7M04266 Құқық в Қ.А.Ясауи атындағы Халықаралық қазақ-түрік университеті

Пән магистранттың мәдениетаралық-коммуникативтік құзыреттілігін қалыптастыруға және ауызша және жазбаша шет тілін меңгеруін жетілдіруге бағытталған. Пәнді игеру барысында магистрант өз идеяларын, мақалаларды, есептерді, тағы басқа ғылыми еңбектерді рәсімдеу кезінде жазбаша, ғылыми қоғамдастыққа хабарлау кезінде ауызша түрде шет тілінде жеткізуге машықтанады. Шетелдік ғалымдардың ғылыми еңбектерін түпнұсқа дереккөздерден оқу және шетелдік тәжірибені меңгеру үшін ақпараттарды аудару дағдыларын жетілдіреді.

Пән қылмыстық заңнамасын тәжірибеде қолдану барысында туындайтын маңызды және даулы мәселелерді кешенді зерттеуге бағытталған. Пәнді игеру барысында магистрант қылмыстық заңнаманың тиімділігін арттыруға зерттеулер жүргізеді, қылмыстық істерді сараптау және теориялық білімін практикалық жағдайларда қолдану дағдыларын қалыптастырады. Зерттеулерде цифрлық технологиялар мен ақпараттық жүйелер мен жасанды интеллект мүмкіндіктерін пайдалануды үйренеді.

Пән экономикалық сипаттағы құқық бұзушылықтардың алдын алу, олардың себептері мен салдарын талдау, тиімді құқықтық және ұйымдастырушылық тетіктерді әзірлеу бойынша білім мен дағдыларды қалыптастыруға бағытталған. Пәнді игеру барысында магистрант экономикалық қылмыстардың негізгі түрлерін, қылмыстың алғышарттарын анықтауда цифрлық технологиялар мен ақпараттық жүйелер мен жасанды интеллект мүмкіндіктерін пайдалануды меңгереді. Экономикалық қылмыстардың алдын алуға бағытталған ұлттық және халықаралық тәжірибені салыстыра отырып зерттеп, ғылыми негізделген тұжырымдар мен ұсыныстар дайындауға машықтанады.

Пән құқық теориясының заманауи дамуында ғылыми-құқықтық көзқарастардың эволюциясын және құқық саласындағы өзекті мәселелерді терең талдауға бағытталған. Пәнді игеру барысында магистрант құқықтық мәселелерді сараптауға, құқықтық идеяларды сыни бағалауға, ғылыми-құқықтық ойлар негізінде талдауға қажетті білім мен дағдыларды игереді.

Пән азаматтық заңнамасын тәжірибеде қолдану барысында туындайтын негізгі мәселелерді терең әрі жан-жақты зерттеуге бағытталған. Пәнді игеру барысында магистрант азаматтық-құқықтық нормаларды қолдану тәжірибесіндегі проблемалық жағдайларды анықтап, азаматтық істерді шешу кезіндегі құқық қолдану ерекшеліктерін бағалап, заңнаманы жетілдіруге қатысты ғылыми ұсыныстар әзірлеуді меңгереді. Кәсіби қызметке қажетті ұйымдастырушылық және басқарушылық дағдыларды қалыптастырады.

Пән шарт жасасудың теориялық және практикалық аспектілерін, тараптар арасындағы келіссөз жүргізу стратегиялары мен тактикаларын, құқықтық реттеу ерекшеліктерін зерттейді. Пәнді игеру барысында магистрант тиімді келісімдер жасауға және шарттық дауларды болдырмауға қажетті білім мен дағдыларды меңгереді.

Менеджмент курсы басқарудың мазмұнын, басқару туралы білімдер кешенін, әртүрлі басқару қызметін жүзеге асыру, басқару жүйелерін талдау мен жобалауға байланысты негізгі басқару дағдыларын меңгертуге бағытталған. Бұл пән менеджмент саласындағы басқа пәндерді жақсы түсіну үшін қолдануға болатын басқару қызметі туралы теориялық және тұжырымдамалық идеялардың жалпы жүйесін құрайды. Осы курсты меңгеру арқылы білімгерлер белгісіз және өзгермелі сыртқы ортада тиімді басқару шешімдерін қабылдауға мүмкіндік беретін басқару дағдыларына ие болады

Пән магистранттарға ғылыми зерттеудің әдістемелік негіздерін меңгертуді, эмпирикалық және қолданбалы зерттеу жүргізу дағдыларын қалыптастыруды көздейді. Курста зерттеу жоспарын әзірлеу, гипотеза құру, әдістерді негіздеу, деректерді талдау және интерпретациялау қарастырылады. Сонымен қатар, ғылыми ақпаратты өңдеу және талдау үдерісінде жасанды интеллект технологияларын қолдану жолдары меңгеріледі.

Пән академиялық жазылым талаптарын меңгеру, ғылыми этика және академиялық адалдық қағидаттарын сақтау негізінде ғылыми мақалалар дайындау тәсілдерін игеруге бағытталады. Мәтін құрастыру әдістері, академиялық жазбалардың түрлері, халықаралық ғылыми дерекқорларды пайдалану жолдары және ғылыми журналдардың құрылымдық әрі мазмұндық талаптарына сай мақала рәсімдеу дағдылары қалыптастырылады. Мақаланы журналдардың онлайн жүйелері арқылы ұсыну тәртібі үйретіледі. Ғылыми деректерді талдау мен библиографиялық ақпаратты өңдеу үдерісінде жасанды интеллект технологиялары қолданылады.

Пән әкімшілік құқық пен әкімшілік іс жүргізудің қазіргі даму үрдістерін, құқықтық реттеу мәселелерін, басқару қатынастарындағы заңдылықты қамтамасыз ету тетіктерін зерттейді. Пәнді игеру барысында магистрант әкімшілік-құқықтық талдау мен тәжірибелік шешімдер әзірлеу дағдыларын меңгереді.

Пән азаматтар мен ұйымдарға құқықтық көмек көрсету процесінің теориялық негіздерін, әдістерін және практикалық әдістемелерін қамтиды. Пәнді игеру барысында магистрант: кәсіби құқықтық кеңес беруді ұйымдастыру, құқықтық мәселелерді сараптау және шешу қабілеттерін қалыптастырады.