6B11111 Мәдени-тынығу жұмысы в Қызылорда ашық университеті

Пәндер

• Мамандыққа кіріспе (маманданулар бойынша)

  Пән мәдени демалыс саласындағы қызметтердің даму тенденцияларын қарастырады. Қазіргі заманғы бос уақытты өткізудің жаңа бағыттарын талдайды. Мекемелер мен шығармашылық ұжымдарды, мәдени орталықтарды, шығармашылық студияларды басқару ерекшеліктерімен таныстырады. Әр түрлі әлеуметтік топтарда бос уақытты ұйымдастырудың ерекшеліктерін, республикалық және халықаралық конкурстарды, фестивальдерді, симпозиумдар мен шеберлік сыныптарын ұйымдастыру мен өткізуді зерттейді.

  Оқу жылы - 1
  Семестр - 1
  Несиелер - 5
  

• Сценарий шеберлігі

  Кино, театр, телевизия, радио, сондай-ақ басқа да медиа салаларында сценарий жазудың теориялық және практикалық негіздерін меңгеруге бағытталған пән. Бұл пәннің басты мақсаты — студенттерге сценарий жазудың шығармашылық, құрылымдық және техникалық әдістерін үйрету, сондай-ақ сценарий жазу үдерісіндегі қажетті дағдыларды дамыту.

  Оқу жылы - 1
  Семестр - 1
  Несиелер - 3
  

• Музыка теориясының негіздері

  Музыка теориясының негізі - музыкалық білімнің ғылыми қалыптасқан қағидалары мен тәсілдерін жазып, оқуға үйретеді. Пәннің мақсаты - білім алушылардың алған білімдерін дағдыға айналдырып, музыкалық білім мен оқытудың нақтылы негізін салу. Музыкалық сауаттылығын меңгертіп, практикада қолдану

  Оқу жылы - 1
  Семестр - 1
  Несиелер - 5
  

• Аспаптану

  Білім алушылар музыкалық аспаптардың түрлерімен танысып, әр аспаптың шығу тарихы жайлы түсініктері қалыптасады, аспаптардың жасалу ерекшелігі, дыбыс бояуларын меңгеріп, ұлттық аспап туралы білімдері жетілдіріледі

  Оқу жылы - 1
  Семестр - 2
  Несиелер - 4
  

• Сахналық қозғалыс

  Сахналық қозғалыс пәні – актердің сахнадағы пластикалық, қимылдық, және дене тілі мүмкіндіктерін дамытуға арналған арнайы оқу пәні. Ол актердің тек сөзбен ғана емес, қимылмен, ыммен, дене қимылы арқылы да көрерменге ойды, сезімді жеткізе алу қабілетін қалыптастырады.

  Оқу жылы - 1
  Семестр - 2
  Несиелер - 5
  

• Кәсіпкерлік

  Пәннің мақсаты кәсіпкерлік құрылымдардың экономикалық, ұйымдастырушылық және құқықтық қатынастар жүйесі ретінде кәсіпкерліктің теориясы мен практикасын зерделеу негізінде кәсіпкерлік қызметті жүзеге асырудың практикалық дағдыларын қалыптастыру, экономиканың қазіргі жағдайындағы шағын кәсіпорындардың рөлі мен орнын көрсету, кәсіпкерлік қызмет субъектілерінің бизнес-жоспарының негізгі принциптерін баяндау және мазмұнын ашу болып табылады

