7M10105 Медико-профилактикалық іс в Оңтүстік Қазақстан медицина академиясы

Адамның негізгі жұқпалы ауруларының эпидемиологиялық ерекшеліктері. Жұқпалы аурулар мен аса қауіпті жұқпалардың алдын-алу мәселелері бойынша ведомстволық бағынысты нысандарға ағымды санитарлық-эпидемиологиялық бақылау. Талдаудың статистикалық әдістері. Зертханалық диагностика. Эпидемиологиялық ошақты тексеру. Паразиттік аурулардың қоздырғыштарын анықтау үшін топырақтың қоршаған орта нысандарын санитарлық-паразитологиялық зерттеу. Жұқпалы және паразиттік аурулар ошақтарында алдын-алушы және індетке қарсы іс-шараларды ұйымдастыру және жүргізу. ҚР-да жұқпалы және паразитологиялық жағдайға эпидемиологиялық талдау.

Эпидемиологияның заманауи мәселелері және олардың халық денсаулығын қорғаудағы маңызы. Жұқпалы емес патологияның ерекшелігі. Қолайсыз факторлардың әсерінен халықтың жұқпалы емес ауруларының алдын-алу мақсатында мемлекеттік санитарлық қадағалау жүргізу. Халық денсаулығын сақтау және өмір сүру, еңбек және демалыс жағдайларын сауықтыру мақсатында санитарлық-гигиеналық, санитарлық-техникалық, санитарлық-індетке қарсы және медициналық-алдын-алушы іс-шараларды ұйымдастыру мен оларды жүргізу. Эпидемиологиялық, этиологиялық ерекшеліктері, қауіп-қатерді бағалау және кейбір маңызды созылмалы аурулардың алдын-алу: жүрек-қан тамырлары, онкологиялық және созылмалы обструктивті өкпе аурулары және т. б.

Биоэтикалық нормалар. Медициналық қызметтердің этикалық аспектілері. Эпидемиология және санитарлық-эпидемиологиялық салауаттылық саласында ғылыми зерттеулер жүргізу, зерттеу нәтижелерін тәжрибеге біріктіру. Денсаулық сақтаудағы биоэтиканың теориялық негіздері мен тәжірибелік қосымшаларымен байланысты зерттеу мәселелері. Ғылыми зерттеулер әдістемесі. Ғылыми зерттеулердің әдістері, формалары, құрылымдық компоненттері және жаңашылдық мәселелері. Цифрлық технологиялар мен жасанды интеллектті пайдалана отырып, халықтың аурушаңдығына ретроспективті және жедел эпидемиологиялық талдау жүргізу және эпидемиологиялық диагнозды тұжырымдау.

Пәннің мақсаты: ғылыми-зерттеу, білім беру, клиникалық-фармацевтикалық және халықаралық қызметте шет тілін тиімді пайдалану, сондай-ақ одан әрі кәсіби өсу және жаһандық фармацевтикалық қоғамдастыққа қатысу қабілетін қамтамасыз ететін кәсіби-коммуникативтік құзыреттілікті дамыту. Мамандандырылған мәтіндерді талдау және түсіндіру, іскерлік хат алмасу және кәсіби пікірталастарға қатысу қабілетін қалыптастыру.

Індетке қарсы іс-шаралар жүйесіндегі дезинфекция орны. Дезинфекция түрлері: алдын-алу, ошақтық (ағымды, қорытынды). Дезинфекциялау әдістері. Дезинфекциялық құралдар ретінде пайдаланылатын химиялық заттардың негізгі топтары. Дезинфекцияны, стерильдеуді ұйымдастыру. Халықты дезинфекциялық қамтамасыз ету індетке қарсы қызмет көрсету жүйесінің бөлігі ретінде. Ұйымдық құрылым. Үй жағдайында, балалар мен жасөспірімдер мекемелерінде індет ошақтарында дезинфекциялық іс-шараларды ұйымдастыру. ЕПМ-де дезинфекция және стерильдеуді ұйымдастыру.

