
  

• Кіріктірілген жүйелер

  Пән кіріктірілген (ендірілген) жүйелердің архитектурасы мен жұмыс істеу принциптерін қарастырады. Студенттер нақты уақыт режиміндегі есептерді шешетін шағын құрылғыларда бағдарламалау, сенсорлармен және контроллерлермен өзара әрекеттесу, жүйелік ресурстарды басқару дағдыларын игереді.

  Оқу жылы - 4
  Семестр - 1
  Несиелер - 6
  

• Жасанды интеллект жүйелері

  Бұл пән жасанды интеллекттің негізгі әдістері мен модельдерін, соның ішінде білімге негізделген жүйелерді, эвристикалық іздеу алгоритмдерін, машиналық оқыту негіздерін және интеллектуалды агенттерді қамтиды. Студенттер ЖИ жүйелерін жобалау және қолдану тәсілдерін меңгереді.

  Оқу жылы - 4
  Семестр - 1
  Несиелер - 8
  

• IoT технологиялары

  Курс заттар интернетінің (IoT) негізгі ұғымдары мен архитектурасына, құрылғылардың өзара байланысы мен деректер алмасу технологияларына бағытталған. Студенттер сенсорлармен жұмыс істеу, деректерді жинау және талдау, бұлтты платформаларды пайдалану, сондай-ақ қауіпсіздік аспектілерін меңгереді.

  Оқу жылы - 4
  Семестр - 1
  Несиелер - 6
  

Профессии

Оқыту нәтижелері

• Қаржылық сауаттылық пен кәсіпкерлік, құқықтық және сыбайлас жемқорлыққа қарсы мәдениет, инклюзивті білім беру, экологиялық тұрақтылық және тіршілік қауіпсіздігі салаларында алынған білім мен құралдарды қолданып, қолданбалы міндеттерді талдау және шешу үшін заманауи ғылыми әдістер мен жасанды интеллект технологияларын пайдалану.
• Инженерлік есептерді шешу үшін математикалық модельдер мен алгоритмдік әдістерді қолдана алады және оларды бағдарламалық түрде жүзеге асыруға қабілетті.
• Компьютерлік жүйелердің аппараттық архитектурасын, оның ішінде микропроцессорлық, цифрлық және кіріктірілген құрылғыларды жобалап, орната және баптай алады.
• Операциялық жүйелер, жүйелік бағдарламалау және желілік технологиялар негізінде компьютерлік жүйелерді басқару, әкімшілендіру және қорғауды жүзеге асыра алады.
• Бағдарламалық және мәліметтер базасын құрастыру, оңтайландыру және әртүрлі платформалар үшін қолданбалы бағдарламалар әзірлей алады.
• Пайдаланушы интерфейсі, UI/UX, 3D модельдеу, AR/VR технологиялары негізінде қолданушыға ыңғайлы инженерлік шешімдер әзірлей алады.
• Жасанды интеллект, терең оқыту, IoT және интеллектуалды жүйелер негізінде жаңа буын инженерлік өнімдерді жобалап, жүйеге енгізе алады.
• Жобалық менеджмент пен Agile әдістерін қолдана отырып, инженерлік жобаларды жоспарлап, ұйымдастырып және жүзеге асыра алады.

Ұқсас БББ