  Оқу жылы - 2
  Семестр - 1
  Несиелер - 5
  

• Экономика және құқық

  Құқық және экономика — бұл екі маңызды сала, қоғамның құқықтық және экономикалық негіздерін түсінуге арналған пәндер. Әрқайсысы өз алдына жеке ғылыми бағыт болса да, олар тығыз байланысты және бір-біріне әсер етеді. Құқық пәні адамның құқықтары мен міндеттерін, қоғамдағы тәртіпті қамтамасыз етуге бағытталған заңдарды зерттейді. Ол жеке және қоғамдық құқық салаларынан тұрады: Экономика пәні адамдар мен қоғамның ресурстарды қалай бөліп, пайдаланатынын, өндіріс, бөлу, айырбастау және тұтыну процестерін зерттейді. Құқық және экономика арасындағы байланыс өте маңызды. Құқық экономикалық қатынастарды реттейді, ал экономика құқықтық жүйе арқылы жүзеге асады. Мысалы, экономикалық келісімдер мен шарттар құқықтық нормалармен реттеледі, ал заңдар мен нормативтік актілер экономикадағы түрлі мәселелерге (мысалы, салық салу, кәсіпкерлік қызмет, сауда және т.б.) әсер етеді. Бұл пәндер бірге оқылатын кезде, студенттер қоғамдағы заңдылықтар мен экономикалық процестерді кешенді түрде түсінуге мүмкіндік алады.

  Оқу жылы - 2
  Семестр - 1
  Несиелер - 5
  

• Мәдени-көпшілік іс-шараларды ұйымдастыру әдістемесі

  Әртүрлі мерекелерді, концерттерді, фестивальдерді, көрмелерді, байқауларды және басқа да бұқаралық мәдени іс-шараларды жоспарлау, өткізу және бағалау тәсілдерін үйрететін пән. Бұл пән мәдениет және өнер саласындағы мамандарға іс-шараны идеядан бастап дайын өнімге дейінгі толық кезеңін кәсіби деңгейде ұйымдастыруға мүмкіндік береді.

  Оқу жылы - 2
  Семестр - 1
  Несиелер - 5
  

• Инклюзивті білім беру

  Курстың мақсаты инклюзивті және интеграцияланған оқыту теориясының негізгі, ғылыми және әдістемелік ережелерін зерттеу, түзету және дамыту сабақтарын ұйымдастыру және өткізу мәселелерін қарастыру, студенттерге кәсіби бағдарлау және кәсіби өзін-өзі анықтау процесінде, арнайы білім берудің жеке траекториясын құруға көмектесу

  Оқу жылы - 2
  Семестр - 1
  Несиелер - 3
  

• Мәдени- тынығу жұмысындағы риторика

  Мәдени-тынығу жұмысындағы риторика – бұл мәдениет, өнер, бос уақытты ұйымдастыру саласында қызмет атқаратын мамандардың көпшілік алдында, көрерменмен, қатысушылармен тиімді және әсерлі сөйлесу шеберлігін қалыптастыратын пән. Бұл пән сөз мәдениетін, сахналық сөйлеу әдістерін, аудиториямен тіл табысу тәсілдерін үйретеді және мәдени-тынығу іс-шараларын (концерт, кеш, көрме, мереке) ұйымдастыруда маңызды рөл атқарады.

  Оқу жылы - 2
  Семестр - 1
  Несиелер - 5
  

• Қаржылық сауаттылық

  Пәннің мақсаты қаржылық қатынастардың маңызды салаларының көрінісі болып табылатын базалық және қаржылық-экономикалық ұғымдарды, сондай-ақ қаржы институттарының кең ауқымымен тиімді өзара іс-қимыл жасауға мүмкіндік беретін практикалық дағдылар мен құзыреттерді игеруді көздейтін білім алушыларда қаржылық сауаттылық негіздерін қалыптастыру болып табылады.

  Оқу жылы - 2
  Семестр - 1
  Несиелер - 5
  

• Мәдени-бос уақыт кызметтің теориясы және тарихы

  Білім алушылар дамудың негізгі кезеңдерінің мазмұны, мәдени-тынығу қызметінің тарихи дамуындағы фактілер мен тенденциялар; олардың мәні, қағидалары, функциялары, әдістері, деңгейлері мен түрлері; әлеуметтік-мәдени қызмет субъектілері жұмысының құрылымы мен мазмұны туралы білімдерін көрсете алу.