Пәннің мақсаты: менеджерлер мен бағыныштылар арасындағы өзара әрекеттесудің психологиялық аспектілеріне, сондай-ақ психологияның басқару шешімдері мен ұйымдастырушылық мәдениетке әсеріне назар аудара отырып, денсаулық сақтау ұйымдарын тиімді басқару үшін қажетті білім мен дағдыларды қалыптастыру. Пәннің мазмұны: менеджмент жүйелері, жоспарлау, SWOT талдау және болжау. Басқару процестері: мақсат қою және жағдайды бағалау, басқару шешімдерін қабылдау. Денсаулық сақтаудағы менеджмент механизмі. Денсаулық сақтауды цифрландыру. Басқару контекстіндегі психология негіздері. Көшбасшылық пен мотивацияның психологиялық аспектілері.

Халықтың санитарлық-эпидемиологиялық салауаттылығы, жұқпалы және жұқпалы емес аурулардың алдын-алу мәселелері бойынша басқарушылық мақсатты негіздеу және қалыптастыру. Халықтың санитарлық-эпидемиологиялық салауаттылығын қамтамасыз ететін іс-шараларды жоспарлау және орындауды ұйымдастыру кезіндегі басқару шешімдері. Халықтың санитарлық-эпидемиологиялық салауаттылығын қамтамасыз ету бойынша жүргізілген профилактикалық іс-шаралардың тиімділігін бағалау және ұйымдастыру. Нәтижелілік, тиімділік және жедел белсенділік көрсеткіштерін пайдалана отырып, эпидемиолог қызметінің тиімділігін бағалау.

Иммундық профилактиканы ұйымдастыру. Профилактикалық егулердің күнтізбесі, оның негіздемесі. Егілуге жататын контингенттерді есепке алу және іріктеу. Егуді жоспарлау тәртібі. Бактериялық препараттарды тасымалдау және сақтау шарттары – «суық тізбек». Егу материалын есептеу. Иммундық профилактика жүргізу шарттары. Бір реттік егу құралдарын зарарсыздандыру. Есепке алу-есеп беру құжаттамасы. Екпеден кейінгі асқынулар және оларды тексеру тәртібі мен алдын-алу. Иммундық профилактиканың кеңес беру кабинеттерінің рөлі мен міндеттері және инклюзия қағидаттарын сақтау. Иммундық профилактиканың жағдайын эпидемиологиялық қадағалау. Цифрлық технологияларды пайдалана отырып, иммунопрофилактика бойынша ретроспективті және жедел эпидемиологиялық талдау жүргізу.

Халықтың медициналық-экологиялық қауіпсіздігінің өзекті мәселелері. Экологиялық эпидемиология саласындағы халықаралық және ұлттық бағдарламалар. Экологиялық-эпидемиологиялық зерттеулер жүргізудің қағидалары мен әдістері. "Қоршаған орта - адам денсаулығы" жүйесін кешенді зерттеу. Биомониторинг. Денсаулық және экологиялық қауіп ұғымдары. Халық денсаулығы үшін қауіп тудыратын экологиялық жағдайларды жою шараларын әзірлеу. Экологиялық денсаулық көрсеткіштері. Цифрлық технологияларды пайдалана отырып, халықтың аурушаңдығына ретроспективті және жедел эпидемиологиялық талдау жүргізу және эпидемиологиялық диагнозды тұжырымдау.

Төтенше жағдайлардың жіктелуі. Апаттардың таяу және алыс санитарлық-гигиеналық және эпидемиологиялық салдары. Төтенше жағдайлар аудандарында жұқпалы аурулардың індет ошақтарының медициналық-тактикалық сипаттамасы. Төтенше жағдай туындаған жағдайда індетке қарсы іс-шараларды ұйымдастыру кезінде санитарлық-эпидемиологиялық қызметтің негізгі төрт кезеңі. Дүлей зілзалалар, технологиялық апаттар, әлеуметтік күйзелістер, радиациялық және биологиялық зақымдану аймақтарында індетке қарсы іс-шараларды ұйымдастыру және жүргізу ерекшеліктері. Санитарлық-эпидемиологиялық барлаудың (СЭБ) міндеттері мен ұйымдастырылуы. Төтенше жағдайлар аймағына жұқпалардың енуін және шығарылуын ескерту.