  Оқу жылы - 2
  Семестр - 2
  Несиелер - 5
  

• Экология және өміртіршілік қауіпсіздігі

  Курста экология мәселелері, экологияның жаһандық, ұлттық мәселелері баяндалады. Табиғи ресурстар, есепке алу, бағалау, ұтымды пайдалану және қорғау мәселелері, жасыл экономика мәселелері қарастырылады. Студенттерді әртүрлі сипаттағы төтенше жағдайларда халықты және аумақтарды инженерлік қорғау негіздерімен таныстырады

  Оқу жылы - 2
  Семестр - 2
  Несиелер - 5
  

• Тұрақты даму

  Тұрақты даму пәні студенттерге тұрақты даму қағидаттарын ғылыми негізде меңгерту, адамзат пен табиғат арасындағы тепе-теңдікті сақтау, ресурстарды ұтымды пайдалану және болашақ ұрпақтың мүдделерін ескере отырып шешім қабылдау қабілетін қалыптастыру. Сонымен қатар, студенттерге сыни ойлау, кешенді талдау, экологиялық жауапкершілік және әлеуметтік белсенділік дағдыларын дамыту көзделеді.

  Оқу жылы - 2
  Семестр - 2
  Несиелер - 5
  

• Ғылыми зерттеу әдістері

  Пәнде негізгі теориялық ережелер, заңдар, принциптер, терминдер, ұғымдар, процестер, әдістер, технологиялар, құралдар, ғылыми қызметті жүзеге асыру операциялары, ғылыми зерттеулерді жоспарлау және ұйымдастыру әдістері, ғылыми дизайнның, шығармашылықтың жалпы әдістемесі, ғылыми зерттеулерді ұйымдастыру схемасы қарастырылады. Зерттеудің ғылыми тақырыбын таңдау және зерттеу тақырыбы бойынша қажетті библиографиялық жарияланымдар мен ақпараттық материалдарды таңдау, ақпараттық процестердің ғылыми мәселелерін қою және шешу процедуралары және кәсіпорындар мен ұйымдарды ақпараттандыру дағдылары игеріледі

  Оқу жылы - 2
  Семестр - 2
  Несиелер - 5
  

• Музыкалық аспап

  Музыкалық аспаптардың теориялық негіздерін, ерекшеліктері мен дыбыс шығару тәсілдерін игереді. Музыкалық шығарманың көркемдік бейнесін айқындап, орындаушылық шеберлік негіздерін меңгереді. Музыкалық есте сақтау, ырғақты сезіну, музыкалық есту қабілеттерін жетілдіреді. Білім алушылар орындаушылық дағдылар мен біліктіліктерді қалыптастыра отырып, түрлі бағыттағы жазылған шығармаларды, орындаушылық репертуарды музыкалық аспапта орындайды

  Оқу жылы - 2
  Семестр - 2
  Несиелер - 5
  

• Коммуникативті мәдениет негіздері

  Кәсіби әрекет сипатына сәйкес білім алушыға әртүрлі бағыттағы бос уақыт мекемелерінде коммуникативті мәдениет негіздерін қолдану аймағында теоретикалық білімін игеруге мүмкіндік береді. Коммуникативті мәдениет негіздерінің жеке әдістемелік мәселелерін оқиды, мәдени-тынығу әрекеттерінің мазмұны, мәні және заңдылығы туралы білімдерін қалыптастырады

  Оқу жылы - 2
  Семестр - 2
  Несиелер - 5
  

• Бос уақытты көркемдік-бұқаралық ұйымдастыру

  Бос уақытты көркемдік-бұқаралық ұйымдастыруда білімі мен оны іске асыру қабілетін кәсіби деңгейде арттырады. Аталған курс білім алушыларға мәдени-тынығу жұмысы саласындағы бос уақытты көркемдік-бұқаралық ұйымдастыруды меңгереді

  Оқу жылы - 2
  Семестр - 2
  Несиелер - 5
  

• Сыбайлас жемқорлыққа қарсы мәдениет негіздері

  Пәнде сыбайлас жемқорлықтың негізгі анықтамалары, сыбайлас жемқорлыққа қарсы іс-қимылды реттейтін халықаралық және ұлттық заңнама, сыбайлас жемқорлыққа қарсы іс-қимыл стратегиясын қалыптастырудың негізгі тәсілдері және осындай стратегияның негізгі элементтері ашылады. Алған білімдерін саяси талдауда, мемлекеттік билік органдарының, саяси және қоғамдық ұйымдардың қызметінде қолдану, сыбайлас жемқорлыққа және оған қарсы іс-қимылға байланысты проблемаларды талдау дағдылары меңгеріледі

  Оқу жылы - 2
  Семестр - 2
  Несиелер - 5
  

• Өнер тарихы

  Бұл пән студенттерге өнердің әртүрлі аспектілерін терең түсінуге, мәдениетаралық байланыстарды бағалауға және өнер туындыларын өз уақытында қалыптастырған рухани, саяси және әлеуметтік жағдайларды талдауға мүмкіндік береді. Пәннің мақсаты өнердің даму тарихын түсіну, өнер туындыларының әр кезеңдегі маңызын бағалау, өнердің қоғам мен мәдениеттегі орнын анықтау, әртүрлі мәдениеттер мен дәуірлер арасындағы байланыстарды зерттеу.

  Оқу жылы - 3
  Семестр - 1
  Несиелер - 5
  

• Жасанды интеллект негіздері

  Пән жасанды интеллектінің негізгі принциптерін түсіндіруге ықпал етеді. Машиналық оқыту, нейрондық желілер және деректерді өңдеу әдістерін талдау дағдыларын дамытады. ЖИ классификациялау, болжау және автоматтандыру міндеттерін шешуге қолдануды көрсетеді. TensorFlow және Scikit-learn сияқты Python кітапханаларымен жұмыс істеуге практикалық тапсырмалар қамтылған. Интеллектуалды жүйелерді жасау негіздерін меңгеруге ықпал етеді.

  Оқу жылы - 3
  Семестр - 1
  Несиелер - 5
  

• Мектепке дейінгі мекемелердегі мәдени-тынығу жұмысын ұйымдастыру

  Балабақша және басқа да мектепке дейінгі ұйымдарда балалардың бос уақытын тәрбиелік, дамытушылық және ойын арқылы тиімді өткізуге арналған іс-шараларды жоспарлау мен өткізу әдістерін үйрететін пән. Бұл пән тәрбиешілерге, анимация мамандарына және мәдениет қызметкерлеріне баланың жас ерекшелігіне сай ойындар, мерекелер, шығармашылық сабақтар, театрландырылған көріністер ұйымдастыру дағдыларын береді.

  Оқу жылы - 3
  Семестр - 1
  Несиелер - 5
  

• Музыкалық психология

  Бұл пән музыканың тыңдалуы, орындаушылық әрекеттер, шығармашылық процесс, музыкалық қабылдау және эмоциялық әсерлер сияқты аспектілерді психология тұрғысынан қарастырады. Музыкалық психология адамның музыкалық қабілеттерін, оның музыкалық шығармаларды қабылдауы мен оларға әсерін түсінуге бағытталған.

  Оқу жылы - 3
  Семестр - 1
  Несиелер - 5
  

• Музыкалық демалысты ұйымдастыру және продюссерлік қызмет негіздері

  Болашақ мәдени-тынығу жұмысы қызметкерлерін даярлауда музыкалық демалысты ұйымдастыру және продюссерлік қызмет негіздері білімі мен оны іске асыру қабілетін кәсіби деңгейде арттырады. Сонымен қатар, білім алушы музыкалық демалысты ұйымдастыруға тікелей қатысады, әкімшілік, технологиялық, шығармашылық немесе заңды аспектілері қызметін реттейді (немесе реттеуге көмектеседі), қандай да бір жобаны орындау кезінде саясатын реттеуге дағдыланады.

  Оқу жылы - 3
  Семестр - 1
  Несиелер - 5
  

• Қазақ музыка мәдениетінің тарихы

  Қазақ музыка мәдениетінің тарихы пәні – қазақ халқының музыкалық дәстүрлері мен өнерінің дамуын зерттейді. Бұл пән қазақ халқының музыкалық мұрасының қалыптасуынан бастап, оның жанрлары, стильдері, аспаптары мен орындаушылық дәстүрлерін талдайды. Қазақ халқының музыкалық мұрасы мен дәстүрлерінің қалыптасу тарихын, тарихи кезеңдердегі музыкалық дамуды тереңірек түсінеді. Қазақ музыкасының негізгі аспаптарын (домбыра, қобыз, сыбызғы, жетіген және басқалар) және музыкалық жанрларын (айтыс, жыр, күй, терме, шашу және т.б.) зерделейді.

  Оқу жылы - 3
  Семестр - 1
  Несиелер - 5
  

• Мектеп және мектептен тыс мекемелерде мәдени-тынығу жұмысын ұйымдастыру

  Мектеп және мектептен тыс мекемелерде мәдени-демалыс жұмыстарын ұйымдастырудың даму деңгейлерін біледі, оның теориясын зерттейді, функцияларын жүйелейді. Сондай-ақ, мектептегі және мектептен тыс мекемелердегі мәдени-демалыс жұмыстарын қоғамдық ортамен байланыстырып, жүзеге асырады

  Оқу жылы - 3
  Семестр - 1
  Несиелер - 5
  

• Мәдени-тынығу жұмысының ұлттық дәстүрлері

  Мерекелік–салт дәстүрлік қызмет негіздерін білу: ұлттық дәстүрлердің қалыптасуы мен бастауының тарихи алғышарттары, мәдени-демалыс жұмысының ұлттық дәстүрлерінің негізгі бағыттары, дәстүрлі диалогтық формалары, ұлттық өнер және қолөнер. Ұлттық мерекелік және отбасылық мәдениеттерді, қазақтардың күнтізбелік мерекелерін, қазақтардың ұлттық дәстүрлерін жаңғырту жолдарын талдау.

  Оқу жылы - 3
  Семестр - 1
  Несиелер - 5
  

• Музыкалық композиция және стильдік талдау

  Бұл пәннің мақсаты — студенттерге музыкалық шығармалардың құрылымын, стильдік ерекшеліктерін, композиторлардың қолданған әдістерін зерттеуді үйрету. Оқу барысында студенттер музыкалық шығармалардың жанрлары, форма мен құрылымы, гармония, полифония, оркестровка және басқа да маңызды техникалық элементтері туралы кең білім алады.

  Оқу жылы - 3
  Семестр - 2
  Несиелер - 5
  

• Мәдени-тынығу жұмысын ұйымдастыру, басқару және экономикасы

  Бұл пән мәдениет саласындағы менеджерлер мен мамандардың кәсіби дағдыларын дамытуға бағытталған. Студенттер мәдени іс-шараларды тиімді ұйымдастыру, оларды басқару және мәдени тынығу саласының экономикалық аспектілерін түсіну үшін қажетті білімдер мен құралдарды алады.

  Оқу жылы - 3
  Семестр - 2
  Несиелер - 5
  

• Көркем шығармашылық демалысын ұйымдастыру

  Кәсіби әрекет сипатына сәйкес білім алушы әртүрлі бағыттағы бос уақыт мекемелерінде мәдени-тынығу жұмыс әдістемесін қолдану аймағында теоретикалық білімін игереді. Мәдени-тынығу жұмыс теориясының жеке әдістемелік мәселелерін оқытады. Сонымен қатар, мәдени-тынығу әрекеттерінің мазмұны, мәні және заңдылығы туралы білімдері қалыптасады. Алған білімдерін тереңдеді, және кеңейтеді, білім алушыларға шығармашылық ойлауды қалыптастырады

  Оқу жылы - 3
  Семестр - 2
  Несиелер - 5
  

• Шоу-бағдарламаларды ұйымдастыру және қою

  Көрерменге арналған әртүрлі ойын-сауық, музыкалық, би, театрландырылған және телевизиялық форматтағы шоуларды жоспарлау, ұйымдастыру және сахнаға қоюдың теориясы мен практикасын үйрететін пән. Бұл пән болашақ мәдениет, өнер және анимация мамандарына сценарий жазудан бастап, дайын өнімді көрерменге ұсынуға дейінгі барлық шығармашылық және техникалық кезеңдерді меңгеруге мүмкіндік береді.

  Оқу жылы - 3
  Семестр - 2
  Несиелер - 5
  

• Бұқаралық мерекелер және қойылымдар режиссурасы

  Бұқаралық мерекелер және қойылымдар режиссурасы пәні арқылы білім алушылар режиссураның түрлерін, әдіс-тәсілдерін, принциптерін, бұқаралық мерекелер мен қойылымдардың мәнерлі құралдарын меңгереді. Сахналық- режиссерлік құжаттамаларды дайындаудың барлық түрлерін, әр түрлі деңгейдегі қойылымдар мен шығармашылық көрсетілімдерді ұйымдастыруға дағдыланады.

  Оқу жылы - 4
  Семестр - 1
  Несиелер - 5
  

• Мерекені өткізу технологиялары

  Мерекені өткізу технологиясы" – бұл мерекелік іс-шараларды (ұлттық, мемлекеттік, кәсіби, мәдени) ұйымдастырудың, дайындаудың және өткізудің теориялық негіздері мен практикалық тәсілдерін үйрететін пән. Бұл пән мәдениет, өнер және анимация саласында жұмыс істейтін мамандарға мерекені идеядан бастап, дайын бағдарлама ретінде жүзеге асыруға дейінгі барлық кезеңдерді меңгеруге мүмкіндік береді.

  Оқу жылы - 4
  Семестр - 1
  Несиелер - 5
  

• Өнер саласындағы менеджмент

  Мәдени-тынығу саласында менеджмент басқарушылық талдау дағдыларын игереді, мәдени сипаттағы жұмысты ұйымдастырады. Өнер саласындағы басқару ерекшеліктері мен негізгі түсініктерін анықтайды, басқару жүйесінің мазмұнын, ролі мен маңызын ашады, негізгі әдістерін практикада қолданады. Курс басқарудың теориялық негіздерін және мәдениет менеджменті жүйесінің жалпы принциптерін, сондай-ақ мәдени мекемелерде практикалық басқару дағдыларын оқытуға бағытталған

  Оқу жылы - 4
  Семестр - 1
  Несиелер - 5
  

• Актер шеберлігі

  Сахнада, кинода немесе басқа да орындаушылық өнер түрлерінде кейіпкердің бейнесін шынайы, әсерлі және көркем жеткізуге арналған шығармашылық қабілеттер мен техникаларды қалыптастыратын пән. Бұл пән актердің қиялын, эмоциясын, ойлау жүйесін, дене қимылын және сөйлеу техникасын дамытады, сондай-ақ көрерменмен эмоционалды байланыс орнатуды үйретеді.

  Оқу жылы - 4
  Семестр - 1
  Несиелер - 5
  

• Мәдени-демалыс бағдарламаларын көркемдік-музыкалық безендіру әдістері

  Курстың негізгі міндеттері білім алушылар қазіргі уақытта қалыптасқан көркемдік-музыкалық безендіру әдістерін меңгереді. Сонымен қатар мәдени-демалыс бағдарламалармен танысады. Көркемдік-музыкалық безендіру әдістерінің жіктелуін біліледі, Мәдени-демалыс бағдарламаларын көркемдік-музыкалық безендірудің кезеңдерін қарастырады

  Оқу жылы - 4
  Семестр - 1
  Несиелер - 5
  

• Бос уақыттағы тәрбие ісінің әдістемесі

  Бос уақыттағы тәрбие ісінің әдістемесінің мазмұны, формалары мен нақты жолдарын меңгереді, білім алушылардың тәрбие ісінің әдістемесі туралы теоретикалық танымы кеңейеді. Бос уақытты ұйымдастыру және жобалауды практикада іске асырады

  Оқу жылы - 4
  Семестр - 1
  Несиелер - 5
  

• Мәдени және демалыс бағдарламаларын цифрландыру

  Заманауи әзірленген арнайы музыкалық компьютерлік технологияларды игеру арқылы білім алушылардың кәсіби біліктілігі артады. Цифрлық бағдарламаларды меңгеріп, оларды қолдана біледі, сондай-ақ барлық мәдени және ойын-сауық нысандарына, түрлі музыкалық ұжымдық топтарға цифрлық әрлеу дағдыларын толық меңгереді

  Оқу жылы - 4
  Семестр - 2
  Несиелер - 5
  

• Мәдени-тынығу шараларын безендіру әдістемесі

  Мерекелік, мәдени және бұқаралық іс-шаралардың көркемдік безендірілуін жоспарлау, дайындау және жүзеге асыру жолдарын үйрететін пән. Бұл пән мәдениет және өнер саласында жұмыс істейтін мамандарға сахна, зал, алаң, көрме кеңістігін көркемдік тұрғыда ұйымдастырудың технологиясы мен шығармашылық әдістерін меңгертеді. Мәдени-тынығу шараларын эстетикалық және тақырыптық тұрғыдан безендіруді үйретеді. Көркемдік құралдарды тиімді пайдалану қабілетін қалыптастырады. Іс-шара атмосферасын көрерменге сезіндіру үшін дизайн және декорация әдістерін меңгертеді.

  Оқу жылы - 4
  Семестр - 2
  Несиелер - 5
  

Профессии

Оқыту нәтижелері

• Өнер тарихын, өнер стилін, кез-келген түрдегі көркем шығармаларды, өнердің қазіргі жағдайы мен даму перспективаларына негізделген және дәлелденген тәсілдерін талдауға және бағалауға қабілетті. Мәдениет және өнер мекемелерінде мәдени-бұқаралық іс-шараларды ұйымдастыра алады, жүйелі педагогикалық процесті жүзеге асыра алады, балалармен жұмыс жасауда коммуникативтік және креативті қасиеттерге, өнерге оң көзқарасқа ие.
• Мәдениет мекемелеріндегі үйірмелердің, әуесқой шығармашылық бірлестіктердің жұмысы, компьютермен жұмыс жасау дағдыларын (оның ішінде жаһандық компьютерлік желілерде) және техникалық құралдарды (жарық және Сахна жабдықтары) пайдалана отырып, байқаулар, конкурстар, фестивальдер, мәдени-ойын-сауық іс-шараларын өткізу үшін мәдени-демалыс бағдарламаларының сценарлық-драматургиялық негіздерін әзірлеуге қабілетті
• Мәдени-тынығу жұмысы ұйымдастырушысының кәсіби қызметі жайлы біледі, танымдық іс-шараларды ұйымдастырудың барлық түрлері мен мәдениет мекемелеріндегі, мектептердегі мәдени-бұқаралық, тәрбиешілік іс-шаралар туралы біледі, халықтың көркем-бұқаралық және көркем-шығармашылық бос уақытын өткізу әдістемесін меңгереді.
• Ұйымдастыру-кәсіпкерлік, шығармашылық-режиссерлік, қаржы-экономикалық, продюсерлік қызметке; мәдени-демалыс жұмыстары қызметінде менеджмент және маркетинг негіздерін қолдануға қабілетті.
• Ұжымдарда, студиялар мен үйірмелерде шығармашылық іс-шараларды жоспарлау және ұйымдастыру кезінде мәдени-демалыс жұмысының теориясы мен практикасы саласында алған білімдері мен құзыреттіліктерін қолдана біледі, және де шығармашылық қызметіне басшылық жасай біледі.
• Қоршаған ортаның экологиялық қауіпсіздігін және адам өмірінің қауіпсіздігін қамтамасыз ету жөніндегі міндеттерді шешеді, экономикалық білім негіздерін игеру арқылы қаржылық сауаттылықты, құқықтың негізгі ұғымдарын, тұжырымдамаларын, сондай-ақ өндірістік қызметтегі құқықтық доктриналар мен нормаларды, әлеуметтік бағыттағы пәндер бойынша терең білімді меңгереді.
• Актерлік және сөйлеу шеберлігінің құралдарын, соның ішінде сахналық сөйлеу техникасын, шешендік өнерді меңгеру, мәдени-бос уақыт іс-шараларын тиімді ұйымдастыру үшін шығармашылық және техникалық тәсілдерді меңгереді. Бос уақыт бағдарламаларын әзірлеуде пайдалануды, көрермен аудиториясын, мәдени контексті және қазіргі форматтарды ескере отырып, бос уақыт қызметінің мазмұндық, ұйымдастырушылық және техникалық сүйемелдеуін меңгереді. Шығармашылық ұжымда инклюзивті орта мен эмоционалды тұрақты атмосфера құра алады, қоғамның мәдениетін, эстетикасы мен рухани құндылықтарын тәрбиелеу мен дамытудағы бос уақыт индустриясының рөлін түсінеді..